And - þjóðfélagsleg ríkisstjórn

Grátbrosleg staða ríkisstjórnarinnar ekki vegna eins versta efnahagshruns sögunnar heldur vegna þess að ríkistjórnin ofsækir mikilvægasta undurstöðuatvinnuveg  þjóðarinnar með kolrangri stefnu um fyrningarleið sjávarútvegsfyrirtækja; undirtónn stefnunnar er að draga undir sig fjármagnið  þar sem Samfylkingin ætlar að deila og drottna með aðstoð Vinstri grænna; elíta Samfylkingar með hrokafulla háskólamenntaða krata/vinstri græna er vilja hafa öll ráð í hendi;  ekki með þjóðarhag í huga  en auka enn yfirbyggingu og offramleiðslu háskólamenntaðs fólks í of mörgum háskólum er verður afleiðing fátæktar fólks er vinnur í framaleiðslu - og þjónustugreinum; - framhaldið síðan innganga í ESB þar sem íslenska elítan ætlar að dansa með skrifræðinu í Brussel um alla framtíð.

Fjöldi á baráttufundi

Að sjá ekki skóginn fyrir trjánum.

Áróður andstæðinga Gunnars Birgissonar er ekki trúverðug  gangrýni um það sem betur mætti fari í málefnum bæjarbúa. Reynt er á allan hátt að koma á hann höggi með skotgrafahernaði, reyna að finna sökudólga í stuðningsmönnum hans.; misjafn sauður er í mörgu fé en er þverpólitískt fyrirbæri.

 En allt er hey í harðindum fyrir málefnasnauða Samfylkingu undirrituð man ekki neinum málefnum til framfara er hafa komið fram í fjölmiðlum fyrir bæjarstjórnarkosningarnar í vor allra síst þeirra er minna mega sín.

Ólafur Þór Gunnarsson öldrunarlæknir/bæjarfulltrúi lýsti yfir í (Mbl 18.o2) að aðalmál kosninganna  væri að fella núverandi meirihluta til að koma á velferðasamfélagi hér í Kópavogi. Góðra gjalda vert, en stóð hann ekki með núverandi meirihluta í aðför að ellilífeyrisþegum og svipta þá gjaldfríum sundferðum án þess að leita álits þeirra í það minnsta.

Hvaða gjaldfelling kemur næst á velferðarkerfi  bæjarbúa hvaða hópur í samfélaginu verður næst settur upp að vegg?

Í tíð núverandi meirihluta undir forystu Gunnars Birgissonar hefur verið unnið á breiðum grundvelli að uppbyggingu fyrir íþróttaaðstöðu/skóla, hjúkrunarheimili og félagsleg aðsetur fyrir unga og aldna.

Vonandi láta bæjarbúar ekki blekkjast og kjósa Gunnar Birgisson í fyrsta sæti Sjálfstæðisflokksins  næstkomandi laugardag til að tryggja sem best áframhaldandi velferðarsamfélag  í Kópavogi.

Samfylking og Vinstri grænir sjá ekki skóginn fyrir trjánum vilja heldur ómálefnalega kosningabaráttu um svarta sauði er þeir sjá í hverju horni. 

 

Bómullarríkisstjórn

Hvað átti forsetinn að gera annað en vísa Icesavelögunum til þjóðarinnar; allt var undir stjórnkerfiskreppa, engin samstaða í stjórnmálum um ábyrga afstöðu, samninganefnd er ekki naut trausts þjóðarinnar; stjórnlaus ríkisstjórn þar Steingrímur situr með Jóhönnu og  Samfylkinguna í bómull svo hún verði ekki fyrir hnjaski, Steingrímur á þönum út á við til varnar,  löngu orðið gagnslaust, traust ríkisstjórnarinnar fer hratt minnkandi.

Hvað ætlar Steingrímur að bjóða þjóðinni slíkt ástand lengi getur ekki endalaust grafið í fortíðinni og gleymt slæmu efnahagástandi; haldið öllu í bóndabeygju til að halda fylgi frekar en að reyna að ná samstöðum um vandann.

Vekur von um árangur í Icesave

Velferðarkerfið á útsölu í Kópavogi

Núverandi bæjarstjóri Kópavogs Gunnsteinn Sigurðsson ( Fréttablaðið 8.02)reynir að verja  gjörðir bæjarstjórnar vegna gjaldtöku á eldri borgurum í sundlaugar bæjarins  er kom eins og blaut tuska framan í ellilífeyrisþega án nokkurs samráðs við þá. Hvað sem líður einróma samþykkt   bæjarstjórnar  er hún brot á siðferðilegum grunnstoðum  velferðarkerfisins er talið hefur verið eitt það besta í vestrænum lýðræðissamfélögum.

Umrædd gjaldtaka  er ekki  tekin vegna slæmra afkomu bæjarins,  fremur  árás á samfélagsleg gildi, er hingað til hafa verið í heiðri höfð í okkar samfélagi,  að  veita fólki er lokið hefur starfsdegi sínum viðurkenningu og hvatningu  með sundi án endurgjalds, hollri hreyfingu sér til heilsubótar andlega og líkamlega;- auk þess sparað félagslega þjónustu/ummönnun  við aldraða lengur en ella.

Eldri borgarar í félögum á Stór- Reykjavíkursvæðinu hafa  gjaldfrían aðgang innbyrðis  í sundi en með ákvörðun bæjarstjórnar Kópavogs er samkomulagið rofið,  sundverðir hér í bæ verða eftirleiðis að vísa frá  eldri borgurum utan sveitarfélagsins og eldri borgarar  Kópavogs munu heldur ekki fá  gjaldfrían aðgang í nágrannasveitarfélögunum.

Bæjarstjórinn útlistar gjaldtökuna eingöngu í krónum  talið en er í raun að taka stórt skref í "gjaldfellingu" velferðarkerfisins  án þess að hafa nefnt það á nafn við  samtök aldraðra . Samfélagssáttmáli velferðarkerfisins við eldri borgara er rofinn, siðferðileg gildi fót um troðin; ekki nóg með það heldur býður bæjarstjórinn  eldri borgurum  þann hluta sáttmálans er þeim tilheyrir til sölu á „sérstökum vildarkjörum“.

Greinin er birt í Morgunblaðinu í dag

 

 

 

 

 

 

 

Gott að búa með Gunnari Birgissyni í Kópavogi

Enginn vafi að stærsta framfaraskref í uppbyggingu Kópavogs hófs með Gunnari Birgissyni fyrrverandi bæjarstjóra og núverandi frambjóðanda  í fyrsts sæti Sjálfstæðisflokksins í bæjarstjórn, Kópavogur varð í undraverðum tíma næst stærsta sveitarfélag landsins.

 Undirrituð fór  rútuferð um Kópavog í gær með Gunnari Birgissyni fyrrverandi bæjarstjóra, sá með eigin augum framfarirnar á öllum sviðum mannlífsins. Allt byggt upp með þarfir  ungra og aldna í huga: grunnskólar/leikskólar, íbúðir aldraðra/hjúkrunarheimili, íþróttamannvirki/sundlaugar,  þá er allt umhverfi aðgengilegt með gangstíðum/hjólreiðastígum, ekki má gleyma nýju aðstöðu hestamanna og fyrirhugaðri reiðhöll  þar til hestaíþrótta.

Gunnar Birgisson er rétti maðurinn sem bæjarstjóri næsta kjörtímabil  hefur mikla yfirsýn til allra átta;  mest um vert að hann hefur í framkvæmdum fyrir bæinn haft í huga velferð fatlaðra / aldraðra,   lagt grunngildi að góðu velferðarsamfélagi í bænum; er með engu móti má spilla með andfélagslegum  öflum er kenna sig við "jöfnuð og réttlæti" en hljómar sem rammfalskur tónn í eyrum.

Vonandi fær Gunnar Birgisson góða kosningu n.k. laugardag það tryggir  áfram að gott mannlíf/ búseta verði áframí Kópavogi.

Ólafur Þór Gunnarsson öldrunarlæknir/bæjarfulltrúi í Kópavogi - á villigötum?

Ólafur Þór Gunnarsson öldrunarlæknir kvartar yfir þögn Mbl vegna fréttar um að Gunnar Birgisson hygli vinum sínum og vandamönnum –  er  upphrópun Fréttablaðsins  fyrir jöfn tækifæri fyrir alla eins og læknirinn nefnir í bloggi sínu? Hvers vegna birtir Fréttablaðið aðeins grein bæjarstjórans Gunnsteins Sigurðssonar um „ódýrt“ sund í Kópavogi en minnist ekki einu orði á þá lítilsvirðingu og andfélagslegu ákvörðun að fara ofan í vasa eldri borgara og rukka þá um sundferðir sínar.

Ekkert samráð við eldri borgar um málið auk þess er innbyrðis hefð milli sveitarfélaga að ellilífeyrisþegar fái gjaldfrítt sund en nú hefur bæjarstjórn Kópavogs einróma brotið samkomulagið með ruddalegri ákvörðun.

Er persónulega hissa á öldrunarlækninum  - veit ekki betur en hann sé hálærður læknir í öldrunarfræðum frá  Bandaríkjunum ; með sérstakar rannsóknir er sýna að hreyfing aldraðra lengir heilsu þeirra, bætir lífi við árin- og dregur úr lyfjakostnaði til þeirra.

Las um þessar rannsóknir í námi mínu í háskólanum um málefni aldraðra en þá var umræddur öldrunarlæknir  staðsettur vestur á Ísafirði og fékk sent frá honum efni – hann ætti að fletta í rannsóknum  sínum og rifja upp gildi þess fyrir aldraða og samfélagið –  finna rökstuðning fyrir  að ókeypis sund fyrir aldraða er allra hagur;  sýnir auk þess öldruðum samfélagslega virðingu er þeim ber eftir langan starfsdag – þá standa allir jafnir að vígi í raun og veru þegar upp er staðið.

Eru það ekki  jöfn tækifæri fyrir alla eins og læknirinn leggur til grundvallar í bloggi sínu?

"Siðmenning kærleikans"

"Kærleikurinn er ekki útópía: Hann er viðfangsefni sem mannkyninu ber að leitast við að framkvæma með aðstoð Guðs náðar. Hann er falinn karli og konu í sakramenti hjónavígslunnar sem megin grundvöll "skyldu" þeirra og hann leggur grunninn að gagnkvæmri virðingu þeirra: fyrst sem hjóna og síðan sem föður og móður. Þegar þau taka þátt í athöfn sakramentisins, gefa hjónin sig hvort  öðru og meðtaka hvort annað. Þau lýsa yfir vilja sínum að taka fúslega á móti börnum og koma þeim til menntunar. Á þessu veltur mannleg siðmenning sem ekki er hægt að skilgreina á annan hátt en með orðunum "siðmenning kærleikans".

Það er fjölskyldan sem tjáir þann kærleika og er uppspretta hans. Það er í gegnum kærleikann sem frumstraumur siðmenningar kærleikans streyma og þar finnur hún "félagslegan grunn" sinn.

Í anda kirkjulegrar arfleifðar töluðu kirkjufeðurnir um fjölskylduna sem "heimiliskirkju," "litla kirkju". Með því vísuðu þeir til siðmenningar kærleikans sem raunhæfa leið mannlegs lífs og friðsællar sambúðar: "Að vera saman" sem fjölskylda, að annast hvert annað, veita svigrúm í samfélaginu til að sérhver persóna fái fullgildingu sem slík - að fullgilda "þessa" einstöku persónu.

Oft á í hlut fólk með líkamlega eða andlega fötlun sem hið svokallaða "framsækna þjóðfélag" myndi kjósa að vera laust við. Jafnvel fjölskyldan getur  á endanum orðið slíkt samfélag.  Hún gerir það þegar hún  losar sig við í hasti við fólk sem er aldrað, fatlað  eða sjúkt. Þetta gerist þegar trúin glatast að í Guði "lif allir" (smbr. Lk. 20:38) og allir eru kallaðir til fullnustu lífs.

Já, siðmenning kærleikans er ekki óframkvæmanleg, hún er ekki útópía. En hún er einungis framkvæmanleg með stöðugri og meðvitaðri tilvísun til  "Föðurins sem hvert faðerni og móðerni fær

nafn sitt af" (smbr. Ef 3:14-15), frá hverjum sérhver fjölskylda kemur".

Góða helgi

(Jóhannes Páll páfi II: Bréf Til Fjölskyldna, gefið út í tilefni ári fjölskyldunnar 1994)

 

^{Ef 3: 14-15:  ... 14}Þess vegna beygi ég kné mín fyrir föðurnum, ¹⁵sem hvert faðerni fær nafn af á himni og jörðu, ...

Bæjarstjórn Kópavogs: - sendir röng skilaboð

Bæjastjórn Kópavogs hefur lagt fram fjárhagsáætlun  er var einróma samþykkt af öllum bæjarfulltrúum. Gunnar Birgisson, fyrrverandi bæjarstjóri  hefur gagnrýnt að  eldri borgurum er þar gert að greiða fyrir sundferðir sínar; virðing og hefð fyrir félagslegum gildum virt að vettugi. 

Tveir bæjarfulltrúar hafa svarað í Morgunblaðinu: Ragnheiður Kristín Guðmundsdóttir  Sjálfstæðisflokki ( 15.01)og Guðríður Arnardóttir Samfylkingu (06.01). Þeirra sterkustu rök eru að eldri borgara greiði sama og börn. Börn  greiða ekki í sund heldur fá foreldrar  þeirra  frítt fyrir þau til sex ára aldurs og skólasund innifalið í kennslu skólanna, þá fá börn/unglingar styrk til íþróttaiðkunar en getur ekki  verið neinn samanburður um hvers vegna  eldri borgara  greiða fyrir sundferðir  eða var nauðsynlegt til  bjargar fjárhagsstöðu Kópavogsbæjar.

Samfylking og Vinstri grænir settu á oddinn velferðarkerfið í síðustu kosningum en eftir valdatöku í stjórn landsins hefur slíkt ‚‘‘smámál‘‘ vikið til hliðar og gengið á kjör eldri borgar sem aldrei fyrr. Guðfríður Arnardóttir oddviti Samfylkingar í bæjarstjórn Kópavogs fylgir "nýju vinstri stefnunni" trúverðuglega stærir sig af samstöðu bæjarstjórnar í málefnum bæjarins; að eldri borgarar voru sviptir þeim rétti að geta sótt sund án þess að greiða fyrir eftir 67ára aldur.

Núverandi formaður Íþrótta -og frístundaráðs Ragnheiður Kristín Guðmundsdóttir ætti að horfa inn á við og íhuga  siðferðileg samfélagsgildi til áhrifa   innan  íþróttahreyfingarinnar ekki síður mikilvægt en líkamlegar  æfingar. Þó hún þekki  nokkra eldri borgara er telja sig ekki muna um gjaldið eru kjör eldri borgara almennt séð rétt  til hnífs og skeiðar; ekki gert ráð fyrir tómstundaiðju.

Að eldri borgarar fái frítt í sund að loknum starfsdegi er prinsippmál um að halda siðferðileg gildi  í heiðri fyrir velferð í framtíðarinnar jafnframt  skilaboð út í samfélagið ekki síst til ungu kynslóðarinnar. 

Núverandi eldri borgarar er sú kynslóð er byggði upp efnahagslega kjölfestu og velferðarkerfi er ennþá heldur þrátt fyrir kreppuna: rafmang um öll byggðarlög, góðar samgöngur; - blómlegan landbúnað, tæknivæddan fiskveiðiflota,   og orkuver; er gefa gjaldeyrir í þjóðarbúið og mun bjarga þjóðinni út úr kreppunni.

Vonandi verður Gunnar Birgisson  leiðtogi í bæjarmálum enn um sinn, hann hefur mikla yfirsýn bæði félagslega og fjárhagslega, manna líklegastur til að finna sparnaðarleiðir án þess að skerða grunngildi í velferð bæjarbúa og hafa  samfélagsleg gildi  umfram allt að leiðarljósi.

Greinin birtist í Mbl. 28.01.2010.

Austan við sól - vestan við mána

Indriði H. Þorláksson er birtingarmynd embættismannavaldsins, toppurinn af sérhæfðum starfmönnum ríkisins er hafa of mikil áhrif í krafti embættis og menntunar; " þjóðin  fyrir austan sól og vestan við mána", á ekki að hafa neitt ákvörðunarvald hvað þá að fá að kjósa þótt forsetinn hafi sent henni Icedsavelögin til synjunar eða samþykkis. Hins vegar eru viðskiptabankarnir er fyrst og fremst leggja áherslu á stóru skuldakóngana þar er þjóðin einnig fyrir "austan sól og vestan við mána hefur engin áhrif.

Stjórnmálin hanga til skiptist á ríkisjötunni eða bönkunum; dansa með og hafa lítil áhrif enn sem komið er.

Stjórnkerfið er í eigin kreppu, bankarnir lamaðir en er það ef til vill það góða í stöðunni og þá verði loksins farið að vinna að almannahagsmunum á breiðum grundvelli;en  langur villugjarn vegur er austur fyrir sól og vestur fyrir mána.

 

 

„Makalaust innlegg“

Moldvörpustarfsemi - eða ábyrg ríkisstjórn?

 Núverandi staða er óþolandi, embættismenn með sérálit undir borðinu, stjórnin á kafi að grafa eftir fortíðarsamningum er aldrei komust á yfirborðið, sjónarandstaðan vill reyna sættir. Þá kemur Steingrímsstjórnin með gamlar "ógildar syndaregistur" auðsjáanlega að gera stjórnarandstöðuna tortryggilega; fegra sjálfan sig, slá ryki yfir eigið úrræðaleysi.

Steingrímur virðist  vera  í endalausri "stjórnarandstöðu við eigin stjórn"  ekki hafa náð áttum sem ábyrgur forystumaður á erfiðum tíma; enda erfitt um vik þar sem Samfylkingin situr í skjóli við hann, hvítþvegin búin að steingleyma að hún var í ríkisstjórn í hruninu haustið 2008.

Vel má taka undir með formanni Sjálfsæðisflokksins (í seinni fréttum RUV í kvöld) þar sem hann vill horfa fram á veginn til að ná pólitískri samstöðu er virðis  borin von nema:   "grafa stríðsaxirnar" og hefja ábyrga samstöðu. Þjóðin er áreiðanlega dauðþreytt á stefnulausri ríkisstjórn er reynir í vandræðum sínum "moldvörpustarfsemi" með  ógilda fortíðarpappíra upp á borðinu; er gerir samninga við Breta/Hollendinga enn erfiðari vegna innbyrðis deilna. Hver græðir á framangreindu ástandi aðrir en Bretar og Hollendingar auk þess verðum við að athlægi á erlendum vettvangi er getur gert út um málstaða þjóðarinnar; er þó hefur verið þjóðinni í hag síðan forsetinn tók af skarið með höfnun Icesavelaganna.  

„Stendur fyrir sínum skrifum“