Hver fékk lánaða þúsund milljarða ?

Hvaða einstaklingur fékk lánaða þúsund milljarða hjá stærstu bönkunum þremur og hvaða verðmæti liggja að baki því láni. Nú ættu fjölmiðlar að upplýsa okkur; t.d.  Sigmundur Ernir í Kompási alveg upplagt mál fyrir þann þátt - nema ef það hentaði ekki eigendum 365???

Uppskeran eins og sáð var

Hreingerning bankanna og stjórnvalda sem fyrst.

Inn í hvers konar "Nýja-Ísland" eru þjóðin að fara með  sama fólkinu er nú stjórnar peningamálum ríkisbankanna. Ekki vantar menntafólkið á háskólastigi  bæði hagfræðingar og sérfræðingar fyrrverandi banka kenna seðlabankanum um - er það einn þátturinn í áróðri þeirra sem svífast einskis til að viðhalda stjórnlausu kerfi þar sem lögmál frumskógarins gilda?

Völd seðlabankans  voru skert samkvæmt erlendri fyrirmynd, fært  til fjármálaeftirlits. Hvers vegna fór eftirlitið  ekki í fjölmiðla og varaði fólk við - nei það mátti ekki gat valdið verðlækkun á "pappírsbréfum" um allan heim. Allir urðu að dansa með nauðugir viljugir. Getur sama fólkið verið trúverðugt áfram í bönkunum til ráðleggingar og stjórnunar - og nú veður um í fjölmiðlum til að afsaka sig með áróðri á seðlabankann?

Spilavítin á Las Vegas eru smábóla samanborið við fjárglæframenn bankann er í krafti menntunar og spunaáróður í fjölmiðlum til almennings gerðu allt fjármálaeftirlit hjákátlegt og óþarft. Spilin verða að koma upp á borðið og þeir að víkja sem ábyrgð bera. Til er vel menntað fólk með siðferðilega  sýn er getur vakið trúverðugleika þjóðarinnar sem allra fyrst.

Alvarlegast hvað varðar pólitísku hliðina er að Samfylkingin dansar á hliðarlínu telur sig ekki bera neina ábyrgð á ástandinu. Nú reynir á Geir Haarde að gera allt til að spilin verði sett upp á borðið - þá kemur í ljós að Samfylkingin ber ekki minni ábyrgð en Sjálfstæðiflokkurinn?

Skuldar þúsund milljarða

Guðni á krossgötum

Erfitt að slá frá sér brottför Guðna úr Framsókn er hafði yfir 60% fylgi í formannskosningu, skynsamlegt af honum að gefa ekki færi á sér í fjölmiðlum fyrst um sinn. Margir munu vakna við vondan draum er hafa talið sig í Framsókn með stuðningi við Guðna. Nú er mikill þrýstingur að ganga í ESB vegna efnahagsörðugleika tækifærið notað að telja almenningi trú um það sé lausn á efnahagskreppunni.

Skrifræðið og pappírinn í Brussel eru ekki einnar íslenskrar krónu virði fyrir okkur. Eftir það sem á undan er gengið gæti þjóðinni staðið til boða að ganga inn með  "flýtimeðferð" til að komast yfir auðlindirnar sem eru  áþreifanlegri verðmæti en pappírspeningarnir í Brussel  þegar upp verður staðið.

 

Tími Guðna mun koma aftur enginn vafi!!!

Dómsmálaráðherra: „Alþingi verður svipminna og leiðinlegra"

Framsókn deild í Samfylkingunni?

Staða flokksins er ljós ekki þörf fyrir hann lengur liggur beint við að sameinast Samfylkingunni; hvers vegna kemur það Valgerði á óvart ekki endalaust hægt að hunsa andstæðinga ESB - og þeim jafnvel ýtt út úr flokknum?

 

 

Afsögn Guðna kom á óvart

Guðni heldur þjóðlegri stefnu - Íslandi allt!

Mikil tíðindi og ill að Guðni Ágústsson hefur sagt af sér störfum fyrir Framsókn með honum hverfur ímynd flokksins  um þjóðhollustu; að byggja tilveru þjóðarinnar á eigin landsgæðum og menntun en  geta jafnframt lagt sitt af mörkum í samfélagi þjóðanna.

 

Enginn vafi að hann heldur vopnum sínum og mun koma sterkur til leiks í fyllingu tímans. Undirrituð lýsir yfir sínum stuðningi í bráð og lengd.

 

Guðni segir af sér þingmennsku

Frakkar vinir Íslands?

Milliganga Frakka er þakkarverð telja má þá vinveittari okkur en Breta og Þjóðverja. Hins vegar stendur eftir terroristastimpillinn er settur var á Ísland. Erfitt fyrir Ísland að fá almennt séð uppreisn æru með slíkar ásakanir í framtíðinni.

 

Nóg hvernig íslenskir fjármálagarkar hafa farið með sparifé almennings, lífeyrissjóði og félagasamtaka hérlendir og erlendis. Virðist vera vandamálið á heimsmælikvarða er verður að leysa með samskiptareglum þjóða í milli. Spurningin stendur eftir hvers vegna settu Bretar á okkur teeroristastimpilinn? Annars vegar vegna slakrar stöðu Brown forsætisráðherra til að afla sér fylgis  hins vegar til að leiða athyglina frá eigin fjármálabraski bæði við Íslendinga og aðrar þjóðir.

Ánægður með samninginn við ESB

Bretar fagna kúgun Íslands

Fram hefur komið í fréttum að skýrt sé kveðið á í lögum EES að lönd innan þess beri ekki ábyrgð á bönkum í öðru landi. Lög skipta ekki máli hér heldur réðu hagsmunir 27 landa Evrópusambandsins óháð lögum EES enda þau lönd í minnihluta. Hagsmunir þjóðarinnar eru engir þegar inn í Evrópusambandið kemur; þar ræður hvað hentar stórþjóðunum eins og alltaf hefur verið.

Auðlindir Íslands verða ESB kærkominn búbót þar sem auðlindir fara mjög þverrandi. 

Fagna árangri í Icesave-málinu

Efnahagshrun ESB ljósið í myrkrinu.

Óskastaða fyrir Samfylkingu og flokkseigendur Framsóknar, nú er hægt að fara skríðandi til Brussel og þiggja mola er falla af borðum skrifræðisins þar. Framangreindir telja sig fá "þægilegar stöður fyrir sig og sína", sjálfstæðið  hverfur aftur til 1662, þegar konugseinveldi Dana þvingaði  þjóðina undir sig. Nú þarf ekki þvingun vegna þess að allt er falt bara til að komast inn fyrir dyrnar. Þvílík niðurlæging fyrir þjóð er hefur alla möguleika til að vera bjargálna á eigin forsendum.

Það sem getur breytt stöðunni  að efnahagshrunið á eftir að leggjast með fullum þunga á Þýskaland eitt  stærsta ríkið engin vissa fyrir að bandalagið haldi velli á næstu árum; kaldhæðnislegt, en ef til vill  ljósið í myrkrinu fyrir Ísland.

Drög lögð að umsókn um ESB-aðild?

Norður-Altlandshafsríki?

Sannast hér að ríki eiga ekki vini nema þegar um hagsmuni  teflt,  þjóðin upp við vegg gagnvart öllum ESB-ríkjum er áttu hagsmuni að gæta vegna þeirra eigin gallaða regluverks. Áttum ekki annars úrkosta en að samþykkja lausnina og borga með lánum frá "ESBvinum okkar". Hvert framhaldið verður og hægt verði að snúa sig út úr stöðunni síðar með hjálp annarra ríkja er sjá sér hag í að hjálpa litla Íslandi með miklar auðlindir og vel menntað fólk er ekki vonlaus staða?

Erfitt að sjá fyrir framvinduna en samstarf við Kanada gæti  komið inn í myndina síðar ríki við Norður-Atlandshaf eiga sameiginlega hagsmuni í nútíð og framtíð; ef til vill er slíkt samstarf ekki   útilokað gæti jafnvel orðið með "hlutleysi" Bandaríkjanna eða óbeinan stuðning.

Sameining ESB-ríkja gegn okkur nú gefur tilefni til að skoða rækilega alla kosti áður en við verðum neydd til þátttöku ESB.

Icesave-deilan leyst

"Portkonur málefna um ESB"?

Guðni er tilneyddur að skoða ESB-aðild vonandi verður hann áfram framkvæmdaraðili þeirrar umræðu en ekki Valgerður Sverrisdóttir er leynt og ljóst hefur viljað troða þjóðinni í ESB. Undirrituð man ekki eftir neinum sérstökum frambærilegum rökum í þá veru; að  auðlindir þjóðarinnar til lands og sjávar (og menntun)  gefi henni viðskiptalegt sjálfstæði/sjálfstæði og velmegun til framtíðar meðal þjóðanna en ekki innganga eins og sér i ESB.  Ef til vill er Framsókn að syngja  sinn svanasöng. Valgerður Sverrisdóttir mun sóma sér vel við hlið Ingibjargar Sólrúnar Gísladóttur; í málefnasnauðum samsöng þeirra um inngöngu í ESB - þær eru fremur sem "portkonur málefnisins" en málsvarar þjóðarhags?

 

 

Guðni vill skoða ESB-aðild