RÚV: " SPARÐATÍNGUR" - HALLGRÍMUR HELGASON

Pistill mánaðarins 15.07.kl. 17.03, fluttur af Hallgrími Helgasyni var sparðatíningur með mikilli heift út í Sigmund Davíð, forsætisráðherra og Framsóknarflokkinn þar sem erftt er að ná samhengi  – eitt er ljóst - það var hatursfull fóbía um stjórnmál er ekki henta skoðunum Hallgríms Helgasonar – "nú vantar bara a gefa bíl forsætisráðherrans „rækilega yfirferð með höggum og spörkum“ - minnir að það hafi átt sér stað áður"?

Eftir þó nokkurn yfirlestur eru mestu vonbrigði Hallgríms, að Samfylkingin skyldi ekki ná að koma þjóðinni inn í ESB – „einu vonina til betra lífs“, vonbrigði að ekki tókst að skattleggja sjávarútveginn, reksturinn skiptir ekki máli má vera illa rekinn. Ekki má gera kröfur til námsmanna með námsárangur – umhverfismál má ekki reka í sátt við atvinnulífið.

 Forsætisráðherrann vogar sér að hafa aðra skoðun en fjölmiðlaflóran. Meira segja veðurguðirnir voga sér að hafa sól og sumar í kjördæmi forsætisráðherrans – en rigningu í 101 Reykjavík - og nágrenni.

Dæmigerður pólitískur pistill samkvæmt stefnu RÚV er eingöngu virðist þjóna einni stjórnmálaskoðun –  sérstök herferð er farin móti núverandi ríkisstjórn.?

Hægt er að hlusta á umræddan pistil á neti RÚV.