ESB - ''sæluríki allra þjóða''?

Stefna ESB virðist miða efnahagsstefnuna við heildarhagsmuna stærri þjóða,  sérstaklega Þjóðverja - og Frakka. Þjóðverjar halda uppi háu gengi evrunnar gagnvart samkeppnishæfni lítilla þjóða (með evru)á alþjóðamörkuðum eins og Írlands. Reyndar hafa Spánverjar og lönd í Austur-Evrópu lent í vanda af sömu ástæðum. Þjóðverjar eru ''gömul'' þjóð með tiltölulega fáar vinnandi hendur, því hentar stefnan vel ásamt  ''frjálsu flæði'' vinnandi handa á smánarlaunum,  að  skapa þjóðarverðmæti fyrir Þjóðverja - til að selja öðrum þjóðum á gengi evrunnar.

Er það ekki ljós í myrkrinu fyrir íslendinga að vera í góðri samkeppnisstöðu með útflutning auk þess að gefa Írum fyrirmynd til að leysa erfitt efnahagsástand þótt það kosti fall bankakerfisins en skapar samt um leið betri aðstæður til innlendrar framleiðslu.

Ekki furða þótt ESB sækist eftir Íslandi til inngöngu, landi með ríkulegar auðlindir;  ESB er þá ekki ''sæluríki''allra þjóða  og að var stefnt  með stofnun þess?

 

 

Írar fleygi evrunni

''Borgum ekki skuldir óreiðumanna''

Borgum ekki skuldir óreiðumanna sagði Davíð Oddsson; ''fjölmiðlaelítan/hagfræðingar'' urðu hamstola til að hrópa niður fyrrverandi seðlabankastjóra. Hvers vegna þessi reiði, þjóðin á ekki að borga skuldir sem ekki eru á ábyrgð hennar. Hvers vegna ætti þjóðin að borga erlendum lánardrottnum er lánuðu ''óreiðumönnun'' hér á landi á eigin ábyrgð? Nei, þeim var nær, verða að bera skellinn sjálfir; óþarfi að sýna undirlægjuhátt, engu trausti erlendis er að tapa, allt að vinna. Lántakendur og lánardrottnar geta ekki skákað í því skjóli að aðrir taki endalaust  ábyrgð á braski þeirra.

 

Heimslögregla kapítalismans

Gengi krónunnar - hentar útflutnigsfyrirtækjum

Ingjaldur Hannibalsson, prófessor í viðskiptafræði (Fréttabl.í dag) telur ekki líklegt að miklar breytingar verði í gengi krónunnar á næstunni, bandaríkjadalur verði á bilinu 110 til 130 kr, að veikt gengi krónunnar henti útflutningsgreinum vel. Ennfremur segir prófessorinn: ...''Til að komast úr úr kreppunni þurfa Íslendingar að beina sjónum sínum að útflutningi, og byggja á sjávarútvegi, orkufrekum iðnaði og þjónustu,...

Framangreint álit prófessorsins segir allt sem segja þarf um þá staðreynd að kreppan verður leyst fyrst og síðast með  verðmætasköpum úr auðlindum okkar, sjávarútvegi, almennum iðnaði og þjónustu. Auk þess þarf aðhald til að viðskiptajöfnuður við önnur lönd verði í jafnvægi.

Stjórnarvöld ættu að beina sjónum sínum að framangreindum staðreyndum frekar en ætla að leysa allan vanda með inngöngu í ESB nú um stundir; hvað þá að  veikja sjávarútvegsfyrirtæki með ranglátri skattheimtu er fyrirsjáanlega dregur úr getu þeirra til verðmætasköpunar.

 

kljhæjæjlæ

''Hatursáróður á Gunnar Birgisson''

Góðra gjalda vert að gefa bæjarstjórn aðhald í fjármálum sínum en eru það markmið Samfylkingar í Kópavogi? Mér finnst aðalmálið hjá bæjarfulltrúanum vera einhvers konar ''hatursáróður'' gegn Gunnari Birgissyni, bæjarstjóra; eða aðal stefnumálin. Man ekki eftir greinum um velferðarmál er betur mætti fara, þar hafa Vinstri grænir verið málefnalegri t.d. í málefnum eldri borgara og þeirra er minna mega sín.

 

„Kom verulega á óvart“

Kirkjan hætti efnislegum afskiptum?

Ef til vill ætti viðhald kirkna ekki að vera í höndum sóknarnefnda heldur dómsmálaráðuneytis þar sem viðhaldskostnaður væri ákveðinn hluti af sóknargjöldum er rynnu til viðkomandi sóknar en ríkinu væri skylt að sjá um framkvæmd í samráði við sóknarnefnd/prest. Svipað kerfi er í Frakklandi og hefur gefist vel; hvað varðar efnislegu hlið kirkjunnar er framangreind hugmyndi vel athugandi, kirkjan gæti þá einbeitt sér alfarið að kristinni velferð og kærleika eins og Kristur stofnaði til í upphafi.

 

 

Gagnrýna styrki vegna skulda kirkna

Kvótinn - kominn til að vera

Kvótakerfið er komið til að vera vegna þess að auðlindin er takmörkuð hins vegar þyrfti umræðan fremur að snúast um hvernig sníða megi af vankanta kerfisins. Hin hliðin á kvótakerfinu eru fyrirtækin er veiða fiskinn og hafa til þess óumdeilanlegan atvinnurétt samkvæmt stjórnarskrá. Einn af göllum kvótakerfisins er hvatinn til að henda fiski, sem ekki er verðmætur, þar togast á hagsmunir um að fá sem mestan arð af veiðiheimildinni  til verðmætasköpunar fyrir þjóðina - og betri afkomu sjómanna og verkafólks; engin lög geta komið í veg fyrir  brottkast vegna þess að þau eru á skjön við lífsafkomu  framangreindra aðila.

Vitað er að allt síðan á dögum nýsköpunartogaranna hefur verið hent ósöluhæfum fiski; þá hentu togararnir heilu förmunum af smáfiski til að geta veitt söluhæfa vöru í staðin. Ekki liggur fyrir hvort brottkast á fiski í meira en sextíu ár hefur haft áhrif á minnkun fiskistofna hér við land; hvort það hefur meiri áhrif en hvalir og aðrar skepnur éta fiskinn sér til viðhalds í náttúrunni?

 

 

 

Jóhanna: ''blóðmjólka sjávarútveg - og landsbyggðina''

Hvað er Jóhanna, forsætisráðherra að segja; sama og að bóndi aflífaði mjólkurkýrnar sínar eina af annarri til að hafa í sig og á.  Auk þess á að blóðmjólka sjávarþorpin allt í kringum landið er standa stórum hluta að verðmætasköpun þjóðarinnar. Væri ekki nær að minnka yfirbygginguna, þarf þjóðin níu háskóla þar af a.m.k. fjóra með viðskiptamenntun; hér ætti að hagræða án þess að menntun yrði ekki nægileg fyrir þjóðina.

 

Fyrningarleið víst farin

Samfylking - ''trúarsöfnuður til Brussel''?

Samfylkingin getur ekki og má ekki fá opið umboð til Brussel og semja um aðild að ESB; sama og að afhenda skrifræðinu í Brussel Ísland ''ef þeir vilja vera svo góðir að taka við landi og þjóð''. Hvílíkt glapræði, Samfylkingin er ''trúarsöfnuður'' um aðild þjóðarinnar að ESB, er leiddur verður dyggilega beint og óbeint af ritstjóra Fréttablaðsins, Morgunblaðsins, Stöð2, ''hluta af háskólaelítunni'' -  og  RUV eða því sem næst?

Ætla Vinstri grænir að láta undan bara til að geta verið í stjórn, ekki nægilega góð rök, þeir eiga næga möguleika í stjórn landsins þótt þeir slíti núverandi stjórnarsamstarfi? Hvað með Framsókn, Vinstri græna og Sjálfstæðisflokkinn, yrði betri stjórn til að senda trúverðuga sendinefnd til Brussel?

Búast má við meiriháttar ágreiningi á Alþingi um svo grafalvarlegt mál og innganga í ESB.

 

 

 

Kemur ekki til greina

ESB - ekki besta hagkerfi heims?

Hvers vegna koma yfirlýsingar frá Olle Rehn ESB með stuttu millibili um að Ísland séu velkomið innan ESB sem allra fyrst, inngangan muni ganga fljótt fyrir sig? Segir að ESB hafi mikla samúð með fjárhagerfiðleikum hér og vilja greiða götu þjóðarinnar. Hvar var ´´samúðin‘‘ þegar ESBríkin stóðu á móti sameiginlegri ábyrgð þegar bankakerfið hrundi  hér  á landi þótt Ísland væri innan EES? Við erum fámenn þjóð en hér eru hér miklar auðlindi; ESB mun þykja gott til  glóðarinnar að hafa fiskimiðin sem fæðuöryggi  í framtíðinni - að ekki sé minnst á orku- og olíuauðlindir?

 

Innganga Íslendinga í ESB og upptaka Evru hefur í för með sér frelsisskerðingu vegna  þess að ESB mun dragast aftur úr velmegun í USA – og Íslendinga; þótt ESB hafi sett sér það markmið að verða samkeppnishæfast hagkerfi  heimsins árið 2010, til þess þarf atvinnu, Lissabonsamkomulagið gerði ráð fyrir, til þess að markmiðin næðust,  yrðu 70% af vinnufæru fólki að hafa atvinnu. Heyrst hafa tölur um 11,5 % samdrátt í Þýskalandi (Dietrt Wermuth) á þessu ári, atvinna verði langt undir 60%. Það mun hafa neikvæð áhrif á lönd ESB þótt hagspár seðlabanka ESB reyni stöðug að fegra útlitið þótt staðreyndin sé   önnur?

Eftir hverju er að sækjast verður ekki betra fyrir Ísland  að standa utan við sambandið og nota krónuna enn um sinn?

 

 

Samdráttur í ESB

Ísland getur boðið lægra fiskverð vegna falls krónunnar þrátt fyrir verðlækkun á fiski  í Evrópu, en þjóðir þar vilja nú ódýrari vöru. Alþjóða gjaldeyrissjóðurinn spáir a.m.k. 4% samdrætti  á evrusvæðinu á þessu ári. Finnar (innan ESB) telja að gengi evrunnar sé þeim andstætt í viðskiptum. Hvernig myndi Ísland standa sig í samkeppni um sölu fiskafurða  ef þeir væru í ESB en Norðmenn utan bandalagsins;-  þeir eru  langstærsti keppinautarnir við Ísland um sölu sjávarafurða til ESB?

 

 

 

Íslenskur fiskútflutningur ógnar norskum

Ráðherrann segir satt.

Viðskiptaráðherrann talar rökrétt ef liggja fyrir úrlausnir fyrir íbúðareigendur bæði hvað varðar elend og innlend lán. Ef rétt er samkvæmt fréttum að 40% af lánum á íbúðarhúsnæði séu neysluskuldir þá er það vont mál fyrir viðkomandi;  ekki annað að gera fyrir þá skuldendur að semja sérstaklega um þær.

Erfitt mun reynast  að hafa pólitískan viðskiptaráðherra í stað Gylfa, þá situr væntanleg stjórn ekki lengi.

Flestir geta staðið í skilum

Eldur - hættulegur leikur

Hörmulegt slys er hlaust af fikti og vangá, unglingurinn gerði það besta er hægt var í stöðunni, játaði brot sitt fyrir móður sinni; hún tók ábyrga afstöðu hefur gert syni sínum grein fyrir alvarleika málsins, pilturinn mun án efa muna þá lexíu ævilangt.

Slys getur falist í einu kertaljósi, þeir sem þekkja ekki tíma olíulampanna, þegar ekkert rafmang var til, geta tæplega verið eins meðvitaðir um eldhættu. Á þeim tíma var börnum kennt að henda aldrei frá sér eldspýtu nema ganga um skugga að það væri óhætt. Þá var leikur með eld í einhverri mynd ekki þekktur; aðeins notagildið og hættan hverju hverju barni meðvituð.

 

 

Játaði íkveikju í leikskóla

Sóttvarnir mikilvægar

Nú reynir á hversu góðar og velskipulagðar sóttvarnir eru hér á landi mikilvægt að ekki berist smit í svín;  gæti haft ófyrirsjáanlegar afleiðingar fyrir matvælaiðnað og ferðamannaiðnað. Hér er betur hægt að verjast svínaflensunni vegna legu landsins, svínabú ekki mörg og ætti að vera hægt að ná viðunandi skipulagningu í sóttvörnum.

 

 

 

Svín greind með flensu í Kanada

Vinstri flokkanrir hika - þolinmæði á þrotum?

Nóg komið af handahristingum og kossaflensi, niðurstöður um stjórnarsamstarf þurfa að verða sem fyrst, eftir því sem hver dagur líður, er hætt við tortryggni og vantrausti; Jóhanna getur ekki búist við, þótt hún sé vinsæl, að þjóðin hafi óendanlega þolinmæði. Auk þess eru vinstri flokkarnir búnir með hveitibrauðsdagana í fyrri stjórn; - geta farið að taka raunhæft á stjórn landsins.

Undirrituð telur að orki tvímælis að þessir tveir flokkar ráði við vandann í efnahagsmálum, líklega verður þjóðstjórn niðurstaðan þótt síðar verði.

Stjórnarsáttmáli í smíðum

Efnahagslegt sjálfstæði - undir erlent vald?

Gylfi Arnbjörnsson, forseti ASÍ lýsti því fögrum orðum hvernig fyrri kynslóðir hefðu fært vinnandi fólki mannsæmandi kjör með baráttu sinni; og á þeim grunni stæði verkalýðshreyfingin. Skyldu ekki gengnar kynslóðir snúa sér við í gröfinni að heyra þennan sama foringja mæla með inngöngu í ESB; afsala efnahagslegu sjálfstæði undir erlent vald.

Hann sagði  mikilvægt að fara í aðildarviðræður við ESB sem fyrst og að þjóðin yrði að fá að taka afstöðu til þess máls, en hann teldi sjálfur að þetta yrði ''mikilvægt skref í því að lækka matvælaverð, lækka vexti og verðbólgu og koma á stöðugleika í gengismálum''.

Hefur verkalýðsforinginn rétt fyrir sér: Hvernig eru vextir á Spáni þótt viðmiðunarvextir ESB hafa lækkað. Vextir á Spáni á húsnæðislánum  hækkað um 20% á sama tíma vegna þess að þeir eru á hausnum eins og Ísland,. Ef hér hefði verið Evra í hruninu hefðu vextir verið enn hærri. Peningastefna ESB virkar ekki víða i Evrópu vegna þess að nú er  verðhjöðnun, húsnæðisverð í frjálsu falli; bankarnir á hausnum og verðleggja peninga hátt, þess vegna gengur Svíum  betur  þeir hafa eigin gjaldmiðil en Spánverjar, Írar og margar Evrópuþjóðir verða að styðja sig við of hátt gengi Evrunnar.

Ef til vill er Ísenska þjóðin betur sett  með eigin gjaldmiðil á nánustu framtíð lengra er tæplega hægt að horfa eins og efnahagsaðstæður eru í ESB-ríkjum og um allan heim.

  lkjlæ

 

Nýjan sáttmála um stöðugleika

''Hundadaga ríkisstjórn?''

Ef ekki sitja áfram núverandi utanþingsráðherrar í næstu ríkisstjórn þá munu  lífdagar hennar tæplega meira en fáeinir ''hundadagar''. Efnahagsmálin er of erfið til að pólitísk stjórn tveggja flokka nái nægilegum árangri; næsta ríkisstjórn getur ekki fengið ''hveitibrauðsdaga'' til þess er viðfangsefnið of brýnt.

Pólitísk refskák eða hráskinnaleikur geta ekki verið í boði fyrir þjóðina,  skárra að mynda þjóðstjórn sem allra fyrst.

 

 

Hlé á viðræðum í dag

Til hamingju með daginn

Alþjóðlegur baráttudagur verkalýðsins er í dag. Árið 1923 var fyrst gengin kröfuganga fyrsta maí hér á landi, en dagurinn lögskipaður frídagur á Íslandi árið 1972. Baráttudagurinn á sér rætur í blóðugri baráttu alþýðufólks fyrir bættum kjörum, fulltrúar alþjóðasamtaka kommúnista í París komu saman (1889),til að minnast þess að hundrað ár voru liðin frá því að Parísarbúar tóku Bastillufangelsið í borgarastyrjöldinni, 1789. Þar var ákveðið að gera 1.maí að baráttudegi hreyfingarinnar.

Tiltekinn dagur var einnig valinn vegna þess, þegar verkamenn komu samans þremur árum áður (1886) á  Haymarket-torginu í Chicago í Bandaríkjunum, að krefjast átta tíma vinnudags. Tvö hundruð lögreglumenn ætluðu að leysa upp mótmælin en einhver kastaði sprengju, í öngþveitinu er fylgdi, hófst skothríð milli lögreglu og verkfallsmótmælenda, sjö lögreglumenn létu lífið og um tuttugu verkamenn. Átta voru handteknir og dæmdir fyrir sprengjutilræðið, fjórir voru hengdir sá fimmti framdi sjálfsmorð í fangelsinu.

Ákæran var tekin upp nokkrum árum seinna, réttarmorð hafði verið framið, engar sannanir voru til staðar. Þremur hinna ákærðu var sleppt og hinir hengdu urðu píslarvottar verkalýðshreyfingarinnar en fyrsti maí valinn sem alþjóðlegur baráttudagur.

 

Siðareglur kirkjunnar ofar dómsvaldi?

Siðareglur kirkjunnar hljóta að ráða frekar en lagabókstafur og dómsvald; álitshnekkir fyrir kirkjuna ef starfsreglur hennar eru ekki marktækar. Samkvæmt fréttinni kemur fram að réttlætanlegt sé að fylgja starfsreglum kirkjunnar miðað við það sem kemur fram í dómsgögnum um málið.

Viðkomandi aðili er hér um ræðir fær  fyrirgefningu Guðs vegna gjörða sinna ef hann biður  þess;  samt sem áður óhjákvæmilegt að hann  axli ábyrgð á gerðum sínum í starfi samkvæmt siðareglum kirkjunnar.

Prestastefna ályktar um Selfoss

Aukið lýðræði í prófkjörskosningum

Útstrikanir á frambjóðendum í nýliðnum kosningum eru skilaboð frá kjósendum; þeir sætta sig ekki við óhóflegar sporslur og spillingu. Þá eru prófkjör flokkanna ólýðræðislegt fyrirkomulag sérstaklega í stórum kjördæmum úti landi þar sem jaðarbyggðir/sjávarþorp hafa ekki nokkra möguleika til áhrifa. Reglur þarf til tryggingar;  að þingmenn komi sem víðast úr viðkomandi kjördæmum.

Nefna má Suðvesturkjördæmi hvernig  tveir efstu frambjóðendur Sjálfstæðisflokksins eru staðsettir; auk þess eru þeir formaður og varaformaður flokksins, ekki frambærilegt í kjördæmi þar sem sjávarbyggðir eru stór  uppistaða í kjördæminu.

Vill vinna traust á ný

Útrétt hjálparhönd

Siðferðileg skylda borgaryfirvalda að verða við beiðni Kaþólsku kirkjunnar um aðstöðu til hjálpar nauðstöddum á hentugum stað hvort sem það er í miðbænum eða nágrenni. Þörfin er fyrir hendi,  fyrir útrétta hjálparhönd, til  hjálpar og samúðar; gerir erfiðleikana léttbærari að geta komið, fengið sér súpu og létt á erfiðleikum með kærleiksríku viðmóti. Getur haft óbein áhrif á fjölskyldur viðkomandi ekki síst börnin er nú viðrast standa meira höllum fæti vegna kreppunnar.

Slík andleg og líkamleg uppbyggingarstarfsemi getur skilað sér margfalt til baka með auknu sjálfstrausti og sjálfsbjargarviðleitni  þeirra bágstöddu,   er fyrirsjáanlega mun fjölga með vaxandi atvinnuleysi, - og greiðsluvanda þeirra er verst standa.

Vonandi bregðast borgaryfirvöld við til hjálpar um húsnæði; slík hjáp er kærkomin viðbót við aðstoð félagsmálayfirvalda í borginni.
 

Súpueldhús í miðbæ