Engin umferðarljós eða gangbrautir?

Athyglisverð frétt í sjónvarpinu í gær frá  fjórtán þúsund manna bæ í Þýskalandi. Þar hafa öll umferðarmerki verið lögð niður – líka gangbrautir yfir götur. Þykir vel til takast enn sem komið er. Umferðarslysum hefur fækkað, umferðin hægt á sér, síðast ekki síst eru menn tillitssamri í umferðinni. 

Leiðir hugann að umferð hér á landi og  hvort ekki megi taka upp framagreinda tilraun  t.d. í Kópavogi eða Selfossi.  Hér í Kópavogi er mikið af hringtorgum en ennþá  virðist vanta  tilfinningu fyrir að virða rétt í innri hring. Ökumenn  eru með innbyggð “aðalbrautareinkenni” og svína þess vegna í veg fyrir bíl í innri akrein sem er á leið út úr hringnum. Er þetta mín reynsla oftar en ekki.  

Hér mætti bæta úr með góðum auglýsingum í sjónvarpi. Ef það er staðreynd að mikið sé um slíka árekstra þá munu tryggingafélögin leggja málinu lið. 

Dregið hefur úr hröðum akstri við sterkt eftirlit lögreglunnar . Ef til vill fylgir í kjölfarið umferð án götuljósa og gangbrauta  víðast hvar?

Með hægari akstri vinnst tvennt: Minni slysahætta og minni eldsneytisnotkun.

Lítil saga um "Birnu túrista"

Birna hafði fylgt ísnum um nokkra vikna skeið en uppgötvaði einn dag að hún var á rekís langt úti í íshafi. Einn morguninn þegar hún vaknaði fann hún þef af landi. Gleði hennar var mikil. Hún þefaði langan tíma til að fullvissa sig um land, lagðist síðan til sunds og náði landi þreytt og svöng. Hún sá að hér voru ekki heimslóðir hennar. Var komin á framandi slóðir. Fyrstu viðbrögð voru að leita sér ætis. Hún sá fuglager álengdar og fann þar egg sér  til matar. Birna hresstist og ákvað að fá sér svolítinn lúr eftir volkið. Hún vaknaði við hundgá, sá hund og  litla mannveru. Þefaði út í loftið,  fann að ekki var hætta á ferðum, enda var hún ekki vön að ánáða að óþörfu. Þannig leið dagurinn og Birna var  hin ánægðasta í nýja landinu sem hún hafði óvænt eignast. 

Allt í einu drifu að menn og undarlegt gljáandi skrímsli sem henni leist ekki á. Þefaði vandlega út í loftið og skynjaði hrædda  menn  ógnandi í fasi.  Birna var ekki vön  svona undarlegum skepnum.  Nú  ók skrímslið í átt til hennar með  urrandi hljóðum sem voru henni framandi og vöktu tortryggni hennar. Best að forða sér heim aftur. Birna tók á rás til sjávar. Allt í eiun heyrði hún undarlegan hvin og stingandi sársauka, sortnaði fyrir augum og féll til jarðar ; - féll nýjum löndum sínum til öryggis og almannaheilla?  

Birna skotin á flótta - særð á framfótum - horuð!?

Birna horuð, sennilega ekki þolað svæfingu!, Carsten hitti ekki!, dýrið hljóp til sjávar? Ekki nógu skýr fréttaflutningur. Hvers vegna var hættulegt að Birna hljóp til sjávar horuð og særð á fótum?

Virðist sem að hér hafa vantað afgerandi stjórn eða hræðsla gripið um sig???

Ísbjörninn að Hrauni dauður

Mattías Johannessen: Grænlenzkur túristi.

 

 

Tilhlýðilegt að lesa kvæði Mattíasar Johannessen, skálds um bangsa er féll fyrir skoti þegar hann var á  ferð fyrir nokkrum dögum á sama stað og þessi bangsi.

Grænlenzkur túristi

Hann skimast um,
það er þoka á fjöllum.

Hann er hvítur
eins og efsti skafl,hreinn
eins og regnþrunginn himinn.

Skimast um,
enginn selur í nánd,
aðeins manndýr með selsaugu.

Skimast um,
nálgast,

 gamall hólkur,miðar.

Andar að sér ókunnu landi,

skot   

 

Síðasta andartak bjarndýrs
í gróðurhúsinu
jörð. 

 

 

Gleðilega þjóðhátíð

Ísbjörninn rólegur

Ísbjörninn verði velkominn túristi

Vonandi verða ekki fyrstu viðbrögð umhverfisráðherra að láta miða byssunni á Bangsa þótt hann sé að gæða sér á æðareggjum og fá sér smá lúr eftir langa sundferð. Hann hefur sinn rétt í náttúrunni; nú reynir á raunverulegan vilja til að sýna honum tilhlýðilega virðingu og vernd.

Ísbjörn í æðarvarpi

Tvinnbílar orka tvímælis?

Það sem gerir tvinnbíla  (rafmagns -og eldneytisbílar) áhugaverða er að með þeim er þróuð tækni í áttina að enn vistvænni bílum, svo sem tengiltvinnbílum eða vetnisbílum. Hafa verður í huga að enn er ekki til staðar tækniþekking til að framleiða vetni er á að koma í staðin fyrir eldsneyti á bíla ekki fyrr en hægt verður að nýta sólarorkuna í þá veru.Hingað til hefur reynst erfitt að framleiða rafhlöður sem eru allt í senn ódýrar, endingargóðar og nógu fyrirferðarlitlar og léttar til þess að hagkvæmt sé að nota þær til að knýja tvinnbíla.
Bandarískir  vísindamenn hafa  m.a. komist að  niðurstöðuu um, að bandarískur Jeep Wrangler með V8 vél, sé einn grænasti bíll sem til er. Þá þurfi Range Rove mun minni orku en tvinnbíll á borð við Toyota Prius.

 

 Útdráttur frá heimasíðu FÍB:   Wilfried Bockelmann þróunarstjóri Volkswagen segir  í viðtali við tímaritið Automotive Engineering International,  að tvinnbílar (bílar knúnir bæði bensín/dísilvél og rafmagnsmótor) séu blekking og væru ekki til nema vegna  heimskulegra laga um útblástur bíla í Kaliforníuríki.
„En við neyðumst víst til að vera með tvinnbíl til að geta yfirleitt selt bíla í Kaliforníu frá og með áramótunum 2008-2009,“ bætir hann við. 

Bockelmann fjallar síðan um þá tvinnbíla sem nú eru í umferð og segir að í því samhengi að draga úr útblástursmengun séu þessir bílar tvinnbílar  þýðingarlausir við flestar aðstæður nema ef vera skyldi í Tokyo og París þar sem umferð er mjög þétt og hæg. Í þéttbýlustu borgum Bandaríkjanna séu þeir til nokkurs gagns, - í stórborgum semLos Angeles og Detroit. Þar aka menn að meðaltali 30-40 mínútur til vinnu, þar af  5 til 10 mínútna akstur í mjög þéttri umferð. Á þjóðveginum er brunahreyfillinn hins vegar nánast stöðugt í gangi, enda þarf stöðuga orku til að knýja bílinn áfram, yfirvinna loftmótstöðuna Kostir tvinnbílanna vega ekki upp galla þeirra segir Bockelmann, tvinnbílarnir eru þyngri og mun dýrari í framleiðslu.

Vilji menn í alvöru draga úr eldsneytisbruna bíla er betri kostur.að leggja áherslu á nýjustu dísilvélarnar TDI dísilvélar Volkswagen sem eru mun eyðslugrennri en samsvarandi bensínvélar og háþróaðar. En í mörgum ríkjum Bandaríkjanna, vegna mengunarlaga og regluverks í Kaliforníu og mörgum ríkjum Bandaríkjanna,  er ekki gert ráð fyrir diselbílum.

“ Það er óvenjulegt og raunar talsvert mikil frétt að jafn háttsettur maður í bílaiðnaðinum og Bockelmann gefi umhverfis- og mengunarlöggjöf Kaliforníu opinberlega þá einkunn að hún sé heimskuleg. Nútíma tvinn- eða tvenndartækni í bílum hefur vissulega kosti og ókosti eins og  tæknistjórinn bendir á. Kostirnir eru fyrst og fremst þeir að hemlunarorkan endurnýtist að stórum hluta sem straumur á rafgeyma bílanna. Í langkeyrslu fer hins vegar augljóslega minna fyrir þeim.kosti en í borgarumferð þar sem stöðugt er verið að taka af stað og hemla. Þegar bíllinn stöðvast eða rétt mjakast áfram í þéttri umferðinni er brunahreyfillinn minna í gangi – geymarnir og rafmótorinn sjá um að mjaka bílnum áfram sem er margföld á við hæga borgarumferð.” 

Greinilega skiptar skoðanir um hvaða bílar eru umhverfisvænir og fer ekki hjá því að hagsmunir bílaframleiðenda blandast þar með. En í nánustu framtíð er ekki von á þeirri lausn að hægt sé að framleiða vetni í stórum stíl fyrr en tekst að nýta sólarorkuna sem orkugjafa.

ESB - álit almennings aukaatriði?

Höfnu Íra á Lissabonsáttmálanum er stefnumarkandi atburður fyrir gagnrýna rökfasta umræðu  er  hlýtur að vera forsenda  skoðanamyndunar/ákvörðunartöku   almennings. Ekki virðist vera nein sameiginleg sjálfsmynd Evrópu fyrir hendi sem er grunnur þjóðanna til samræðu. Gæti verið ein ástæða dræmra kosningabaráttu innan ESB.  Eins og kunnugt er var Lissabonáttmálinn settur fram eftir að stjórnarskrá ESB var felld og er  illskiljanlegur til lesningar – enda varla til þess ætlast að lýðræðisleg rökræn umræða meðal  almennings fari fram. Skrifræðið í Brussel virðist ekki telja þörf skoðanaskipta  á almennum nótum heldur vill koma á samstöðu með “handafli”  – almúginn þvælast bara fyrir með skoðunum um  hagsmunamál sín: og mannréttindi. Írar tóku af skarðið og gáfu ESBrisanum verðuga ráðningu með höfnun Lissabonsáttmálans.

Ábyrgðarlaus umræða ESBsinna

Ábyrgir stjórnmálamenn og blaðamenn, sem eru Evrópusinnar hafa notað erfitt efnahagsástand til að réttlæta aðild Íslands að ESB. Skemmst er að minnast yfirlýsingar  Ingibjargar Sólrúnar Gísladóttur, utanríkisráðherra er hvatti (RUV 20.04)) þingmenn til að taka afstöðu í ESB-umræðunni því nú lægi fyrir ótvíræður vilji þjóðarinnar samkvæmt “skoðanakönnun”. Einnig  skrifaði Kolbrún Bergþórsdóttir í forystugrein 24stunda (6.05) þar sem allur vandi yrði leystur með inngöngu í ESB. Samkvæmt skoðun framgreindra er tæplega  þörf á neinni reisn við samningaborðið að okkar hálfu – eigum við að ganga bónleiðar til búðar í Brussel? Ekki eitt orð um afstöðu til auðlinda landsins; ef til vill að biðja ESB auðmjúklega að taka þær sem tryggingu  til inngöngu – engar áhyggjur meir þegar við yrðum komin til Brussel? 

Hvers vegna hefur innganga og upptaka Evrunnar ekki leyst vanda allra þeirra ríkja sem eru í ESB? Hvers vegna mældist verðbólga í Lettlandi 17,5% í april. Þótt Lettar hafi ekki tekið upp Evruna er gjaldmiðill þeirra tengdur henni og gilda þar gengissveiflur Evrunnar –  en hefur ekki komið í veg fyrir þessa miklu verðbólgu í Lettlandi.

 

Dæmigerð umræða Evrópusambandssinna þar sem innganga í ESB skal í gegn án þess að rökræn umræða um kosti og galla fari fram.    

Notkun eldneytis til orkuframleiðslu - staðreynd um langa framtíð

Meðan kolabirgðir endast  í heiminum mun ekki verða raunhæfur kostur að hætta notkun eldsneytis til orkuframleiðslu en 80%  þeirra orku sem notuð er í heiminum í dag kemur frá brennslu eldneytis, kolum,olíu og jarðgasi. Kína er langstærsti kolaframleiðandi heims næst Bandaríkjunum. Orkulindir tveggja  fjölmennustu ríkja heims Kína og Indland eru byggðar á þessum miklu kolabirgðum Kínverja – því er ekki raunhæf hugmynd að hætta notkun eldneytis til orkuframleiðslu. 

Verkefni liggur fyrir að framleiða vetni úr vatni með kolum og binda koltvísýring sem myndast við framleiðsluna með því að þrýsta honum niður í jarðlög þar sem hann gengur varanlega í efnasambönd í jarðlögum en sleppa ekki koltvísýring úr í andrúmsloftið við brennslu eldneytis. Notkun vetnis sem eldsneytis er enn vanþróuð tækni nema til staðbundinna raforkuframleiðslu með gashverflum. Enn er framleiðsla vetnis of fyrirferðarmikið til að geta verið lausn til almennra nota á litlum fólksbílum.  Rannsóknir á lausnum vetnisframleiðslu og að binda koltvísýring er  meginhluti framangreinds verkefnis. 

Kolabirgðir í heiminum eru taldar endast í u.þ.b. tvö hundruð ár miðað við iðnvæðingu þróunarríkjanna. Hægt er að sundra vatnsgufu í frumefni sín, vetni og súrefni með því að hita hana í mjög hátt hitastig. Hitastigið má framleiða með því að safna sólargeislum saman í svokölluðum holspeglum. Þá er það sólarorkan er sundrar vatni í frumefi sín  og er varanlegur orkugjafi - en ekki kolin.

  Nauðsynleg tækni til notkunar sólarorku er ekki til staðar en gæti orðið veruleiki eftir tvö hundruð ár þegar kolin þrjóta. Sólarorkan er orkulind sem ekki þrýtur eins og kolin. Framgreindur útdráttur er tekin úr ágætri grein fyrrv. orkumálastjóra Jakobs Björnssonar, skrifuð  í Mbl 14.06.08 bls. 30. Jakob endar grein sína eftrirfarndi: “Bandaríkin hafa sætt ámæli fyrir að vilja ekki gerast aðili að Kyotobókuninni. Kannske rekur þetta tæknivæddasta samfélag veraldar af sér slyðruorðið  með því að leggja grundvöllinn að vetnissamfélagi framtíðarinnar”. Niðurstaða undirritaðrar eftir lestur greinarinnar: "Neyðin kennir naktri konu að spinna" – einnig í hugviti og tæknirannsóknum.

Múffan í stað súlustaða

Heitasta frétt vikunnar er að líkindum frétt Fréttablaðsins (13.06.08 bls. 46) um hið nýja hjálpartæki ástalífsins fyrir karlmenn er Orðabókarmenn HÍ hafa gefið nafnið "Múffan". Tvær flugur eru án efa slegnar í höggi með þessu hjápartæki þar sem konur hafa geta keypt sér slík hjápartæki í verslunum. Hefur nú jafnrétti náðst á þessu sviði og er ástæða að óska karlmönnum til hamingju með áfangann.

Þá munu líklega súlustaðir með svokölluðum listdansmeyjum verða úr sögunni; nú munu rísa ódýrir "múffustaðir" þar sem karlmenn er það kjósa geta tekið forskot á ástarsæluna með "Múffunni" og hlustað á viðeigandi tónlist með litlum tilkostnaði?

Eyðing landsbyggðar - umhverfisspjöll.

Gott að heyra að skref eru tekin til álvers á Húsavík og vonandi verður ferlinu haldið áfram með festu og marvissum aðgerðum. Ekki eftir neinu að bíða. Norðausturland á undir högg að sækja í atvinnumálum, sem mun valda fólksfækkun og minnkandi þjónustu er ekki má dragast saman ef byggðir úti á landi eiga að halda velli í framtíðinni.

Sjónarmið náttúruverndarsinna mega ekki eingöngu ráða ferðinni með háværum fyrirgangi. Enda má segja, að það séu  umhverfisspjöll þar sem mannsæmandi mannlíf getur ekki þróast  eðlilega vegna atvinnuleysis.  Náttúran er til þess að lifa af henni og verður engu um það breytt - hægt að marka raunhæfar aðgerðir  i umhverfisvernd landsins þrátt fyrir að þjóðin nýti auðlindir landsins sér til framdráttar.

Matsferli vegna álvers á Bakka hafið

Eldklerkurinn minnir á sig

Skemmtileg frétt fyrst allt fór vel enda ekki við öðru að búast að eldklerkurinn sr. Jón Steingrímsson sé vel á verði. Ef eldklerkurinn hefði verið uppi í katólskum sið hér á landi hefði hann líkast til orðið dýrlingur fyrir frammistöðu sína til hjálpar  fátæri þjóð sem missti nánast allt lífsviðurværi, þegar Skaftáreldar stóðu yfir. Hann gekk þar hugrakkur fram fyrir skjöldu - og var ákærður af yfirvöldum fyrir framganginn.

 

 

Eldur í kapellu á Kirkjubæjarklaustri

Davíð gegn Golíat - ESB

Góð tíðindi. Minnir á gömlu söguna í Biblíunni þegar Davíð sigraði risann Golíat gegn veldi Filista og olli straumhvörfum í atburðarrásinni. Hvernig getur líka skrifræðisbákn í Brussel stjórnað innanríkismálum margra landa þar sem aðgangur að gagnrýni almennings er svo til engin? Skirfvélin í Brussal malar bara sjálf í glerhúsi og engin veit hvernig þróunin verður - ekki einu sinni skriffinnar ESB.

Vonandi ekki eins og draumurinn um "þúsund ára ríkið"þar sem allt átti að vera fullkomið en snerist upp í andhverfu sína.

 

Davíð og Golíat: Gamla testamentið, Fyrri Samúelsbók skst. IS  17. 32-55.

Írsk kosning áfall fyrir ESB

Ferð eldri borgara í Kópavogi

Eldri borgarar í Kópavogi ferðuðust um Suðurland (í gær) í frábæru veðri þar sem ekki sást skýhnoðri á himni. Jöklar og fjallahringur skörtuðu sínu fegursta og við okkur blöstu sveitir í Árnes og Rangárvallasýslu. Skoðaðar voru  verklegar raforkuframkvæmdir í Búrfellsvirkjun/Hálendismiðstöðinni og þjóðlegar minjar  (Stöng í Þjórsárdal) o.fl. Ferðin endaði  með góðum kvöldverði að Hlið í Ölfusi og ekið Þrengslin heim. 

Ferðin vakti undirritaða til umhugsunar um raforkuframkvæmdir í Þjórsá, sem hafa gert góða lífsafkomu okkar að veruleika. Hugmyndir um virkjun í Þjórsá komu  fyrst fram á árunum 1915 til 1917 en varð veruleiki 1972. Kom stofnun Landsvirkjunar í kjölfarið 1972, sem þróaðist í fyrirtæki á landsvísu. Alls voru byggðar þrjár virkjanir  í Þjórsár og Tungnaá.

Síðasta og stærsta virkjunin hér á landi er Kárahnjúkavirkjun á Austurlandi er tekin var í notkun 2007, sem er ekki á eldvirku svæði og litlar líkur til náttúrhamfara

.

Ljóst er að erlent fjármagn stuðlaði að veruleika þessara  miklu framfara hér á landi er þarf að taka inn i umræðuna þegar deilt er um náttúruvernd. Miklar deilur og umræður hafa staðið yfir seinni ár um réttmæti framagreindrar virkjunarframkvæmda. Auðvitað þurfum við að vernda okkar fögru náttúru en jafnframt að nýta hana okkur til betri lífsafkomu. Orkulindir okkar eru vistvænn kostur og ekki síst þess vegna ber okkur að nýta þær. Nú síðast hefur Bitruvirkjun  verið slegin af vegna deilna um náttúrvernd og nálægðar  byggðar í Hveragerði, en veldur hún mengun eða hvað? Hefur ekki jarðgufa fylgt jarðsköpuninni síðan í árdaga? 

 Jakob Björnsson fyrrverandi orkumálastjóri hefur skrifað athyglisverðar greinar um skipulagningu háhitasvæða annars vegar og hins vegar náttúruverndarsvæða er ætti að vera framkvæmalegt með sanngjarnri umræðu þar sem tilfinningasemi náttúrusinna getur ekki ráðið för eins og  í allri umræðu undanfarið.  

Núverandi ríkisstjórn hefur mikinn meirihluta og ætti nú að standa fyrir  umræðu um virkjanir á raunhæfum nótum frekar enn umræðu um inngöngu ESB, sem ekki getur veið á dagsskrá nú;  hvað þá að afsala auðlindum til lands og sjávar til Brussel.

 

Landsvirkjun hefur þróast upp í landsfyrirtæki og er það mikilvægt, þegar auðlindirnar eru nýttar fyrir landið allt. Vonandi verður virkjun háhitasvæða á Norðurlandi að veruleika og atvinnustarfsemi rísi sem allra fyrst við Húsavík til styrktar atvinnulífi þar til eflingar/undirstöðu fyrir allt annað mannlíf úti landsbyggðinni eins og Þjórsárvikjun stuðlaði að sterku atvinnulífi/mannlífi á Suðurlandi og Reykjavíkursvæðinu.

Menntun og hugvit hefur orðið veruleiki hér vegna framfara í orkumálum og verðmætra fiskimiða við landið. Vísindamönnum og náttúrverndarsinnum ber að hafa það í huga þegar þessi viðkvæmu deilumál er rædd.

Mbl blogg – að virða skoðanir annarra

 Undirrituð hóf blogg sitt með því markmiði að geta haft gott til mála að leggja með sanngirni og rökum – og er óbreytt. Hins vegar er ógerningur að hafa bloggið opið vegna þess að sumir hverjir sem þurfa að setja fram sitt álit – telja sig betur setta að svara með ónotum eða skætingi; eða eru ekki ábyrgir orða sinna. Auk þess fer mikill tími í að svara athugasemdum ef vel á að vera – hvað þá að standa í málaferlum ef svo ber undir.Hver sem er getur svarað hverju sem er í sínu eigin bloggi eða skrifaða blaðagreinar sem oftast bíða þó of lengi birtingar.

Hildur Helga Sigurðardóttir kallar það “stéttaskiptingu” í bloggi sínu, að hafa bloggið lokað og er henni auðvitað frjálst að hafa þá skoðun. En er það  ekki líka “stéttaskipting” að menn geti ráðist inn á blogg annarra með nánast hvað sem er; en geta ekki sagt álit sitt um viðkomandi í eigin bloggi? 

Vonandi þróast og þroskast bloggið í framtíðinni þar sem virðing fyrir öðrum og skoðunum þeirra  verður sjálfkrafa siðaregla.

Mbl - óvönduð fréttamennska?

 Það er tilhlýðilegt að taka undir orð katólska prestsins, sr. Hjalta Þorkelssonar  í Mbl um undirskriftarlista sem eignaður er  katólsku kirkjunni gegn auglýsingu Símans um vísindamanninn Galíleó Galíei er ofsóttur var í sínum tíma. Ætlar ný ritstjórn Mbl að taka upp æsifréttamennsku í stað þess að vera vandað blað í fréttaflutningi? Sorglegt ef Mbl ætlar að kasta fyrir róðra að vera blað allra landsmanna með vandaða umfjöllum þar sem leitast er við að ata ekki auri beint eða óbeint kristileg  gildi er hafa  verið leiðandi í  okkar samfélagi bæði trúarlega og menningarlega í meira en þúsund ár. Þar á katólska kirkjan  hlut að máli og ef til vill stærri en haldið hefur verið á lofti.

Veraldlegt vald hefur alltaf reynt að ná tangarhaldi á kirkju Krists en aldrei tekist; alltaf stendur Kristur óhaggaður í kirkju sinni. Auglýsing Símans breytir þar engu um. Tekið skal fram að undirrituð er ekki talsmaður katólsku kirkjunnar en ann henni alls hins besta sem kirkju Krists um allan heim.

    

Eftirfarandi er tekið af heimasíðu katólsku kirkjunnar til fróðleiks og umhugsunar um það sem katólska kirkjan stendur fyrir hér á landi: 

“…Árið 1896 komu hingað Jósefssystur frá Danmörku. Þær stofnuðu barnaskóla og lítinn spítala í Reykjavík 1902. Skóla- og mannúðarstörf systranna eyddu andúð manna í garð kaþólsku kirkjunnar, einkum sakir þess að þær deildu fátæktinni með þeim sem þær hjálpuðu”.

 

Ætla má að þessi starfsemi katólsku kirkjunnar hafi vakið menn til umhugsunar um að hjálpa fátækum fjölskyldum sem nóg var af á þessum tíma hér á landi.

 

 

 

 “Þegar Ísland var orðið fullvalda 1918 (að hluta), stofnaði Páfastóll hér sjálfstæða trúboðskirkju. Yfirmaður hennar var séra Marteinn Meulenberg SMM. Árið 1929 var trúboðskirkjan gerð að postullegu umdæmi. Séra Meulenberg var þar stjórnandi. Hann var vígður biskup í nýju dómkirkjunni, sem hann hafði byggt í Landakoti í Reykjavík, í júlí 1929 af yfirmanni trúboðsdeildarinnar í Róm, "De Propaganda Fide", William kardínála van Rossum. Áður (1926) höfðu Jósefssystur einnig reist spítala og skóla í Hafnarfirði. Á öðrum og þriðja áratug 20. aldar hafði þeim fjölgað sem tekið höfðu kaþólska trú. Margir rithöfundar og listamenn urðu kaþólskir, svo sem Halldór Laxness, sem seinna hlaut nóbelsverðlaunin í bókmenntum. Árið 1936 stofnuðu Fransiskussystur, sem komu frá Belgíu og Hollandi, spítala og skóla í Stykkishólmi. Árið 1939 stofnuðu íhugunarsystur af reglu Karmelíta klaustur í Hafnarfirði; byggingin var tilbúin 1946. (Síðar, 1984, tóku pólskar Karmelsystur að sér klaustrið).” “Þó að prósentutala kaþólskra sé ekki nema 1,8% eru áhrif þeirra þó miklu meiri eins og forseti Íslands viðurkenndi við hátíðahöld í tilefni af 1000 ára afmæli kristni á Íslandi í júní árið 2000. Í þeim hátíðahöldum tók einnig þátt sérstakur sendimaður páfa, Edward Idris Cassidy. Ríkisstjórn lýðveldisins og lúterska kirkjan buðu honum hingað. Hann heiðraði einnig kaþólsku dómkirkjuna í Reykjavík með tiltlinum "basilica minor", fyrsta og eina basilikan í löndum Norður-Evrópu.”

Ákvörðun ráðuneytis - fjarri aðstæðum!?

 Engin þörf á að drepa dýrið að því er virðist. Ákvörðun umhverfisráðherra ekki fagleg/mannúðleg, einu röksemdir “þeir eru drepnir erlendis”. Hvers vegna þurftu fjölmiðlar að birta fréttina strax?, sem hefur valdið því að fólk flykktist að. Hefði verið hægt að ná birninum ef ekki hefði þurft að taka ákvörðunina suður í Reykjavík fjarri öllum raunverulegum að stæðum – og fjarri því að dýrið sjálft hefði nokkra lífsmöguleika og rétt til að lifa.

„Hefði átt að loka veginum"

Er réttarkerfinu líka sama um börnin?

Skelfilegt ástand er virðist vera með ómannúðlegar/óleysanlegar lagalegar forsendur sem geta tæplega talist ásættanlegar viðkomandi börnunum,  sem Ingibjörg skrifar um. Tek undir með Ingibjörgu að svona mál eru meira inn á skrifstofum sem kennitölur en ekki nægileg samskipti við þá sem eru með börnin eins og í þessu tilfelli amman og afinn, ..."það er bara eins og drengirnir séu kennitölur í óþægilegu máli en ekki brothættar litlar sálir".

 

Orkar tvímælis í framagreindu tilfelli eins og greint er frá í Mbl í dag, að börn séu tekin fyrirvaralaust þar sem þau eru í góðu fóstri þrátt fyrir lagaleg réttindi foreldranna. Barnanna vegna hefðu þau átt að fara til afa síns og ömmu eftir lát móðurinnar til dvalar fyrst um sinn - og kanna svo allar aðstæður. "Hverjum er ekki sama um börnin"?

Um 20 fíklar látist frá börnum

ESB- sinnar sporgöngumenn Gissurar jarls!?

Nauðsynlegt - og gleðilegt  að Geir H. Haarde, forsætisráðherra  tók af skarið í Sjálfstæðisflokknum og benti réttilega á að gallar  við inngöngu í ESB væru væru mun meiri en kostir. Umræðan nú um inngöngu ESB hófst samhliða skoðanakönnun Fréttablaðsins þar sem hamrað var fyrst og fremst á erfiðri stöðu efnahagslífsins; og nú væri lag til að sækja um inngöngu í ESB. Ekki traustvekjandi umræða að hálfu ESB-sinna að hefja umræðuna á erfiðleikum fólks sem hafði spennt bogann hátt og tekið lán sem nú yrði erfitt að greiða. Þar bera bankarnir einnig ábyrgð er hvöttu til lántöku  með miklu fjármagni í evrum og krónum.

 

Jón Sigurðsson Framsókn og Jón Hannibalsson Samfylkingunni hafa leitt framangreinda umræðu að mestu leyti,  undanfarið. Undirritaðri hefur komið í hug Sturlungaöld í þessari umræðu þeirra; og er ekki úr vegi að rifja upp hvernig erlent vald seildist til valda á þeim tíma.

 

Erlent konungsvald seildist hér til valda á 14. öld fyrst og fremst til að geta skattlagt íslendinga. Til þess þurfti Noregskonungur stuðningsmenn hér á landi og hefur sá tími í þjóðarsögunni verið nefndur Sturlungaöld með tilheyrandi hjaðningavígum höfðingja, og falli Snorra Sturlusonar með aðför Gissurar Þorvaldssonar frænda hans er var orðinn hirðmaður Noregskonungs - og lengst náði að koma íslensku þjóðinni undir Noregskonung. Rak Gissur náðarhöggið á sjálfstæði íslendinga með aföku Þórðar Andréssonar (Oddaverjar og Svínfellingar).

Gissur Þorvaldsson fékk að vísu jarlsnafn - ásamt merki og lúðri sem tákn um völd og virðingu. Var hann jarl til æviloka en einungis að nafninu til því konungur sendi trúnaðarmenn sína til að fylgjast með stjórn landsins. "Til 1308 hafði konungur þó að norskum lögum rétt til að "gefa jarl til Íslands með slíku skilorði sem konungi sýndist", og mun hann hafa veitt norskum hirðgæðingum íslenska jarlsdæmið sem tignarheiti". (Íslandssaga Björns Þorsteinssonar og Bergsteins Jónssonar, 1991:114-115)

Eins og forstrætisráðherra benti réttilega á er vald Íslands sem áhrifaþjóðar innan ESB ekki til staðar allra síst þegar Lissabornsáttmálinn tekur gildi, "Ísland fengi  einn mann á 5-15 ára fresti ef að líkum lætur" - líklega jafn áhrifamikil staða og jarlsnafnið er Gissur Þorvaldsson fékk fyrir að eiga stærstan þátt í að gera Ísland að skattlandi Noregskonungs. 

Eins og allir vita er Ísland með verðmætar auðlindir til lands og sjávar, er ESB getur vel hugsað sér að komast yfir og innlima í markaðsbandalag sitt - ávinningur þjóðarinnar verður vart meiri en á Sturlungaöld en þá missti þjóðin sjálfstæði sitt. Ef við ætlum að lifa áfram sem þjóð meðal þjóða; verðum við að halda fullum yfirráðum yfir auðlindum okkar og efnahag um alla framtíð.

 

 

 

 

 

 

Geir: Ég vil ekki ganga í ESB

Borgarstjórn í vanda

Það er ástæða fyrir Sjálfstæðisflokkinn að hafa áhyggjur af borgarmálum án efa eru þau farin nú þegar að hafa áhrif á landsvísu. Fulltrúar flokksins í borgarstjórn geta tæpast haft sterka ímynd sem leiðtogar og fer versnandi eftir því sem lengra líður. Nú hefur Kjartan Magnússon fengið boltann í REImálinu en biðin að verða og löng eftir að eitthvað gerist. 

Ólafur borgarstjóri á erfitt um vik þar sem  stuðningsmenn hans flestir eru frekar með minnihlutanum og taka enga ábyrgð með honum. Hægt er að segja um Ólaf að hann hafi varist vel jafnframt því sem hann gegnir stöðu borgarstjóra. Nú hefur hann ráðir  verkefnisstjóra  sér við hlið til að taka á brýnum málum í borginni.

Minnihlutinn hefur brugðist ókvæða við og skipulagt herferð á borgarstjórann sem verður að teljast skipulögð árás undir stjórn Dags B. Eggertssonar eins og Jakob Magnússon benti réttilega á í mannamáli Stöðvar2 í gærkveldi. Árásin á Ólaf er “leiksýning” að hálfu minnihlutans án frambærilegra málefnalegra raka til að koma borgastjóranum frá sem fyrst. Inn í þessar aðstæður verður borgarstjórnarmeirihluti Sjálfstæðisflokksins að koma allir sem einn - og styðja Ólaf F. Magnússon í starfi ef þeir á annað borð ætla að verða samstíga í samstarfinu við hann.  

 

Sjálfsagt er að halda fundi með grasrótinni og kanna hvort borgarstjórnarfulltrúar Sjálfstæðisflokksins hafi yfirleitt traust lengur. Ekki er líklegt að nokkur þeirra hafi traust (og getu?) til að verða borgarstjóri eftir ár. Ef til vill Kjartan Magnússon ef hann nær viðundandi lausn í REImálinu? Ráðlegast verður fyrir Sjálfstæðisflokkinn að leita út fyrir kjörna fulltrúa sína eftir borgarstjóra það sem eftir er af kjörtímabilinu. Þá stöðu hafa borgarfulltrúarnir sjálfir skapað að því er virðist með sundurlyndi innbyrðis, sem hlýtur að kalla á ákvarðanir flokksforystunnar fyrr eða síðar, ef flokkurinn ætlar að halda fylgi sínu og ímynd út á við. Ef  ekki finnst borgarstjóri liggur beinast við að Ólafur F. Magnússon sitji áfram og hafi til þess einskoraðan stuðning Sjálfstæðismanna. 

Ástandið veldur sjálfstæðismönnum áhyggjum