Hlutleysi Rúv - orkar tvímælis?

Réttmætt er að taka undir gagnrýni Tryggva Gíslasonar fyrrv. skólameistari að hlutleysi Rúv. orki tvímælis. Í svarbréfi skrifar  útvarpsstjóra til Tryggva, "Nú kann á stundum að vera nokkur fíngerð lína á milli þess sem stjórnandi sýni eðlilega aðgangshörku eða óþarfa dónaskap. Það kann m.a. að ráðast af smekk áhorfandans, samúð hans með viðkomandi einstaklinga eða málstað eða jafnvel uppeldi hvor hliðin á þessum peningi honum finnist vera uppi hverju sinni".

Er ekki útvarpsstjórinn að snúa út úr gagnrýni Tryggva? Rökstyðja má að spyrjandi Kastljóss er þá líka undir framangreindri lýsingu  útvarpsstjórans. Í viðtali fyrr við forsætisráðherra mótmælti Sigmar afstöðu Geirs að hann tæki fyrst og fremst mið af hagsmunum almennings í landinu. Sigmar spurði á móti um hagsmuni  hlutabréfaeigenda er ekki átti við í þessu viðtali vegna þess að þeir sem taka áhættu af fé sínu eru ábyrgir gerða sinna.

Þá er minnisvert úr Sífri Egils þegar Egill vitnaði í tvo hagspekinga í samtali en þeir voru "orðlausir", gátu ekki komið með umsögn;  greinilega talin nægileg útskýring  í krafti menntunar þeirra?

Þegar alvarlegir hlutir eins og nú ganga yfir þjóðina verða fréttamenn að vera í jafnvægi og æsa ekki upp almenning með spurningum eða fréttum, settar fram fremur til tilfinninga/æsinga. Þekkt er þegar mikil áföll ganga yfir þjóðir þá getur myndast óreyða/anomy og lög og reglur jafnvel sniðgengnar sem veldur ennþá meiri hörmungum en ella.

RÚV sagt kynda undir sleggjudómum og ofstæki

Ljóð: Jóhann Gunnar Sigurðsson

LJÓÐAKVEÐJA TIL HULDU

 

 

 

II. HEIMA 
Ennþá sé ég þig aftur,
ástkæra sveitin.
Söm eru fjöllin og fellin
og fossar og dalir.
En svo er ég umbreyttur orðinn,
að áður ég gladdist,
nú geng ég um grundir og mela
með grátstaf í hálsi.

Á ég að segja þér sögu,
sveitin mín góða?
Manstu eftir ljósinu ljúfa,
sem lýsti þér forðum?
Manstu eftir blóminu blíða,
sem brosti þá fegurst?
Manstu eftir Huldu, sem hjá þér
í hvömmunum undi? —

Hvers vegna er þokan að þéttast
og þyngjast á fjöllum?
Vera má héraðið hryggist
af harmtölum mínum.
Eða er það að gráta
unglinga glaða
tvo, sem týndust að heiman
í tröllbyggða hella?

Fallega sól, ertu flúin
í felur við skýin?
Þó væri þörf á þér núna,
svo þornaði af steinum.
Sendu mér geisla, svo gráti
geti ég varizt.
Mér er svo örðugt um andann
og erfitt um hjartað.

Sigmar hlutdrægur?

Hver vegna persónugerir Sigmar efnahagsvandann í forsætisráðherra með því að segja hann ábyrgan fyrir efnahagsvandanum/heimskreppunni? Sama er að segja um seðlabankastjórnina hún á að víkja að mati Sigmars samkvæmt gagnrýni hagspekinga og "margra annarra", þá hverra? Hvers vegna koma þeir ekki með tillögur um lausnir; upplýsingar þeirra eru misvísandi fjallar fremur um hvað hefði átt að gera. Hvers vegna komu hagspekingarnir ekki í Kastljósið til  Sigmars á sínum tíma og útskýrðu að yfirstandandi  "góðærið" væri blekking og hvers vegna?

 

Hvers vegna gaf Sigmar sér þær forsendur að stjórnin nyti ekki trausts og þess vegna ætti að kjósa?

Við munum ekki láta kúga okkur

Forætisráðherra traustvekjandi

Forsætisráðherra komst vel frá viðtali Kastljóss í kveld hyggst ekki boða til kosninga; ef svo væri þá yrði kastaða á glæ þeirri von að vinna sig út úr vandanum. Sama má segja um seðlabankastjórnina til hvers ætti að reka hana? Árásir á Davíð Oddsson eru fremur  áróður að hálfu "fjármálagarkanna"til að veikja stöðu stjórnvalda, hafa áhrif á gang mála. Þá hefði einhver þeirra orðið "einræðisherra" í stöðunni?

Rótin að fjármálakreppunni var frjálsræðið er kom með reglum EES, erfitt reyndist að hemla úrrás bankanna vegna þess. Við bættust svo undirmálslánin í Bandaríkjunum  allir fengu lán án þess að hafa greiðslugetu er síðan teygði sig um allan heim. Hvers vegna er ekki útskýrt að hálfu hagspekinga hvaða áhrif umrædd lán höfðu á heimsbyggðina fremur en gera lítið úr stjórnvöldum þjóðarinnar?

Að framansögðu vaknar sú spurning hvað verður ef við lendum inn í ESB? Má lesa á netinu þá skoðun að Evran sé skráð of hátt? ESB-ríkin hafa ekki náð neinu samkomulagi um bankakreppuna hver hugsar um sig hvað sem Frakklandsforseti reynir að malda í móinn sem formaður samtakanna; ekki séð fyrir endann á kreppunni er á eftir að æða yfir Austur-Evrópu - og víðar? Reglum um hreyfingu fjármagns milla ríkja í ESB  er ábótavant og ekki samstaða um lausnina?  Hvernig myndi litla Íslandi farnast í samstarfi við ríkjasambandið þegar til framtíðar er litið. hver verður  framtíð ESB?; er hún trygging fyrir betri lífskjörum þarf ekki að grisja regluveldið - og hugsa upp nýja stefnu?

Hagræðing háskólanna?

Menntun er nauðsynleg til framþróunar  ekki er æskilegt að háskólarnir séu of margir miðað við fólksfjölda, skynsamlegt að hagræða milli skólanna þar sem sömu/svipaðir  áfangar  eru kenndir. Kostnaðarsamt fyrir ríkið að bera kostnaðinn; skoða hvort ekki væri rétt að leggja niður skólann að Bifröst og flytja hann til Akureyrar og hinna skólanna,  eftir því sem hentaði og hagkvæmt væri.

Menntun í forgang

Kosningar - ekki góður kostur!

Vart þarf að hugsa um kosningar næstu mánuði þegar eins alvarleg staða og nú  í efnahagsmálum. Kosningar  bæta ekki þann trúverðugleika er stjórnmálamenn hafa óhjákvæmilega misst. Pólitísk samstaða þarf að nást um brýnustu úrlausnir og ákvarðanir; þar sem stjórn og stjórnarandstaða þurfa  að ná sátt um björgunaraðgerðir. Ef það reynist útilokað má  mynda þjóðstjórn er væri betri kostur við okkar hörmulegu aðstæður.

 

Þá er kominn tími til að stjórnmálmenn axli ábyrgð og komi fyrir dóm kjósenda ef þeir skjóta sér undan ábyrgð nú.

Stjórnmálin biðu hnekki

Fjármálasvik?

Hvenær verða lögbrot um lánabrask/hlutabréf endanlega upp á borðinu? Fréttin vekur ugg og ótta vegna þess að hér eru bankar ábyrgir og nú íslenska ríkið. Það hljóta að vera miklar brotalamir í meðferð fjármuna bæði hér á landi;og vegna frelsis með fjármuni milli landa hjá EES/ ESB? Vonandi tekst að upplýsa öll fjársvik þótt það verði sársaukafullt er ekki  hægt að búa við óvissu til frambúðar.

Rannsóknin hefur forgang

Áfengisfrumvarpið: - almannaheill siðferðileg skylda þingmanna!

Lagt hefur verið fyrir Alþingi enn og aftur  frumvarp um sölu áfengis í öllum verslunum og leyfi til að auglýsa áfengi.(þingskjal 37 og 47) Fyrsti flutningsmaður Sigurður Kári Kristjánsson. Fróðlegt að kynna sér hverjir eru meðflutningsmenn, sérstaklega er undirritaðri vonbrigði að sjá þar stórstirnin Illuga Gunnarsson og Bjarna Benediktsson, framtíðarleiðtoga Sjálfstæðisflokksins. Samfélaginu ber siðferðileg skylda til að vernda borgarana fyrir óhóflegri græðgi hagsmunahópa í samfélaginu er ekki viðra staðreyndina um að vínneyslu ber að hafa innan ákveðins ramma. Að framangreindu eiga/verða Stjórnmálamenn að taka ábyrga afstöðu sem miðar að almannaheill en ekki  auka á vandann með stuðningi við áfengisauglýsingar og  óhefta vínsölu.

Eftirfarandi eru glefsur úr greinum er undirrituð hefur skrifað undanfarið ár:

 

"Staðreyndin er hinsvegar sú að þrjátíu þúsund manns hér á landi eiga við áfengisvanda að stríða. Má reikna með að a.m.k um hundrað og fimmtíu þúsund manns þ.e. fjölskyldur þessa fólks eigi í samfélagslegum erfiðleikum vegna áfengisneyslunnar. Fjöldi samtaka og almennir borgarar hafa lýst andstöðu sinni við við óhefta vínsölu: Hjúkrunarkvennafélagið, læknafélagið, kirkjan, SAMAN-hópurinn, skólabörn, þingmenn í öllum flokkum, skólamenn,   yfirlæknir á Vogi."

"Suður-Evrópulönd þar sem vínið er framleitt og er ódýrt hafa reynt að takmarka áfengisneyslu, með stuðningi ESB. Nú nýlega lýstu læknar, lögmenn og heimspekingar í Englandi yfir ófremdarástandi í neyslu áfengis og vilja stytta tíma veitingahúsa og takmarka sölu þess?"

 

"Hæst ber í morgunfréttum  ofneysla áfengis/ómenning í Reykjavík og  framhaldsskólum. Lögreglustjórinn í Reykjavík hefur vakið athygli á ásýnd og ástandi gesta í borginni um helgar. Frá er greint í fréttinni að ástandið sé “vægast sagt ömurlegt”. Við bætist önnur frétt af svipuðum toga, að 47% framhaldskólanemenda séu í talsverðri ofneyslu áfengis og 7% í mjög alvarlegri neyslu. Ekki ofmælt að vandi áfengisneyslu er  viðvarandi víða í samfélaginu. Ekkert er sterkara til úrbóta en ef almenningur er vel meðvitaður um vandann og tekur afstöðu gegn óheftri áfengisneyslu".

 

Úr grein Hjalta Jóns Sveinssonar skólameistara Akureyri:

“Ég hef horft upp á allt of marga nemendur mína, í þessum 1.200 manna skóla, verða áfengi og öðrum fíkniefnum að bráð. Margir hafa flosnað upp úr námi af þessum sökum en sem betur fer koma sumir aftur eftir meðferð af mismunandi toga, m.a. á vegum SÁÁ, sem hefur unnið mjög gott starf hér í bæ og komið fjölmörgum ungmennum og fjölskyldum þeirra til hjálpar.

Fá afgreitt áfengi á tilboðsverði

Það er sannarlega við ramman reip að draga fyrir okkur uppalendur. Hart er sótt að ungu fólki, jafnvel grunnskólanemendum, og þeir hvattir til þess að kaupa og neyta vímuefna af öllu mögulegu tagi. Þá reyna skemmtistaðir bæjarins að gylla starfsemi sína fyrir framhaldsskólanemendum og auglýsa sérstök tilboð á bjór og sterku áfengi t.d. á fimmtudagskvöldum. Komið hefur fyrir að fjöldi 16 og 17 ára framhaldsskólanema hafi fengið inngöngu á staði þessa þó svo að slíkt sé skv. lögum miðað við 18 ára aldurstakmark. Þá hafa þessir sömu unglingar fengið afgreitt áfengi, jafnvel á tilboðsverði, þó svo að áfengisaldurinn sé 20 ár. Teljum við starfsfólk framhaldsskólanna á Akureyri, MA og VMA, sem hafa um 2.000 nemendur innan vébanda sinna samanlagt og þar af 350 á heimavist, löngu orðið tímabært að eftirlit með veitingahúsum verði hert með hliðsjón af ofangreindu".

 

Öllum má vera ljóst að áfengi í matvöruverslunum  mun auka áfengisneyslu unglinga. Aðgengi áfengis er meira en nægilegt þótt ekki sé lengra gegnið.  Víninnflytjendur/vínsalar  hafa nóga sölu þótt hún sé ekki óheft.

 

Engan undirlægjuhátt gagnvart Bretum

Þjóðin þarf ekki að beygja sig í duftið fyrir Bretum þótt sjálfsmyndin sé löskuð. Greiða Bretum það sem þeim ber samkvæmt lögum EES. Ef þeir fara fram á meira þá fari það fyrir dómsstóla. Afar brýnt að þjóðin láti ekki bugast þótt í móti blási frekar en í þorskastríðinu. Að sitja á bekk með terroristum hjá Bretum er hámark niðurlægingar í garð íslensku þjóðarinnar.

580 milljarða lán frá Bretum

Stjórnarandstaðan fái skýringar

Virðist stefna í aðstoð IMF er vel ásættanlegt vonandi fær Íbúðarlánasjóður að lifa verði ekki einkavæddur. Skynsamlegt að kynna skilyrði sjóðsins fyrir stjórnarandstöðunni og leita álits ekki ásættanlegt að hún axli ekki ábyrgð; bankakreppan er alvarlegt mál og um megin lausn hennar þarf að verða pólitísk sátt.

 

Engin óaðgengileg skilyrði

"Forsetinn á hálum ís"

Blogg Árna Snævars (eyjan) um forsetafrúna í Mbl á sunnudaginn hefur vakið verðskuldaða athygli; skoðanir hans geta verið samnefnari fyrir þá sem eru særðir, reiðir og finnst forsetinn hafa brugðist hlutverki sínu. Bloggið ber vott um særða réttlætiskennd er hann skrifar um "klappstýruhlutverk" , forsethjónanna í aðdáun sinni á "fjármálagörkunum".

Nú ferðast forsetinn um landið í sviðsljósi fjölmiðla til að "hugga þjóðina", þjóð sem er með sært stolt og brotna þjóðarsál. Flestir þekkja ævintýri Andersen um "Nýju fötin keisarans" þar sem keisarinn gekk um  meðal þjóðar sinnar allsnakinn í þeirri trú að hann væri glæsilegastur allra, enginn þorði að segja neitt. Þangað til lítið barn kvað upp úr og sagði, "keisarinn er allsber". 

 

Veit að framangreint blogg er beitt en reiðin og sært stolt braust fram þegar ég las blogg Árna Snævars, takki fyrir Árni það varð að segja sannleikann! Forsetinn er ekki unglingur að hlaupa af sér hornin, forsetaembættið er æðsta embætti þjóðarinnar - sameiningartákn sem forsetinn hefur oftar en ekki sniðgengið á ferli sínum; með áberandi glamúr - og dekri við áðurnefnda "garka".

Eins og ég hef áður nefnd í blogginu ætti forsetinn að stíga til hliðar við fyrsta tækifæri.

Hvað er umhverfisvernd?

Umhverfisvernd hvað er umhverfisvernd er hún tilheyrandi slagorð: "Fyrir ófæddu börnin okkar", "fyrir komandi kynslóðir", - eða er umhverfisvernd fyrir umhverfisvernd í eigin heimi;  ekki í tengslum við líf og afkomu  fólksins sem býr í landinu - þar sem of skipulagningin umhverfis er ekki í samræmi við að nota landið/auðlindir innan skynsamlegra  marka til að skapa framtíð fyrir ófæddu börnin okkar?

 Er umhverfisvernd orðin "umhverfisiðnaður" þar sem listamenn og stjórnmálmenn fara um heiminn og höfða til tilfinninga fólks meira en skynsemi? Búa í glæstum húsakynnum, strá um sig peningum og fljúga um heiminn á einkaþotum með tilheyrandi lúðrablæstri?

Langtímahagsmunir verði hafðir í huga varðandi auðlindir landsins

Er ný ríkisstjórn í spilunum?

Það er heldur ekki hægt að skilja ófædd börn eftir  verðum að vinna varnarsigur annars fæðast ekki neinir Íslendingar  verðum þrælabúðir í eigin auðlindum hjá "fjármálamógúlum" - og ESB? Skást að semja við IMF ásamt Norðmönnum?  Nú er Ingibjörg Sólrún utanríkisráðherra að kanna liðsinni Frakka - hefur væntanlega liðsinni Þjóðverja?

 

Nauðsynlegt að taka ákvarðanir sem fyrst, kom fram í Kastljósinu að þreifingar væru hafnar að mynda nýja stjórn: Samfylkingin, Vinstri grænir og uppsóp úr Framsókn? Vonandi stuðlar Ögmundur Jónasson ekki að slíkri stjórn þar sem  Jón Ásgeir Jóhannesson yrði forsætisráðherra - eða sérlegur efnahagsrágjafi ?

Rangt að skuldbinda ófædd börn

"Fjármálagarkarnir eignast Ísland?"

Staðan gæti verið miklu miklu verri ef "fjármálagarkarnir" hefðu keypt:   Stjórnmálaflokkana, keypt alla háskólana/skólana/leikskólana  í landinu, keypt RÚV, lokið við að kaupa blöðin, keypt listina og menninguna, keypt Landsvirkjun/ Orkuveituna, keypt fiskimiðin/drekavæðið  og orkuauðlindirnar?

 

 

 

 

Þeir hefðu eignast Ísland! - þjóðina með húð og hári?

 

 

 

Við munum rísa úr öskunni sterkari og betri enn áður.

Bókaútsölu fyrir jólin?

Heillaráð að flýta bókamarkaðnum seinni part vetrar; gefa fólki kost á kostakjörum mætti selja "fjölskyldupakka" og  á magnafslætti af nokkrum bókum. Auðga andann með bóklestri, gleyma kreppunni um stund yfir jólin.

 

Jólabækur í hættu

ESB - nei nei takk - "seljum ekki mömmu okkar"

Hvers vegna  skyndihraðferð inn í ESB  vilja fá auðlindirnar okkar  ódýrt enda ekki mikið af þeim eftir í Evrópu? Enga útsölu á Íslandi til ESB betra að semja við Alþjóðagjaldeyrissjóðinn - Rússa - og Japani.

Gæti kostað stjórnarslit því nógir eru í Samfylkingunni sem vilja ganga í ESB? Flokkurinn á nóga sérstaka talsmenn ESB  innan sinna raða sem myndu með glöðu geði jafnvel selja "ömmu sína og mömmu" til að komast inn?

Ítrekar að Ísland fengi hraðferð inn í ESB

Ísland greiði ekki breskt skuldabrask

"Bretar vilja firra sig allri ábyrgð í þessari deilu. Þeir telja sig geta neytt aflsmunar og kúgað fé út úr íslenskum stjórnvöldum sem eiga í vök að verjast" er millifyrirsögn í Mbl (ídag) greinar Guðna Elíssonar dósents H.Í. þar sem hann skrifar að Bretar ætli að nota sér bága aðstöðu Íslands til sækja greiðslur umfram það sem lög segja til um vegna innlána breskra í íslensku bankana. Landsbankinn í Bretlandi var í einkaeign og réttmætt að fyrrverandi eigendur bankans er eigi miklar eignir í Bretlandi beri siðferðileg ( og lögleg) skylda til að bæta breskum sparifjáreigendum tjónið.

Íslenska þjóðin greiði það sem henni ber samkvæmt lögum en hitt verði Bretar greiða. Breska fyrirtækið Fitch er sér um lánhæfismat varaði bresk stjórnvöld margsinnis við hættunni að fjárfesta í íslenskum bönkum.

Íslenska ríkið á ekki að greiða skuldir sem hún stofnaði ekki til og verða stjórnvöld að standa fast á sínum lögfræðilega og (siðferðilega) rétti gagnvart Bretum. Nákvæmlega átti Davíð Oddson við það sama þegar hann sagðist (í Kastljósi) ekki standa að greiðslum úr Seðlabankanaum fyrir óreiðumenn. Eigendur einkafjármagns geta ekki gengið á skítugum skónum um almannafé og verða stjórnvöld að standa fast á þeim rétti okkar.

 

En undirmálslánin í Bandaríkjunum?

Fréttin segir ekkert nýtt er ekki hefur  komið fram áður engin ráð nema burt með stjórnvöld án raka. Prófessorinn ætti að útskýra löggjöf Clintons fyrrv. forseta er setti lög um að ekki mætti "mismuna" fólki að taka húsnæðislán. Allir fengu lán hvor sem þeir höfðu getu til að standa undir greiðslum eða ekki. Varð undirrót að lánakreppu Bandaríkjanna á húsnæðismarkaðnum sem nú hefur teygt sig um allan heim. Eitthvað hefur vantað í hagstjórnina sem prófessorinn ætti að útskýra?

Stjórnvöld skilningslaus

Forsetaembættið í uppnámi? - "enginn má undan líta"

Forsetafrúin er vingjarnleg kona viðtalið við hana í Mbl í dag er ef til vill tilraun til að setja betri ímynd á forsetaembættið?  Ekki verður hjá því komist fyrir forsetann að axla ábyrgð vegna þeirrar ímyndar sem embættið hefur fengið með dekri hans við fjármálamógúlana; ferðast með þeim um allan heim og dásamað gerðir þeirra.

Forsetaembættið er æðsta embætti þjóðarinnar; forsetinn sýnir þjóðinni best samstöðu sína með að stíga til hliðar við fyrsta tækifæri. Annars er embættið í uppnámi sem sameiningartákn, er við hefðum sárlega  þurft  á að halda í erfiðleikum þjóðarinnar.

"Enginn má undan líta " (nr 2)

Óskiljanlegt hvað Jón Baldvins Hannibalsson var að fara í kastljósinu (Rúv. í dag); nema til að reka Davíð Oddsson seðlabankastjóra, “trompið”í spunamennsku stjórnmálanna”, getur ekki slegið ryki í augun á þjóð í efnahagsvanda. Söngurinn   ef við hefðum farið að  ráðum Jóns Baldvins  og  gengið í ESB, þá væru engin vandamál er ekki trúverðugur.  Er ekki vandamálið/undirrótin ESB; frjálst flæði fjármagns milli landa án þess að settar væru samskiptareglur  um ábyrgð hvernig sparifé almennings skyldi meðhöndlað á á EES-efnahagsvæðinu - og  ESB-sambandinu.

 

Enginn má undan líta eða fara með gaspur á fjölmiðlum allra síst ríkisfjölmiðlinum?