Rúv: kærar þakkir

Samkvæmt venju voru Passíusálmur lesnir í RÚV á föstunni og fram í dymbilviku. Nýlunda var tekin upp, þeir lesnir af þekktum röddum er fluttu þá áður fyrr, fimm sálmar fyrir hvern. Flutningurinn var sérlega vel heppnaður, áhrifamikið að heyra kunnar raddir langt aftur  síðustu öld lesa; raddir er ég þekkti vel síðan í barnaæsku.

Kærar þakkir til RÚV fyrir frábæran flutning þessara frábæru listamanna er voru þjóðinni mjög kærir áður fyrr.

Kl. 13.00 á föstudaginn langa voru  Passíusálmar Hallgríms Péturssonar  fluttir af 25 flytjendum, verðlaunahöfum úr Stóru upplestrarkeppninni í 7. bekk í Reykjavík og nágrenni undanfarin ár. Heyrði upptöku frá lestrinum í RÚV. Sálmarnir voru lesnir af tilfinningu og listrænni tjáningu, frábær lestur hjá unga fólkinu.

Gaman væri að heyra passíusálmana næsta ár lesna í RÚV af röddum í nútímanum þar sem ungt fólk/unglingar væru virkir í flutningnum.