EES - samningi breytt í fríverlsunarsamning.

Athyglisverð grein eftir Hjörleif Guttormsson í Mbl. í dag bls. 35 þar sem hann fjallar um EES-samninginn og hann þurfi endurskoðunar við sem fyrst. Hann varaði  við á sínum tíma yfirtöku fjórfrelsi innan markaðar ESB ekki síst frjálsrar fjármagnshreyfingar. En eins og kunnugt er hefur færibandaafgreiðsla Alþingis á tilskipunum ESB lengi verið ljóður á störfum þingsins Með því væri fórnað þeim stjórntækjum í efnahagsstarfsemi er þjóðir hafa lengi stuðst við.

Ennfremur skrifar Hjörleifur: „ Eftir efnahagshrunið 2008 benti þáverandi forsætisráðherra, Geir H Haarde, ítrekað á að EES-samningurinn og þá sérstaklega tilskipun nr. 94/197EB hefði valdið því að ekki hefði verið unnt að  koma böndum á  útþenslu íslensku bankanna. Nefnd tilskipun um innstæðutryggingakerfi var innleidd hér þegar árið 1996 og reglur hennar teknar í lög nr. 98/1999 sem voru í gildi við fall bankanna í október 2008“.

 Enn er glímt við afleiðingarnar, þar á meðal  innstæður  erlendra  kröfuhafa hérlendis, snjóhengjan svonefnda. Vel má taka undir orð Hjörleifs þar sem hann segir að Evrópusinnar hafi alla tíð litið á EES- samningin sem vogarstöng til að koma Íslandi inn í ESB, orðrétt segir hann,“Þess í stað standi augljós rök til þess að hefja endurskoðun samningsins með það fyrir augum að styrkja fullveldi þjóðarinnar og treysta lýðréttindi alþýðu“

Það er mergurinn málsins umræddur samningu er brot á stjórnarskrá, heftir sjálfstæði okkar til að stjórna efnahagsmálum- og atvinnumálum. Hjörleifur hefur rétt fyrir sér að best færi á því að fá samningnum breytt í gagnkvæman fríverslunarsamning Íslands og Evrópusambandsins.  

Góð lausn/undirbúningur þegar og ef Bandaríkin og ESB gera viðskiptasamning sín í milli.