Læknar/menntamenn -horfist í augu við íslenskan veruleika.

Lausn á deilu lækna er komin í farveg samkomulags er vonandi þróast í viðunandi lausn fyrir alla aðila ekki síst sjúklinga og skattgreiðendur í landinu.  Tæplega verður horft framhjá erfiðu efnahagsástandi  þegar laun lækna og annarra menntamanna eru ákveðin; horfast í augu við þann veruleika að allir  stilli kröfum sínum í hóf.

Með allri virðingu fyrir læknum/menntafólki  þá verða laun þeirra að vera í samræmi við hvað þjóðarbúið getur borið. Háskólamenntun er dýr fyrir lítið efnahagskerfi að standa undir;   samt er menntun fyllilega sambærileg á heimsmælikvarða; læknar og aðrir  háskólanemar fá kennslu kostaða  af almannafé.

Krafa lækna vegna of mikils álags/ hærri  launa verður hjáróma rödd þegar allir aðrir stafsmenn spítala hafa orðið fyrir skertum launum/vinnutíma og auknu álagi sem og allri í samfélaginu; þótti við hæfi að skerða fyrst öryrkja, eldri borgara og ófaglært fólk en verður tæplega gengið lengra annars gæti orðið hávær mótmæli.

Ekki verður horft fram hjá þjóðhagslegri afkomu þegar laun eru ákveðin, menntamenn geta ekki krafist sömu launa og erlendis einfaldlega vegna þess að afkoma þjóðarbúsins stendur ekki undir þeim kröfum.

  

Lausn fundin í læknadeilu

Kirkjan/uppeldistofnanir - barnaníðingar samfélagsglæpir

Fréttir um barnaníðinga innan kaþólsku kirkjunnar er heitasta umfjöllun heimspressunnar nú um stundir. Páfinn hefur harmað atburðina; það er sterkasta vopn kaþólsku kirkjunnar (allra trúfélaga) gegn barnaníðingum; að taka á málum presta innan hennar er  hafa verið barnaníðingar.

Nú er vitað að barnaníðingar sækja í störf meðal barna og unglinga þar sem þeir geta stundað iðju sína; en  allra síðustu ár verið viðurkennd opinber staðreynd er áður ekki mátt upplýsa.

 Þau mál er komið hafa upp á yfirborðið má telja toppinn á ísjakanum. Má nefna föður í Belgíu er lokaði dóttur sína inni í fjölda ára;  nauðgaði henni og átti með henni börn, svipuð mál komu upp í Bretlandi og einnig  í Frakklandi.

Hér á landi hefur komið ljós að stofnanir er áttu að gæta velferðar munaðarlausra barna voru beitt kynferðisofbeldi, barsmíðum og vinnuþrælkun. Má nefna Breiðuvíkurdrengina, Heyrnleysingjaskólann, Bjarg og  Kumbaravog. Vonandi er virkt eftirlit í dag, að barnaníðingar geti ekki þrifist hvorki í kirkjum, skólum, og leikskólum; ef svo er ekki halda barnaníðingar áfram iðju sinni.

Barnaníðingar munu halda áfram að þrífast með glæpi sína og mannréttindabrot ef innra og ytra eftirlit er ekki sívirkt innan kirkna, uppeldisstofnana - og heimila; en  erfiðara fyrir  glæpamennina ef þeir vita að ódæðisverkum þeirra verður ekki haldið leyndum hvorki í kirkjum eða uppeldisstofnunum.

Barnaníðingar og ofbeldismenn viðast vera samfélagslegt vandamál víða um lönd  getur átt rætur sína í uppeldi; einelti og ofbeldi  er rekja má til uppeldisstofnana/skóla er þarf að rannsaka betur   í framtíðinni.

Ábyrgð fjölmiðla er mikil; að  fjalla um framangreind mál af þekkingu  en ekki í æsifréttastíl.

Fórnarlömb presta mótmæltu

Páskar: Hann er upp risinn (Mk16.1-8)

¹Þá er hvíldardagurinn var liðinn keyptu þær María Magdalena, María móðir Jakobs og Salóme ilmsmyrsl til að fara og smyrja hann. ²Og mjög árla hinn fyrsta dag vikunnar, um sólarupprás, koma þær að gröfinni. ³Þær sögðu sín á milli: „Hver mun velta fyrir okkur steininum frá grafarmunnanum?“ ⁴En þegar þær líta upp sjá þær að steininum hafði verið velt frá en hann var mjög stór. ⁵Þær stíga inn í gröfina og sjá ungan mann sitja hægra megin, klæddan hvítri skikkju, og þær skelfdust.
⁶En hann sagði við þær: „Skelfist eigi. Þér leitið að Jesú frá Nasaret, hinum krossfesta. Hann er upp risinn, hann er ekki hér. Sjáið þarna staðinn þar sem þeir lögðu hann.

 ⁷En farið og segið lærisveinum hans og Pétri: Hann fer á undan yður til Galíleu. Þar munuð þér sjá hann eins og hann

sagði yður.“
⁸Þær fóru út og flýðu frá gröfinni því ótti og ofboð var yfir þær komið. Þær sögðu engum frá neinu því þær voru hræddar.

Eins og fram kemur í píslarsögum guðspjallanna (Matt. 26.-27. kap., Mark. 14.-15. kap., Lúk. 22.-23. kap. og Jóh. 18.-19. kap.) bar handtöku og krossfestingu Krists upp á páskahátíð gyðinga. Þess vegna varð páskalambið að tákni fyrir Krist í hugum kristinna manna eins og sjá má í Fyrra Korintubréfi Páls postula þar sem hann segir: „Því að páskalambi voru er slátrað, sem er Kristur.” (5:7) Milli páskahátíðar gyðinga og páska kristinna manna eru því bein söguleg og hugmyndafræðileg tengsl sem meðal annars koma fram í hinu sameiginlega heiti hátíðanna.

 

(Vísindavefur Háskóla Íslands)

[

Forpokaðir fjölmiðlar

Norðurlöndin og og Evrópa sýna beint frá hátíðlegum atburðum hans heilagleika páfans og þykir sjálfsagður virðingarvottur við kristna trú og menningu.  Sjónvarpsmiðlar hérlendis ekki einu sinni ríkissjónvarpið sýna messur frá Róm.

Undarlegt þar sem lútersk kirkja er runnin undan rótum Kaþólsku kirkjunnar; hér á landi var  kaþólsk trú í nokkur hundruð ár; áhrif kaþólskrar trúar hefur haft  áhrif til góðs í trúarlífi og menningararfi  þjóðarinnar. Um það má lesa í Kirkjusögunni er kom út í tilefni þúsund ára afmælis kristinnar trúar hér á landi.

Forpokaháttur fjölmiðla að hunsa boðskap páfans í Róm er óskiljanlegur og andtrúarlegur í garð kristni hér á landi.

Flytur páskakveðju á íslensku

Föstudagurinn langi: Jesús deyr á krossinum.

Krossferilsbænir: 12. viðstaða.

P. (prestur).Vér tilbiðjum þig, Drottinn Jesús Kristur, og vegsömum þig.

A(allir). Því með þinum helga krossi hefur þú endurleyst heiminn.

L.(lesari). Drottinn hangir negldur á krosstrénu. Hann biður fyrir kvalamönnum sínum. Á níundu stund hrópar hann hárri röddu: "Guð minn, Guð minn, hví hefur þú yfirgefið mig"? Og að dauða kominn mælir hann þessi bænarorð: " Það er fullkomnað. Faðir í þínar hendur fel anda minn". 

 

 

 

P. Vér tilbiðjum kross þinn, Drottin, og lofum og vegsömum helgu upprisu þína.

A. Því að fyrir krosstréð er gleði veitt gervöllum heimi.

P. Guð sé oss náðugur og blessi oss.

A. Hann láti sína ásjónu lýsa yfir oss og sé oss líknsamur.

L. Í augum kristins manns eru eigi framar til marklausar þjáningar. Jafnvel í dýpstu hyldýpisgjá stendur hinn krossfesti hjá honum.

P. Drottinn, Jesús, af auðsveipni við vilja föðurins léstu lífið á krossi, mönnum til hjálpræðis. Vér biðjum þig:

A. Vertu oss syndugum líknsamur.

 

("Krossferilsbænir 12. viðstaða, úr krossferilsbænum Kaþólsku kirkjunnar,  fluttar  á föstunni,  enda á föstudaginn langa.")  

Skírdagur

Kollekta (bæn);  Drottinn Jesús Kristur, sem hefur látið oss eftir minningu písla þinna í heilögu sakramenti: Gef oss þá hlutdeild í himneskum gjöfum líkama þíns og blóðs, að ávextir endurlausnar þinnar verði augljósir í lífi voru. Þú sem lifir og ríkir með Guði föður í einingu heilags anda, einn sannur Guð um aldir alda.

 

 

 

Lexía: 

 

Slm 116.12-19

 

Hvað á ég að gjalda Drottni
fyrir allar velgjörðir hans við mig?
Ég lyfti bikar hjálpræðisins
og ákalla nafn Drottins.
Ég greiði Drottni heit mín
og það í augsýn alls lýðs hans.
Dýr er í augum Drottins
dauði dýrkenda hans.
Drottinn, víst er ég þjónn þinn,
ég er þjónn þinn, sonur ambáttar þinnar,
þú leystir fjötra mína.
Ég færi þér þakkarfórn,
ákalla nafn Drottins.
Ég greiði Drottni heit mín
og það í augsýn alls lýðs hans,
í forgörðum húss Drottins,
í þér, Jerúsalem,
Hallelúja.

 

Pistill: 

1Kor 11.23-29:

 Því að ég hef meðtekið frá Drottni það sem ég hef kennt ykkur: Nóttina, sem Drottinn Jesús var svikinn, tók hann brauð, gerði þakkir, braut það og sagði: „Þetta er líkami minn. Gjörið þetta í mína minningu.“ Sömuleiðis tók hann og bikarinn eftir kvöldmáltíðina og sagði: „Þessi bikar er hinn nýi sáttmáli í mínu blóði. Gjörið þetta, svo oft sem þér drekkið, í mína minningu.“
Hvert sinn sem þið etið þetta brauð og drekkið af bikarnum boðið þið dauða Drottins þangað til hann kemur. Hver sem etur brauðið eða drekkur bikar Drottins á óverðugan hátt verður þess vegna sekur við líkama og blóð Drottins. Hver maður prófi sjálfan sig áður en hann etur af brauðinu og drekkur af bikarnum. Því að sá sem etur og drekkur án þess að gera sér grein fyrir að það er líkami Drottins, hann etur og drekkur sér til dómsáfellis.

Guðspjall: 

Jóh 13.1-15:

 

Hátíð páskanna var að ganga í garð. Jesús vissi að stund hans var komin og að hann færi burt úr þessum heimi til föðurins. Hann hafði elskað sína, þá sem í heiminum voru. Hann elskaði þá uns yfir lauk.

Kvöldmáltíð stóð yfir. Djöfullinn hafði þegar blásið því í brjóst Júdasi, syni Símonar Ískaríots, að svíkja Jesú. Jesús vissi að faðirinn hafði lagt allt í hendur honum, að hann var frá Guði kominn og var að fara aftur til Guðs. Hann stóð upp frá máltíðinni, lagði af sér yfirhöfnina, tók líndúk og batt um sig. Síðan hellti hann vatni í mundlaug og tók að þvo fætur lærisveinanna og þerra með líndúknum sem hann hafði um sig. Hann kemur þá að Símoni Pétri sem segir við hann: „Drottinn, ætlar þú að þvo mér um fæturna?“
Jesús svaraði: „Nú skilur þú ekki hvað ég er að gera en seinna muntu skilja það.“
Pétur segir við hann: „Aldrei að eilífu skaltu þvo fætur mína.“ Jesús svaraði: „Ef ég þvæ þér ekki áttu enga samleið með mér.“ Símon Pétur segir við hann: „Drottinn, ekki aðeins fætur mína, líka hendurnar og höfuðið.“
Jesús segir við hann: „Sá sem laugast hefur þarf ekki að þvost nema um fætur. Hann er allur hreinn. Og þið eruð hreinir, þó ekki allir.“ Hann vissi hver mundi svíkja hann og því sagði hann: „Þið eruð ekki allir hreinir.“
Þegar hann hafði þvegið fætur þeirra, tekið yfirhöfn sína og sest aftur niður sagði hann við þá: „Skiljið þér hvað ég hef gert við yður? Þér kallið mig meistara og Drottin og þér mælið rétt því það er ég. Fyrst ég, sem er herra og meistari, hef nú þvegið yður um fæturna, þá ber yður einnig að þvo hver annars fætur. Ég hef gefið yður eftirdæmi að þér breytið eins og ég breytti við yður.

(Frá kirkjan.is)

 

 

 

 

 

Tryggingastofnun rukkar út yfir gröf og dauða.

Tryggingastofnun sendi rukkun inn í einkabankann minn, til eiginmanns míns sem hefur verið látinn í tvö ár. Áreiðanlega er það lögbrot að senda látnum manni innheimtu inn á reikning eiginkonu án þess að tilgreindar séu ástæður.

Reyndi að skoða lög um Tryggingastofnun en varð  mér ofviða í fyrstu atrennu vegna reglugerðarfrumskógar; er ekki virðist fær venjulegu fólki til skilnings jafnvel einnig lögfræðingum.

Jóhanna forsætisráðherra hefur látið boð út ganga að nú skuli gengið  milli bols og höfuðs á ríkisstofnunum.

Löngu er tímabært að hreinsa til í  Tryggingastofnun; gera lög og reglur aðgengilegar og læsilegar á mannamáli.

 Áreiðanlega má minnka umfang umræddrar stofnunar um 60% án þess að skerða þjónustuna.

Tryggingastofnun hefur löngum verið undir stjórn krata/Samfylkingar svo hæg  eru heimatökin fyrir Jóhönnu að hefjast handa fyrr en seinna.

Eftir að hafa reynt að lesa gegnum frumskóg reglugerða og laga um Tryggingastofnum er fyrsti skilningur minn að allt miðist við að komst hjá greiðslum og reyna að skerða umbjóðendur sína með öllum ráðum; stjórnarskráin virðist ekki vera í heiðri höfð hvað það meira.

 

Verslunareigendur: "spilum saman"

Skilaboð komu nýverið til almennings um aukna  verslun undir kjörorðinu "spilum saman", til að koma hreyfingu á viðskipti og þjónustu.

En hvað leggja verslunareigendur að mörkum á móti? Hvers vegna er ekki opnunartími verslana styttur t.d. lokað á mánudögum?

Vöruverð þarf að lækka  með góðu móti hægt að spara með styttri afgreiðslutíma;  í stað þess var afgreiðslutími lengdur í Hagkaup allan  sólarhringinn er einungis veldur hærra vöruverði að óþörfu.

Herferð gegn  löngum afgreiðslutíma er löngu tímabær; með lækkandi vöruverði geta enn fleiri verslað er kemur öllum til góða viðskiptavinum sem  verslunareigendum.

 

"Jóhanna forsætisráðherra í Kattholti"

Þá hefur boðskapur Samfylkingarinnar litið dagsins ljós, innihald: Fúkyrði og lítilsvirðing til samstarfsflokksins Vinstri grænna. Augljóst að Jóhanna/Samfylkingin þarf ekki lengur á "vinstri grænu köttunum" að halda; enda ósmalandi  og gert nægilegt gagn með samþykki sínu að  ganga til samninga við ESB/.

 Forsætisráðherra getur hér eftir ekki haft hylli almennings - en getur hún verið án Steingríms sem hefur staðið við hlið hennar í flestum opinberum yfirlýsingum sínum til þjóðarinnar? Hann á að taka skellinn; og taka síðan pokann sinn í fyllingu tímans.

Jóhanna var alveg tilvalin leiðtogi eftir hrunið, sem hún tók sjálf þátt í; vegna þess hún hafði vinsældir öryrkja, aldraðra, sjúkra - með allt velferðarkerfið í endurskoðun á  herðum sér; sneri við blaðinu er hún tók við völdum, gekk á kjör aldraðra miklu meira en annarra í samfélaginu enda lágu þeir vel við höggi hafa engan opinberan bakhjarl.

 Leikurinn augljós Jóhanna  var manneskjan til að "sussa á lýðinn" eða kúga eftir atvikum svo ekki yrði önnur búsáhaldabylting; húrra fyrir "félagshygguflokknum" hennar!

Nú hefur úlfurinn komið í ljós undir sauðargærunni eða öllu heldur "kisulóran" er löngu hefur misst tögl og haldir í stjórn landsins. "Kettirnir í Vinstri grænum" ganga lausir lítt árennilegir; fyrir löngu í hlutverki "útigangskatta" í stjórnarsamstarfinu".

Er ekki mál að linni og "Kisulóran" hverfi af "vettvangi/Kattholti"  með "Samfylkingarhreysiketti" sína sem allra fyrst?

 

 

Gremja í herbúðum VG

Kosning Gunnars Birgissonar - áfram góð búseta allra aldurshópa í Kópavogi

Útdráttur úr kosningabloggi:  „Ólafur Þór Gunnarsson öldrunarlæknir/bæjarfulltrúi lýsti yfir í (Mbl 18.o2) að aðalmál kosninganna  væri að fella núverandi meirihluta til að koma á velferðasamfélagi hér í Kópavogi. Góðra gjalda vert, en stóð hann ekki með núverandi meirihluta í aðför að ellilífeyrisþegum og svipta þá gjaldfríum sundferðum án þess að leita álits þeirra í það minnsta.“

16.02: „Núverandi bæjarstjóri Kópavogs Gunnsteinn Sigurðsson ( Fréttablaðið 8.02)reynir að verja  gjörðir bæjarstjórnar vegna gjaldtöku á eldri borgurum í sundlaugar bæjarins  er kom eins og blaut tuska framan í ellilífeyrisþega án nokkurs samráðs við þá. Hvað sem líður einróma samþykkt   bæjarstjórnar  er hún brot á siðferðilegum grunnstoðum  velferðarkerfisins er talið hefur verið eitt það besta í vestrænum lýðræðissamfélögum.

Bæjarstjórinn útlistar gjaldtökuna eingöngu í krónum talið en er í raun að taka stórt skref í "gjaldfellingu" velferðarkerfisins án þess að hafa nefnt það á nafn við samtök aldraðra . Samfélagssáttmáli velferðarkerfisins við eldri borgara er rofinn, siðferðileg gildi fót um troðin; ekki nóg með það heldur býður bæjarstjórinn eldri borgurum þann hluta sáttmálans er þeim tilheyrir til sölu á „sérstökum vildarkjörum“.“ 

14.02: „Enginn vafi að stærsta framfaraskref í uppbyggingu Kópavogs hófst með Gunnari Birgissyni fyrrverandi bæjarstjóra og núverandi frambjóðanda  í fyrsts sæti Sjálfstæðisflokksins í bæjarstjórn, Kópavogur varð í undraverðum tíma næst stærsta sveitarfélag landsins. „ 

Undirrituð fór  rútuferð um Kópavog í gær með Gunnari Birgissyni fyrrverandi bæjarstjóra, sá með eigin augum framfarirnar á öllum sviðum mannlífsins. Allt byggt upp með þarfir  ungra og aldna í huga: grunnskólar/leikskólar, íbúðir aldraðra/hjúkrunarheimili, íþróttamannvirki/sundlaugar,  þá er allt umhverfi aðgengilegt með gangstíðum/hjólreiðastígum, ekki má gleyma nýju aðstöðu hestamanna og fyrirhugaðri reiðhöll  þar til hestaíþrótta.“

„14.02: „Ólafur Þór Gunnarsson öldrunarlæknir kvartar yfir þögn Mbl vegna fréttar um að Gunnar Birgisson hygli vinum sínum og vandamönnum –  er upphrópun Fréttablaðsins fyrir "jöfn tækifæri fyrir alla" eins og læknirinn nefnir í bloggi sínu?

Hvers vegna birtir Fréttablaðið aðeins grein bæjarstjórans Gunnsteins Sigurðssonar um „ódýrt“ sund í Kópavogi en minnist ekki einu orði á þá lítilsvirðingu og andfélagslegu ákvörðun að fara ofan í vasa eldri borgara og rukka þá um sundferðir sínar.

Eru það ekki  jöfn tækifæri fyrir alla eins og læknirinn leggur til grundvallar í bloggi sínu?“