Kennari misnotar vald sitt

Börn geta reiðst hvert við annað en eru oftast skjót til sátta. Kennarinn hefði átt átt að reyna sátt milli barnanna. Að neyða drenginn til að bjóða einhverjum bekkjarfélaga er ekki ásættanleg  niðurstaða og réttur drengsins brotinn til að ráða hverjir koma inn á heimili hans. Ef drengurinn vildi ekki bjóða framangreindum félögum sínum er réttur hans tvímælalaus að mati undirritaðrar. 

Framangreint vandamál er til staðar hér á landi en kennarar  ekki gengið svona langt svo vitað sé.  Ef halda á "bekkjarpartý" þá hljóta þau að vera innan skólans í bekknum hjá börnunum þar sem kennarinn er "veislustjórinn" og allir  sem einn með. Ef til vill ættu kennarar að brjóta upp kennslu þegar einhver á afmæli í bekknum, að sjálfsögðu barnið sem heiðursgestur. Gæti sjáfkrafa orðið kennsla í samskiptum og lífsleikni; börnin orðið meðvitaðri um virðingu og vináttu hvers til annars. Gera börnunum grein fyrir þegar allir eru með þá er "bekkjarpartý"hvort sem er í skólanum eða heima. Kennarar eru komnir út fyrir verkssvið sitt ef þeir ætla að stjórna afmæli nemenda sinna inni á heimilum þeirra.

Barnaafmæli veldur uppnámi í Svíþjóð

Frábær fótboltakeppni – Þakkir til RÚV

 Þá er þessari skemmtilegu Evrópukeppni landsliða lokið með verðskulduðum sigri Spánverja eftir frábæra leiki alla keppnina. Þeir höfðu allt til að bera sem mér finnst eiga að prýða framúrskarandi íþróttamenn. Voru ein heild en jafnframt frábærir sóknarmenn. Eins og þeir læsu hvers annars hugsanir; alltaf reiðubúnir að fórna sér fyrir leikinn og leikgleðina. Síðast en ekki síst var markmaðurinn ef til vill sá besti. Hef ekki tæknilegt vit á fótbolta en finnst gaman að horfa á keppni eins og þessa sem má vel líta á sem þverskurð af mannlífinu sjálfu þar sem skiptast á skin og skúrir. 

 Þjóðverjar voru auðvitað frábærir líka en vantaði leikgleðina og þennan leikandi takt sem Spánverjar höfðu allan leikinn. Áttu ekkert svar þegar skyndisóknir þeirra urðu aldrei neinn veruleiki, sem mér finnst vera þeirra aðferð, til að vinna leiki fremur en samspil til að skora mörk

 

Fyrsta skipti sem ég horfði á keppni á heimsmælikvarða var fyrir tólf árum. Fótbrotnaði og fór að horfa í leiðindum. Síðan þá hef ég ekki sleppt úr svona keppni og lært að meta fótbolta félagslega mikilvægan í samfélaginu. Það sem hefur breyst síðan fyrir tólf árum er hvað fótboltinn er orðinn meira agaður og brot ekki gróf, verða oftast í hita leiksins án ásetnings. 

Þá á RÚV miklar þakkir fyrir sýninguna og þættina fyrir hverja keppni er var í alla staði til fyrirmyndar.

Mbl - vinsælasta bloggið?

Hef nýlega uppgötvað takkann “vinsælast” þar sem okkur bloggurum er raðað eftir hvað þeir hafa mikla lesningu. Ekki vel að mér í tölvutækni en kann að telja 1,2,3 o.s.frv eða Einbjörn, Tvíbjörn og Þríbjörn o.frv. Hef nú fylgst með teljaranum tvær eða þrjár vikur. Er ekki óánægð með lesningu á mínu bloggi en alltaf hafa nokkrir verið fyrir ofan mig sem hafa lægri tölu í lesningu t.d. er skák.is allaf með sömu töluna í lesningu, (255 lesendur nr. 21, af 50) alveg sama þótt einhverjir  hafi hærri tölu í lesningu.

Þegar þetta er ritað þá eru tveir skráðir ofar (af 50) en þeim ber, er með minna móti, oftar en ekki hafa verið fleiri.  Geri ráð fyrir að “teljaraforritið” sé forritað eftir raðtölum en virðist hafa þann eiginleika stundum, að Þríbjörn komi á undan Tvíbirni og síðastur komi Einbjörn o.s.frv. tæplega gerir forritið samt mun á “Jóni” og “Séra Jóni”. 

Annars er  ég ánægð með mitt blogg þar sem það er lokað - og hef ekki tíma til að blogga að staðaldri.  “Vinsælir” bloggar geta líka farið eftir hvað skrifað er um og hversu vel þeir  hitta í mark. Sumir bloggarar eru þekktir fyrir, hafa  andlit úr fjölmiðlum í þjóðfélaginu og þar fyrir utan eru pólitíkusar.

      Mér fyndist að Mbl. ætti að gefa skýringu á þessum undarlega “teljara” í blogginu og láta yfirfara forritið.  

Brýtur RÚV gegn börnum - með áfengisauglýsingum?

 

Foreldrasamtök gegn áfengisauglýsingum kvarta við RÚV undan birtingu áfengisauglýsinga; að brotið sé   gegn rétti barna til að vera laus við áfengisáróður(24stundir dag). Ánægjulegt að foreldrar sýni slíkt framtak til varnar í uppeldi barna sinna. Ekkert er eins mikilvægt í uppeldi en að verja þau fyrir áreiti fjölmiðla á  unga aldri gegn áfengisauglýsinga og óhollum mat er sífellt dynur á þeim - jafnvel rétt fyrir barnatíma í sjónvarpi. Börn sem verða meðvituð um hvað er óhollt – hvað er rétt og rangt verða sjálfstæð í hugsum ekki síst ef það kemur frá foreldrunum.  Gott vegarnesti fyrir börnin þegar þau þurfa að  takast á við lífið á unglings -og fullorðinsárum.

 Telja foreldrasamtökin jafnvel að RÚV brjóti lög með framangreindum áróðri. Ámælisvert af ríkisjónvarpinu að auglýsa áfengi fyrir almenning; en telur sig samt sem áður hlutlausan fjölmiðil með forystu í menningu og fræðslu. Væri ekki nær að RÚV hefði viðtal við foreldrasamtökin í kastljósi; til að vekja athygli á samtökunum og baráttumáli  þeirra að  ekki sé brotið á börnum þeirra með áfengisauglýsingum gegn landslögum?

 

Góða helgi

 

 

Hrein orka - eða kolabrennsla

Er ekki umhvefisvernd að snúast upp í andhverfu sína þegar ekki má virkja hreina orku bæði háhita og vatnsafl? Kol eru notuð til að framleiða eldsneyti, valda mengun en engin takmörk eða kvóti á þeirri brennslu út í andrúmloftið.

Umhverfisráðherra vill ekki fleiri álver

Virkjanir til hagsbóta - fyrir "Fagra Ísland"

 Ábyrgð fjölmiðla er mikil þegar viðkvæm mál eins og náttúrvernd eru notuð gegn háhitavirkjunum og vatnsaflsvirkjunum hér á landi; að ekki sé verið að slá ryki í augun á fólki um hvað virkjanir snúast. Björg Eva Erlendsdóttir skrifar forystugrein í 24stundir í dag þar sem hún telur umhverfisráðherra og iðnaðarráðherra hafa svikið “Fagra Ísland”, stefnu Samfylkingarinnar.

Gott væri fyrir Björgu Evu og hennar kynslóð að íhuga hvers vegna eimmitt hennar kynslóð býr við  allsnægtir og góða menntun. Er það ekki vegna virkjunarframkvæmda síðustu aldar  og verðmætra fiskimiða? Hér syðra hefur borgarsamfélagið fengið mikinn meiri hluta af þjóðartekjunum en landsbyggðin setið hakanum. Það er eðlilegt að framkvæmdir verði á Húsavík til að fólk þar geti notið sömu lífskjara/menntunar og kynslóð Bjargar Evu þótt það kosti fórnir í náttúrunni. 

Þá skrifar Björg Eva um  fólkið á Þjórsárbökkum, telur að samúð umhverfisráðherra sé því gagnslítil og segir orðrétt. “Sú samúð kemur að litlum notum, þegar grá jökullónin fara að flæða um gróin tún og fagrar byggðir Suðurlands, svo hægt verði að stækka álverið í Straumsvík”. Málið er tæplega svona einfalt. Óhjákvæmilegt er að eitthvað land fari undir vatn þegar virkjaðar eru  auðlindir framtíðinni til hagsbótar hvort sem það er áliðnaður eða netþjónabú. Auk þess hefur afgerandi meirihluti  íbúa við Þjórsá samþykkt þessar aðgerðir við Þjórsá; væntanlega vegna þess að menn skilja þörfina til að byggja upp “Fagra Ísland” áfram til betri lífskjara. Samkvæmt grein Bjargar Evu má hins vegar fremur skilja að að byggðir Suðurlands séu í meira og minna að fara í kaf.

Umræðan getur ekki snúist um að virkja ekki háhitasvæði eða vatnsaflsvirkjanir; það er undirstaða lífsafkomu komandi kynslóða eins og verið hefur. Kynslóðir 21aldar munu þurfa á þeim að halda til að geta búið í velferðarsamfélagi áfram. Rétt eins og núverandi kynslóð og kynslóðir síðustu aldar nutu framfara og velsældar vegna umræddra auðlinda.

Hins vegar ætti umræðan um friðuð svæði að fara fram jafnfram ákvarðanatöku um frekari virkjanir Þá verða til fleiri svæði líkt og Vatnajökulsþjóðgarðurinn. "Fagra Ísland" framtíðarinnar er að nýta  auðlindir landsins en jafnframt vinna að friðun ákveðinna svæða. Um það ætti umræðan fremur að snúast með rökum og sanngirni þjóðinni til hagsbóta en  ekki stefnu Samfylkingarinnar í náttúrvernd sem nær  eingöngu er á tilfinningalegum nótum.

Skoðanakönnun - ekki marktæk!?

Til hvers er verið að gera skoðanakönnun um hvort fólk vilji frekar Dag B. Eggertsson eða Hönnu Birnu Kristjánsdóttur? Hún hefur  ekki hafið störf sem borgarstjóri og á eftir að sýna hvað í henni býr? Ekki raunhæft að bera þau Hönnu Birnu og Dag B. Eggertsson  saman á þessu stigi. Könnunin sýnir tæplega marktæka niðurstöðu.

 

Sama má segja um fylgiskönnunina. Hefur ekki raunhæft gildi miðað við þann óróleika sem hefur verið í borgarstjórn. Þar á Samfylkingin ekki minni þátt þótt henni virðist hafa tekist í bili að fegra ásýnd sína. Ef til vill er framagreind skoðanakönnun liður í markvissri (falskri) ímynd sem Samfylkingin er að skapa sér? 

 

Samfylkingin fengi meirihluta í borgarstjórn

Össur hugrakkur - tekur rétta ákvörðun

Viðurkenni hér og nú að mér hefur þótt lítið koma til Össurar Skarphéðinssonar sem stjórnmálamanns, fundist hann hafa gaman af að baða sig í fjölmiðlum um allt og ekkert. Nú bregður vjð annan tón, tók hugrakkur ákvörðum um áframhaldandi ferli í framkvæmdum á Bakka v. Húsavík. Nú  þarf hann að standa af sér væntanlegt moldviðri þar um, að hann sé ekki trúr "Fagra Íslandi", stefnu síns eigin flokks.

En hvað er "Fagra Ísland" í raun; er það ekki að landsbyggðin geti haldið velli og fengið sinn skerf af náttúrauðlindum landsins? Loksins komu mótvægisaðgerðir sem eru raunhæfar og munu skapa velsæld byggðum fyrri norðan.  

Álversyfirlýsing undirrituð

Stórframkvæmdir - Bakki við Húsavík.

Össur Skarphéðinsson, iðnaðarráðherra ákvað það sem er hagkvæmt/réttlátt  gagnvart landsbyggðinni annars gæti Norðausturland lagst í eyði og húseignir staðið eftir verðlausar. Of mikil völd hafa skapast á  á Reykjavíkursvæðinu þar er öll stjórnsýsla og flestir þingmenn - og bankarnir með  fjármagnið. Virkjunarframkvæmdirnar skapa arðbær útflutningsverðmæti.  

Bakki við Húsavík verður sterkt afl úti á landsbyggðinni ásamt Kárahnjúkavirkjun. Með framagreindum framkvæmdum eykst byggð til sjávar og sveita auk þess að skapa tengd þjónustustjörf;  samfélag þar sem hægt er að veita betri menntun/þjónustu enn nú er.

 Kominn tími til að náttúruverndarsinnar líti á náttúruvernd   og mannlíf í víðari samhengi við umhverfisspjöll.

Viljayfirlýsing framlengd

Tvö góð lið - Tyrkir betri

Eiginlega voru Tyrkir betri vegna þess þeir hafa svo mikla leikgleði  eru léttir og snöggir, léku Þjóðverja sundur og saman annað slagið. Þjóðverjar voru svo sem ágætir en verða tæpast "ballerínur" í fótbolta eru þyngri en Tyrkirnir. Meira segja Rússar hafa betra yfirbragð af léttum og skemmtilegum leik.

Spái því í að stórveldi eins og Frakkland og Þýskaland eigi eftir að tapa meira í nánustu framtíð sökum þess að boltinn þeirra er einhvern vegin "kerfisleikur"; vantar leikgleði og metnaður sem á að kom innan frá. Þar spilar inn í undaralda  fjármagnsins sem helgar frekar meðalið en fótboltinn sem metnaðarfullur leikur með sönnum íþróttaanda.

Vonandi verða Spánverjar eða Rússar Evrópumeistarar, þeir eru meira "alvöru fótboltalið" þar sem fjármagnið er ekki eins afgerandi í leiknum eins og hjá framangreindum þjóðum.

Þjóðverjar unnu Tyrki 3:2 og leika til úrslita

Eiður Smári - alltaf á varamannabekk!?

Eiði Smára er fleira til lista lagt en spila fótbolta auk þess að vera hinn myndarlegasti maður. Er ekki mikið inn í fótboltaheiminum fyrir utan að hafa gaman af fótboltakeppni þegar bestu lið heims keppa, svo sem EM er nú stendur yfir.

Vorkenni Eiði Smára að sitja eiginlega alltaf á varamannabekknum eins og hann sé launaður áhorfandi. Hlýtur að vera erfitt að halda sér í líkamlegu og andlegu formi, geta næstum aldrei sýnt ágæti sitt. Vonandi kemst hann í annað lið; annars heldur hann ekki ímynd sinni sem afburða fótboltamaður til lengdar. 

„Get ekki sagt að ég sé góður“

Andabringur Jónínu - innflutt matvæli í landbúnaði

Jónína Benediktsdóttir segir frá óförum sínum (Mbl í dag) gegnum tollinn með frosnar andabringur er teknar voru af henni við heimkomu til landsins. Ef til vill er langt gegnið í þessu tilfelli þar sem um frosið kjöt var að ræða. Frásögn Jónínu er aðeins ein hliðin á innflutningi landbúnaðarafurða.

 Nýjasta deilan er um hrátt ófrosið innflutt kjöt er átti að fara í gegnum Alþingi en var frestað vegna mikillar andstöðu. Málið snýst einnig um hvort við eigum að reka eigin landbúnað hér á landi til framtíðar. Sýnt hefur verið fram á að hrátt kjöt geti borið smitsjúkdóma í auknum mæli inn í landið. Margrét Guðnadóttir, fyrrverandi prófessor í veirufræði heldur því fram með sterkum rökum að hætta gæti stafað af umræddum innflutningi.

Nú stendur heimsbyggðin frammi fyrir því að ekki eru nægileg matvæli til í náinni framtíð. Það kallar á nýja hugsun um hvort ekki eigi að tryggja fæðuöryggi hér á landi með öflugum landbúnaði sem ekki má þó vera hafinn yfir gagnrýni. Umræðan má ekki vera togsteita um innflutning eða skipulagið á framleiðslunni; þarf að vera í þeim anda að við getum staðið frammi fyrir skorti á matvælum ef við tryggjum ekki okkar eigin framleiðslu. Milliliðakostnað í landbúnaði þarf að kanna og finna hagkvæmari leiðir í þeim iðnaði. Einn liður í þeirri umræðu er að kaupendur  geti keypt afurðir beint frá bóndanum í auknari mæli  en nú er.

  Mikið magn af innfluttum landbúnaðarafurðum á almennum markaði er ekki skynsamlegt í núverandi stöðu bæði hvað varðar smitsjúkdóma;  og að innlendur landbúnaður verði ekki þurrkaður út með innflutum vörum sem engin trygging er fyrir að verði  ódýrari þegar til lengri tíma er litið.   Ef til vill má slaka á með tilfelli eins og Jónína greinir frá og þarfnast það nánari umræðu og hvort hér sé um of strangar aðgerðir að ræða.  

Tvílemba verður hvítabjörn?

Eftir að hafa skoða myndina í Fréttablaðinu í dag af hvítabirninum er átti að vera nálægt Bjarnarvötnum  gæti það verið tvílemba á beit með lömbin við hlið sér þannig að þau renni saman í "hvítabjörn" álengdar séð. Ekki samt vísindalega skoðað en miðað við þá leit sem hefur farið fram þá getur tæplega verið um bangsa að ræða í þetta sinn.

 

 

 

 

Jónsmessa - alsnaktir undir berum himni

 Aðfaranótt Jónsmessu er í nótt,  gott að muna eftir að velta sér upp úr Jónsmessudögginni alsnakin.  Gott er að láta döggina þorna að sjálfu sér á líkamanum. Þá er tækifæri að leita náttúrsteina og töfragrasa er ekki fást annan tíma ársins   “ Jónsmessa , messa Jóhannesar skírara er er á morgun. Hún leysti af hólmi forna sólhvarfahátíð í Róm og virðist einnig á Norðurlöndum hafa komið í stað slíkrar veislu. Suður í Evrópu var Jónsmessa talin miðsumarnótt og var mikil alþýðuhátíð með brennum, dansi og svo kölluðum nornamessum. Hérlendis var hátíðahald mun minna en í nágrannlöndunum. Kann að hafa ráðið nokkru að þjóðveldisöld lenti dagurinn á miðjum alþingisþingtímanum. Á fyrri hluta 20.aldar byrjuðu nokkur félög  að halda útihátíð á Jónsmessu en nánd við þjóðhátíðardaginn 17.júní hefur dregið úr slíku tilstandi eftir 1944. Jónsmessunótt, aðfaranótt 24.júní, er þó ein af fjórum mögnuðustu nóttum ársins, og fylgir ýmis þjóðatrú, meðal annars að kýr tali og selir fari úr hömum sínum. Þessa nótt á einnig að vera gott að leita töfragrasa og náttúrusteina, og Jónsmessudöggin þykir heilnæm til lækninga ef menn velta sér í henni alsberir.”   

Lyfjagras kallaðist líka Jónsmessugras. Af öðrum má nefna hornblöðku við kvefi, maríustakk við graftarkýlum, korndún af víði á sár milli tánna, brennisóley við húðkvillum og fjanda fælu. 

Mjaðurt má með góðu lagi nýta til að vita hver hefur stolið frá manni. Segir svo í Þjóðsögum Jóns Árnasonar: 

“Tak mjaðurt sjálfa Jónsmessunótt um miðnættið, lát í laug (þ.e munnlaug) við hreint vatn, legg urtina í vatnið. fljóti hún, þá er það kvenmaður; sökkvi hún, þá er það drengur. Skugginn sýnir þér hver maðurinn er. Það við skal hafa þennan formála: “ Þjófur ég stefni þér heim aftur með þennan stuld sem þú stalst frá mér með svo sterkri stefnu sem Guð sjálfur stefndi djöflinum í paradís í helvíti.” 

Heimild: SAGA DAGANNA ( 2000 3. útg.),  Árni Björnsson bls. 160 og 168.

“Göngum varlega um gleðinnar dyr”

 Hægt er að missa jafnvægið þótt vín sé ekki haft um hönd meðan þessi frábæra  fótboltakeppni stendur yfir. Þurfti að fá mér díselolíu á bílinn minn,  var orðin sein fyrir að komast heim, að horfa á leik Hollendinga og Rússa. Flýtti mér of mikið, dældi óvart bensíni á bílinn er kostaði mig kr. 15.000. Eftir allt saman þá töpuðu Hollendingar og var það  ennþá verra en að tapa kr. 15.000.  

Milljón bjórar kláraðir og 50 stuðningsmenn handteknir

“Gullkorn úr minningargreinum”

Jens Guð (jensgud.blog.is) hefur setningar úr minningargreinum í flimtingum í þeirri von að enginn kannist við skrif sín þar sem nöfnum hafi verið breytt. Setningarnar eru innan gæsalappa og eru greinilega teknar úr ákveðnum minningargreinum. Nokkuð langt gengið að  draga dár að syrgjandi fólki þótt það ráði ekki við “skáldlegt form,” sem er álit Jens Guðs.    

 

 Minningargreinar eru skrifaðar af syrgjandi fólki sem vill heiðara minningu ástvina sinna. Tilfinningalífið er afar viðkvæmt þegar menn kveðja ástvini sína  hinstu kveðju. Að skrifa um hinn látna verður oft um leið huggun fyrir alla  aðstandendur sem er óendanlega mikilvægt. Undirrituð kannast ekki við neinar af framagreindum “háðsglósum” Jens Guðs. En ef einhver kannast við þær geta þeir valdið miklum sárindum. Veit ekki hvort það  varðar við lög að taka  upp úr skrifum annarra í skjóli nafnleyndar höfunda  og  hafi í flimtingum;  alla vega má telja það siðlaust athæfi.   

 

Dauði hvítabjarnarins - umhverfisspjöll?

Samkvæmt upplýsingum Mbl  (í dag) frá Kanada og Nýfundnalandi virðist tæplega afsökun fyrir aftöku  hvítabjarnar nr.2? Að aka í bíl á eftir birninum og skjóta hann eftir frækið sund, þreyttan og svangan er óviðunandi gjörningur af stjórnvöldum. Virðist hafa gripið um sig hræðsla og þar af leiðandi mislukkuð tilraun. Hefði mátt vakta björninn með alvæpni í bjartri sumarnóttinni, ekki hægt að vorkenna neinum það með góðum klæðnaði og stórum byssum. Refaskyttur liggja við dögum saman á greni.

Umhverfisráðherra lýsti því yfir að framangreindar aðfarir í stöðunni hefðu verið óhjákvæmilegar. En  átt að lýsa yfir  jafnframt að reynsluleysi og skortur á upplýsingum hefðu valdið umræddu drápi á hvítabirninum. Þá hefði ráðherrann  sýnt hugrekki og drengsskap. En í stað þess virðist ráðherrann meðvirkur í misheppnaðri aðför að birninum?

 

Óskiljanlegt að umhverfisráðherra hafi bannað myndavélar  eftir að hættuástandi var aflýst ef rétt reynist. Var ráðherran hræddur um að birtust óþægilegar myndir? Skipa þyrfti sérstakan verkefnisstjóra sem er alltaf til staðar líkt og í náttúruhamförum við framagreindar aðstæður. Hann taki  ákvörðun en ekki viðkomandi umhverfisráðherra umkringdur fólki sem ekki virðist hafa mikla hugmynd um hvernig á að bregðast við í umræddum aðstæðum. Ef breyta þarf lögum þá er það nauðsynlegt eins fljótt og við verður komið.

 

Dráp bjarnarins er að líkindum umhverfisspjöll í náttúrunni sem skrifast hjá umhverfisráðherra er ber ábyrgð á ákvarðanatökunni.

 

 

Garðsláttumenning

 Grein Sigurðar Helga Guðjónssonar (24 stundir í dag) um garðslátt í þéttbýli eru orð í tíma skrifuð. Allt sumarið  dunar í eyrum garðsláttuvélavein, grasið slegið einu sinni í viku niður í rót, ekki má sjást “sóley eða fífill” í túni. Það þótti fagurt í minni sveit að sjá fífil í túni fyrst gulan síða hvítar breiður (biðukollur)með sóleyjum inn á milli en í borginni er litið á þessi blóm sem illgresi. Slátturinn heldur síðan áfram langt fram í september, grasaflatir og hólar eru sörguð langt  niður í rót fyrir veturinn sem auðveldar mosanum að gróa upp og kann að auðvelda kal í miklum frostum:.      

 

 Vélamenningin í kringum borgarsláttinn er viðamikill og veldur auðvitað loftmengun auk hljóðmengunar og eyðingu gróðurs að óþörfu. Allt er nú best i hófi. Góð  hugmynd hjá Sigurði að setja geitur í garða í stað sláttar Er oft á gangi uppi við Rauðavatn þar sem ræktað hefur verið skógarkjarr. Sárt er að sjá hvað jarðvegurinn hefur litla næringu (er næringarlaus) fyrir gróðurinn og þrífst  ekki nógu vel af þeim sökum. Þegar gróður er kominn vel af stað þar ætti að setja lambær hæfilega margar á réttum tíma á beit þá fengi gróðurinn smá saman áburð frá dýrunum og yrði ræktarlegri.

Hvítabirnirnir eru þrír á ferðalagi?

Páll Bergþórsson veðurfræðingur og vísindamaður sagði í viðtali að hvítabirnirnir kunni að vera þrír saman á ferð. Áhugavert  að fá frekari skýringar frá Páli hvers vegna hann heldur það. Páll er athugull - í flestu sem viðkemur veðri og hafís o.fl.

Hálendisbjörn er hugsanlegur

Friðun hvala/ fiskistofna orkar - tvímælis?

Vonandi fylgir hugur máli um náttúrvernd hjá þinginu í USA. Mótmæli frá Bandaríkjunum og víðar hafa oftar en ekki verið í skjóli hagsmunasamtaka t.d. þeirra sem vilja ekki fisk á markaðinn vegna þess  að þá verður minni sala á vörum í landbúnaði bæði kjöti og korni þar sem ekki þarf að gæta minni náttúruverndar en fiskveiðum yfirleitt þar með taldar hvalveiðar



Íslendingum hefur tekist betur upp með fiskveiðistjórnun sína en en í Ameríku - ekki betra hjá ESB þar sem stjórn fiskveiða hefur heldur ekki tekist sem skyldi. Verst hvað gagnrýni á fiskveiðistjórnun hér á landi er frekar niðurrifsstefna heldur en að hugur fylgi máli. Það sem þarf að laga í okkar fiskveiðistjórnun eru strandveiðarnar og setja strandlínu með lögum fyrir minni báta með vistvænum veiðarfærum sem fengju að veiða nógu mikið í smærri byggðarlögum er annars vegar stæði undir rekstrarkostnaði  og launum í smábátaútgerð hins vegar til viðhalds atvinnulífi í minni byggðum. Auk þess ætti  leggja niður byggðakvóta það myndi  flýta fyrir framangreindum endurbótum.

 

Sorglegt að Samband smábátaeigenda hefur ekki náð að vera nógu góður málsvari fyrir framagreindar úrbætur á kvótakerfinu.

Bandaríkjaþing gagnrýnir hvalveiðar Íslendinga