Eva Joly - bjargvættur

Viðtalið við Evu Joly í Kastljósi RUV í gærkveldi vekur vonir um að fagleg og markviss rannsókn hennar muni bera árangur, að leiða fram í dagsljósið auðgunarbrot og bókhaldsbrot í tengslum við bankahrunið - jafnvel á þessu ári eða í byrjun þess næsta. Velvilji hennar til íslensku þjóðarinnar er einstakur og vekur vonir um betri tíð með blóm í haga geti verið í vændum.

Joly hefur nú fengið erlent fagfólk til hjálpar rannsókna á bankahruninu. Vænta má betri árangurs, en nauðsynlegt er að upplýsa fjármálasvik; svo hægt verði að byggja upp heilbrigt fjármálakerfi hér á landi með virkara eftirliti en áður var.

Þeir sem ollu bankahruninu með óábyrgum og ósvífnum hætti þar sem tangahaldi var náð á innstæðum fólks til eigin afnota í pappírs - og skúffufyrirtækjum án verðmæta; þarf að draga fram í dagsljósið og taka afleiðingum gerða sinna.

Þá fyrst verður hægt að vænta trausts frá þjóðinni gagnvart fjármálakerfinu, sem er nauðsynleg til uppbyggingar verbréfaviðskipta er byggjast á arðsömum fyrirtækjum þar sem bankarnir verði með yfirbyggingu er hæfir litlu hagkerfi; en ekki tólf sinnum stærri eins og viðgegnst eftir einkavæðingu bankanna er lögðu efnahag þjóðarinnar í rúst á skömmum tíma.

Innköllun aflaheimilda landráð af gáleysi - eða græðgi?

Enn heldur Samfylkingin áfram að fá fram innköllun aflaheimilda en til hvers - að gera sjávarútvegsfyrirtækin, þjóðina - og landsbyggðina endanlega gjaldþrota. Engin getur rekið útgerð ef aflaheimildir verða eign ríkisins hins vegar má vel reyna að bæta reksturinn í samráði við viðkomandi aðila 

Að nafninu til kallast innköllun aflaheimilda, að ''leigja aflaheimildir'' en verður í reynd þjóðnýting er engan vegin verður stjórnað á réttlátan hátt. Ef til vill er það draumur Dags B.Eggertssonar að Samfylkingin deili og drottni með fjöregg þjóðarinnar/aflaheimildir; eða gefi þær sem aðgöngumiða að ESB.

Ekki verður langt að bíða þangað til reynt verður að ýta sjávarútvegsráðherra út úr núverandi ríkisstjórn til að fá fram framangreind áform. Ofan á erfitt ástand efnahagsmála má þjóðin horfa upp Samfylkinguna í ríkisstjórn þar sem græðgin og hrokinn virðast stefna þeirra í reynd; engu máli skiptir þjóðarhagur, að aflaheimildir verði veiddar af útgerðum eins og verðið hefur.

Mikilvægast nú er, að Vinstri grænir slíti núverandi stjórnasamstarfi sem allra fyrst, þjóðinni til hagsbóta. 

Treystir starfshópnum

Utanþingsstjórn?!

Hvort mun ráða stefna Vinstri grænna í Evrópumálum og að þjóðin greiði ekki skuldir óreiðumanna?- eða halda völdum í vonlausri ríkisstjórn með vonlausum flokki, Samfylkingunni. Ekki margra kosta völ, líklega verður að fá utanþingsstjórn sem fyrst - annars verða engin mál leyst þau virðast meira og minna  tengd ''krosstengslum''  bankahruninu og uppgjöri við erlenda skuldunauta. Auk þess engin samstaða um hvernig skuldavandi heimilanna verður leystur.

VG fundar á ný seint í kvöld

Davíð - tók afstöðu með þjóðinni

Þótt Davíð hafi átt þátt í einkavæðingu bankanna þá dettur engum í hug að hann hafi búist við þeirri græðgi og spillingu er í raun varð markmið bankanna og eigenda þeirra.

Það var rétt ákvörðun þáverandi seðlabankastjóra að yfirtaka bankana frekar en að láta þá falla. Með því var þeim innstæðum er eigendur höfðu ekki hrifsað til sín bjargað. Neyðarlögin tryggðu síðan framangreindar innistæður að fullu. Enginn skárri  kostur var í stöðunni - að tryggja það fjármagn sem eftir var til áframhaldandi starfsemi og sparnaðar; hlýtur að vera undirstaðan til að skapa innlend verðmæti  þjóðfélagsins í framtíðinni.

Framangreind aðgerð var ekki  að skapi útrásarvíkinga og braskara hérlendis og erlendis - Jón Ásgeir nefndi ''stærsta bankarán sögunna''- en hverju var stolið - áttu ekki innstæðueigendur þann sparnað vegna rádeildar sinnar? ''Þjóðin á ekki að greiða skuldir óreiðumanna''.

Eigendur bankanna eiga að standa skil á þeim lánum er þeir tóku - ef þeir geta það ekki þá eru vonandi dagar þeirra taldir sem ábyrgir bankaeigendur um alla framtíð.

Ekki undarlegt að Davíð veki athygli út fyrir landsteinana vegna þess að taka afstöðu með þjóðinni en ekki fjármagnsbröskurum - er höfðu eigin græðgi í fyrirrúmi en þeir sem áttu fjármagnið skiptu engu máli.

 

Ráðning Davíðs vekur athygli ytra

Stjórnarkreppa - þjóðargjaldþrot?

Er ekki nóg komið af ráðaleysi vinstri stjórnarinnar aðeins eftir að segja formlega af sér; stjórn allra flokka hefur varla það traust er þarf til þjóðstjórnar - nema hún verði skipuð fólki utan stjórnmálanna. Ekki vænlegt að utnaþingsstjórn skipuð af forsetanum verði með hlutlausum eða traustvekjandi hætti þar sem hann virðist meira og minna innvinkaður í Baugsveldið og ''ókrýndur guðfaðir útrásarvíkinga''. 

Slæmt ástand eins og efnahagsmálin standa - ekki virkjanir þar af leiðandi enginn orkufrekur iðnaður. Ekkert fyrir  fyrir Jóhönnu annað að gera en segja af sér hið bráðasta.

 

Ekki séð fyrir enda Icesave

Dvíð Oddsson, ritstjóri Mbl.

Hvers vegna eiga allir helstu fjölmiðlarnir að hafa þá  ritstjórnastefnu, að innganga ESB sé  eina rétta fyrir þjóðina; RUV virðist leynt og ljóst, Fréttablaðið og 365miðlar, dásama öll ‘‘sæluríkið ESB‘‘ , sjaldan eða aldrei eru ókostir rökræddir. Meira segja kom fram í fjölmiðlum virtur  prófessor og taldi  þurfa sérstök lög svo eigendur fjölmiðils geti ekki ráðið ritstjóra að eigin vild; er það tjáningarfrelsi að lög banni að ritstjóri hætti ef ágreiningur er um rekstur og ritstjórnarstsefnu?

Auk þess með  efnahagsástand þjóðarinnar í huga er enginn betur fallin til að verða ritstjóri Morgunblaðsins en Davíð Oddsson. Hann mun setja málefnin fram  á skeleggan og rökfastan hátt,  hefur mikla yfirsýn á vettvangi þjóðlífsins, það verður málefnaleg og skemmtileg umræða; Davíð Oddsson í ritstjórnarstól Mbl  sem allra fyrst.

Ritstjóramálum lokið á næstu dögum

ESB - styrkir ekki lanbúnað eða sjávarútveg

Forsætisráðherra telur að ESB og stjórnvöld muni sjá til nægilegra styrkja til verndar íslenskum landbúnaði, ekkert að óttast þess vegna. Landbúnaður eða sjávarútvegur geta aðeins lifað á eigin forsendum og framtaki og um það sé samstaða hjá þjóðinni. Barnalegt að halda því fram að ESB muni sérstaklega leggja sig fram með styrkjum fyrir landbúnaði þegar til framtíðar er litið. Endurbætur á sjávarútvegi verða ekki leystar með fyrningarleið/þjóðnýtingu heldur með framsæknum atvinnurekstri sjávarútvegsfyrirtækja vítt og breytt um landið. Smábátaútgerð þarf meiri kvóta til umráða sérstaklega á smærri stöðum;ekki er þörf á fjölgun báta þeir sem fyrir eru geta auðveldlega aukið veiðar án nokkurs tilkostnaðar. 

Leiði mótun sjávarútvegsstefnu

Stýrivextir: aðhald og skynsamleg neysla

Skilaboð AGS eru í raun, (á mannamáli)að draga úr neyslu, minnka skuldir og auka sparnað. Með því að lækka stýrivexti of hratt eru send röng skilaboð út í samfélagið; vandinn er vegna of mikillar neyslu. Ekki skynsamlegt að auka innflutning umfram útflutning; jafnvægi þarf að vera helst meiri útflutningur. Núverandi aðstæður kalla á aðhald, sparnað og skynsamlega neyslu;- stýrivextir verða að taka mið af þeim aðstæðum ef þjóðin ætlar að vinna sig út úr kreppunni og skuldunum.

Vaxtastefnunni hafi verið lýst í viljayfirlýsingunni

Alþingi - ''eigingirni og pottaglamur''?

Geta menn ekki tekið ákvörðun hvort menn ætla að hefja þingferil sinn með því að lúta höfði inn á við, til Krists eða ekki, án þess að auglýsa sig sérstaklega í fjölmiðlum, Lilja Mósesdóttir hóf þingferil sinn inn á við með því að ''berja potta og pönnur'' úti á Austurvelli; vonandi verður  barátta framgreindra á Alþingi ekki í formi ''eigingirni eða pottaglamri''?

 

 

Óþarfi að blanda Guði inn í þinghaldið

Forsetinn - undirritar lög um aðildarviðræður ESB?

 Innan tíðar mun liggja fyrir Alþingi frumvarp um umboð til aðildarviðræðna við ESB. Fróðlegt verður að sjá hvort forsetinn undirriti væntanleg lög. Er ekki lýðræðislegt að þjóðin fái að skera úr um hvort hún vill aðildarviðræður, rökrétt að forsetinn vísi því til þjóðaratkvæðis; ef til vill þarf þess ekki vegna þess að núverandi stjórn er ''pólitískt''  þóknanleg forsetanum?

 

 

 

Þjóðin tók valdið í sínar hendur

NAFTA - ESB - átök um auðlindir

Rússar búa sig undir átök um auðlindir m.a. á Norðurskautssvæðinu og landgrunni Barentshafs, útiloka ekki að herveldi verði beitt í framtíðinni um yfirráð. Átök um auðlindir eru fyrirsjáanleg þegar til framtíðar er litið; tæplega  horft framhjá framangreindri staðreynd fyrir  lítið eyríki með miklar auðlindir. Hvar er Ísland er best staðsett meðal þjóða þarf að ígrunda vel; er landið  vel staðsett innan ESB,  er innganga í NAFTA (USA, Mexico og Kanada) betri kostur?

Virðist ekki góður kostur ''að dansa á línunni'' fyrir litla þjóð þegar til lengdar lætur, en hægt að hafa áhrif hvar við viljum staðsetja okkur. Ef til vill er skynsamlegt a bíða átekta með umsókn um inngöngu í ESB.

Þótt við mikinn efnahagsvanda sé að stríða eru það auðlindir okkar er vega þyngst þegar samið verður um samstarf um við önnur ríki.

 

 

 

 

Matvælaöryggi - þjóðarhagsmunir

Innan ekki langs tíma gæti orðið skortur á vatni og matvælum í vestrænum heimi, ríkar þjóðir leigja nú akuryrkjulönd hjá fátækari löndum til að tyggja sér matvæli til framtíðar; - ný útfærsla á nýlendustefnu. Vart eru meira en hundrað ár síðan að Íslendingar höfðu ekki allir  nóg að borða. Sterkur landbúnaður innanlands er mikilvægasta  fæðuöryggið; hlýtur að hafa afgerandi áhrif á ákvarðanatöku um ESB-aðild en með innfluttum landbúnaði er innlendri framleiðsla stefnt í hættu, gæti lagst af að mestu eða öllu leyti.

 Matvælaöryggi þjóðarinnar, innlendum landbúnaði er ekki hægt að henda frá sér fyrir stundarhagsmuni með inngöngu í Evrópubandalagið - eða fiskveiðiauðlindum þjóðarinnar er tryggja gjaldeyrissköpun og enn meira innlent matvælaöryggi.

 

 

Ráðvillt ríkisstjórn

Samstarfsráðherra, er það sáttasemjari og um hvað? Er vinskapurinn í brotum  á að leita sátta með inngöngu í ESB; þar þrýtur vinskapurinn? Óskýranlegur klaufaháttur, ber vott um ráðvillta ríkisstjórn er sér ekki fram á langlífi nema Samfylking dragi ESBfrumvarpið til baka.

 

Katrín verður samstarfsráðherra

Kynlaus ráðherra

Eiginlega vindhögg hjá Svandísi til að auglýsa sig; hefði verði fullkomlega rökrétt að karl hefði fengið umhverfisráðherrann; undanfarnir tveir hafa verið konur. Heildarfjöldi ráðherra er ekki endilega viðmiðun; ef ráðherrarnir væru ellefu þá þyrfti hálfan karl og hálfa konu, kynlausan ráðherra. Hvernig leysir Svandís þá stöðu; líklega engum fært nema Sölva heitnum frægum flakkara fyrr á árum,er reiknað eitt svart barn og eitt hvítt barn í konu ef ég man rétt?

Karl stendur upp fyrir konu

Erlend ásókn á Íslandsmið

Hvernig verður staða Íslands  innan ESB (eftir inngöngu)þegar framkvæmdastjórnin í Brussel ákveður niðurskurð, einnig á Íslandsmiðum? Áhrif Íslands verða engin á ákvarðanir þar að lútandi, betra að hafa ákvörðunarréttinn og fiskimiðin utan ESB. Fiskistofnar hér við land eru ekki í útrýmingarhættu eins og hjá Evrópulöndum; hins vegar yrði ásókn þeirra á Íslandsmið mun meiri eftir inngöngu Íslands í ESB.

 

 

ESB: Útlit fyrir verulegan niðurskurð kvóta

Aðildarviðræður - ótímabærar við ESB

Vitað í nokkurn tíma að evran er of hátt skráð, nú er henni jafnvel spáð hruni; dollarinn er talinn standa betur nú um stundir. Hvað liggur eiginlega á að hefja aðildarviðræður um inngöngu í ESB meðan engin vissa er fyrir efnahagsástandinu í heiminum? Skynsamlegast af Alþingi að fella tillögu Samfylkingar og bíða átekta.

Ríkisstjórn og Alþingi ættu frekar að koma fjármálum bankanna í viðunandi horf, -  ráðdeild og sparnaði hjá ríkistofnunum og skera niður óþarfa kostnað.

 

 

Hugsanlegt hrun evrunnar

''Styrkir ESB dulbúnar mútur''?

Verður sjálfleiðingarhvöt stefna nýju stjórnarinnar, ekki  reyna að endurreysn  á eigin forsendum og þeim verðmætum sem þjóðin getur skapað með auðlindum og velmenntuðu fólki? Nei, eyða á tímanum í að skattleggja sjávarútveginn  koma honum síðan undir Brusselvaldið; ekki nota orkuna til veðmætasköpunar, eyða íslenskum landbúnaði með inngöngu í ESB. Mæna  á styrkjakerfi ESB til styrktar landbúnaði og jafnvel iðngreinum; - eru ekkert annað en ''tímabundnar mútur'' meðan er verið að koma landinu undir erlent vald; þrjú hundruð þúsund manna þjóð er aukaatrið hjá ESB með þrjúhundruð milljón manns, það eru auðlindirnar er skipta þá máli. 

Þjóðin hefur allar forsendur að bjarga sér á eigin verðleikum með vel menntað fólk og ríkulegar auðlindir um langa framtíð.

 

Áróðursmaskína ESBsinna undir feldi Samfylkingar

Frumvarp um aðild að ESB, ætla Vinstri grænir að greiða atkvæði með frumvarpinu? Er það aðalmálið, er ekki meiningin að reyna að koma skuldafjárastöðu heimila og fyrirtækja í viðundandi stöðu?  Hvar á að fá fjármagn ef fyrirtækin halda ekki áfram, samverkandi verður að heimilin geta ekki greitt skuldir sínar. Hækkandi skattar leysa ekki erfitt fjárhagsástand, þá þarf að koma í veg fyrir að bankar séu að hafa afskipti af samkeppnishæfi fyrirtækja með beinum áhrifum starfsmanna bankanna,  betra að stofna umsýslufélag fyrirtækja í erfiðum rekstri.

Nei, aðalmálið er innganga í ESB, áróðursmaskína undir feldi Samfylkingar ræður ferðinni. Skyldu Vinstri grænir raunverulega setja aðildarviðræður á oddinn? Samstarf flokkanna stefnir í svipaða stöðu og hjá R-listanum sáluga; þar sem Vinstri grænir voru áhrifalitlir og komu illa út samtarfinu.

 

Ákvörðun um ESB í höndum þjóðarinnar

Söngvaseiður - frábær söngleikur

Fór að sjá Söngvaseið í Borgarleikhúsinu í gærkveldi, hrífandi söngleikur í léttum dúr þótt hann sé í skugga valdatöku nasista í seinna stríði. Sýnir fjölskyldu er fær til sín unga kennslukonu úr nunnuklaustri er kemur á heimilið. Unga glaða nunnan glæðir lífið birtu og il, er fjölskylduna  vantar á ófriðvænlegum  óvissutíma.

Leikarnir eru léttir og skemmtilegir en túlka  jafnframt ógnvænlegt samfélag. Móðurlausu börnin sjö eru leikin með prýði; túlka  vel  hvernig þau blómstra við komu nunnunnar, lífið verður manneskjulegra; fjölskyldan finnur gleði og frið innan eigin vébanda er það sem gefur lífinu gildi.

Gott í kreppunni að sjá svo breitt svið úr mannlífinu túlkað á grátbroslegan hátt , en gleðin og samheldnin innan fjölskyldunnar er raun sigurvegarinn í glímu mannlífsins.

Leikstjórinn á heiður skilinn fyrir hvernig hann kemur efninu til skila með gagnrýni á ríkjandi samfélag með skemmtilegu ívafi háðs og hláturs.

 

Fyrningarleiðin: - gráðugt stjórnkerfi

Hverjir eru það sem vilja skattleggja sjávarútveg óhóflega, hvers vegna mega ekki vera vel rekin sjávarútvegsfyrirtæki úti á landi, hvers vegna á að færa allt fjármagn á höfuðborgarsvæðið? Er ekki ný græðgi í uppsiglingu til að auka enn á yfirbyggingu samfélagsins er þegar er alltof stór fyrir fámenna þjóð.

Menntun fólks myndi ekki líða skaða  þótt háskólum yrði fækkað og deildir sameinaðar, nóg verður til af menntafólki samt sem áður; fleiri ríkistofnanir þurfa hagræðingar við - og stjórnkerfið í heild. Eitthvað virðist væntanleg ríkisstjórn ætla að taka til í framangreindum málum; vonandi sitja þau í fyrirrúmi fremur en endanleg útrýming landsbyggðarinnar með svokallaðri fyrningarleið - um leið tilveru Íslands sem sjálfstæðrar þjóðar.

 

Bæjarráð Hornafjarðar varar við fyrningarleið