Þingmenn staðsettir á Austurlandi

Rétt ákvörðun vonandi fara fleiri þingmenn  að dæmi Valgerðar Sverrisdóttur; reyna að skapa sátt og traust milli stjórnmálamanna og almennings; gefa nýjum þingmönnum færi með nýjum formerkjum um siðgæði og málefnalega umræðu er tilfinnanlega vantar á Alþingi.

Vonandi fær Austurland kjörinn þingmann næst ekki lýðræðislegt að þeir séu allir fyrir norðan. Þegar kjördæmin eru orðin svona landfræðileg stór verða jaðarbyggðir áhrifalausar; þarf að gæta þess í komandi prófkjörum að  þingmenn komi sem víðast í kjördæminu.

Valgerður ekki í framboð

Marghöfða þurs veldur þjóðnýtingu - engin lög um sameign þjóðarinnar

Össur segist ekki hafa komist hænufet með Sjálfstæðisflokknum í fyrrverandi stjórnarsamstarfi aðeins verið nefnd/tvíhöfða þurs/tveir formenn en hafi komist eitt hænufet með Vinstri grænum þ.e. nefnd/marghöfðaþurs; til að komast inn í ESB.

Nú þurfi aðeins að samþykkja lög um aðildarviðræður/þjóðaratkvæði  um að auðlindirnar séu sameign þjóðarinnar. Áróðurinn um að auðlindir verði "sameign þjóðarinnar" slær ryki í augun á almenningi en leiðir ekki til meiri þjóðartekna. 

Samfylkingin og forysta verkalýðhreyfingarinnar (ekki almenningur) vilja komast til Brussel; stjórna þaðan með skrifræðinu; þá verður hagur almennings svipaður og á Spáni þar sem er 15% atvinnuleysi og þverrandi lífskjör þótt engin kreppa væri til staðar.

Verkalýðshreyfingin er löngu komin úr tengslum við grasrótina er að mestu leyti pólitískt skrifræðisbákn. 

Auðlindirnar tilheyra landinu, fiskimiðin eru innan landhelgi; hvers vegna þarf sérstök lög um "sameign"? Betra væri að endurbæta kvótakerfið banna veðsetningu á öllum  auðlindum Þjóðinni er enginn greiði gerður ef auðlindir verða þjóðnýttar;  mun leiða til spillingar enn verri en nú er.

Enga þjóðnýtingarstefnu; hún leiðir til hnignunar svipaða og í einræðisríkjum Sovétríkjanna í sinum tíma.

 

 

Eitt hænufet til Evrópu

Þjóðinni borgið

Með allri virðingu fyrir þessum hagfræðingum þá er gott ef þeir geta undið ofan að rangri stefnu, stjórnvalda/stjórnmálamanna, viðkomandi ráðuneyta, bankastjóra, fjölmiðla, stjórnenda lífeyrissjóða - síðast en ekki síst fjármálaeftirlits og seðlabankastjórn; er hafa unnið með leiðarljós frá erlendum og hérlendum hagfræðingum síðan um kreppuna miklu 1930.

Var ekki undirrótin frjáls hagfræði sem átti að leita jafnvægis; samkvæmt eðlisfræðilögmáli  er stjórnast af náttúrlegum óhagganlegum lögmálum; engin þörf á eftirliti eða reglum; gleymdist alveg að reikna með mannlegum breyskleika eins og græðgi  er breyttist í óstöðvandi "pappírsfjárhættuspil" er nær um allan heim?

Nú eigum við tvo hagfræðinga af mörgum er munu bjarga okkur og heiminum í einu vetfangi; ný útrás í vændum?

Hef samúð með Davíð Oddssyni seðlabankastjóra að bera allt framangreint á herðum sér, Guð hjálpi honum og okkur þjóðinni.

Vítahringur í peningamálum

Eggið kom á undan hænunni

Eggið kom á undan hænunni með bréfi forsætisráðherra; fyrst átti að breyta lögum um seðlabankann síðan að auglýsa eftir bankastjóra/um eftir því hver verður niðurstaða frumvarpsins. Ætlar Jóhanna Sigurðardóttir, forsætisráðherra að glata trausti og almennum vinsældum sem hún hefur áður en hún framkæmir aðgerðir. Eiga fjölmiðlar að leysa málin meira og minna hlutdrægir?

Lýsir miklum vonbrigðum

Davíð ábyrgur ? - Forsetinn í baksætinu?

Hafi stjórnvöld ekki tekið mark á viðvörun seðlabankans fyrir hrunið í október er rökrétt að Davíð Oddson segi ekki af sér (láti reka sig). Vonandi stendur ekki orð gegn orði heldur að hann geti sannað sitt mál. Ragnar Önundarson sagði í Silfri Egils í dag að Ingibjörg Sólrún Gísladóttir hefði látið bóka andmæli gegn viðvörun seðlabankans á ríkistjórnarfundi.

Rétt hefði verið að mynda stjórn allra flokka í upphafi hruns eða utanþingsstjórn og stefna að kosningum í vor; virðist ekki  hafa náðst samkomulag eða ekki áhugi fyrir því. Þar hljóta allir flokkar að bera ábyrgð ef þeir hafa ekki viljað viðurkenna hrunið efnahagslíf.

Traust á stjórnmálamönnum mun ekki aukast við að ætla að kenna hver öðrum um í komandi kosningum hvernig komið er. Núverandi stjórn hefði átt að hafa samstarf við Sjálfstæðisflokkinn með því að kjósa Sturlu Böðvarsson forseta sameinaðs þing áfram; Samfylkingin getur ekki skotið sér undan ábyrgð með nýju stjórnarsamstarfi.

Ef forseti Íslands hefur komið að stjórnarmyndun áður en stjórninni var slitið meðan Ingibjörg Sólrún Gísladóttir var fjarverandi er það pólitísk íhlutun í alvarlegum aðstæðum þjóðarinna; þar sem hann hefði fremur átt að leita samráðs og ábyrgrar samstöðu allra flokka?; ef umrædd afskipti forsetans eru sönn þarf hann að svara fyrir gerðir sínar?

Davíð segir ekki af sér

Draumurinn um fjármálabrask - aldrei aftur!

Ef vestræn ríki ætla að vera í forystu í varanlegum framförum þarf að verða sigæðisbylting þar sem ekki verður markmiðið að   arðræna heilu þjóðfélögin og láta almenningi eftir að borga brúsann; þá stefnir í sjálfseyðingu með efnahagslegu hruni; fjármálabrölt Baugsveldisins er skólabókardæmi um fjármálaveldi er eyðir langt umfram efni; og átti stóran þátt í efnahagshruninu hér á landi.

Ísland er örþjóð sem tekur stuttan tíma að gera að öreigum er getur endað  með inngöngu í ESB; þar sem auðlindir verða gjaldmiðillinn fyrir fámenna elítu hér á landi er mun ætla sér að lifa í vellystingum eftir "velheppnuð viðskipti".

Er það  framtíðin fyrir litla þjóð sem hefur alla möguleika á að lifa af sínu og verða áfram sjálfstæð menningarþjóð er mark er tekið á í alþjóðasamfélaginu.

Baráttan gegn ESB-framtíð er erfið þegar aðalblöð landsins Morgunblaðið og Fréttablaðið leiða umræðuna þar sem innganga í efnahagsbandalagið er framtíðarlandið.

Vonandi skipast kaupin á eyrinni á þann veg að Morgunblaði komist í hendur eigenda sem vilja lýðræðislega almenna umræðu um stórt hagsmunamál eins og innganga í ESB.

Er draumurinn á enda?

Skálmöld og skeggöld í mótmælum - og stjórnmálum?

Seðlabankamálið tekur sífellt á sig verri mynd. Við lok útifundar á Austurvelli í dag minnti  Hörður Torfason fundastjóri fundarmenn  á að mæta við Seðlabankann á mánudagsmorgun og varna Seðlabankastjóra/um inngöngu. "Friðsamlegu mótmælin með pottaglamur og trommuslátt" eru að snúist upp í valdarán eða þaðan af verra? Ætlar Hörður Torfason að standa fyrir mótmælum þar sem lög og reglur eru gróflega brotnar; er hann þá ekki kominn í hóp ósvífinna fjármálabraskara er hunsuðu eða sniðgengu flestar reglur?

Við bætist að stjórnvöld virðast sama sinnis. Ef Jóhönnu Sigurðardóttur tekst að koma bankastjórunum út áður en  lögum bankans verður breytt; ætlar forsætisráðherrann að skipa pólitíska gæðinga bankastjóra á eigin forsendum ?

Ekki annað séð en skálmöld og skeggöld sé gengin í garð með forystu nýju ríkisstjórnarinnar?

 

 

Hvar eru - "Svörtu loftin"?

Staðan er eins og í spennandi sakamálasögu "Svörtu loftin" virðast leynast ekki síður fyrir utan Seðlabankann. "Þjóðin vill seðlabankastjórnina burt"; er það vegna áróðurs fjölmiðla og hagfræðinga er vilja láta taka mark á sér eða jafnvel setjast í seðlabankann sjálfir; eða vegna "búsáhaldabyltingar" er hefur nú þagnað þótt fyrrverandi stjórnarflokkur leiði nýju stjórnina,undarleg staða?; eða vegna valdamikilla fjármálagúrúa er finnst Davíð vera "fyrir", hver veit?

Versta staðan í fjármálastjórn seðlabankans yrði ef Samfylkingin fær  tögl og haldir meðan lögum er breytt til málamynda?

Nú reynir á Vinstri græna vegna þess að Framsókn situr á hliðarlínunni eins og "púkinn meinfýsinn á fjósbitanum" og bíður átekta?

Ingimundur baðst lausnar

Vindhögg á pólitískum vettvangi

Árni Páll Árnason veður á súðum í umræðum um seðlabankann;  háalvarlegt mál að nota málfrelsi á Alþingi með þeim hætti. Slæmt að ekki skuli vera meiri samstaða um ný lög um seðlabankann enda ekki til þess stofnað af stjórnarliðum.

Stefnuræða Jóhönnu Sigurðardóttur, forsætisráðherra um að koma á almennri sátt í samfélaginu var vel mælt og hægt að taka mark á; ef hún hefði ekki skrifarð seðlabankastjórum bréf fyrirfram um  að víkja fyrirvaralaust; þess vegna er stefnuræðan  vindhögg á pólitískum vettvangi.

Undirrituð varð fyrir miklum vonbrigðum við framgreind vinnubrögð forsætisráðherrans;er eykur enn á vantraust á stjórnmálamönnum.   

Yfirstjórn Seðlabanka gætti ekki hagsmuna þjóðarinnar

Bolabrögð - pólitískar hreinsanir?!

Lítt skiljanlegt hvers vegna Jóhanna Sigurðardóttir skrifar seðlabankastjórum "bænabréf" og biður þá um hypja sig; þegar frumvarp um breytingar á bankanum var í smíðum; -Jóhanna talið sig hafa þingmeirihluta fyrir frumvarpinu? Er "bænabréfið" tilraun til  pólitískra hreinsana; ekki bætandi á  fjármálaástand sem fyrir er í landinu?

Samkvæmt frumvarpi um seðlabankann er liggur fyrir Alþingi  á aðeins að vera einn bankastjóri ásamt fimm manna "peningaráði"; ef það verður samþykkt þá víkja starfsmenn bankans væntanlega sjálfkrafa.

Umrætt bréf hlýtur að teljast fumhlaup eða Jóhanna hafi ætlað að fá fjölmiðla í lið með sér um að breytingar á seðlabankanum yrðu leiddar til lykta á opinberum vettvangi án dóms og laga?

Lengi getur vont versnað.

Undirrituð tekur fram að hún er ekki í Sjálfstæðisflokknum; skrifar á eigin forsendum og skoðunum.

 

Mikil andstaða við innlánasöfnun bankanna

Þórðargleði Álfheiðar Ingadóttur

Álfheiður Ingadóttir gerið að lokaorðum sínum í sjónvarpsumræðum Alþingis að þau merku tímamót hefðu orðið við myndum núverandi stjórnar að sonur hennar hefði lifað í þrjá daga án Sjálfstæðisflokksins í stjórn: Lítt skiljanlegt  í ljósi vinstri stjórnar Gunnars Thoroddsen (blessuð sé minning hans).

Undir rituð varð himinlifandi yfir myndun þeirrar stjórnar en gleðin varði ekki lengi. Eitt af framfarmálum þeirrar stjórnar var að bæta lálaunafólki kaup sitt gegnum skattaframtal er þótti mikil réttarbót. Árangurinn varð allavega á vinnustað undirritaðrar að verkstjórinn fékk launauppbót; einstæðar mæður stóðu eftir með sárt ennið. Ekki varð gerð nein réttarbót á skattakerfinu enda hrökklaðist stjórnin frá réði ekki við efnahagsstjórnina.

Undirrituð hefur síðan fagnað hverjum degi sem er án vinstri stjórnar og unir glöð við að börn og barnabörn hafi verið án vinstri stjórnar í langan tíma.

Þá er rétt að rifja upp kjarabaráttu kennara/menntamanna  frá sama tíma;þeir  vildu að sjálfsögðu fá hærri laun.

En við hvað var miðað? Launahækkun var miðuð við lánlaunafólk í vaktavinnu er þurftu auk þess að bæta við yfirvinnu til að ná endum saman í framfærslu fjölskyldunnar.

Krafan um kauphækkun var ekki í krafti menntunar heldur sátu kennarar/menntamenn á bakinu á lálaunafólki um Kauphækkun. Gott að rifja upp orð Guðmundar Jaka í einni slíkri baráttu: "Kennarar sitja á bakinu á bensínafgreiðslumönnum með kaupkröfur sínar".

Vonandi  situr núverandi stjórn stuttan tíma.

Er til tjáningarfrelsi?

Hvernig væri að fara að dæmi Obama Bandaríkjaforseta og setja með lögum þak á laun og sporslur yfirmanna einkafyrirtækja - og ríkisfyrirtækja. Saga Halldórs er saga margra annarra sem leyfa sér að hafa réttlætiskennd. Undirrituð hefur svipaða reynslu í sambandi við blaðagreinar vegna skrifa um takmörkun á áfengissölu í matvöruverslun - og spilakössum.

Oft viðrist vera takmörk á málfrelsi og ritfrelsi; þar standi á bak við hagsmunahópar er virðast hafa ítök inni í fjölmiðlum meira og minna?

Bloggari rekinn fyrir skrif

Ekki traustvekjandi að reka seðlabankastarfsmenn án saka?

Ef lagðar verða niður stöður seðlabankastjóranna hljóta þeir að fá þau laun sem þeim ber samkvæmt lögum. Ef þeir fara fram á minna eru þeir að viðurkenna óbeint að hafa ekki staðið sig í starfi. Hvað sem líður fortíðinni þá björguðu starfsmenn seðlabankans því sem bjargað varð þegar í óefni var komið.

 Ekki var nein leið önnur en neita  Glitni um lán (með vafasöm veð)  til að verja hann falli. Kom  vel í ljós nú í kvöld þegar skilanefndir Landsbanka og Glitnis hafa gefið upplýsingar um stórtap Baugs, Straums og Eimskips.

Þegar til lengri tíma er litið er ekki traustvekjandi fyrir þjóðina ef hægt er að víkja æðstu embættismönnum fjármála úr starfi án saka.

Biðlaunin áætluð 44 milljónir

Ekki stefnuræða -"Davíð vinsamlegast hypjaðu þig"?

Forsætisráðherrann ekki með stefnuræðu hvernig má það vera? Jóhanna verður að standa undir ábyrgð ekki nóg að vera vinsæl "elsku mamma"; "hreinsanir" eru nú þegar hafnar Sturlu Böðvarssyni hent út og í bígerð að henda Davíð  úr seðlabankanum. Nauðsynlegt að upplýsa þjóðina í stefnuræðunni í kvöld um frekari heinsanir?

Jóhanna segist vera búin að biðja Davíð að gera það fyrir þjóðina að hypja sig. Er það ekki fyrst og fremst í umboði Samfylkingar að hann á að hypja sig? Hvenær verða nýju lögin um seðlabankann tilbúin ekki tímabært að ræða við núverandi starfsmenn um brottför fyrr en þau hafa gegnið í gegn. Nema hér verð hreinsanir í stíl Stalíns eða Hitlers hreinsa alla "óæskilega" úr starfi svo stjórnarflokkarnir komist að?

Hagfræðingar heimsins hafa staðið fyrir frjálshyggjubylgjunni sem hefur lagt efnahag heimsins allt að því í rúst; er æskilegt að eintómir hagfræðingar stjórni seðlabankanaum?

 

Ekki hefðbundin stefnuræða

"Ísland ekki á útsölu til ESB"

Nú geta ESB- sinnar slakað á fyrst um sinn ekkert í sjónmáli að Ísland geti gengið í ESB eflaust mikil vonbrigði. Kaldhæðni örlaganna að forseti Evrópuþingsins skuli hafa lýst yfir að innganga þjóðarinnar yrði ekki í bráð. Samfylkingin getur nú einbeitt sér að raunhæfum aðgerðum í erfiðleikum þjóðarinnar án þess að setja Ísland á "útsölu" til ESB.

 

Segir ekki tímabært að Ísland fái inngöngu í ESB

Þjóðin greiði ekki vandræði Baugs

Til viðbótar við þessa frétt sagði Jón Ásgeir í viðtali við RUV í hádegisfréttum að greiðslustöðvun Baugs Group væru að undirlagi Davíðs Oddsonar áður en hann léti að störfum sem seðlabankastjóri. Fréttin höfð eftir "ónefndum manni í innsta hring Sjálfstæðisflokksins". Barnalegt hjal eða "nýr áróður" að hálfu Baugs til að réttlæta eigin vandræði.

Hvert verður næsta skref að leita á náðir Jóhönnu forsætisráðherra og Samfylkingarinnar til að rétta við reksturinn?

Tæplega hægt að fara neðar í lákúrunni  að slá ryki í augu almennings;er tekur hvert hálmstrá til að fá útrás fyrir reiði sína í yfirstandansi erfiðleikum?

 

 

 

Baugur í greiðslustöðvun

Karl V. Mattíasson á villigötum

Hvað meinar Karl V Mattíasson í Fréttablaðinu í dag þar sem hann segir að verið sé að færa allan hvalveiðikvótann til þriggja útgerða? Hverjir eiga að veiða kvótann aðrir en þeir sem hafa veiðiréttinn og tæki til veiðanna. Hvert ætlar Karl að færa veiðiheimildir á að fara að fjölga hvalveiðabátum án þess fyrir því liggi nokkur rekstrarlegur grundvöllur?

Virðist ekki mikill skilningur á hvað sé hagkvæmt að veiða. Enda er það stefna Samfylkingar að þjóðnýta öll verðmæti og telur það þjóðhagslegt. Fyrir því liggja engin rök það sýnir hrun kommúnistalandanna og er öllum ljóst.

Að taka veiðrétt af skipum/bátum er hrein eignaupptaka og mannréttindabrot samkvæmt stjórnaskrá.

Samt er engin pólitís mótstaða hjá Samfylkingunni að afhenda ESB fiskimiðin við landið bara ef þeir komast inn í ESB hvort það er þjóðhagslega hagkvæmt er aukaatriði?

 

Steingrímur dregur úr atvinnusköpun?!

Óskiljaleg ákvörðun Steingríms sem sjávarútvegsráðherra til hvers og fyrir hverja er að svipta fjölda fólks atvinnumöguleikum engin rök liggja fyrir um að ofveiði sé að hvalveiðum ekki heldur fækkun ferðamanna. Steingrímur hefði getað leitt þessa ákvörðun hjá sér með góðu móti nema hann telji svona vinnubrögð vera sér til framdráttar í vinsældum?

Ekki vænlegur sjávarútvegsráðherra fyrir atvinnusköpun í sjávarbyggðum vítt og breitt um landið!

 

200 störf slegin út af borðinu

Jóhanna beitir bolabrögðum?

Hvers vegna liggur Jóhönnu Sigurðarsóttur svona á að reka seðlabankastjórana og alveg sérstaklega Davíð Oddsson er það vegna þess að áróðursmaskínu Samfylkingarinnar tókst að persónugera allan vanda þjóðarinnar í honum? Stjórnin hefur meirihluta (líklega) til setja fram ný lög um seðlabankann um að breyta stjórnkerfi bankans. Eftir lagasetningu er fyrst hægt að ræða við fráfarandi starfsmenn.

Áróður Samfylkingarinnar getur ekki einn og sér ráðið hvort seðlabankastjórnin fer frá án breytinga á lögum seðlabankans. Framkoma Jóhönnu eru bolabrögð vægast sagt siðlaus og lítt ígrunduð.

Davíð mun áreiðanlega ekki hlaupa eins og hræddur rakki undan Jóhönnu hann mun standa í rétti sínum samkvæmt lögum fyrst og fremst sem embættismaður og einnig starfsmaður.

Jóhanna og Davíð ræddu saman

Minnka yfirvinnutaxta

Það er sanngjarnt að draga innlagnargjöldin til baka og finna sparnaðarleiðir í rekstrinum. Vonandi verða innlagnargjöldin ekki falin í öðrum gjöldum beint til sjúklinga þá  verður Ögmundur ekki í góðum málum.

Líklega mætti skoða laun starfsmann t.d. þeirra sem vinna hálf störf eða minna þeir geti ekki unnið aukavinnu á næturvinnutaxta fyrr en skilað hefur verið fullri dagvinnu fyrst; ef rétt reynist að fólk sé á næturvinnutaxta eftir hlutastarf.

 

 

 

Innlagnargjöld afnumin