"...Nú hljómar dýrðardagur nýr..."

 Ó, Drottinn, ljós og lífið mitt,
ég lofa, og mikla nafnið þitt,
þig lofi allt, sem anda hrærir,
og allt, sem blessar þú og nærir.
Nú ljómar dýrðardagur nýr,
en dimman nætur burtu flýr.

Það allt, sem lifir, lífgar þú
með ljósi þínu, faðir, nú,
og endurnærður elsku þinni
ég ennþá rís úr hvílu minni
og minnist þess, að miskunn þín
í morgunsólar geislum skín.

Þitt blessað ljós nú minnir mig
á mína skyldu' að elska þig,
sem það af náð mér lýsa lætur,
svo leggi' á flótta dimman nætur.
Þín dýrleg sól því segir mér:
Æ, sjá, hve góður Drottinn er.

Þitt blessað ljós, sem lýsir mér,
til ljóssins iðju kallar hér.
Æ, lát mig allt í ljósi vinna,
í ljósi sannleiks orða þinna,
í ljósi þínu ljósið sjá
og ljóssins barna hnossi ná.

Sb. 1871 - Páll Jónsson, 455. Góða helgi

  

Ramakvein vinstri manna

Ráðning Davíðs Oddsonar, ritstjóra Mbl virtist  gerð svo umræðan yrði fjölbreyttari um brýnustu hagsmunamál  og pólitík líðandi stundar; vinstra fólk og svokallaðir jafnaðrmenn forðast sem mest rökræður og skoðanaskipti, telja sig eina hafa rétt fyrir sér og hvað er samfélaginu fyrir bestu, upphrópanir og útúrsnúningur fremur þeirra málflutningur.

Til eru "sannir" Samfylkingarmenn er gátu ekki hugsað sér að blogga á Mbl og hurfu á braut með fyrirgangi eftir ráðningu Davíðs Oddsonar.

Ekki er RUV laust við vinsemd sína við jáumræðu ESB ekki hafa margir andstæðingar ESB fengið að láta ljós sitt skína í svokölluðu Viðtali Boga Ágústssonar, hvers vegna ekki?

 Fyrir nokkrum árum átti að ráða utanaðkomandi starfsmann hjá RUV en komst upp að líklega væri hann Framsóknarmaður af framsóknarætt. Enda hófst mikið upphlaup á RUV þar sem starfsmenn tóku sig saman  flæmdu manninn burtu og þar við sat. Slík starfsmannastefna hjá ríkisfjölmiðli er vítaverð.

Umræðan á Mbl hefur orðið skarpari og fjölbreyttari við ráðningu Davíðs Oddssonar ekki er annað að sjá en vinstri menn fái þar inni eins og aðrir.

 

Þungar áhyggjur af fjölmiðlum

"Brimsöltuð og banvæn"

Drykkurinn beiskur, er hann ekki brimsaltur, það versta sem sjómaður gerir er að drekka sjó ef hann verður skipreika fjarri öllum bjargráðum. Icesavelögin eru "brimsöltuð og banvæn"; neyðin kennir naktri konu að spinna, þjóðin -og stjórnmmálaflokkar eru í hennar sporum.

Ef ekki næst samstaða með stjórnmálaflokkum þá munu þeir endanlega glata trausti þjóðarinnar

 

Betra en að deyja úr þorsta

"Töskuberi forsetans"

Undarlegt hvað Íslendingar eiga  marga bandamenn og samúð  eftir að forsetinn tók af skarið, vísaði Icesavelögunum til þjóðarinnar og hafði viðtöl í erlendum fjölmiðlum er vöktu heimsathygli.

Hvers vegna gerðu ríkistjórn og embættismenn ekkert til að kynna málstað þjóðarinnar nema þá í "reykfylltum herbergjum á leynifundum" þar sem enginn veit hvað gerðist? Síðan fréttatilkynningar/ hræðsluáróður, skrattinn málaður á alla veggi ef reynt yrði að ná betri samningum.

Grunsamlegt er það ekki, vegna þess að Össur utanríkisráðherra (töskuberi forsetans), er í einhverjum samningaviðræðum í samhengi við ESB að leysa málið; ekki augljóst hvað það geti verið annað?

Ef til vill hentar Össuri betur að ferðast um heiminn og bera töskur forsetans.

Bretar og Hollendingar hætti einelti

Eva Joly: Hversdagshetjur: María, Assan. Ognyan, Christo: Síðasta andspyrnufólkið í Sófíu.

"...María var bara unglingur þegar Berlínarmúrinn féll. Rétt eins og allir Búlgarar man hún vel eftir þeim vonum sem vindar frelsisins kveiktu í brjóstum fólks. En tuttugu árum seinna, þegar land hennar gekk í Evrópusambandið gerði enginn í Búlgaríu sér neinar grillur. Hvorki fjármagn og vald höfðu í raun og veru skipt um hendur. Þvert á móti hafði opnun landamæranna og innganga í ESB orðið til þess að nýjar tekjulindir opnuðust, til urðu ný bandalög milli stjórnmálamanna og undirheimanna, bandalög sem voru á allra  vitorði .... (Bls 67)

Framangreindur kafli á hefst eftirfarandi: "Mafían starfar í ýmsum löndum. "Í Búlgaríu er Mafían land,"var yfirskrift greinar í Herald Tribune 17. október 2008. Blaðamenn í Búlgaaríu leggja sig í lífshættu við að reyna að afhjúpa glæpavæðingu búlgarska ríkisins."      (Bls 65)

Hversdagshetjur er áhugaverð bók um barátta um fjármálaspillingu og glæpum er þeim fylgja.

Sýnir í hnotskurn að ESB hefur ekki tekist að innleiða lýðræðisleg og félagsleg réttindi ekki séð hvort nær yfirhöndinni; fjármálaspilling þar sem fjármagnið nær yfirhöndinni í allri Evrópu (og víðar)þar sem spillingin nærist á skattaáþján og kúgun almennings; eða frelsi og velferð handa öllum samfélögum?

Bókina Hversdagshetjur ættu sem flestir að lesa hún er á verði sem allir ráða við.

 

Joly: Átti ekki að takast á við hrun heils bankakerfis

Stjórnarskráin gildir samkvæmt 26.gr. - og orðanna hljóðan

26. gr. Stjórnarskrár Ísland er svohljóðandi : "Ef Alþingi hefur samþykkt lagafrumvarp, skal það lagt fyrir forseta lýðveldisins til staðfestingar eigi síðar en tveim vikum eftir að það var samþykkt og veitir staðfestingin því lagagildi, en leggja skal það þá svo fljótt sem kostur er undir atkvæði allra kosningabærra manna í landinu til samþykktar eða synjunar með leynilegri atkvæðagreiðslu. Lögin falla úr gildi, ef samþykkis er synjað, en halda ella gildi sínu".

Samkvæmt ofangreindu fer atkvæðagreiðalan um Icesavelögin fram samkvæmt orðanna hljóðan  stjórnarskrárinnar. Engin ástæða að flækja málin með svokölluðum fræðilegum rökum, dreg mjög í efa að svokölluð Borda-aðferð, þar sem kjósandinn fær fleiri en tvo valkosti til að forgangsraða áliti sínu, hafi verið fundin upp eða til sem hugsun, þegar stjórnarskráin var samin.

Hvaða "bull" er í prófessornum  fram og aftur,  engin önnur lausn en að virða Stjórnarskrána eins og hún er samin og hugsuð; því miður er prófessorinn ekki trúverðugur síðan hann lýsti því yfir í fjölmiðlum að forsetinn yrði vinalaus ef hann vísaði umræddum lögum til þjóðarinnar, var það dulbúin hótun? 

 

Icesave hentar ekki vel til þjóðaratkvæðis

Ríkistjórn - stjórnarandstaða við eigin þjóð

Engu líkara er Steingrímur njóti þess að hóta þjóðinni með enn meiri sköttum, hann hefur lagt sjálfan sig að veði að koma skuldaklafa Icesavelaganna til fólksins í landinu. Það er óvinsælt að sitja í ríkisstjórn, í kreppunni; er nauðsynlegt að halda þjóðinni í heljargreiðum með sífelldum hótunum um verri kjör innan lands og utan?

Eru einhver stór leyndarmál í efnahagskerfinu sem ekki má segja þjóðinni frá, engu líkara; eru það hótanir um neitun um inngöngu í ESB, er það öruggt að lokað verði á allar lánalínur, landið verði einangrað?

Samkvæmt daglegum fréttum úr heimspressunni er réttur þjóðarinnar gagnvart Hollandi og Bretlandi miklu meiri og augljósari en ríkisstjórnin gaf út eftir ''bjarmalandsför'' Svavars Gestssonar og meðreiðarsveina hans.

Vantar að leggja vandann fyrir þjóðina hver hann er í raun og veru; framkoma ríkisstjórnarinnar hefur aðeins valdið vantrausti vegna þess að upplýsingar eru ekki nægilega upp á borðinu.

Engu líkara en ríkisstjórnin sé í '' sttjórnarandstöðu við eigin þjóð/umbjóðendur sína.

 

 

Nauðsynlegt að hækka skatta

'' frelsarnir þrír''

Icesaveskuldin er stærra samhengi við stefnumörkun ESB í fjármálum þar sem togast á félagsleg gildi og lýðræðisleg vinnubrögð hinsvegar fjölþjóðafyrirtæki og bankar er vilja skella tapi sínu á almenna skattgreiðendur sama hvaða það kostar, þá er bara að hækka skattinn enn meira.

Á framagreindum grunvelli getum við hugsanlega fengið betri samninga ef mörg ríki í skattaáþján innan ESB standa með okkur. Verði samið að nýju með þjóðarsátt þá kemur Össur Skarphéðinsson ekki til greina eins og ''frelsararnir þrír'' (Vilmundur, Tómas Már og Helgi) leggja til í blaðagrein Mbl í dag ,bls15.

Formaðurinn þarf að koma úr ópólitískum ranni sem hefur sérfræðiþekkingu, mikla þekkingu í Evrópumálum og vera erlendis frá. Allir/öll hin ættu að verða utan stjórnmála er sátt gæti orðið um annað er tæplega traustvekjandi.

Velferðin forgangsmál í Kópavogi

Gunnar Birgisson hefur slegið tóninn fyrir málefnin þar sem verðferðarkerfið verður í fyrirrúmi, gerði það með yfirlýsingu sinni yfir gjaldtöku eldri borga í sundlaugar bæjarins. Núverandi eldri borgarar eru sá aldurshópur er byggðu upp efnahagslega kjölfestu er ennþá heldur þrátt fyrir kreppuna: rafmang um öll byggðarlög, góðar samgöngur; - öflugan fiskveiðiflota og orkuver er gefa gjaldeyrir í þjóðarbúið er mun bjarga okkur út úr kreppunni.

Vinstri flokkarnir hafa um langa hríð gengið fram fyrir skjöldu til að verja kjör eldri borgar og velverðarkerfið í heild sinni vegna skerðingar á tryggingum og skattaáþjánar nú síðast í kosningabaráttunni 2009. En um leið og vinstri stjórnin tók við gleymdi hún stefnu sinni í velferðarmálum.

Margir eldri borgarar hafa greitt iðgjald til trygginga frá sextán ára aldri og hafa eignarrétt samkvæmt stjórnarskrá en var engu síður afnuminn með einu pennastriki af stjórnvöldum með hjálp stjórnmálaflokkanna þar með taldir vinstri flokkarnir..

Enginn vandi er leystur með framkomu stjórnmálamanna/tryggingarsérfræðinga að ræna eldri borgara eignum sínum- en eykur virðingarleysi fyrir eldri kynslóðinni og velferðarkerfinu í heild sinni.

 

Þrettán í prófkjör í Kópavogi

Lofsöngur minn

Prófessor í Bonn í Þýskalandi bjó sig undir að skera tunguna úr bónda nokkrum sem hafði fengið krabbaamein í tunguna. Hópur stúdenta stóð við skurðarborðið.

Læknirinn varð að segja vesalings bóndanum að hann yrði að búa sig undir það hlutskipti að hann gæti ekki talað. '' Ef þér viljið bera fram ósk, skuluð þér gera það núna'', sagði hann. ''Minnist þess, að þetta verða síðustu orðin sem þér segið um ævina. Eftir aðgerðina verðið þér mállaus.''

Kyrrðin var svo mikil, að heyra mátti saumnál detta. Bóndinn laut höfði  sem snöggvast og síðan heyrðu allir viðstaddir hinstu orðin er hljómuðu af vörum hans: '' Vegsamaður sé Drottin Jesús Kristur.''

Hvernig getur sá lofað Guð sem hefur misst tunguna? Barn Guðs á gleði sem er æðri og dýpri en gleðin yfir öllum heiminum. Það er gleðin yfir því að vera frelsaður.

Í frelsaranum eigum við fullkomna gleði. Jesús Kristur er gleðilind sem þornar ekki þó við missum vini, heimili og eignir. Sá sem gleðst yfir vegna friðarverks Jesú, sá sem lifir í þakklæti og lofgjörð af því að nafnið hans er skráð í himninum, öðlast styrk til að þola þyngsta mótlæti og lofa Drottinn eftir sem áður.

'' Sjá, Guð er mitt hjálpræði. Ég er öruggur og óttast eigi því að Drottinn Guð er minn styrkur og lofsöngur. Hann er orðinn mér hjálpræði'' (Jes.12,2).

Ég er hamingjubarn, ég á himneskan arf,

þó að hörð reynist ævinnar braut.

Ó hve gott er að aldrei ég örvænta þarf,

mína auðlegð með Jesú ég hlaut.

(Hugrún) (Máttarorð bls 137)  Góða helgi

 

Kjósum ekki Samfylkinguna í Kópavogi!

Samfylking og Vinstri grænir settu á oddinn velferðarkerfið í síðustu kosningum en eftir valdatöku í stjórn landsins hefur slíkt ‚‘‘smámál‘‘ vikið til hliðar og gengið á kjör eldri borgar sem aldrei fyrr. Guðfríður Arnardóttir oddviti Samfylkingar í bæjarstjórn Kópavogs fylgir ´´nýju vinstri stefnunni´´ trúverðuglega; stærir sig af samstöðu bæjarstjórnar í málefnum bæjarins; þar sem  eldri borgarar  voru sviptir þeim rétti að geta sótt sund án þess að greiða fyrir eftir 67ára aldur.(Mbl 8. Jan.)

Sómasamleg kjör eldri borgara eru einn af hornsteinum velferðarkerfisins hvort sem er hjá bæjarfélögum eða ríkinu.

Nú hefur hægri maðurinn Gunnar Birgisson líklegur oddviti Sjálfstæðismanna   í  komandi bæjarstjórnarkosningum tekið upp hanskann fyrir eldri borgara og er það vel. Fjármál bæjarins verða ekki leyst með því að svipta  eldri borgar þeim kjörum  er  hafa til komið vegna skefjalausrar skerðingar  ríkisins á lífskjörum eldri borgara er nú duga vart  lengur til hnífs og skeiðar.

Oddviti Samfylkingar í Kópavogi er ekki vænlegur leiðtogi í málefnum bæjarbúa samkvæmt ofangreindu. Undirrituð skorar á bæjarbúa að veita Samfylkingunni verðuga ráðningu og kjósa Gunnar Birgissona í komandi kosningum.

 

Endurskoðun stjórnarkrár

Ekki annað í stöðunni en samþykkja lög um þjóðaratkvæði hins vegar er nauðsynlegt að endurskoða stjórnarskrána sem allra fyrst og skýra ótvírætt  málsskotsrétt forseta og þjóðaratkvæði svo ekki verði um deilt.

 Erfitt verk eða borin von: lögspekingar, stjórnmálafræðingar síðast ekki síst Alþingi sjálft geti komið sér saman um, í sem stystu máli, hvernig stjórnarskráin á að verða. Hugmynd að stjórnlagaþingi þarf að þróa og fá fram rágefandi hugmyndir frá grasrótinni til að leggja grunninn.

Þá þurfa að koma að góðir sérfræðingar í íslensku máli; óhugsandi að stjórnarskráin verð samin á óskiljanlegu lögfræðimáli sem hægt yrði að toga og túlka endalaust.

Lög um þjóðaratkvæði samþykkt

Gunnar Birgisson áfram bæjarstjóri í Kópavogi

Hver leiðir lista Sjálfstæðismanna í vor hlýtur að verða til lykta leitt í prófkjöri þar sem málefni frambjóðenda verða sett á oddinn. Undirrituð hefur ávallt stutt Gunnar Birgisson í bæjarstjórnarkosningum, óumdeilanlegt að hann hefur staðið fyrir stórstígum framförum Kópavogsbæjar síðan hann varð bæjarfulltrúi og bæjarstjóri. (er ekki í Sjálfstæðisflokknum)

Eftirfarandi er af bloggsíðu minni 6. janúar:

Gunnar Birgisson skrifar athyglisverða grein í Mbl. í dag þar sem hann greinir frá, að nú skuli eldri borgarar greiða fyrir sund samkvæmt fjárhagsáætlun ,2010. Hefur ekki nóg verið gengið að lífskjörum eldri borgara með skerðingu lífeyris með þegjandi samkomulagi ''velferðarstjórnar'' Steingríms og Jóhönnu?

 Auðvelt að ganga að eldri borgurum þar sem þeir hafa ekki bein hagsmunasamtök geta illa borið hönd fyrir höfuð sér.

Eldri borgarar þurfa að hugsa ráð sitt ef þeir verja ekki rétt sinn  mun það leiða til smánarkjara  ; þá er barátta fyrir núverandi hagsmunum einnig barátta fyrir kynslóðir sem á eftir koma. Engin lausn á rekstri bæjarsjóðs að ráðast að kjörum eldri borgara auk þess siðferðilega rangt og gefur vond skilaboð út i samfélagið.

Samkvæmt grein Gunnars mun hann ekki samþykkur framgreindri aðför að eldri borgurum; undirrituð skorað á eldri borgara að standa með Gunnari Birgissyni ef hann býður sig fram í komandi bæjarstjórnarkosningum í vor.

 

Bæjarstjóri ekki í framboð

Kobrún Bergþórsdóttir - rakalaus þvættingur um forsetann

Undirrituð hefur ekki verið stuðningsmaður forsetans hingað til en lágkúruleg grein Kolbrúnar Bergþórsdóttur á ritstjórnarsíðu Mbl í dag gefur tilefni til að forsetinn fái  réttláta og rökfasta umræðu um höfnun á lögum um Icesavesamningana. 

Alvarlegt hagsmunamál, skuldastaða þjóðarinnar var komin í pólitískt öngstræti bæði af stjórn og stjórnarandstöðu; samningsstöðu Íslands átti að binda með lögum þar sem hagsmunir Breta og Hollendinga voru í fyrirrúmi; en réttur þjóðarinnar fyrir borð borin. 

Heimild forsetans er skýr samkvæmt stjórnarskrá og engin önnur ráð voru til að mati undirritaðrar fyrir forsetann en að hafna umræddum lögum. Stjórnmálastéttinni er hollt að horfa inn á við og gleyma ekki að hún á að hafa hagsmuni þjóðarinnar í fyrirrúmi en ekki flokkshagsmuni.

Krafa Breta og Hollendinga getur varðað þjóðarhagsmuni þar sem skuldastaða þjóðarinnar er ekki ljós.

Grein Kolbrúnar í Mbl í dag persónulegur rakalaus áróður um forsetann hvað sem líður mistökum hans í dekri sínu við útrásarvíkinga. Ekki eru öll kurl komin til grafar hverjir studdu fjármálaveldi einkabankanna og úrás þeirra; fyrrverandi ríkisstjórn Samfylkingar og Sjálfstæðisflokks er   ekki undanskilin  þegar svikamylla íslenska fjármálaveldis einkabankanna stóð í sem mestum blóma.

Grein Kolbrúnar á ekki erindi inn á ritstjórnarsíðu Mbl

Steingrímur móðgaður

Viðtalið við Steingrím var ekki rismikið sýndi fremur beygðan mann er hafði gert allt sem mögulegt var í ellefu mánuði; svo kom forsetinn og eyðilagði allt. Hvaða allt, samninganefnd Steingríms náði ekki góðum samningi, loksins er hann sjálfur að fara erlendis og ræða málin. Hefði geta sleppt bréfinu til forsetans (þeirra Jóhönnu) og nýtt tímann til að kynna stöðu Íslands við erlenda fjölmiðla.

Satt að segja voru þau Jóhanna og Steingrímur eins og ''móðgaðir smákrakkar'' þegar forsetinn tilkynnti neitun undirskrifta Icesavelaganna. Sama er að segja um Össur utanríkisráðherra er hætti við að verða forsetanum samferða til Indlands.

Ef litið er til baka orkar það tvímælis hvernig ríkisstjórnin hefur staðið sig í samningum við Breta og Hollendinga; má ekki sækja málið með festu vegna þess að það styggir ESB-umræðuna?

 

 

Ákvörðun forsetans vonbrigði

Rúv skautar framhjá sannleikanum?

Þessi skoðanakönnun Gallups var fyrsta frétt  sjónvarpsins í kvöld sett fram með hlutdrægum hætti. Ekki minnst einu orði á að 36,5% hefðu ekki svarða í könnuninni; hvers vegna skautar fréttastofan framhjá öllum sannleikanum, fyrir hverja er slíkur áróður í ríkisfjölmiðli?

 

Meirihluti andvígur ákvörðun forsetans

Kópavogsbær seilist í vasa eldri borgara

Gunnar Birgisson skrifar athyglisverða grein í Mbl. í dag þar sem hann greinir frá, að nú skuli eldri borgarar greiða fyrir sund samkvæmt fjárhagsáætlun ,2010. Hefur ekki nóg verið gengið að lífskjörum eldri borgara með skerðingu lífeyris með þegjandi samkomulagi ''velferðarstjórnar'' Steingríms og Jóhönnu?

 Auðvelt að ganga að eldri borgurum þar sem þeir hafa ekki bein hagsmunasamtök geta illa borið hönd fyrir höfuð sér.

Eldri borgarar þurfa að hugsa ráð sitt ef þeir verja ekki rétt sinn  mun það leiða til smánarkjara  ; þá er barátta fyrir núverandi hagsmunum einnig barátta fyrir kynslóðir sem á eftir koma. Engin lausn á rekstri bæjarsjóðs að ráðast að kjörum eldri borgara auk þess siðferðilega rangt og gefur vond skilaboð út i samfélagið.

Samkvæmt grein Gunnars mun hann ekki samþykkur framgreindri aðför að eldri borgurum; undirrituð skorað á eldri borgara að standa með Gunnari Birgissyni ef hann býður sig fram í komandi bæjarstjórnarkosningum í vor.

Ríkisstjórn á brauðfótum

Vonandi eru þingmenn og ráðherrar búnir að jafna sig eftir skilaboðin frá forsetanum og standi saman um að kosning fari fram sem allra fyrst; engar ''maraþonumræður'' um setningu lagaramma um framkvæmdina.

Skipa þarf nýja nefnd til að ná samningum við Breta og Holllendinga, faglega ópólitíska nefnd, Svavar Gestsson og Indriði aðstoðarmaður fjármálaráðherra voru ótrúverðugir frá upphafi, pólitískir varðhundar ríkisstjórnarinnar er aldrei höfðu möguleika að hafa traust almennings í landinu; nefndin í heild pólitískt úr ranni  ríkisstjórnarinnar.

 

Nú stendur ríkisstjórnin á brauðfótum og getur sjálfri sér um kennt; sá veldur er á heldur.

Ræða framkvæmd þjóðaratkvæðagreiðslu

Samfylkingin í fjötrum eigin ábyrgðarleysis - utanþingsstjórn?

Samfylkingin sat við völd er hrunið varð en hefur ekki axlað  ábyrgð bankahrunsins, situr samt við völd í skjóli Vinstri grænna og tveggja utanþingsráðherra; látið sem minnst á sér bera en Steingrímur J. Sigfússon verið leynt og ljóst talsmaður fyrir báða flokkana.

Össur utanríkisráðherra verið  á þönum erlendis leynt og ljóst að koma þjóðinni í Evrópusambandið.

Óbein skilaboð forsetans eru að stjórnmálamenn standi saman um samninga um Icesavemálið þar er Samfylkingin ekki undanskilin.

Ef það reynist ekki hægt hlýtur að koma til álita að forsetinn myndi utnaþingsstjórn.

Stjórnarflokkar á rökstólum

Hugrakkur forseti þjóðarinnar- kærar þakkir

Forsetinn sýndi hugrekki, telja má víst að hann hafi sameinað þjóðina að baki sér í þessari erfiðu Icesavedeilu/milliríkjadeilu við Bretland og Holland gæti mjög líklega gert samningsstöðu þjóðarinnar betri sérstaklega ef Norðurlönd sýndu vilja  að koma inn sem sáttasemjarar; Það gerðu Norðmenn í þorskastríðinu.

Undirrituð sendi sínar persónulegu þakkir til forsetans fyrir að skera á hnút Icesavemálsins; um leið óábyrgra átök alþingismanna/ríkistjórnar um svo alvarlegt mál þar sem þörf er á allri samstöðu þjóðarinnar.

Nú getur þjóðin vonast eftir bættu siðferði í stjórnsýslu og stjórnmálum þar sem hagsmunir þjóðarinnar ráða för en ekki  að stjórnsýsla/stjórnmálamenn drottni og deili í krafti sundurlyndis og flokksskírteina.

Staðfestir ekki Icesave-lög