''Fóstbræður á Alþingi''

Þeir ''fóstbræður á Alþingi'' Bjarni Benediktsson, formaður Sjálfstæðisflokksins og Steingrímur J. Sigfússon, formaður Vinstri grænna töldu bráðnauðsynlegt á Alþingi í dag; að endurskoða 26. grein Stjórnarskrárinnar í ljósi þess hvernig forsetinn túlkar það vald er honum er þar falið. Vel má hugsa sér að endurskoða umrædda grein en er  ekki brýnt að breyta henni í ljósi þess ef efahagskerfi/stjórnkerfi samfélagsins félli á einni nóttu eins og hér átti sér stað haustið 2008?  

Hvaða varnagli þarf að felast í Stjórnaskránni  þegar slíkir voðaatburðir eiga sér stað. Er ekki brýnt að þeir sem eru við stjórnvölinn fari frá; og við taki utanþingsstjórn er forsetinn kæmi  til með að skipa tímabundið?

Eins og allkunnugt er sitja  þingmenn á Alþingi , ráðherrar í ríkistjórn og embættismenn enn við völd; er meira og minna báru ábyrgð á í hruninu . Er það mögulegt að sama fólkið endurreisi þjóðfélagið eins og nú á sér stað? Nei, setja þarf grein í stjórnarskrána þar sem sett yrðu skýr fyrirmæli um að forsetinn gæti sett af umrætt fólk  um  lengri  eða skemmri tíma?

Vinstri grænir settust í ríkisstjórn með Samfylkingunni ásamt hrunráðherrunum og eru því ábyrgir fyrir stjórnleysi/getuleysi er ríkt hefur í landinu síðan hrunið átti sér stað; hvað þá að rannsókn þeirra er beint komu að fjármálabraskinu hafi leitt nokkuð umtalsvert í ljós.

Sjálfstæðisflokkurinn hefur nánast ekki tekið neitt til í sínum ranni eftir hrunið; verður formaðurinn ekki að taka á tiltektinni þar; áður en flokkurinn fer í breytingu á Stjórnarskránni?

 

Vill breyta 26. greininni

Ríkisstjórnin pólitískt vanhæf?

Vonlaus staða Steingríms J. Sigfússonar í Kastljósi í gær er hann kom fram til varnar ríkisstjórninni og gerðum hennar; jafnframt kom hann fram sem ókrýndur forsætisráðherra vegna þess að Jóhanna Sigurðardóttir stendur ekki undir hlutverki sínu hvorki sem persóna eða forsætisráðherra er kemur fram af einurð og hugrekki. Ein helstu rök stjórnarliða voru, að vísun forsetana eigi ekki við í milliríkjasamningi; þjóðin hlýtur að hafa um málið að segja, þegar setja á hana og komandi kynslóðir í skuldaklafa; enginn veit hvað lengi?

Auk þess hefur samningurinn um Icesavelögin ekki verið kynntur nema sem pólitískur hræðsluáróður um að allt hrynji hérlendis og erlendis ef ekki verði gengið að kröfum Breta og Hollendinga. Ef braskarar vilja stofna banka í áðurnefndum löndum þá verða þau sjálf að bera ábyrgðina af þeim gjörningi enda er áðurnefnd krafa ólögvarin.

Ríkistjórninni hefur ekki tekist að ná trausti þjóðarinnar enda má telja pólitíska lausn rannsóknar á falli bankanna óframkvæmanlega. Það vantar utanþingsstjórn til lausnar á vandanum; ekki verður annað séð  en þessi ríkisstjórn hafa stungið Rannsóknarskýrslu Alþingis undir stól? Hvers vegna gengur rannsókn í bankabraskinu svo hægt að ekki er hægt að upplýsa nokkurn skapaðan hlut á tæpum þremur árum?

Hvers vegna sátu tveir þingmenn, fyrrverandi ráðherrar hrunstjórnarinnarí fjárlaganefnd,  þegar Icesavefrumvarpið var afgreitt, þau Þorgerður Katrín Gunnarsdóttir, menntamálaráðherra og Björgvins G. Sigurðsson, viðskiptaráðherra? Bæði hafa legið undir ámæli, Þorgerður Katrín fyrir kúlulán ásamt eiginmanni sínum og Björgvin sem viðskiptaráðherra í hruninu? 

Að framansögðu má ætla að ef Samfylkingin nær fram samningi um inngöngu í ESB með undirlægjuhætti Steingríms J. Sigfússonar; þá verði væntanlega reynt að forðast þjóðaratkvæðagreiðslu um hann á þeim forsendum að milliríkjasamningur eigi ekki heima í þjóðaratkvæðagreiðslu?

Vonandi verður núverandi forseti þá í embætti enda gæti orðið almenn uppreisn í samfélaginu ef slíkt gerræði SAMFYLKINGAR kæmist upp á borðið á stjórnarheimilinu?

 

Steingrímur íhugaði afsögn

Verkalýðshreyfingin vanmáttug

Verkalýðshreyfingunni hefur aldrei tekist að hækka lægstu laun nema með í prósentum yfir alla línuna, þar fá þeir mest sem hæstu launin hafa. Löngu tímabært að ákveða lægstu laun með lögum. Hjón með 2-3 börn á lálaunataxta eiga í miklum erfiðleikum að ná endum saman í nauðþurftum; hvað þá að greiða af húsnæðisláni að auki.

Hjón með fjögurhundurð til fjögurhundruð og fimmtíu þúsund kr. pr. mánuði  samanlagt  eru lálauna fólk. Þeim dugar ekki einhver hækkun í prósentum sem yrði í mesta lagi  fimm þúsund kr. hækkun á mánuði. Verkalýðshreyfingin er ekki fær um að semja fyrir framangreint fólk vegna þess að  þeir  hærri launuðu  ráða ferðinni.

 

ASÍ: Nær allir vilja sameiginlega launastefnu

Húrra! húrra! húrra! húrra!, fyrir forsetanum

Stórtíðindi hafa gerst forsetinn hefur tekið forystu í vestrænum heimi að lýðræði skuli verða raunveruleiki framtíðarinnar; í stórum málum þar sem ætlunin er  að setja skuldaklafa  á almenning vegna skulda óreiðumanna í spilltu fjármálumhverfi.

Forsetinn sýndi mikið hugrekki  hann stendur á sannfæringu sinni er hann rökstuddi mjög vel. Þjóðin hafnaði fyrri samningnum; þessi samningur er loðinn og enginn veit hver upphæð skuldarinnar  verður.

Sátt verður meðal þjóðarinnar eftir að kosið hefur verið á hvorn veginn sem það fer.

Vonsvikinn og undrandi

Mbl.is: Hlutdræg frétt

Þessi frétt er ekki mbl.is til sóma hún eru verulega hlutdræg álit Björns Vals var aðeins eitt hin fjögur  höfðu gagnstæða skoðun á málinu. Hvað sem forsetinn gerir er þingið veikt vegna þess að það nýtur ekki trausts þjóðarinnar; stjórnarmeirihlutinn hefur ekki komið því fram að þeir sem  ábyrgð báru á hruninu séu sóttir til saka. Það bendir til að margir stórmálamenn séu innvinklaðir og vilji ekki leiða sannleikann í ljós. Enda verður að telja núverandi ríkisstjórn hrunstjórn þar sem forsætisráðherr og utanríkisráðherra sitja eftir sem áður þótt þeir hafi verið í ábyrgir að hruninu með Sjálfstæðismönnum.

 

Björn Valur: Icesave mál þingsins

Konudagur: - Merk kona kristninnnar

María Magdalena eða María frá Magdölum var  ein af þeim konum sem fylgdu Jesú og lærisveinum hans. Samkvæmt guðspjöllunum var hún sú fyrsta sem sá Jesú upprisinn og sagði lærisveinunum frá því. Þar segir jafnframt að Jesú hafi hreinsað hana af illum öndum og að hún hafi verið ein þeirra sem krupu við krossinn þegar hann dó.

Miklar umræður og vangaveltur hafa verið um Maríu Magdalenu. Sumar trúardeildir kristninnar vilja meina að einnig sé átt við Maríu Magdalenu á fleiri stöðum þar sem talað er um Maríu í guðspjöllunum, svo sem að María systir Lazarusar, María frá Betaníu og María sem smurði höfuð Jesú með olíu (Lúkasarguðspjall 7: 37-48) séu í raun allar María Magdalena. Aðrir hafna þó þessum hugmyndum.

Margir hafa einnig viljað meina að María Magdalena hafi verið gleðikona áður en hún gekk til fylgis við Jesú, en það kemur þó hvergi fram í guðsspjöllunum. Miklar vangaveltur hafa einnig verið uppi um eðli sambands Jesú og Maríu Magdalenu. Á seinustu árum hafa hugmyndir um að þau hefðu í raun verið gift og átt barn saman orðið heimsþekktar með útkomu bókanna Holy blood, holy grail og DaVinci lyklinum.

Góða helgi.

 

Goðafoss: Strand við Noregsstrendur

Umfjöllun af strandi Goðafoss hefur verið mbl.is til sóma greint skilmerkilega  í myndum og máli frá slysinu eftir því sem björgun skips og lífríkis við Noregsstrendur vindur fram. Með sífellt örari tækni má segja að sjóslys verði fjarlægari í undirvitund þeirra er vinna vinna á sjó. Framangreind frétt gegnir miklu hlutverki að segja  skilmerkilega frá atburðum án æsifrétta; gefur innsýn í að sífelld hætta vofir yfir sjófarendum vegna óveðra/ólags er engu eira, hafa alltaf sama ægivaldið;

Við bætast svo mannleg mistök sem eiga sér stað og eru ekki umflúin. Sorglegt ef þessi ágæti skipsstjóri hefur reiknað rangan kúrs; það segir hann sjálfur í Aftenposten og hann hafi verið einn í brúnni.

Stöðugar björgunaræfingar á sjó og í landi eru besta vörnin til að rétt viðbrögð  bjargi því sem bjargað verður ef slys ber að höndum.

Olíuflekkur á miðjum firðinum

Forsetinn - eltir skott Davíðs Oddsonar?

Guðmundur Ólafsson, lektor í hagfræði var að venju í morgunútvarpi Rásar2 í morgun. Taldi hann undirskiftarlistann gegn Icesave til forseta og þings ekki tækan sökum formgalla. Ein sterkustu rökin að hann hefði ekki verið settur fram af félgagsamtökun því þau væru heiðarlegri en áhugsamt fólk. Fréttamaður spurði hann um fyrstu höfnum forsetans gegn fjölmiðlalögunum en hann taldi það allt annars eðlis auk þess hefði markmið forsetans verið að ná í skott Davíðs Oddssonar, þáverandi forsætisráðherra.

Ekki boðlegt af menntuðum manni að koma fram eins og Guðmundur Ólafsson gerði í morgun; að gera forsetanum upp skoðanir er vítaverð framkoma.

Fréttamönnum á Rás2 þótti nauðsynlegt að vekja athygli á viðtalinu í fréttatíma hádegis; tæplega alveg hlutlaus frétt?

Eins og kunnugt er var Guðmundur Ólafsson í föstum viðtalsþáttum hjá Sigurði G. Tómassyni á Útvarp Sögu í fyrra. Þar var oft og iðulega talað meinfýsið um Davíð Oddson undir rós án frambærilegra raka. Þá skilur undirrituð ekki enn hver ''gamla konan í Keflavík'' var, er oft var nefnd undir rós í umræddum þáttum.

Ef til vill útskýrir Guðmundur ''gömlu konuna í Keflavík'' næsta föstudag -  og hvað hann á við með eltingaleik forsetans við skott Davíðs Oddssonar?

 

Icesavelögin - brot á stjórnaskrá - ávísun á næsta efnahagshrun?

Ef Icesavelögin er Alþingi samþykkti ganga þvert á Stjórnarskrá Íslands, er óútfylltur tékki, upphæð óviss; þá er það nægileg ástæða fyrir forsetann að hafna lögunum og vísa þeim til þjóðarinnar. Ef lögin yrðu tekin gild  þarf þjóðin að búa sig undir annað hrun í fyllingu tímans; að almenningur hérlendis - og erlendis  greiði skuldir fjárglæframanna í framtíðinni?

Yfir 40.000 skráð sig á kjósum.is

''Með lögum skal land byggja - með ólögum eyða''

Lögin frá Alþingi í gær að semja við Breta og Holllendingar um Icesavskuldina eru ólög; þjóðin er látin kyssa á vöndinn, komandi kynslóðir eiga að borga. Engin lagastoð er fyrir þessum fjárskuldbindingum um fjárhæð er enginn veit hvað verður stór. Alþingi nýtur ekki trausts nú um stundir það eru sterk rök fyrir að þjóðin eigi að segja síðasta orðið í atkvæðagreiðslu.

Sjálfstæðisflokkurinn hefur í eymd sinni og aðgerðarleysi að hreinsa til hjá sér eftir hrunið gengið til lags við svokallaða vinstri ríkisstjórn. Er það ekki að fara úr öskunni í eldinn? Jóhanna og Össur ættu ekki að sitja í ráðherrastól voru samábyrg í hrunstjórn Geirs H.Haarde. Heldur ekki  hægt að treysta Steingrími J. Sigfússyni; er situr þægur og góður við fótskör Jóhönnu, forsætisráðherra til að halda völdum.

 

Aldrei of oft skrifað: Þjóðin þarf utanþingsstjórn; en hún gæti litið dagsins ljós ef forsetinn vísar Icesavelögunum í þjóðaratkvæði.

Undirskriftir afhentar á morgun

Þagað þunnu hljóði?

Hvar er Harpa Njáls, fræðikona og Stefán Ólafsson, prófessor í félagsfræði, talsmenn fátæks fólks frá Háskóla Íslands; hvers vegna koma þau ekki fram með álit sitt? Er það bara gert þegar ríkisstjórnin er ekki að þeirra skapi, mikið bar á umfjöllun þeirra í síðustu kosningum fyrir hrun (ekki vinstri stjórn) en núna er þagað þunnu hljóði.

Lýstu sárri fátækt í Reykjavík

Jóhanna og Steingrímur bíða við dyrnar á Bessastöðum?

Kom fram í fréttum í kvöld (stöd2) að forsetinn hefði fengið Icesave -frumvarpið í hendur klukkutíma eftir að það var samþykkt. Mikið liggur við, má forsetinn ekki gefa sér tíma til að íhuga hvað ákvörðun hann tekur. Sakar ekki að láta Jóhönnu og Steingrím (og vikapiltinn) bíða aðeins við dyrnar. Engin sátt er um málið milli þings og þjóðar þess vegna  má vel ímynda sér að forsetinn vísi frumvarpinu til þjóðarinnar af þeim sökum. 

„Forsetinn hlýtur að synja“

Formaður Sjálfstæðisflokksins dansar línudans..

Telja má formann Sjáfstæðisflokksins hafi setið  báðu megin borðs hann greiddi atkvæði með að vísa Icesavesamningnum til þjóðarinnar; vippaði sér síðan yfir borðið og samþykkti samninginn sem lög frá Alþingi.  Með stuðningi  formannsins  að vísa umræddu máli  til  þjóðarinnar er auðsjáanlega tilraun að draga í land og  lægja öldurnar innan flokksins; en getur hugsanlega gefið  forsetanum meiri ástæðu til að vísa málinu til þjóðarinnar.

 

 

„Falsmálflutningur"

Hver er að múta hverjum?

Steingrímur studdi samráðherra sinn , Svandísi Svavarsdóttur dyggilega í þinginu í gær,  í ásökun um að Landsvirkjun hefði beitt mútum, að ná fram áformum í virkjunarmálum; sjálfum sér samkvæmur hvað er það annað en ''pólitískar mútur'' að ætla að leggja ríkisábyrgð varðandi  Icesaveskuldina á þjóðina og komandi kynslóðir; veit sem er að annars verður ríkisstjórnin að fara frá, ráðherrastóllinn í hættu er hann mun aldrei endurheimta?

Hver er að múta hverjum?

Styður ekki þjóðaratkvæði um Icesave

Forsetanum vandi á höndum.

Forsetanum er mikill vandi á höndum ekki auðveld ákvörðun hver sem hún verður. Ef  ríkisstjórnin nýtir  sér flýtimeðferð í gegnum þingið með Icesave- frumvarpið þá styrkir það ákvörðun forsetans að vísa frumvarpinu til þjóðarinnar, jafnframt gætu undirskriftirnar  haft úrslitaáhrif.; lausnin  er augljós allir ættu að geta sætt sig við er þjóðaratkvæðagreiðslu.

Hvað varðar Sjálfstæðisflokkinn að hátekjumenn og sérfræðingar ráði þar ríkjum eins og Styrmir Gunnarsson sagði á fundinum í Valhöll í gær, flokkurinn væri ekki lengur flokkur allra stétta þá þurfa margir Sjáfstæðismenn að hugsa sinn gang;  axla sín skinn í nánustu framtíð;  en spurningin er hvert á að halda?

Segir samþykkt Icesave muni marka tímamót

Forsetinn - sannur þjóðarleiðtogi.

Forsetinn er sannur þjóðarleiðtogi, hann viðurkennir mistök sín í trúnni á útrásina;að iðrast er ferli  er lýkur með að viðkomandi iðrasta öllu hjarta í orðum sínum og gerðum; það hefur forsetanum tekist. Heyr fyrir honum! Vonandi auðnast honum að sitja sem forseti nógu lengi til að hafa vit fyrir óstarfhæfum sjórnmálamönnum; á mjög svo erfiðum og viðkvæmum tíma hjá þjóðinni.

Stjórnarskráin þarf að vera skýrari

Bæn Gísla frá Uppsölum

Gísli frá Uppsölum er löngu þjóðþekktur maður, bóndi er bjó einn, kærði sig lítt um nútíma þægindi, lifði á því sem landið gaf nægjusamur og glaður í bragði, líklega illa skilið núverandi efnahagserfiðleika okkar. Við getum tekið Gísla til fyrirmyndar og varðveitt landið og nýtt það okkur okkur til framdráttar. Ekkert verður okkur dýrmætara en eiga landið þótt það tilheyri svokölluðum köldum svæðum.

Vaxandi matarþörf er eitt mesta vandamál þjóða í framtíðinni, að til verði nægilegur matur, hægt að  framfleyta öllum jarðarbúum. Notum innlenda framleiðslu eins og kostur er það er okkur fyrir bestu; sú framtíð að ekki verði nægur matur fyrir jarðarbúa er ekki langt undan.

Gísli frá Uppsölum sótti styrk sinn í kristna trú eins og þjóðin gerði í gegnum aldir;gaf henni andlegan og líkamlegan þrótt þegar náttúrhamfarir, hungur og kuldi sóttu að.

Bæn Gísla frá Uppsölum.

Þegar raunir þjaka mig

þróttur andans dvínar

þegar ég á aðeins þig

einn með sorgir mínar.

Gef mér kærleik, gef mér trú,

gef mér skilning hér og nú.

Ljúfi drottinn lýstu mér,

svo lífsins veg ég finni.

Láttu ætíð ljós frá þér

ljóma í sálu minni.

 

''Velferðarstjórnin'': Eldri borgarar sveitarómagar í ölmusukerfi!

Stjórnmálamenn/stjórnkerfi hafa óátalið nánast eyðilagt, og telja sig hafa lögvarða stöðu til að gera tryggingakerfið að tekjujöfnunarkerfi/ölmusukerfi; nýjasta útspil ''velferðarstjórnarinnar'' til eldri borgara er að greiða verðbætur aðeins þeim er fá lágmarkstekjur frá Tryggingastofnun, seilast í vasa eldriborgara til að jafna launamismun; eru það ákvæði í stjórnarskrá?

Með setningu laga  er gengu í gildi í stjórnatíð ''velferðarstjórnarinnar''1. júlí 2009 var almennur grunnlífeyrir afnuminn / tekjutengdur þótt eldri borgarar hafi greitt í þann lífeyrissjóð frá sextán ára aldri og hafi eignarétt til bóta úr honum samkvæmt stjórnarskrá. Er það lausnin í  almennum kjarasamningum að greiða verðbætur  á lægstu laun og jafna með því launamismun; er það ekki hlutverk tekjuskattskerfisins að jafna laun? 

 Eftir hrun voru kjör eldri borgara skert um  20% við bættist að fólk 65 ára og eldra tapaði sextíu og fimm milljörðum við hrun bankanna. Vextir af sparifé eru takmarkaðir við kr. 94.000 þús og fjámagnstekjuskattur hækkaður  upp í 20%. Hafi eldri borgarar sparifé sitt verðtryggt er lagður fjármagnstekjuskattur á verðbætur óháð hver verðbólgan er. Hvers vegna fá þeir sem eru á almennum launum að halda öllum vöxtum af sparifé sínu?

Þá hefur ''velferðarstjórnin'' ákveðið að taka 700 milljónir úr framkvæmdasjóði aldraðra til reksturs hjúkrunarheimila; eingöngu er ætlaðan til uppbyggingar hjúkrunarheimila samkvæmt lögum.

Samkvæmt ofangreindu er tryggingakerfi aldraða, ölmusukerfi, stefnan að þeir eigi tæplega til hnífs og skeiðar; komist aftur á sveitarómagastigið ef ekkert verður að gert. Eldri borgar hafa mikla reynslu og menntun að baki er ætti að nýtast þeim í kjarabaráttu sinni. Frekar að vanti fjármagn til að sækja réttindi er tekin hafa verið   með lögum; það vantar umboðsmann aldraðra/ lögfræðing til varnar og sóknar í hagsmunabaráttu aldraðra.

Félagslegur gildin er áunnust í síðustu öld; að aldraðir ættu að njóta elliáranna eftir langan starfsdag er á undanhaldi í nútímaþjóðfélagi. Keyrði um þverbak við einkavæðingu bankanna; náði hámarki þegar bankastarfsmenn tóku sér ofurlaun og ryksuguðu bankakerfið innan frá er lauk með falli efnahagskerfisins.

 Eldri borgurm ber  siðferðileg skylda að taka þátt í uppbyggingu nýs þjófélags, viðhalda þeim félagslegu gildum er hafa tapast ;-  siðferðileg skylda gagnvart komandi  kynslóðum að tryggja tilveru þeirra á efri árum á mannsæmandi hátt.

 

Ráðherrar svara ekki fyrirspurn

Ekki bræðravíg!

Alvarlegt í ástand  Egyptalandi vonandi snýst herinn ekki gegn þjóðinni þá yrði hörmuleg blóðbað þar sem hermenn réðust tilneyddir á almenna borgara - eigin fjölskyldur. Mubarak forseti verður að fara frá til að lægja öldurnar. Bylting hefst með réttlátri reiði borgaranna eftir margra áratuga kúgun; en snýst oftar en ekki  upp í andhverfu sína,almennir borgarar láta lífið, upphafleg markmið ná ekki fram; - herinn má snúast ekki gegn þjóð sinni.  

Milljón Egypta mótmælir

Skeggöld og skálmöld.

Valdníðsla umhverfisráðuneytisins gagnvart Flóahreppi er hróplegt dæmi í samtímanum um sjálftöku í ákvarðanatöku þar sem lög eru sniðgengin; stjórnkerfið er vart starfshæft. Framkvæmdavaldið túlkar og teygir löginn; eins og ákvörðun umhverfisráðherra sýnir. Alþingi/löggjafarvald setur lög er ekki standast; nýjasta dæmið eru lög um stjórnlagaþing þar sem krafist er endurupptöku; ef það tekst má telja  réttarríkið í hættu.

Dómsvaldið er undir ómældu álagi hefur ekki undan að dæma í vafasömum málum. Er svo komið að sótt er fast að Hæstarétti er reynir að halda uppi réttarríkinu.

Skeggöld og skálmöld ríkið í landinu sem aldrei fyrr . 

 

 

Sömu lög fyrir Flóahrepp og aðra