Skoðun með sanngirni og rökum.

Gefur auga leið að ráðning útvarpsstjóra hefur verið erfið en óhætt að slá föstu að kona yrði  það að vera,því karl hafi skipað stöðuna frá upphafi. Niðurstaðan er samkomulag varð um, er Stefán Eiríksson og virðast flestir ánægðir með hann sem útvarpsstjóra.

Jafnréttislög geta ekki ákveðið fyrirfram að kona eigi rétt á stöðu vegna eigin kynferðis heldur verður sá einstaklingur skipaður er valnefndin velur að lokum.

Með allri virðingu fyrir áðurnefndum lögum er umræðan um jafnrétti orðin þreytandi fyrir löngu 

Vonandi verður ekki farið að greiða vonsviknum  umsækjendum stórfé fyrir umsóknina um útvarpsstjórann.

	Óska eftir rökstuðningi frá stjórn RÚV
Ábyrgðarmaður færslu Tilkynna um óviðeigandi tengingu við frétt

Nú virðast forsetaefni Demókrata líta dagsins ljós og er Pete Buttigieg efstur í ringulreiðinni sem enn er þó ekki lokið. Ekki sigurstranglegur gegn Donald Trump, forseta.

 Fróðlegt verður að fylgjast með vandræðum Demókrata með forsetaefnið gegn Donald Trump, 

	Buttigieg með flest atkvæði
Ábyrgðarmaður færslu Tilkynna um óviðeigandi tengingu við frétt

Er óskhyggja Eiríks Bergmanns frambærileg rök fyrir að Bretland gangi aftur í ESB? Aðalorsökin að vestrænir stjórnmálaleiðtogar standi stutt við stjórnvölinn nema í Þýskalandi; liggur í orðunum að Boris Johnson muni ekki sitja lengi í forystu í Bretlandi.

Merkel mun að öllum líkindum hætta innan tíðar og geta innflytjendamálin valdið óstöðugleika í stjórnmalum Þýskalands.

Upphaf ESB var stál–og kolaframleiðslu milli Frakklands og Þýskalands og voru sameiginlegir hagsmunir þessara tveggja þjóða. Stríðshrjáð Evrópa kallaði á samstarf þjóða um viðvarandi frið; ESB þróaðist síðan meðal  aðildarríkja Evrópu um viðvarandi frið.

Efnahagshrunið 2008 hafði mikil áhrif þar sem minni ríki urðu illa úti og stóðu uppi með skuldaklafann handa almenningi til greiðslu.ESB mun tæplega þróast áfram eingöngu á friðarsamkomulagi; efnahagsmálin munu vega þungt;einnig eru miklir hagsmunir í gasframleiðslu frá Rússum.

Ekki er útilokað að fleiri ríki fari að dæmi Breta;en tíminn mun leiða það í ljós fyrr en seinna?

Hvernig eða hvenær milliríkja-samningar Breta  við Bandaríkin munu  takast vegur þungt en ástæða er til bjartsýni hjá þessum gömlu vinaþjóðum.

	Barátta fyrir inngöngu í ESB mun hefjast
Ábyrgðarmaður færslu Tilkynna um óviðeigandi tengingu við frétt

Náttúruöflin hafa minnt á sig með illviðri,snjóflóðum og ógnum ámeð eldi og brennisteini. Okkur er kippt inn í kaldan veruleikann;stöndum höggdofa og hjálparlaus gegn ógnarvaldi höfuðskepnanna.

Gular viðvaranir,allt kerfið í viðbragðsstöðu.

Minnistæð  er konan á Flateyri er ekki sætti sig við tillögur um  snjóflóðavarnir er sérfræðingar lögðu fram  fyrir bæjarbúa. Taldi hún þær myndu ekki ekki verja höfnina. Orð konunnar voru slegin snarlega af borðinu; allt væri undir kontroll.Annað kom í ljós snjóflóð svipti burtu höfn og bátum í einu vettvangi.

Þrátt fyrir alla heimsins tæknilegu aðgerðir ættu sérfræðingar og tæknifræðingar að hlusta á mannlegt innsæi í tengslum við heimabyggð.

Umrædd tillaga gerði heimamenn örugga og uggðu þeir  ekki að sér þrátt fyrir viðvaranir og hættu á snjóflóðum.

Minnisstætt er það sem Hjálmar maðurinn minn á Bakkafirð sagði,  þegar óveður var í aðsigi og þeir komu af sjónum; þá drógu þeir bátana samtaka upp í fjöru þá var engin bryggja. 

Seinna kom bryggja og krani og allt varð auðveldara.En þá voru engar gular viðvaranir eða sérstakar veðurspár.

Í þá daga litu sjómenn  til lofts á skýjafar- og á loftvog.Þrátt fyrir framfarir í veðurspám, snjóflóðum og tækni má fólk aldrei hætta að trúa á eigin innsæi og reynslu er eingöngu fæst í samskiptum við náttúruöflin. 

Ef sjómenn á Flateyri hefðu haft nokkurn grun um að höfnin færi ef kæmi snjóflóð; hefðu þeir ef til vill fært bátana til Ísafjarðar.

Margar ríkisstofnanir hafa myndir af öllum forsetum er hafa  verið kjörnir hér á landi og er það í virðingaskyni.Undarlegt að lífsförunautar/makar forsetanna eru ekki með. Þó makarnir séu ekki kosnir væri það viðeigandi að þeir væru hafðir upp á vegg líka.

Gera má ráð fyrir að makar forsetanna hafi samþykkt framboð þeirra. Um leið og forsetinn hefur verið kjörinn verður hann opinber persóna og fjölskylda hans verður það beint/óbeint.

Makinn fer með forsetanum í opinberar  heimsóknir og móttökur hér heima.Fjölakylda forsetans er því opinber og einkalífið ekki með sama hætti meðan forsetinn situr við völd.

Vel væri við hæfi að forsetahjónin væru bæði í mynd upp á vegg hjá õllum ríkisstofnunum í virðingarskyni við forsetaembættið og forsetahjónin.

Magnús Óskarsson var jarðsettur frá Kópavogskirkju í dag hafði ekki tök á að vera viðstödd en hugur minn dvalið í minningunni um áratuga kynni á Hvanneyri.

Kynnin hófust er við hjón  leigðum saman íbúð með Magnúsi 1962, þá var hann kennari en maðurinn minn við nám í Framhaldsdeild fyrir búfræðikandídata.

Síðan tók við margra ára samstarf við Magnús,Jón sá um efnarannsóknarstöðina en ég fékk vinnu á sumrin við jarðræktarrannsóknir er Magnús sá um. Það voru svokallaðar Dreifðar tilraunir þar sem farið var víða um Mýra–og Borgarfjarðarsýslu og tekin hey-og jarðvegssýni af túnum hjá bændum, síðan þurrkaðar og  rannsakaðar á rannsóknarstofunni á Hvanneyri.

Nokkur sumur vann ég við að þurrka heysýnin undir leiðsögn Magnúsar. Hann var frábær húsbóndi og nákvæmar í leiðsögn.Öll blöðin um heysýnin voru síðan flokkuð og gengið skipulega frá þeim.

Eitt haustið kom Magnús að máli við mig,

sagði að vantaði í pappírana. Við fórum nákvæmlega yfir allt vinnuferlið en fundum ekkert óeðlilegt í framkvæmdinni.Svo leið veturinn og um vorið hringir Magnús í mig og biður mig að finna sig. Erindið var að segja mér að skjölin væru fundin og  ekki mín sök hvarf þeirra og bað hann mig innilega afsökunar en nemandi hafði þá tekið þau án vitundar Magnúsar."Þú starfar svo með okkur í sumar eins og verið hefur". Svona var Magnús gerður; mátti ekki vamm sitt vita í smáu sem stóru.

Oft fengum við hjónin að njóta góðrar tónlistar en hann átti mjög góð hljómflutningstæki er ekki var algengt í þá daga Þá var hann víðförull og sagði oft frá ferðum sínum;minnisstæð  er mér frásögn Magnúsar frá ferð til Ísrael þar sem hann kynnti sér samyrkjubú.

Magnús var mjög góður við Laufeyju dóttur okkar frá því hún var á öðru ári og vináttu þeirra hélst alla tíð og hittust þau eftir að Magnús flutti í Kópavog sem eldri borgari.

Við Magnús hittumst síðan vikulega hjá eldri borgara félaginu í Kópavogi og hlustuðum á upplestur Íslendingasagna.

Margs var að minnast frá Hvanneyri og rifjuðum við upp samveruna bæði í starfi og spaugileg atvik, Oft hló  Magnús sínum smitandi hlátri yfir skemmtilegum atvikum.

Magnús kom í Hvanneyri þegar miklar framfarir hófust í rannsóknum fyrir landbúnað, kennslu í bændaskólanum og framhaldsnám þar. Skipulagði hann starfið ásamt Guðmundi Jónssyni,kennurum og starfsmönnum; Magnús var lífið og sálin í öllum framförum Bændaskólans, helgaði vísindum og kennslu alla sína krafta og sá skólann komast á háskólastig.

Magnús sat um árabil í hreppsnefnd sveitarinnar; var ráðgefandi í málum samfélagsins.

Magnús var afar hógvær og lítillátur og hirti ekki um vegtyllur í starfi.

Vel færi á að einhver stofnun í Háskólanum á Hvanneyri bæri nafn hans; fyrr en síðar.

Blessuð sé minning Magnúsar Óskarsson.

Vegna greinar Viðars Guðjohnsen í Mbl 18.jan. s.l. er rétt að taka fram eftirfarandi:

Stjórnkerfi ríkis og kirkju var lengi vel eitt stjórnkerfi þar sem páfinn/biskupar höfðu völdin. Veraldlega kerfið tók yfir hægt og bítandi og urðu hörð átök eins og kirkjusagan greinir frá.

Hefur sú þróun verið nefnd "sekularisering" og loks varð  hið veraldlega ráðandi afl; kirkjan missti veraldlegu völdin.

"Mitt ríki er ekki af þessum heimi",sagði Jesús Kristur.Hans boðskapur var óháður veraldlegu valdi þar var hið trúarlegra samband Guðs og manns hið eiginlega vald.

Tengslin við Guð voru á engan hátt rofin heldur urðu hin  trúarlegum tengsl Guðs og manns skilgreind frá stjórnkerfinu.

En er deilt um hvort tengsl ríkis og kirkju skulu endanlega rofin en hér á landi  er þjóðkirkja,hvort kirkjan verði svo áfram verður tíminn að leiða í ljós;ef til vill er það framtíðin að svo verði?

Kirkjan í Frakklandi er óháð ríkisvaldi/stjórnkerfi og reynst farsælt.

Tengsl Guðs og manns eru alls ekki rofin heldur voru þau aðgreind frá veraldlegu valdi.

Aftur fara Vestfirðingar illa úti náttúruhamförum en sem betur fer varð ekki manntjón.Flateyringar misstu lífæð sína,höfn og báta. Engin orð fá lýst svo alvarlegu tjóni.

Hamfaraveðrið 1995 er öllum minnistætt,þá misstu Vestfirðingar ástvini sína auk eignatjóns.

Minnisstætt er hamfaraveðrið 1995 í Bakkafirði ekki mannstætt veður og úrhellisrigning.Nýkomin var flotbryggja,í mikilli hættu og höfnin full af bátum.

Allir sem vettlingi gátu valdið  voru kallaðir út að  bjarga því sem bjargað varð.Bakkfirðingum tókst með samstilltu átaki að bjarga bryggju og bátum og unnu þar mikið afreksverk; er enginn heimamaður er þá var gleymir.

Enginn mannlegur máttur gat bjargað bryggju og bátum á Flateyri; vonandi berst þeim hjálp fljótt og vel svo lífið geti haldið áfram.

Komið hefur í ljós samkvæmt fréttum að framkvæmdir vegna snjóflóðavarna hefur ekki verið sinnt sem skyldi þó fjármagn hafi verið handbært.

Hafa landyggðaþingmenn sofið á verðinum að fylgja eftir lífshahagsmunum landsbyggðarinnar?

	Hefðu þurft að fara á fiskiskipum í brjáluðu veðri
Ábyrgðarmaður færslu Tilkynna um óviðeigandi tengingu við frétt

þessar pólitísku keilur Helgu Völu Helgadóttur eru vindhögg. Líklega er hún að hugsa um fylgi Samfylkingar sem er mikið meðal sumra heilbrigðisstétta.

Tvö mikilvæg þjóðmál eru oftar en ekki töluðu niður til að vekja athygli almennings. Heilbrigðiskerfið fyrir okkur almúganum, eftir starfsmönnum þess er "sökkvandi skipsflak"þar sem allt er á hverfandi hveli, sjúklingar í lífshættu; ekkert er hægt að gera vel.

Hitt mikilvæga málið sem talað niður er sjávarútvegurinn;  fjöregg þjóðarinnar — og einnig uppistaða  fjármagns til heilbrigðiskerfisins,umræða um það síðar....

	Segir Svandísi hóta starfsfólki Landspítalans
Ábyrgðarmaður færslu Tilkynna um óviðeigandi tengingu við frétt

Athyglisvert að lesa staksteina Mbl. í dag þar hafa tveir útvarpsmenn misnotað hlutleysi RUV á vítaverðan hátt.

Fréttamennirnir eru: Helgi Seljan og Eiríkur Guðmundsson.

Verð að greina frá draum er mig dreymdi fyrir nokkrum dögum::

Mér fannst heyrast hróp langt í burtu og gekk á hljóðið það var hrópað:

"Illhugi Gunnarsson fyrrv.menntamálaráðherra verður útvarpsstjóri!"

Hann var einu sinni  Allaballi síðan Sjálfstæðismaður góð blanda.😃