Aðventa

Aðventan er undanfari jólanna til að taka á móti  Jesús Kristi á sjálfri jólahátíðinni með iðrun og hreinu hugarfari. Flestir keppast við að hreingera og skreyta heimili sín gefa gjafir  börnum, vinum og ættingjum.  Það er tjáning  hið ytra til að skapa  hlýlega samveru   á jólahátíðinni; allt á að vera  hreint þegar Jesús kemur.  

 

Jesús gekk meðal þjóðar sinnar sem þátttakandi í samfélaginu allt sitt líf – í  sorg – í gleði þekkti einsemd og fátækt; allt mannanna böl. Hann  gekk fram fyrir skjöldu fyrir þá sem minna máttu sín eða voru dæmdir harðlega í samfélaginu, var boðberi friðar, kærleika  og umburðarlyndis. Að hjálpa nauðstöddum, fátækum og einstæðingum þá tökum við á móti  Kristi, reynum að feta fótspor hans.

 

 Jesús Kristur með  upprisunni hjálpaði öllum mönnum  að sigra hið góða,   vera  boðberar hans í lífi og starfi með verkum sínum – í trú, von og kærleika. Það er hinn innri undirbúningur jólanna og skapar hina sönnu jólagleði.

Nýi Landsbankinn sýni ábyrgari þjónustu!

Það er réttlætismál að fólk er tapaði fjármunum sínum vegna óábyrgrar hvatningar starfsmanna bankans, samkvæmt stefnu bankans í sparnaði, fái leiðréttingu vegna tapaðra fjármuna. Fyrri hluta árs 2007 hafði bankinn frammi bækling með þrep i sparnaði eftir því hvað fólk vildi taka mikla áhættu í hlutabréfum eða hvort sparnaðurinn væri ætlaður  til að standa undir ákveðnum lífeyri mánaðarlega. Undirrituð man ekki eftir  bæklingum um peningabréf eða hvaða áhætta væri í þeim; -  ekki var mælt með umræddum bæklingi  samkæmt reynslu undirritaðrar hjá Eignastýringu.

Hinsvegar voru undirritaðri boðin peningabréf þegar hún vildi ekki taka frekari áhætti í hlutbréfum meira en orðið var(2007)? Þá var sagt að umrædd bréf hefðu enga áhættu í för með sér. Undirrituð hafði þá misst allt traust á þeim sparnaði er Eignastýring Landsbankans mælti með svo hún slapp fyrir horn.

Hvenær má vænta þess að Landsbankinn gefi út sparnaðarleiðir á ný í formi fyrrnefnds bæklings  og þar verði útskýrð áhætta með peningabréf? Staða sparifjáreignenda er óviðunandi þar sem ekki er reynt að sýna fram á betri viðskiptahætti í nýja Landsbankanum. Engir fulltrúar sem kynna núverandi stöðu eða koma með tillögur um raunhæfar sparnaðarleiðir?

Ítreka kröfur um bætur vegna peningabréfa

Bankar "ræna" eldri borgara - og fjölskyldur

Frétt Mbl í dag um tap eldri borgara er hörmuleg þar  eiga í hlut þeir er hafa viljað tryggja sér betri stöðu á eftirlaunum, fólk sem hefur heldur kosið að leggja til hliðar fjármuni sína sér og sínum til öryggis,við bætist fyrirsjáanleg skerðing eftirlauna. Fyrir almenna borgara er sparnaður að láta á móti sér t.d.  ferðalög og nýta vel það sem þarf til heimilis, lifa af sparsemi og nægjusemi.

Lesa má milli línanna í fréttinni: Tapið er áfall fyrir stórfjölskylduna sem bankarnir hafa valdið með óábyrgum útlánum af sparifé landsmanna ef reiknað er með að  fólk hefði viljað hjálpa börnum sínum eða barnabörnum sem nú standa illa. Samkvæmt 11%eru það rúml. tíu þúsund manns er hafa verið svipt eignum sínum með einu pennastriki, við  bætast fjölskyldur þeirra er gætu verið samanlagt um þrjátíu þúsund manns.

Varsla bankanna á sparifé er óafsakanleg að ganga svo á sparifé landsmanna að aldrei getur jafnað sig; svipta fólk ævisparnaði  með óarðærri  ávöxtum þar sem því var talið trú um að peningssjóðir væru örugg fjárfesting. Við bætist sárindi þessa fólks að geta ekki hjálpað sínum í fjármálerfiðleikum þeirra.

 

Borgarafundur - ekki þjóðarvilji

"Þetta er þjóðin" er ekki rétt yfirskrift fundarins heldur borgarafundur og getur ekki tekið sér umboð þjóðarinnar eins og Ingibjörg Sólrún benti reyndar á. Hvers vegna nefndi Þorvaldur Gylfason, prófessor ekki í ræðu sinni að bindiskylda bankanna var lækkuð til samræmis við   ESB-löndin en var ekki  raunhæf krafa fjármálakerfisins? Hvers vegna kom ekki fram að við fáum nýja greiningarfulltrúa hjá bönkunum um horfur í rekstri þeirra. Eigum við að þurfa að hlusta áfram á Eddu Rós Karlsdóttur og Ingólf Bender, og þeirra líka sem hina alvitru um fjárhag ríkisbankanna?

Þá nefndi Össur Skarphéðinsson að hann vildi þjóðaratkvæði um sem flest. Hvernig er það hægt þegar fjölmiðlarnir/blöðin eru í eigu fárra manna sem móta skoðanir með ósvífnum hætti eins og allir vita sem muna eftir áróðrinum um fjölmiðlafrumvarpið sáluga?

 

„Þetta er þjóðin“

Pólitískir klækir?

Undarleg útspil af tveimur ráðherrum Samfylkingar að lýsa yfir vilja til kosninga sem hefur tæplega með almannaheill að gera áður en einhver árangur verður af stjórnvaldsaðgerðum. Hvað liggur að baki ekki standa ráðherrarnir einir? Minnir einna helst á aðferðir núverandi forseta þegar hann var í stjórnmálum,"látum þetta berast út". Pólitískir vel þekktir klækir til að rifta ríkistjórninni í þeirri von að Samfylkingin geti skotið sér undan ábyrgð á efnahagsvandanum; - og flýtt fyrir ESB-aðild?

Ekki er að efa að forsætisráðherrann hefur tromp á hendi með ótryggum samstarfsflokki er hann mun slá út þegar þess er þörf.

Bindaskyldan lækkuð til samræmis ESB?

Vandinn er augljós eins og forsætisráðherra lét í ljós fjármálaeftirlitið var ekki nógu sterkt til að taka á útþenslu bankanna. Raunverulega má segja að bankakerfið hafi verið ráðandi beint og óbeint í þjóðlífinu og farið sínu fram í krafti óhefts frelsis innan ESB er nú hefur komið berlega í ljós og neytt  okkur til samninga- hvort sem það er rétt eða ekki - allavega siðlaust.

Það sem ekki kom fram í viðtalinu var hvers vegna lækkaði Seðlabankinn  bindiskyldu íslensku bankanna  úr 4% í 2%.

Var það ekki gert að kröfu  íslenska fjármálakerfisins  til samræmis eins og hjá EES- og ESB-ríkjum. Var það ekki sami leikurinn og við Dani árið 2005 þegar ESB þvingaði Dani til að minnka bindiskyldu sína er þeir höfðu haft til margra ára. Hvað gerðist í kjölfarið? Roskilde Bank varð gjaldþrota.

Pappírskerfi ESB er inniheldur 17000 þús.? manns í stjórnkerfinu getur ekki brugðist við eins og hver þjóð gæti gert. Er ekki komin eldsglóð í þetta "ógnarstóra pappírsfjall" tímaspursmál hvenær það springur í loft upp?

Ekki stefna aðgerðunum í hættu

Ríkisbankarnir - ekki traust í samfélaginu.

Athyglisverðar umræður (Kastljós) með sparifjáreigendum svokallaðra peningabréfa þar sem þeir töpuðu 30% af innstæðum sínum. Þá voru upptökur og lífverðir til staðar er hafa án efa gert samskiptin enn verri. Ekki fer á milli mála að peningabréfin voru talin af bankafulltrúum algjörlega örugg  sparnaðarleið talin sú vænlegasta - með "kurteislegum og sannfærandi framkomu á yfirborðinu"; en tæplega trúverðugum eftir á að hyggja?

Við hjón stóðum frammi fyrir sömu reynslu fyrir ári u.þ.b. ári síðan það var viðskiptabanki fyrirtækis okkar og sparnaðar um margra ára skeið - alltaf staðið í skilum. En við höfðum bæði þá reynslu úr lífinu að ekkert fæst ókeypis og riftuðnum öllum hlutabréfaeignum þegar við sáum engan afrakstur þau lækkuðu sífellt - "arðurinn kemur seinna" var okkur sagt. Notuðum eftir það eingöngu sparisjóðsbókina vorum ekki talin með öllum mjalla af sérfræðingum bankans -  en rétt ákvörðun eins og nú hefur komið í ljós.

Ekki hefur myndast traust aftur gagnvart bankanum þótt hann sé orðinn ríkisbanki hægt að taka undir með viðmælendum Kastljóss að ekkert annað er hægt að fara eins og er.

Stjórnvöld verða að gera þá kröfu til ríkisbankanna að ávöxtun og sparnaðarleiðir liggi fyrir á ábyrgum pappírum svo fólk viti fyrir víst hvaða áhættu það tekur eða vill taka.

 Skiptir það engu máli fyrir núverandi banka að ná trúverðugleika almennings á ný?

Bókmenntakynning eða "sjúklegt hatur"?

 Samkvæmt fréttum í dag  (ævisaga forsetans) hefur Davíð Oddsson þáverandi forsætisráðherra skrifað forseta Íslands bréf um að ekki lá fyrir vottorð fyrrverandi hjónabands frú Dorritar. Alvarleg mistök að hálfu viðkomandi sýslumannsembættis að biðja ekki um slíkt vottorð þegar forsetahjónin voru gefin saman -ef  fréttin er rétt?

Undirrituð veit vegna náins ættingja að fresta varð hjónavígslu vegna þess að ekki lá fyrir vottorð um löglegan skilnað af fyrra hjónabandi. Landslög kveða skýrt á um að vottorð liggi fyrir. Forsetahjónin heyra að sjálfsögðu undir landslög eins og aðrir þegnar; hefði verið óviðundandi staða fyrir þau að vera í ólöglegu hjónabandi.

Fréttin er ekki góð auglýsing fyrir ævisögu forsetans bendir ekki til áhugaverðs lesefnis eftir svo lákúrulega kynningu. Frekar kynning á hatri forsetans á Davíð Oddssyni - eða þeirra í milli?

 

 

 

 

 

 

Aflétta bankaleynd - skapa frið/traust í samfélaginu.

Framkoma Jóns Sigurðssona, formanns fjármáleftirlitsins (Kastljósi) var traustvekjandi og rökföst gefur tilefni til bjartsýni um að hægt verði að setja nægilega traust lög/reglur um  fámálstofnanir í framtíðinni; raunhæft að þeir sem nú sitja í seðlabanka- og fjármálaeftirliti ljúki því verki. Fyrst og fremst er Jón Sigurðsson fagmaður er hefur mikla reynslu erlendis  í fjármálum ólíklegt  þótt hann hafi verið formaður í gamla Alþýðuflokknum geri stöðu hans veikari þvert á móti má telja það kost að þekkja refilstigu stjórnmálanna. Undirrituð upplifir Jón Sigurðsson ekki sem hreinan fulltrúa Samfylkingar svo sundurleits flokks og er það tvímælalaust mikill kostur við þennan ágætismann.

Horft út frá alþjóðlegu umhverfi þá hefur það breyst til hins betra að fjármálakerfi heimsins  hafa fullan hug á að herða reglur í viðskiptum. Það er ástæða til að ætla að allt færist til betri vega svo framarlega sem starfsfriður verður í samfélaginu. Til þess svo megi verða þurfa allar upplýsingar um óheiðarleg vinnubrögð að koma upp á borðið;  aflétta bankaleynd gömlu/nýju bankanna til að skapa varanlegan frið og traust í samfélaginu!

Frú Vigdís Finnbogadóttir hvatning

Huggun harmi gegn að lesa uppörvunarorð fyrrverandi forseta Íslands þótt henni sé misboðið eins og okkur flestum.  Frú Vigdís lagði sitt af mörkum til að gera ímynd Íslands glæsilega á ferli sínum sem forseti Íslands. Þegar hún kemur fram þá munum við  eftir glæsilegum þjóðhöfðingja er varð áhrifamikið sameiningartákn þjóðar sinnar - bæði heima og erlendis. Drengilegt að biðjast afsökunar vegna Icesavereikninga þar á venjulegt fólk um sárt að binda vegna fjármálasvika.

Íslendingar verða að endurheimta virðinguna