Fyrsta galdrabrennan

Þá er fyrsta "galdrabrennan" hafin þar sem Davíð seðlabankastjóri er píslarvotturinn. Einhvers konar sefjun viðkomandi hóps; vilja ekki horfast í augu við ástandið hvorki persónulega eða með þjóðarhag í huga. Seðlabankastjórnin gerði það sem var óhjákvæmilegt, að yfirtaka Glitni og  Landsbankans - og Kaupþings. 

Hörmulegt hrun fjármála þjóðarinnar; betra væri að að nota kraftinn líta í eigin barm og spara, lifa ekki um efni fram sem er ein ástæðan, að Ísland er nærri gjaldþrota.

 

Mótmæla Davíð Oddssyni

"Guð minn góður ef ég ætti örlítið brot af lífi"

" Guð minn góður ef  ég ætti örlítið brot af  lífi... Ég myndi ekki láta dag líða án þess að segja þeim sem ég elska frá tilfinningum mínum. Enginn á sér tryggan morgundag hvorki ungur né gamall. Í dag kannt þú að sjá í síðasta skiptið þá sem þú elskar.

Því skaltu ekki bíða lengur. Breyttu í dag eins og morgundagurinn renni aldrei upp, þú munt örugglega harma daginn þann  þegar þú gafst þér ekki tíma fyrir bros, faðmlag, koss og þú varst of önnum kafinn til að verða við óskum annarra.

Hafðu þá sem þú elskar nærri þér, segðu þeim í heyranda hljóði hversu mjög þú þarfnast þeirra, elskaður þá og komdu vel fram við þá, taktu þér tíma til að segja "mér þykir það leitt", "fyrirgefðu mér", "viltu vinsamlegast", "þakka þér fyrir"- og öll þau kærleikans orð sem þú þekkir.

 

Enginn mun minnst þín sökum leynilegra hugrenninga þinna. Biddu Drottin um styrk og getu til að tjá hugsanir þínar. Sýndu vinum þínum hversu mikils virði þeir eru þér"". góða helgi.

 

(Úr bréfi sem Kólumbíska NÓBELSKÁLDIÐ Gabríel Garcia  Márques reit mikið veikur til vina sinna.)

Hugrakkur viðskiptaráðherra

Viðurkenni að ungi viðskiptaráðherrann stendur sig með mikilli prýði í erfiðum málum þjóðarinnar á ögurstundu.  Er yfirvegaður  kemur vel fyrir sig orði og er fastur fyrir, vex við hverja raun. (Þótt hann sé í Samfylkingunni). Spái honum vegsemd í framtíðinni enginn vafi.

 

Hann er  ekki eins og ungu framsóknarmennirnir sem vilja skoðanakannanir áður en þeir taka ákvarðanir; vilja komast hjá því að taka erfiðar ákvarðanir koma síðan fram fyrir kjósendur  með "allt á hreinu".

Ákvörðun á allra næstu dögum

Brotin sjálfsmynd - herða upp hugann

"Það er dapurlegt að sjá fram á að þurfa að  kenna börnunum sínum að skammast sín fyrir að vera Íslendingur", segir Kristján G Arngrímsson heimspekingur (mbl í dag). Mannleg viðbrögð að fyllast reiði þegar á bjátar. Að stöðvast í  afneitun, horfast ekki í augu við veruleikann, stinga höfðinu í sandinn og skammast sín verður vonandi ekki viðvarandi ástand til frambúðar hjá heimspekingnum.

Meðan ástandið brotin sjálfsmynd varir  yrði  ráðlegast að ræða ekki við börnin. Horfast í augu við bágt efnahagsástand með réttum viðbrögðum og bjartsýni ekki síst barnanna vegna sem munu erfa landið og þurfa á bjartsýni að halda.  Þjóðin á auðlindir og vel menntað fólk eru allir vegi færir þótt í móti blási um stund. Sendi umræddum manni baráttukveðjur og ósk um betri líðan þegar sjálfsmyndin nær jafnvægi. góða helgi  

Ungir Framsóknarmenn strengjabrúður?

Unga fólkið í Framsókn er að frýja sig pólitískri ákvarðanatöku með atkvæðagreiðslu um aðildarviðræður að ESB. Stjórnmálaflokkar eiga að taka ákvarðanir  leggja þær síðan fyrir kjósendur og standa eða falla með þeim. Skýrt kom  hjá Páli Magnússyni Framsókn að tekin verði ákvörðun á flokksráðsfundi. (Stöð2ídag).

Páll sagði ennfremur að ávörðum um aðildarviðræður ESB yrðu teknar á flokksráðsfundi í nóvember  þar réðust úrslitin óháð skoðunum Guðna formannsins. Ný stefna í stjórnmálum ef skoðanakannanir eig að ráð för; stjórnmálamenn strengjabrúður þeirra án þess að axla nokkra ábyrgð.

Ísland á brunaútsölu?

Skoðanakönnunin er tæplega marktæk eftir það sem á undan er gegnið ekki tímabært  að taka slíka ákvörðun þjóðin er ekki sjálfbjarga og þarf aðstoð gjaldeyrissjóðsins. Fréttir greindu frá í vikunni að háttsettur embættismaður ( ESB)sagði í ljósi aðstæðna þá gæti "flýtimeðferð" innan ESB komið á "viðræðum og aðild" á stuttum tíma; ESB er ekki góðgerðarstofnun vill aðeins ná "gjaldþrota þjóðinni" á "brunaútsölu" vegna auðlinda landsins.

Engar líkur til að þjóðin vilji ESB þegar jafnvægi næst og raunveruleikinn verður áþreifanlegri með skilyrðum alþjóðagjaldeyrissjóðsins. Krónan þarf  jafnvægi ef skipta yrði  um mynt þá er norska krónan álitlegri kostur en Evran.

 Enga brunaútsölu til ESB

70% vilja þjóðaratkvæðagreiðslu um ESB

Ísland á framtíð - engan bölmóð

Litla Ísland smáþjóðin er eins og krónan, skoppar stjórnlaust í öldurótinu vitum tæplega hvar við lendum? Nú verður endurreisn og við meðvituð um smæð okkar lifum í samræmi við það sem við getum aflað.  Eigum verðmætar auðlindir orkulindir og fiskimið  er og verður kjölfestan; þá getur litla þjóðin dafnað með duglegt og velmenntað fólk er byggir "upp nýtt Ísland" þar sem ráðdeild og skynsemi/kærleikur  er leiðarljósið.

Hvað varðar öryggisráðið þá spörum við einn til tvo milljarða (eftir genginu) það kemur sér vel höfum nóg með að reka sendiráðin eins og á stendur. Yfirbyggingin er ekki af stærðargráður lítillar þjóðar og mætti vera minni með hagræðingu á fleiri stofnunum en bönkunum. Með allri virðingu fyrir menntun þá eru háskólarnir of margir; þar mætti hagræða án þess að menntunarstig þjóðarinnar verði skert.

Okkar sjálfstæði sem smáþjóðar er að hafa viðskipti við sem flestar þjóðir; - umgangast auðlindirnar með varkárni bæði til verndar náttúrunni og verja fjármunum rétt í samskiptum við aðrar þjóðir.

Niðurstaðan mikil vonbrigði

Bretar - Kaupþingi fékk náðarhöggið

Við höfum sýnt Bretum vinsemd fjöldi sjómanna fórnuðu lífi sínu voru skotnir niður af Þjóðverjum  í heimstyrjöldinni síðari þegar þeir sigldu með  fiskinn þeim til bjargar vegna matvælaskorts. Íslendingar færðu síðan  út fiskveiðilögsöguna vildu sjálfir nýta fiskimiðin við landið; réttmæt krafa en þá birtust herskip hennar hátignar til að verja rán breskra togara í landhelginni.

Það varð álitshnekkir fyrir Breta að beita smáþjóð hervaldi er auk þess hafði verið þeim vinveitt á erfiðum tímum í stríðinu. Þeir urðu að láta undan síga annars tapað virðingu sinni í samfélagi vestrænna ríkja.

Alþjóðsamfélagið og NATO geta ekki stutt Breta vegna árásar á Kaupþing samkvæmt hryðjuverkalögum. Flugher hennar hátignar getur ekki komið hingað  til að verja okkur - eftir að hafa nánast ráðist á okkur liggjandi og rústað stærsta banka þjóðarinnar.

Vill ekki Bretana

Hnattræn efnahagskreppa - viðskiptastríð?

Erfitt hefur reynst að fylgjast með eða mynda sér skoðun hvers vegna eða hver er örsök bankakreppunnar? Virðist ekki  jafnvægi í umræðunni  að komast niður á röklegt og siðlegt plan; fremur geysar "viðskiptastríð", allir vilja bjarga eigin skinni?

 

Ýmsar yfirskriftir frétta koma upp í hugann: Davíð talaði af sér, Kaupþing féll? Hvað sagði hann? Íslenska ríkið borgar ekki óreiðuskuldir erlendis? Bretar neyttu aflsmunar og settu Kaupþing á hliðina í krafti hryðjuverkalaga; eru sennilega utan við lög og rétt Alþjóðalaga og  - ESB? Aðalbankastjóri Bandaríkjanna lýsti yfir að björgunaraðgerðir hjá þeim björguðu ekki efnahagsvandanum? Hlutabréf um allan heim féllu í verði. Voru bankastjórarnir viljandi að spila út til að skerpa línurnar í “fjármálakreppustríðinu”?

 

Getur orkað tvímælis fyrir fræðimenn/fræðasamfélög að þiggja styrki í stórum upphæðum   frá áhrifamiklum/fjársterkum  fyrirtækjum? Gæti skaðað viðkomandi  stofunum á háskólastigi bæði inn á við og út á við?

 

Dæmi: Háskólinn í Reykjavík fékk milljarð í styrk, orkar það ekki tvímælis að hagfræðingur á launum geti verið algjörlega “trúverðugur/hlutlaus”? Háskóli Íslands fékk  styrk frá Landsbankanum,  Háskólinn að Bifröst frá Glitni? Allt í sviðsljósi fjölmiðla; er lýstu styrkjunum með mikilli hrifningu af “velgjörðarfyrirtækjunum”.

 

Síðan koma hagspekingar með “palladóma” fremur en yfirvegaðar röklegar skýringar? Að framansögðu hlýtur  að vekja spurningar hvort umræðan geti verið trúverðug? Samkvæmt upplýsingum Egils í Sífrinu hringdu tveir spekingar í hann alveg orðlausir engar frekari skýringar ?

Þá heyrist upphrópunin “reka Davíð og seðlabankastjórnina” með vissu millibili án þess að undirrituð hafi getað myndar sér skoðun; af hverju?

 

Hugleiðing undirritaðrar er upplifun hennar af fréttum með misvísandi upplýsingum er erfitt er að greina.

 

E.s. Ef tii vill gott útskpil að taka lán frá Rússum samhliða gjaldeyrisjóðnum? Ekki treysta í blindni á "vini okkar og verndara í NATO"? - og ESB?

Bæn Gísla frá Uppsölum

Gísli frá Uppsölum (ómeðvitað) minnir um margt á meinlætamenn/einsetumenn fyrri tíma er drógu sig út samfélaginu; álíta má að eyðslu/neyslusamfélagið hafi ekki verið honum að skapi. Þótt Gísli væri oft fjærri raunveruleikanum lifði hann í náttúrulegu jafnvægi  með sterkar  kristnar rætur er birtast í innilegri bæn til Guðs:

 

Þegar raunir þjaka mig

þróttur andans dvínar

þegar ég á aðeins þig

einn  með sorgir mínar.

 

Gef mér kærleik, gef mér trú

gef mér skilning hér og nú.

 

Ljúfi drottinn lýstu mér,

svo lífsins veg ég finni.

Láttu ætið ljós frá þér

ljóma í sálu minni.

 

Góða helgi

Evran - stöðugleiki ekki öruggur?

Þjóðverjar sjá fyrir bankakreppu hjá sér í byrjun næsta árs. Angela Merkel hefur stofnað öflugan sjóð til að varnar væntanlegri kreppu. Þýskaland er eitt af ríkustu löndum Evrópu samt er kreppunni spáð en að hún kunni að réna seint á næsta ári.(Rúv)

 

Euiopian Policy Centre  nefnir  hrun krónunnar hér á landi sem dæmi um að litlir gjaldmiðlar auki óstöðugleika þegar fjármálakeppa skellur yfir vegna árása spákaupmanna. Hér skarast fréttir augljóst er að Þjóðverjar eru ekki öruggir þrátt fyrir Evruna, stöðugleika  og sterkan fjárhag. (Fréttablaðið í dag)

 

Evran er þá ekki fullkominn stöðugleiki;  til vill  til fjármálaspekingar í Þýskalandi er hafa möndlað óþægilega "fjármálapappírsvafninga"?

 

Betra seint en aldrei

Betra seint en aldrei fyrir ESB/EES að sýna "hinu siðferðilegu félagslegu samkennd";   inntak boðskapar sambandanna til að byggja upp sameldni ríkjanna. Skyldi þó aldrei vera að tilboð Rússa um lán hafi vakið eftirtekt leiðtoganna í "erfiðleikum smáþjóðar" enda ekki vænlegt að fá Rússana inn á Norður -Atlandsshaf?

 

ESB-leiðtogar styðja Ísland

"Græddur er geymdur eyrir"- einstæð móðir tapar sparnaði af litlum launum!

Einstæð forsjál móðir sparaði reglulega af litlum launum (Mbl í dag)átti um sjöhundruð þúsund inn  á peningasjóðnum í bankanum; hafði fengið fulla vissu um að sjóðurinn væri öruggur og með bestu vöxtum. Innstæða sem átti að grípa til á ögurstundu ef veikindi eða önnur áföll berðu að dyrum. Samkvæmt reglum útlána eru peningar einstæðu móðurinnar tapaðir án þess að henni væri sagt að þessum sjóði fylgdi áhætta.

 

Ekki ásættanleg niðurstaða að fara með sparnað fólks með svo siðlausri framkomu, að draga ekki fram við viðskiptavini hvaða reglur felast í innlánum. Að framansögðu er siðferðilega réttmætt að einstæða móðirin og þeir sem misst hafa ævisparnað sinn í peningsjóðum bankann verðu bættur skaðinn. 

 

Nauðsynlegt er að setja skýrar reglur um innlán svipað og í Noregi; þar varð banki að leggja inn starfsleyfi sitt vegna þess að sparifjáreigendur/hjón fengu ekki réttar upplýsingar þegar þau báðu um ráð  vegna hlutabréfa sem höfðu fallið í verði. Þjónustufulltrúinn ráðlagði þeim að kaupa meiri hlutabréf sem síðan féllu í verði og ekkert varð eftir að ævisparnaðnum.

 

 

 

 

Morgunbæn:

Í náðarnafni þínu
nú vil ég klæðast, Jesús.
Vík ég að verki mínu
vertu hjá mér, Jesús.
Hjarta, hug og sinni
hef ég til þín, Jesús.
Svali sálu minni
sæta nafnið Jesús
ég svo yfirvinni
alla mæðu, Jesús,
bæði úti og inni
umfaðmi mig Jesús.

 

 

 

Hallgrímur Pétursson

"Enginn má undan líta"

Samfylkingin reynir allt hvað  hún getur að þvo hendur sínar í erfiðu efnahagsástandi þjóðarinnar. Fulltrúi þeirra í seðlabankastjórn sagði af sér í  glampandi sviðsljósi fjölmiðla. Skilaboðin voru; “við bárum enga ábyrgð allt hinum að kenna”. Síðna koma skilaboð Ingibjargar Sólrúnar Gísladóttur formanns flokksins um að seðlabakastjórnin skuli víkja og innganga í ESB sem fyrst. Undirrituð varð fyrir mestum vonbrigðum með Jóhönnu Sigurðardóttur í drottningarviðtalinu” á Rúv, Lýsti hún yfir að  best væri að stjórn seðlabankans viki – sérstaklega Davíð Oddssoni. Engin svör við vandanum annað en það sem hún sagðist hafa gert og ætlaði að gera –rétt eins og hún væri ein í heiminum en ekki í samstarfi við Sjálfstæðisflokkinn.

 

Áríðandi vandamálum í efnahagsstjórnun er Sjálfstæðisflokknaum ætlað að leysa en eftir stendur Samfylkingin í “nýju fötum keisarans” eins og ekkert sé. Ástæða fyrir Geir Haarde að vera vel á verði enginn má undan líta;  Samfylkingin getur ekki litið undan á ábyrgðarstundu og látið samstarfsflokkinn um erfiðleikana.

 

Nánast útilokað er að núverandi stjórn sitji út kjörtímabilið ef heldur áfram sem horfir vegna þess að Samfylkingin virðist  ætlar að skjóta sér undan merkjum og koma “syndlaus” til næstu  kosninga.

 

Eins og undirrituð hefur áður nefnt þá yrði stjórn Sjálfstæðisflokks og Vinstri grænna farsælust við erfiðar aðstæður í endurreisn rétt eins og Nýsköpunarstjórnin um miðjan áratug síðustu aldar er kom togaraútgerð og atvinnusköpun á stað fyrir alvöru hér á landi.

 

Sólveig Árnadóttir: Bæn íslenskrar móður

Bæn til barnanna: Algóði himneski Faðir. Ég vona að þú heyrir mínar bænir í Jesú blessaða nafni. Amen. Ég bið þig að halda þinni heilögu hönd yfir öllum barnahópnum mínum sem þú gafst mér. Lífs og liðnum, tengdabörnum og barnabörnum. En fremur bið ég þig að leiða þau á lífsins braut, blessa öll þeirra störf og hjónabönd þeirra. En fremur bið ég þig minn hjartkæri Frelsari að vera í stafni á farartækjum þeim sem drengirnir mínir og tengdasynir stýra, bæði á sjó og landi. Láttu þín fögru ljósgeisla ljóma yfir heimilum þeirra. En fremur bið ég þig þegar þú burtkallar þau héðan að vera þeim nálægur, taka í hönd þeirra og leiða þau inn í Dýrðar ríki þitt. Ó Drottinn heyr bæn mína og Drottinn veit þú áheyrn veikum bænum mínum og vísa þeim að náðarfaðmi þínum. Almáttugur Guð hann styrki yður og varðveiti að eilífu.

Ykkar móðir.

Nú renni ég augunum upp til þín,
og andvarpa í hljóði.
Ég bið þig fyrir börnin mín,
blessaður Jesús góði.

                            Sólveig Árnadóttir 1957

 

 

"Lófalestur og galdrabrennur"

Vonandi hefjast ekki ásakanir eða  "galdrarennur" í ríkjandi ástandi; mikilvægast að stjórnmálaflokkar og stofnanir standi saman að finna  bestu lausnina. Allir eru felmtri slegnir   erfitt að taka mikilvægar ákvarðanir. Fyrir mér  hafa hagfræðingar /sérfræðingar komið  fram  með  misvísandi upplýsingar um hvað  fór úrskeiðið  eða hver eru úrræðin - nema setja Davíð Oddson  seðlabankastjóra á "galdrabálið".

Samt sem áður  alvarlegt mál ef sérfræðingar tilgreindra stofnana hafa setið þennan fund með Landsbankanum en ekki tilgreint stofnunum sínum  þessa válegu skýrslu - líkast "lófalestri" fremur en kaldri staðreynd er þurfti að ígrunda vel.

Bankaskýrsla undir stól

EES fordyr - ESB = sæluríkið?

Samkvæmt lögum EESsvæðisins gátu íslensku bankarnir “flutt út sparifé” landsmanna.l Allt fjármagn og vinnuafl í “frjálsu flæði” í nafni jafnréttis og bræðralags innan EES, fordyr áður en innganga verður “í eilífðar sæluríki ESB”. Íslensku bankarnir  fitnuðu eins og “púkinn á fjósbitanum”, ekkert gat stöðvað þá; urðu 12sinnum stærri en þjóðarframleiðsla Íslands samt er þjóðin ábyrg fyrir innstæðum viðkomandi landa. Við bætist að  bankarnir hafa ekki staðið í skilum í tryggingarsjóð innlána aðeins 13milljarðar eru í sjóðnum en ættu að vera 40milljarðar (Fréttablaðið 14.10)

Er ekki sæludraumurinn búinn, stærstu ríki ESB hafa samið sín í milli en Alþjóðgjaldeyrissjóðnum ætlað sjá um minni ríkin? Þau skipta ekki máli þegar alvara er á ferðinni aðeins stærstu ríkin sáust við samningaborðið þegar ESB samdi um efnahagsaðgerðir  sambandsríkjanna.

Er draumurinn um eilífðar sæluríkið ESB orðinn að martröð? (Líkt  eins og 1000ára ríkið forðum?).

 

Forsetinn - sameiningartákn

Viðtal við forsetann Ólaf Ragnar Grímsson í Kastljósinu í gærkveldi kallar á hvaða ímynd forsetaembættið ætti að hafa í framtíðinni. “Pólitísk” afskipti forsetans af fjölmiðlafrumvarpinu urðu að líkindum til að þrjátíu þúsund manns skiluð auðu er hann var kjörinn annað sinn. Við bætist stuðningur forsetans með ráðum og dáð við útrásarvíkinganna svokölluðu; ferðaðist um heiminn með  einkaþotum þeirra til að dásama “efnahagasundrið”.

 

Forsetinn hefur og á að hafa neitunarvald gagnvart alþingi  ef til stóráfalla kemur í lífi þjóðarinnar. Reynt var með lögum að setja réttlátan lagarammra um eignarhald fjölmiðla kallaði ekki á afskipti forsetans. Umrædd lög voru sett til að dreifa eignarhald  á fjölmiðlum til að vernda raunverulegt  málfrelsi/ritfrelsi þjóðinni til hagsbóta.

 Umrætt viðtal var tilraun forsetans til að bæta um og viðurkenna mistök sín og er það virðingarvert. Best viðurkennir hann mistök sín; að draga sig í hlé og annar forseti verði kosinn  er gæti orðið óumdeildur,  sameiningartákn þjóðarinnar.

 

 

 

 

 

 

Ólafur Ragnar: Ótrúleg ósanngirni breskra stjórnvalda

Kvöldbæn

Góði Guð, vak þú yfir mér á meðan ég sef. Vak yfir öllum, sem eru þreyttir, að hvíla sig. Gef öllum svöngum mönnum mat að borða. Hugga líka góði Guð, alla þá, sem eru sorgmæddir, einmana og sjúkir.

 

 

Amen