Skógrækt/landvernd - "hernaður gegn landinu".

Fréttablaðið birtir lítt áberandi frétt s.l. laugardag (6.o7, bls. 2)  þar sem greint er frá óverjandi ræktunaraðferðum  Skógræktar ríkisins til ræktunar skógi á Suðurlandi. Gróður   mýrlendis hafði verið eitraður til ræktunar skógs eftir þeirra smekk. Náttúrfræðistofnunin kallar þessa  ósvinnu, " hernað gegn landinu", sannarlega réttnefni.

Undirrituð man eftir í sinni heimabyggð austur á Héraði fyrir u.þ.b. 15 árum eða meira ,að Skógrækt ríkisins hóf plægingu með vinnuvél  vestan í  hinum og þessum holtum- mann sérstaklega eftir holti þar sem undirrituð þekkir vel til, vel gróin staður alls enginn uppblástur - næstu ár  eftir virtist það gróa upp -aðgerðin var víða framkvæmd án þess nokkur opinber skýring fengist- vægast sagt var aðgerðin níðingsháttur á landinu.

Að skógur hér á landi hafi verið vaxinn milli fjalls og fjöru er tæplega rétt. Hús voru alfarið byggð úr torfi og grjóti - timbur flutt inn í kirkjur fyrr á öldum. Kjarr hefur verið talsvert víða - var notað í kol til  smíða á  áhöldum/vopnum og eldivið - enda hefðum við ekki lifað af sem þjóð án kjarrsins - og sauðkindarinnar.

Gróður hér á landi er vex   frá upphafi landnáms á fullan rétt á sér ekki síst mýrargróðurinn í áðurnefndri frétt. Gróðurin landsins  vex og dafnar þrátt fyrir  óblítt veðurfar. -

Skógartegundir  vaxa í beltum eftir því  hvar þeir eru staðsettur á hnettinum það veit hvert skólabarn -þess vegna verður skógræktin háð takmörkunum - þótt undanfarið hlýindaskeið geti gefið einhvern innfluttan skóg.

Engan vegin réttlætanlegt að eyða okkar "heimskautagróðri"i fyrir annan gróður - þörf er á frekari aðgerðum/ eftirlits með stefnu í skógræktarmálum/-og landgræðslu  hér á landi - ekki hægt að Skógrækt ríkisins vaði um -  geri hvað sem er við viðkvæman gróður er vex hér á landi.

Besta landverndin er að beita landið hóflega - þá vex og dafnar gróðurinn- sem fyrir er í landinu.

Hlutdrægt ríkisútvarp - hlutdrægur prófessor?

RÚV, hádegisfrétt dagsins : „Álitsgjafi/talsmaður“ fyrrv . „velferðarstjórnarinnar sálugu“, Gunnar Helgi Kristinson lýsti yfir „fræðilegri“ skoðun um hvort forsetinn skrifaði undir veiðigjaldalöginn eður ei – taldi hann meiri líkur á samþykki  hans – vegna þess að Sjálfstæðis- og framsóknarfólk hefði kosið hann til endurkjörs- forsetinn væri auk þess   í klemmu vegna  fyrri yfirlýsinga um beint lýðræði – en er það þá ekki rökrétt framhald að undirskriftir til forsetans gegn nefndum lögum  eru Samfylking, Vinstri grænir , Píratar og Björt framtíð?

Fjölmiðlaflóran hefur verið samtaka um að níða niður ísl. sjávarútveg, markvisst – skynsamlegar umræður með upplýsingum hafa  ekki farið fram.

 Að framansögðu er ekki nokkur von til þess að almenningur hafa nægilegar upplýsingar um málið – aðeins illskeyttan áróður-. Gunnar Helgi hélt því fram að 70% þjóðarinnar væri á móti frumvarpinu – er það fræðileg niðurstaða ekki hefur farið fram upplýsandi umræða  málið?

Íslenskur sjávarútvegur er  enn fjöregg þjóðarinnar – RÚV ætti að hafa  forystu um að upplýsa almenning um atvinnuveginn – enn ekki leiða fram hlutdræga prófessora með órökstuddar yfirlýsingar – til skammar bæði fyrir Háskóla Íslands og ríkisfjölmiðilinn.

Að framansögðu telur undirrituð að forsetinn skrifi undir lögin –  sé sjálfum sér samkvæmur.

Siðlaus þingmaður!?

Hælbítar í minni sveit þóttu mikil óeign,  gátu rifið skepnur   illilega á hol en alltaf voru til menn sem þóttust þurfa slíka hunda;  kemur Björn Valur í hug sem „varðhundur“  Vinstri grænna?  Langt undir pólitískum siðferðilegum mörkum að ákæra Geir H. Haarde einan en sleppa öðrum ráðherrum.

 Núverandi  forsætisráð herra, Jóhanna Sigurðardóttir hækkaði lánahlutfall íbúðarlánasjóðs á  versta tíma í fyrri ríkisstjórn; tók forystu í  óhóflegum útlánum til almennings þvert ofan beiðni norræna  fjárfestingarbankans; einkabankarnir komu í kjölfarið og hækkuð lánahlutfall í 100%.

Jóhanna tók fullan þátt í „siðspillingarbraskinu“ en þarf ekki að svara til saka, hvers vegna?

Geir H. Haarde átti að taka alla sökina; ráðherrar Samfylkingarinnar þurfa ekki að svara til saka vegna pólitískrar afstöðu meirihluta Alþingis; einn þeirra er núverandi forsætisráðherra eins og allir vita.  

 

 

„Ósmekklegasta ræðan á Alþingi“

Pólitískt hatur á Davíð Oddssyni - RÚV kóaði með?

Ekki boðlegt af Ingibjörgu Sólrúnu  Gísladóttur, fyrrverandi  utanríkisráðherra að bera á borð fyrir þjóðina, að Davíð Oddson fyrrverandi seðlabankastjóra hafi ekki verið marktækur í umsögn sinni  um óviðunandi stöðu bankanna þegar hann kom frá Englandi; auk þess  hafi hann verið einn til frásagnar.

Lágkúrulegur framburður  Ingibjargar Sólrúnar til bjargar eigin  pólitíska   skinni.

Kastljós RÚV í gær tók  undir umrætt hatur Ingibjargar Sólrúnar;  Sigmar lét út úr sér að ekki ætti að ráða „umdeilda pólitíkusa sem seðlabankastjóra“, veit Sigmar ekki að seðlabankastjóri er alltaf umdeildur; hver sem hann er?

Óviðunandi „pólitísk“ afstaða í Kastljósi RÚV með Samfylkingunni  er Sigmar mætti skammast sín fyrir?

Jóhanna og Össur fyrir Landsdóm?

Forsætisráðherra er stórtæk í orðum  og stefnu  yfir helgina, ESB-innganga er fyrst og síðast mál málanna, „Hið nýja Ísland fær einfaldlega nýjan stjórnskipulegan grunn mótaðan af þjóðinni fyrir þjóðina,“ ; bæta lífskilyrði unga fólksins; síðast en ekki síst að koma núverandi forseta frá völdum og koma pólitískri ábyrgð á Geir H. Haarde, fyrrverandi forsætisráðherra fyrir Landsdómi?

Tæplega nokkrum þjóðarleiðtoga dytti til hugar að henda þjóð sinni fyrir björg í upplausn og bankabraski í löndum ESB. Hvernig ætlar forsætisráðherra að bæta kjör unga fólksins með atvinnustefnu sem engu skilar; stendur í illdeilum við mikilvægustu atvinnugrein þjóðarinnar, sjávarútveginn; - stendur í vegi fyrir virkjunum sem er undirstaða framþróunar í atvinnusköpum í nánustu framtíð?

Forsætisráðherra ætti fremur að vera þakklát forsetanum fyrir að framkvæma sem henni  bar að framkvæma sem þjóðarleiðtoga. Ólafur Ragnar gekk fram fyrir skjöldu í Icesaveskuldinn  sem þjóðin átti að greiða, skuldir einkabanka og óreiðumanna; forsetinn gerði gott betur, varði þjóð sína á erlendum vettvangi með glæsibrag svo eftir var tekið í alþjóðasamfélaginu.

 Hvar voru forsætisráðherra og utanríkisráðherra þá?

Forsendur fyrir nýjum landsdómi kunna að vera til staðar; Jóhanna, forsætisráðherra og Össur, utanríkisráðherra brugðust þjóðinni á úrslitastundu í framtíð þjóðarinnar í umræddum málum; ættu að svara til saka  -ekki síður en Geir H. Haarde, fyrrverandi forsætisráðherra?

 

Góða helgi.

Samfylkingin ein með skýra ESB-stefnu

Forsætisráðherra axlar ekki ábyrgð?

Þvílíkur útúrsnúningur af forsætisráðherra axlar enga ábyrgð og skellir skuldinni á Davíð Oddson, er varaði margoft við,  hefur komið fram. Hvernig var með íbúðarlánasjóð; Jóhanna sem félagsmálaráðherra lánaði hún ekki  út úr sjóðnum upp í a.m.k 100%? Undirrituð  trúir frekar framburði Davíðs erfitt að hafa traust á núverandi forsæisráðherra.

Davíð átti að vara okkur við

Vinstri "velferðarstjórnin" skaut sig í fótinn.

Jóhanna, forsætisráðherra og Steingrímur, „ráðherra margra ráðuneyta“  skutu sig í fæturna, pólitíska plottið mun ekki ganga upp. Geir H. Haarde, fyrrv. forsætisráðherra átti að taka alla sökina og Sjálfstæðisflokkurinn jafnframt að missa fylgi.  Fólkið í landinu býr yfir  ríkri  réttlætiskennd, sér í gegnum moldviðrið; eftir sitja Samfylkingin  og   Vinstri grænir með skömmina.

„Í upphafi skyldi endirinn skoða“  er gott og gilt spakmæli; sem Jóhanna og Steingrímur mundu ekki eftir.  

 

 

Hefði átt að sýna réttarhöldin

Orkuveita Reykjavíkur skautar framhjá lögum og reglum?

Fréttin frá  stjórnsýslu Orkuveitunnar  er dæmi um skort á virðingu fyrir lögum og reglum ,  á sér rætur  mörg ár aftur í tímann og hefur átt  stóran þátt í efnahagshruninu; farið á svig við lög og  jafnvel brotin.  Umrætt virðingarleysi náði hæstu hæðum í tíð núverandi ríkisstjórnar þegar Hæstiréttur dæmdi kosningar til stjórnlagaþings ólöglegar; skautað framhjá dómnum og böðlast áfram með málið. Hvernig getur orðið til stjórnarskrá  er á að   verða marktæk;  grunnlög fyrir stjórnvöld og almenna borgara með umræddum vinnubrögðum?

Vonandi tekst Hönnu Birnu Kristjánsdóttur að ná fram löglegum vinnubrögðum í stjórnsýslu Orkuveitunnar. 

„Einfaldlega vond afsökun“

Áfram Ísland -til Brussel!?

Nú hljóp á snærið hjá Jóhönnu Sigurðardóttur, forsætisráðherra (hrunráðherra), að styrkja stöðu  Samfylkingarinnar, öllu skal fórnað að komast í ESB;  þjóðin er aukaatriði? Skuldastaða Evruríkjanna  einnig aukaatriði, um að gera að koma Íslandi í fallandi fjármálabrask er enginn veit hvar endar?

Allt gert til að deila og drottna með sjálfstæði þjóðarinnar, lýðræðinu hent fyrir róðra, þá verða allir vegir færir fyrir Samfylkinguna, fyrir hennar  menn við ímyndaða kjötkatla í Brussel? 

 

Jóhanna hitti Evrópumálaráðherrann

Siðlaus/skammarleg - pólitísk árás á Geir H. Haarde

Engin orð frá lýst pólitísku siðleysi  Samfylkingar og Vinstri grænna að ákæra Geir H. Haarde einan til Landsdóms; skömm þeirra verður viðvarnandi meðan íslenskt mál er skrifað og talað. Var árásin á Geir H. Haarde örvæntingarfull tilraun til að halda fylgi og völdum? Ef svo er mun vopnið snúast í höndum þeirra; fylgi þeirra meðal þjóðarinnar mun nánast þurrkast út.  

Aldrei hefur setið hér á landi við völd  lágkúrulegri ríkisstjórn, aldrei hefur stjórnmálaforingi  lagst lægra en Steingrímur J.  Sigfússon  en að svíkja  stefnu eigin flokks sér til framdráttar; tæplega nokkur önnur leið til baka hann  mun hanga í pilsum Samfylkingarinnar  það sem eftir er að stjórnmálaferlinum.

Geir gefur skýrslu

"Hápólitískt ríkissjónvarp!?

Kastljós fylgdi framboði forsetans eftir tæplega með hlutlausum  hætti; fékk „hápólitískan háskólaprófessor“, stuðningsmann núverandi ríkisstjórnar til að segja álit sitt á forsetaframboði ‚ Ólafs Ragnars Grímssonar; taldi hann framboðið „hápólitískt“ gegn ESB og Stjórnlagaþingi, ætti  engan sinn líka í forsetakjöri.(Fréttir RÚV í kvöld)

 Varla boðlegt að ríkissjónvarpið skyldi  fram gegn sitjandi forseta með umræddum hætti; ekkert annað sjónarmið kom fram til mótvægis við „hápólitíska háskólaprófessorinn“ með „hápólitískar“  skoðanir.

Hvar eru mörk hlutleysis RÚV, að ekki megi hafa gagnstæðar skoðanir við núverandi ríkisstjórn og ráðaleysi  hennar?

 

Millileikur á óvissutímum

Fosetinn: - engu að tapa -mikið að vinna fyrir þjóðina

Enginn betri kostur í stöðunni en ef forsetinn situr áfram á Bessastöðum; virðist vera eini einstaklingurinn er nýtur verulegs trausts meðal þjóðarinnar. Þrátt fyrir allan dansinn í kringum útrásarvíkingana svokölluðu tók hann vinkilbeygju og stóð með þjóðinni er  verst gegndi; þegar helstu  foringjar  stjórnmálanna  brugðust ,  ætluð að láta þjóðina greiða skuldir braskara og óreiðumanna.

 Þá hefur hann verið ötull talsmaður þjóðarinnar  á erlendri grundu, skapað virðingu og traust  þjóðinni til vegsemdar;  en einnig á þeim vettvangi brugðust stjórnvöld og stjórnmálaflokkar siðferðilegum skyldum sínum við þjóðina.

Þótt  Ólafur Ragnar Grímsson sé umdeildur vegna umræddra afskipta var hann einungis að gegna skyldum sínum sem forseti á mjög svo erfiðum tíma þar sem stjórnvöld og stjórnmálamenn voru rúin öllu  trausti  meðal þjóðarinnar.

Undirrituð hefur alltaf verið svarinn andstæðingur Ólafs Ragnars Grímssonar sem pólitíkusar  og kaus hann ekki sem forseta í upphafi en skrifaði samt undir áskorun um að hann byði sig fram aftur og mun að sjálfsögðu kjósa hann til forseta.

Forsetinn á þakkir og heiður skilið fyrir ákvörðun sína sem verður þyrnum stráð leið; allt verður reynt til að hefta kosningu hans.

En hann hefur engu að tapa en mikið að vinna fyrir þjóð sína næstu tvö árin.   

Ólafur Ragnar gefur kost á sér

"ESB - óskalandið hvenær kemur þú"?

Íslandi verður allt að óhamingju fyrst efnahagsaghrunið síðan kemur ríkisstjórn  með höfuðmarkmiðið að þjóðin gangi í ESB. Vinstri grænir sitja öruggir undir pilsfaldi Jóhönnu Sigurðardóttur, forsæisráðherra;  þá geta þeir verið  í valdastólunum.

Hver hefði trúað því um Vinstri  græna að standa ekki vörð um sjálfstæði  þjóðarinnar eða hefur það  alltaf verið lýðskrum;  ennþá  sami gamli skriðdýrshátturinn síðan á dögum Rússadekursins, „Sovét Ísland óskalandið hvenær kemur þú“?

  Vinstri grænir samir við sig  ESB er óskaland þeirra; stefnan  óbreytt  undirlægjuháttur við erlent vald.

 

Sakar sendiherra ESB um áróður

Stjórn fjármálaeftirlitsins fari frá - vinnubrögð ekki boðleg!?

Hvernig er hægt að  senda slíka frétt út til alþjóðar? Fyrst koma tilmæli til Gunnars Andersen, forstjóra FME um að hætta störfum  með dylgjum og jafnvel sögusögnum um hæfni hans; síðan kemur ákæra seint og um síðir á hendur Gunnari til lögreglu?

 Er leikflétta og bolabrögð að verki innan Landsbankans og Fjármálaeftirlitsins; vonandi kemur hið sanna í ljós fyrr en síðar?

Hvort sem  Gunnar er sýkn eða sekur eða tekst að sakfella hann; þá hlýtur stjórn FME að segja af sér fyrr eða síðar; vinnubrögð hennar er ekki boðleg í æðstu stofnun fjármálaeftirlits á fjármálum þjóðarinnar.

 

Hættur að verja Gunnar

Forsætisráðherrann "kviknakinn"!

Jóhanna Sigurðardóttir, forætisráðherra sá sé leik á borði, greiddi atkvæði með frávísunartillögu Alþingis um að Geir H. Haarde skyldi fyrir Landsdóm. Heldur að hún og Samfylkingin yrðu þar með hvítþvegin af allri pólitískri spillingu. Fáheyrð afstaða; hún sat í hrunstjórninni og ber ábyrgð sem slík á efnahagshruninu.

Sjálfsblekking rétt eins og keisarinn forðum er gekk  um nakinn, taldi öllum trú um að hann klæddist dýrindis silkifötum. Þangað til lítið barn kvað upp úr og sagði;, „hann er ekki í neinum fötum“.

Hvert barn sér blekkingu Jóhönnu Sigurðardóttur, forsætisráðherra, hún gengur um kviknakinn; er hægt að bjóða þjóðinni meiri niðurlægingu? 

 

Tillögu Bjarna vísað frá

Fjandsamleg ríkisstjórn/stjórnvöld

Undirrituð hefur fengið á tilfinninguna að núverandi ríkisstjórn sé andfélagsleg/ fjandsamleg gegn atvinnurekstri - og almenningi. Þó ekki sé nefnt nema kolefnisgjaldið á bensín er mætti leggja niður með einu pennastriki. Til hvers er umrætt gjald, er það fyrir "umhverfisiðnaðinn" handa Svandísi til að koma að pólitískum gæðingum sínum?

Skaðar hins vegar ferðaþjónustuna og samfélagið í heild - "er það umhverfisvæn stefna"?

Bensín er hægt að lækka verulega a.m.k. niður í kr 200 pr.l.

 

 

Liggja á bæn um lækkun

Mugison - "Hinn hreini tónn"

Mugison er vel að tónlistarverðlaununum kominn virðist hafa höndlað "hinn eina sanna hreina tón"er Nóbelsskáldið sendi Garðar Hólm út í heim að finna, slíkar eru vinsældir hans. Söngur hans kemur frá  kemur frá hjartanu, ósjálfrátt leggur áheyrandinn við hlustir og hrífst með list hans. Með allri virðingu fyrir íslenskum tónlistarmönnum er hann stjarnan með "hinn hreina tón" er Garðari Hólm söguhetju Halldórs Kiljan tókst ekki að höndla.

Til hamingju Mugison.

 

Mugison ótvíræður sigurvegari

Orðspori fjájármálaeftirlitsins bjargað?

Ekki annað séð í stöðunni en stjórn FME hljóti að taka pokann sinn;ákvörðun ráðherrans rétti við orðspor fjármálaeftiritsin  með ákvörðun sinni. Erfitt að spá í næstu skref í málinu en ný stjórn þarf að verða skipuð eins ópólitískt  og kostur er.

Líklega hefur fjármálaráðherrann einnig losað ríkisstjórnina úr snörunni svo hún geti enn um sinn  hangið áfram við völd.

Tjáir sig ekki um ráðherraúrskurð

Vinstri grænir svíkja stefnu sín - og þjóðina?

Undarleg "leiksviðsmynd", Ögmundur vil láta kjósa um ESB-aðild innan árs, Árni Þór Vinstri grænum geltir með Samfylkingunni og  Össuri er  kennir Vinstri grænum um hvað illa gangi að semja við ESB; enda Jón Bjarnason látinn hætta sem landbúnaðar- og sjávarútvegútvegsráðherra.

Hverju á að trúa, hverju á að treysta, hver er að svíkja hverja?

Ögmundur situr í ríkisstjórn sem ætlar að semja við ESB hvað sem það kostar; Össur og Jóhanna „svokallaður forsætisráðherra“ vill meiri tíma til að geta keypt  fylgi með "svokölluðum styrkjum"; en mætti kalla mútur. 

Vinstri grænir þar með talinn Ögmundur hafa svikið eigin stefnu til að sitja í ríkisstjórn; svívirðileg afstaða er mun vonandi svipta þá fylgi og öllu trausti; eftir situr grasrótin með sárt ennið.

Hvers vegna ganga stjórnaliðar Vinstri grænna ekki í Samfylkinguna ásamt  Ögmundi og Steingrími?

 

Ögmundur skorar á Össur

Burt með núverandi ríkisstjórn í stefnu sjávarútvegs!

Fálmkennd og hlægileg sjáverútvegsstefna, boðskapurinn er að úthluta byggðakvóta á pólitískum forsendum fyrir Vinstri Græna og Samfylkinguna,að kaupa sér fylgi vítt og beitt um landið. Þegar kvótinn var settur á með lögum var gengið of bratt á smábátaútgerðir víðsvegar um landið m.a. með samþykki Vinstri grænna. Hvaða afleiðingar hafði það fyrir smærri hafnlitlar byggðir?

Atvinnustarfsemi og fiskveiðar drógust saman, minni smábátar lögðu upp laupana, veiðiheimildin var of lítil til að útgerð bæri sig. Þeir sterkustu og hagsýnustu lifðu af árásina, gátu keypt sér veiðiheimildir. Gott dæmi um umrætt gerræði þings og löggjafar er Bakkafjörður. Þar var blómleg útgerð er nærri þurrkaðist út. Útgerðir í samstarfi við sveitastjórnir og bæjarfélög hafa aldrei gengið sökum spillingar er kallast á máli Vinstri grænna að jafna aðstöðu landsbyggðar í fiskveiðum, hlægilegt eiginhagsmunapot ríkisstjórnarinnar; er aldrei mun skila smábátútgerð nokkrum hagnaði hvorki fyrir smærri byggðarlög né þjóðina.

Sama "rússneska rúlletan" hefur nú tekið við í stefnu núverandi ríkisstjórnar, smábátum var fjölgað aftur með tapi fyrir rekstraraðila og þjóðarbúið. Smábátaútgerð með framanbeindum hætti er dæmd til að mistakast vegna þess að pólitískt hagsmunapot ræður för. Smábátaútgerðin þarf vel útbúna báta ekki minni en sex til fimmtán tonn; smábátaútgerð með þeim hætti mun bera sig; ræður við nægilega sókn vegna a veðurs

Smábátaútgerð er kemur að gagni, sem undirstaða fyrir smærri byggðarlög kallar á  meiri veiðiheimildir til þeirra er stunda veiðarnar; ef það er ekki orðið of seint vegna pólitískrar aðgerðar núverandi ríkisstjórnar?

Útgerð í smærri stíl eru "sportveiðar" er þurfa sértækt lagaumhverfi- gætu orðið til skoðunar fyrir ferðamannaiðnað.

  Burt með núverandi "félagshyggjustjórn"!

 

 

 

 

 

 

 

 

 

 

 

 

 

 

Fylgja eigi eftir stefnu VG í kvótamálum