Hörmuleg tíðindi - utanþingsstjórn?

Hörmuleg tíðindi að Geir H. Haarde, forsætisráðherra  er alvarlega veikur og mun láta af störfum sem formaður flokksins. Mikið áfall að báðir leiðtogar  stjórnarflokkanna  eiga við alvarleg veikindi að stríða enda hefur álagið verðið mikið undanfarna mánuði vegna hruns efnahagslífsins. Undirrituð óskar þeim alls hins besta og megi góður Guð gefa þeim styrk og bata. 

Líklega væri best að setja á stofn utanþingsstjórn fram að kosningum ef um það næst samkomulag með stjórnarfflokkunum. Geir getur rofið þing upp á sitt eindæmi en betra væri samkomulag. Stjórnarandstaðan getur ekki orðið trúverðug stjórn til þess er hún of sundurleit; hætt við að áherslan yrði lýðskrum til að ná góðri kosningu sem er ókviðunandi staða nú um stundir.

 

Geir: Kosið í maí

Bankarnir - upplýsingar takmarkaðar?

Það er siðferðilega rangt að gefa innstæðueigendum peningabréfa rangar upplýsingar um að þau beri enga áhættu. Fjöldi fólks hefur þá sögu að segja og ætti að vera auðvelt sanna og sækja máið til dómstóla;samkvæmt lögum en það refsivert að gefa rangar upplýsingar.

Nú hefur hæstaréttarlögmaður tekið forystuna  að sækja málin alla leið til dómsstóla og er það vel. Samkvæmt fréttum er um tugi þúsunda fólks að ræða þar af ellefu þúsund eldri borgarar. Eigendur bankanna  og stjórnendur  í þeirra umboði bera ábyrgðina ekki starfsfólkið í bönkunum er urðu að dansa eftir þeirra vilja.

Ástæða er til að nýju bankarnir setji fram á mannamáli hvaða sparnaðarleiðir þeir bjóða upp á. Ekki vantað auglýsingar bankanna um að þjónustufulltrúar séu til viðtals í símleiðis og svari spurningum. Til þess að sú þjónusta komi að gagni þurfa að liggja fyrir  bæklingar á mannamáli um sparnaðarleiðir handa viðskiptavinum. Þá vakna spurningar og hægt að snúa sér til þjónustufulltrúa á þeim forsendum. Eldri borgarar hafa fæstir tölvukunnáttu og þurfa að fá  upplýsingar á prenti til að geta sett sig inn í sparnaðarleiðir og spurt spurninga.

Bankarnir hafa misst traust sem ekki er auðvelt að fá til baka  virðast heldur ekki leggja sig fram til þess fyrir sparifjáreigendur; þurfa að tileinka sér betra siðferði í viðskiptum hvað varðar sparifé. Vonandi taka samtökin réttlæti.is á þeim málum bönkunum til aðhalds.

Fjölmenni með réttlæti

Formaður Samfylkingar tekur í taumana

Ekki hægt annað en virða styrk og ábyrga afstöðu Ingibjargar Sólrúnar Gísladóttur formanns Samfylkingar um að  starfhæfa  ríkistjórn þurfi í landinu hvað sem líður kosningum en er samt í erfiðri læknismeðferð. Formanninum er vorkunn sú staða, að neyðast til setja óbeint ofan í flokksmenn sína með þeim orðum sínum, sýnir með sæmd hver stjórnar flokknum.

Formanninum er sannarlega vorkunn  að leiða þennan sundurleitan flokk svo vel sé.

Ingibjörg vill kosningar í vor

"Össur rassskellti varaformanninn"

Össur sýnir virðingarverða ábyrgð í stjórnarsamstarfinu og "rassskellti" varaformanninn Ágúst Ólaf Ágústsson í leiðinni ekki af ástæðulausu. Það lítur illa út að fyrir Samfylkingafélagið  hélt fund með því sem næst mótmælendum í gærkveldi til að ákveða stjórnarslit;var það viljandi gert til að fá þeirra vinsældir ekki trúverðugt ef rétt reynist?

Viljum ekki stjórnarkreppu

Þingrof og þjóðstjórn?

Ef heldur áfram sem horfir að Samfylking stökkvi á flótta  úr ríkistjórninni þá er illskásti kosturinn fyrir forsætisráðherra að rjúfa þing fyrirvaralaust og boða til kosninga; síðan verði skipuð þjóðstjórn meðan kosningabaráttan stendur yfir.

Vankantarnir á framangreindri skoðun er hvort forsetinn skipi þjóðstjórn með hlutlausum hætti með alvarlegt efnahagsástandi í huga?

Að mati undirritaðrar var ákvörðun forsetans ekki  byggð á algjöru hlutleysi þegar hann hafnaði fjölmiðlalögunum. Þá  sýndi hann dómgreindarleysi með aðdáun sinni á fjármálagörkunum er tæplega er hægt að horfa framhjá?

Ef framgreind staða kæmi upp þá eru síðustu forvöð fyrir forsetann taka ákvörðun með þjóðarheill í huga?

Örvæting Árna Páls Árnasonar

Enn heldur lýðskrumið áfram hvernig dettur Árni Páli Árnasyni í hug að bera  á borð fyrir þjóðina  ESBaðild til að bjarga á málum á örlagastundu? Þótt vinstri flokkarnir slái saman í stjórn nú er ekki framkvæmanlegt að sækja um aðild; litlar líkur á  meirihluti Alþingis samþykki nú aðild. Ekki virðist álit þjóðarinnar skipta hér miklu máli hjá þingmanninum en hleypur grátandi  grátandi undan "grjótkastinu" á Austurvelli til Brussel.

Hvað varðar að taka upp annan gjaldeyrir  þá kemur Evran nú ekki   til greina í bráð og lengd vegna efnahagsaðstæðna. Samstarf við Norðurlönd, Noreg/Danmörku er nærtækari lausn og þá dollarinn miklu frekar. 

Eru þingmenn Samfylkingar að fara á taugum og missa dómgreindina?

ESB-umsókn þolir enga bið

Fundur hjá Samfylkingu - lýðskrum?

Njörður P. Njarðvík, prófessor lét hafa eftir sér í fjölmiðlum að ríkjandi ástand í þjóðfélagi þar sem reiðin og óvissan  er yfir og allt um kring, þá sé hætta á lýðskrumi þar þar sem tækifærissinnaðir stjórnmálamenn sjá sér leik á borði og reyna að ná fylgi.

Virðist vera að Ágúst Ólafur Ágústsson falli inn í lýðskrumið án þess að taka árbyrgð á núverandi stöðu; vill kosningar sem fyrst og kyndir með því undir æsing og stefnuleysi við framagreindar aðstæður, meðan formaðurinn er fjarverandi veik á sjúkrahúsi.

Undirrituð þekkir  lítið  til innan Samfylkingarinnar, en þótt Ágúst Ólafur reyna að afla sér álits í hita leiksins hjá reiðu fólki og sé varaformaður flokksins eru litlar líkur til hann verði framtíðarformaður. Þar verður Björgvin G. Sigurðsson, viðskiptaherra sennilega vænlegri kostur - þá mun Dagur B. Eggertsson, borgarfulltrúi líklega vilja sjá þann "fallega dag", 'sem framtíðarformaður?

„Eigum ekki að óttast þjóðina“

"Skaut sig í fótinn?"

Get ekki séð neinn annan en núverandi forsætisráðherra sem betri leiðtoga  í erfiðri stöðu, ekki nokkur vafi að hann heldur fast á spilunum enda ekkert annað í boði, þá hefur hann einn vald til að rjúfa þing og boða til kosninga þegar þar að kemur.

Nýi formaður Framsóknar skaut sig illilega í fótinn ef hann hefur lýst yfir stuðningi við minnihlutastjórn Samfylkingar í  ef rétt reynist. Sorgleg fljótfærni hans tími er tæplega í stöðunni; gefur ekki góðar vonir að formaðurinn sé "haltrandi" í stjórnmálunum fyrstu vikuna sem hann er við völd.

Ekki á kosningabuxunum

"Þunnur þrettándi"

ÞÞar fór jólatréð á eldinn sparaði vinnu og fyrirhöfn fyrir starfsmenn Reykjavíkurborgar en verður að teljast "þunnur þrettándi", kemur þó á móti skemmdarverkum ef einhver eru. Táknræn bálför þar sem vonandi upp rís nýtt þjóðfélag, "ný þjóð" er vill búa við þjóðfelagsgildi þar sem meiri jöfnuður ríkir; - vill búa í landinu  nýta auðlindir þess sér til handa en umfram allt elska það og virða.

 

Jólatréð brennt á bálinu

Barac Obama forseti ("I Have að Dream")

Frelsið  er langsótt  eða öllu heldur sístæð barátta sem aldrei má ljúka. Innkoma Barac Obama sem forseta Bandaríkjanna er dæmi um það, er nær aftur til ferils Abraham Lincolns, forseta (1861-1665) er var skotinn til bana, 1865 eftir að hann hafði náð fram að þrælahald þeldökkra var bannað með lögum.

Martin Luter King baráttuhetja fyrir réttindum blökkumanna galt einnnig fyrir með lífi sínu, 1968 er hann var skotinn til bana. " I Have að Dream" hin fleygu orð Martin Luter Kings eiga vel við eru táknræn fyrir síðstæða baráttu  frelsis þegar Barac Obama, forseti tekur nú við valdamesta embætti heims.

Hátíðleg stund að horfa á embættistökur Barac Obama viðurkenni að ég táraðist þegar mér var hugsað til baráttu Lincolns og Kings  er hafa  ætíð verið mestu þjóðhetjur  Bandaríkjanna í mínum huga. Bandaríska þjóðin fagnaði innilega og öll heimbyggðin með.

Ef til vell er kosning þeldökks forseta táknrænn boðskapur um að allir eigi að hafa jöfn tækifæri til áhrifa í þjóðfélaginu - að þrátt fyrir allt eru Bandaríkin mesta lýðræðisríki heims?

 

 

Samfélagssáttmáinn var rofinn?

Fólk hefur rétt til að mótmæla - eðlileg reiði eftir svo stórt áfall þegar allt bankakerfið hrundi á einni viku. Viðbrögðin verða "sorgarferli" fyrst voru menn í sjokki og nú brýst reiðin út. Auk þess er hér kynslóð á ferðinni er hefur talið það sjálfsagðan hlut að búa við velmegun þekkir lítið sem ekkert mótlæti. Hins vegar erum við eldri kynslóðin minna í mótmælum en með sömu tilfinningar og unga fólkið okkur er öllum misboðið -"samfélagssáttmálinn hefur verið rofin", orð sem Páll Skúlason, heimspekiprófessor lét falla í RÚV fyrir skömmu.

Stjórnvöld eru að reyna að bregðast við og taka á málum en viðrist ganga seint vegna þess að litlar upplýsingar eru gefnar ef þær eru fyrir hendi. Fyrir okkur almenning er erfitt að skilja að hægt skuli vera að setja þjóðina allt að því á vonarvöl án þess einu sinni stjórnendur bankanna þurfi að svara fyrir gerðir sínar. Fréttir utan úr heima segja frá fjárglæframönnum sem eru handteknir og þurfa að bera ábyrgð á gerðum sínum - vantar okkur betri lagaramma og siðferði í okkar fjármál?

Langt er þangað til að almenningur getur hafið  fyrigefningarferlið ; ef svo heldur áfram  án þess að nokkur þurfi að axla ábyrgð. Best er að segja þjóðinni satt um efnahagástandið þótt það sé svartnætti, þögnin er það versta fyrir reiða, stolta  og særða þjóð með brotna sjálfsmynd.

Stjórnvöld verða að standa sig betur svo almenningur róist og uppbyggingarstarf geti hafist. Þar sem ríkir gagnkvæmt traust svo  hægt verði að sjá hilla undir  nýtt samfélag á siðferðilegum og réttlátum grunni. 

„Fólk var að bíða eftir þessum degi“

"Ljósið í kreppunni"

Undur og stórmerki fjögurhundruð manns  voru á góðri leið í fangelsi. Líklega góðar horfur á að fleiri bætist í hópinn eftir því sem skóinn kreppir meira að hjá almenningi. "Þó er ljós í kerppunni", líklega hægt að nýta tómu blokkirnar hér á höfuðborgarsvæðinu fyrir fangelsi og leysa vanda stóran hóps atvinnulausra með fangagæslu.

Má  segja að ný atvinnusköpun sé í burðarliðnum auk þess þurfi ekki að byggja nýtt fangelsi nóg er af tómum skrifstofubyggingum og íbúðum. "Betri líf",  hjá þeim skuldurunum er lenda í fangelsi og missa íbúðir sínar - ættu að geta tekið fjölskyldurnar inn til sín meðan kreppan stendur yfir.

"Þökk sé sýslumanninum á Selfossi að hafa stigið fyrsta mikilvæga skrefið".

 

Endurskoðar fjárnámsaðgerðir

Neyðarbrauð - en óhjákvæmilegt

Rannsóknir Hafrannsóknarstofnunar eru umdeildar en ekkert annað er til að fara eftir. Samt sem áður vegna núverandi vanda er rétt  að auka heimildir. Ólíklegt að þorskurinn verði uppurinn eftir tvö ár. Ekki lifir  þjóðin á loftinu en þörf á sparnaði  með gjaldeyririnn nú um stundir; þjóðin læri að lifa af því sem landið gefur til lands og sjávar með álinu og þeim fyrirtækjum sem eru starfhæf.

ESB er ekki töfralausn, "hlutabréfafjallið" brunnið upp til agna og kemur vonandi aldrei aftur. Rétt að snúa sér að veruleikanum þjóðin verður að hætta að lifa um efni fram og vinna sig út úr vandanum, greiða skuldirnar a.m.k "litla þrjú til fjögur þúsund milljarða".?

 

Valdið er hjá ráðherranum

Atvinnutækifæri í tæknilegri viðgerðarþjónustu?

Við eigum ungt fólk  vel að sér í tölvutækni en er ef til vill atvinnulaust. Gæti með lítilli fyrirhöfn og fjármagni sett upp viðgerðarþjónustur. Mikið álag er á viðgerðarþjónustu tölvufyrirtækja og tekur langan tíma auk þess er afar dýrt. Tölvur eru nauðsynlegur þáttur í samfélaginu bæði hjá eldri og yngri og erfitt að vera án þeirra langan tíma.

 Þá virðist vera mun meiri áhersla á sölumennsku á tölvum en viðgerðarþjónustu. Gæti breyst með meiri samkeppni. Vonandi les einhver atvinnulaus "tölvugúrú" bloggið mitt og setur upp tölvuþjónustu – og  jafnvel sjónvarpsviðgerðir einnig.

"Glansmynd og glamúr"

Sif Friðleifsdóttir hefði reynst betri kostur sem varaformaður heldur en Birkir Jón Jónsson. Að mati undirritaðrar vantar hann meiri reynslu og þroska. Hans málflutningur er stundum yfirborðslegur glamúr en málefnileg afstaða í efnahags - og félagsmálum  ekki áberandi. Má nefna stuðning Birkis Jóns við frjálst aðgengi að víni í matvöruverslunum; og að hann hafi eitthvað vera að styðja fjárhættuspilamennsku samkvæmt fréttum fjölmiðla?- ef til vill er hann góð glansmynd í fjölmiðlum?

 

Birkir Jón Jónsson nýr varaformaður

Framsókn - næstbesti kosturinn?

Að mati undirritaðrar varð næstbesti kosturinn fyrir valinu  Höskuldur hefði verð bestur  haft mesta möguleika til að ná yfir bæði þéttbýli og dreifbýli; líklega orðið meiri áherslur á þjóðlegan félagshyggjuflokk þar af leiðandi minna um flokkadrætti. Hins vegar verður fróðlegt  að sjá hvernig Sigmundi tekst upp  hann er ágætisdrengur, líklegur til ná því að lesa stöðuna í flokknum, og taka ákvarðanir einnig út frá grasrótinni er hingað til hefur skipt litlu máli í Framsóknarflokknum.

 Bestu hamingjuóskir til Sigmundar Davíðs Gunnlaugssonar.

Sigmundur kjörinn formaður

Framsókn - upphaf að endalokum?

Upphafið að endalokum Framsóknar mun eiga sér stað  á  yfirstandandi flokkþingi nema reynt verði að veðja á Höskuld Þórhallsson. Ef sama ólýðræðislega flokksklíkan á að sitja í baksætinu meira og minna tengd inn í fall Kaupþingsbanka með Pál Magnússon við stjórnvölinn verða engar breytingar?

Svara spurningaflóði

Sala/framsal kvóta eðlilegur rekstur

Lögin um takmörkun fiskveiða voru nauðsynleg aðgerð en setti takmörk á veiðar minna varð til skiptanna fyrir útgerðir. Jafnframt virðist ekki hafa verið reynt að gera sér grein fyrir rekstrarlegri afkomu og hvað þurfti mikla veiði til að standa undir rekstri þótt hagræðing veiða væri  æskileg.

Framsal veiðiheimilda er mikilvæg til að útgerðir geti skipst á heimildum og  veitt allar tegundir. Á þessu fiskveiðiári hafa útgerðir ekki getað náð ýsukvótanum vegna þess að þorskkvótinn er uppurinn. Samt sem áður er reksturinn byggður upp með það fyrir augum að geta náð því sem má veiða. Ef útgerð leigir kvóta vegna þess að hann næst ekki verður útgerðin  að fá verð vegna rekstursins. Hér vantar rekstrarlegt mat hvað er sanngjarnt að greiða en það getur líka verð háð markaðsaðstæðum í útflutningi hverju sinni  sanngjarnt að útgerðin fái þar einnig hluta. Að setja fiskveiðiheimildir á markað er ósanngjörn leið og mun gera reksturinn enn erfiðari og valda gjaldþroti útgerða.

Þegar fiskveiðar voru skertar fór smábátaútgerðina verst út úr skerðingunni rekstrarlega. Þótt hagræðing væri nauðsynleg og bátarnir stækkuðu urðu margir svo illa úti, að þeir urðu að hætta og áttu í mörgum tilfellum ekki fyrir skuldum. Hins vegar höfðu aðrir svo lítinn kvóta að það borgaði sig betur að leigja hann en veiða til að lifa af. Smábátaútgerðir voru í flestum tilfellum fjölskyldufyrirtæki urðu gjaldþrota og fólki í smærri byggðum snarfækkaði.

Allt tal um að "þjóðin eigi kvótann" er rakalaust bull, kvótinn má aldrei lenda í því öngstræti að verða boðinn út en skoða  framsalið með rekstrarlega þáttinn í huga og leiðrétta ranglætið.

Þeir smábátasjómenn sem hættu af framagreindum ástæðum verður ekki bættur skaðinn en á næsta fiskveiðiári mætti úthluta þeim sem eftir lifa viðbótar heimild til veiða í smærri byggðum  eftir því sem þurfa þætti á hverju ári en (að kostnaðarlausu) yrði ekki varanlegur byggðakvóti heldur úthlutað eftir ákveðnum reglum árlega þar sem væri vel rekin fiskvinnsla á viðkomandi stað en óháð þeirri kvótaheimild er viðkomandi útgerð hefur til umráða. Fiskveiðiheimildinni yrði haldið eftir hjá ráðherra þegar úthlutað yrði  veiðum fyrir fiskveiðiárið.

Brask með kvóta þeirra sem ekki sækja sjó ætti að afnema ef rétt reynist eða bankar geti notað hann sem "framvirka veðsetningu". Sá kvóti sem fylgir hverju skipi er nauðsynlegur til að tryggja reksturinn og að menn geti keypt sér varanlegan kvóta þegar vel gengur og markaðsaðstæður leyfa. Skip/bátur sem hefur ekki varanlegan kvóta er ekki rekstrarlega mögulegt. Varanlegur veiðiheimild  tryggir atvinnutækifæri útgerðarinnar;  eðlilega endurnýjun á tækjum á búnaði og er fyllilega réttmætt til að viðhalda góðum rekstri í fiskveiðum.

Annars vegar er svo allt annað mál að fiskimiðin tilheyra auðvitað landinu og þjóðinni í heild sinni en hinsvegar er framkvæmd veiðanna sem er fyrst og fremst venjulegur rekstur í fyrirtæki nema að því leiti að veiði er takmörkuð sem verður að taka með inn í reksturinn sem þarf  að vera með hagkvæmum hætti til að skapa þjóðinni verðmæti.

Vill kvótann á markað

Framsókn - Höskuldur Þórhallsson formaður

Framsókn hefur nú samþykkt aðildarviðræður að ESB en þó með þeim skilyrðum að fiskimiðin, landbúnaður og aðrar auðlindir verði  alfarið í eigu þjóðarinnar;  viðhalda  okkar efnahagslega sjálfstæði og menningu, hverfum ekki inn í stórríkið ESB um alla framtíð.

 

Hvernig haldið verður á framgreindu hagsmunamáli þjóðarinnar innan Framsóknar þá skiptir miklu máli hver verður formaður flokksins. Hann þarf að hafa yfirsýn og þá þjóðlegu félagslegu grasrót er hingað til hefur verið einkennandi fyrir flokkinn þótt lítið hafi farið fyrir þeim skilningi hjá stjórnendum Framsóknar um langan tíma.

 

Undirrituð telur Höskuld Þórhallsson vera vænlegasta  kostinn í framangreindri stöðu flokksins; að hann nái þeirri yfirsýn og samstöðu er til þarf í svo stóru hagsmunamáli um inngöngu í ESB.

 

Með allri virðingu fyrir Páli Magnússyni þá er hann síðri kostur í stöðunni ekki haslað sér völl í stjórnmálum. Fremur má segja að hann hafi verið “embættismaður flokksvélarinnar” innan flokksins en hafi litlar sem engar rætur niður í grasrótina. Páll tengist upphlaupi framsóknarmanna gegn Guðna Ágústssyni er má telja tilraun til að slíta rætur flokksins er nauðsynlegt er að viðhalda þótt flokkurinn muni sækja fylgi sitt í þéttbýli. Ef hin þjóðlega félagslega sýn hverfur er allt eins gott að leggja flokkinn niður; ekki  þörf á öðrum “óþjóðlegum krataflokki” eins og Samfylkingunni.

 

 

Einkarekstur í skólamötuneytum - ódýrt fæði

Vonandi hefur kreppan sem minnst áhrif á skólastarfið en hagræðing er óhjákvæmileg. Að skólar gangi svo langt að setja fæðiskostnað barna til innheimtufyrirtækja er ekki rétt leið. Þar eiga  fjölskyldur í hlut sem  eru  í vandræðum með afkomu.

Nær væri að skólar hagræddu í mötuneytisrekstri og nýttu kosti einkareksturs í skólamötuneytum þar sem allur rekstur yrði á ábyrgð þess er sér um reksturinn/matreiðsluna, markmiðið yrði hollur  og ódýr matur undir eftirliti skólayfirvalda og bæjarfélags.

Reksturinn ætti ekki á nokkurn hátt að vera tengdur skólunum nema til áhrifa á holla fæðu og hreinlæti. Með framgreindri skipulagningu mætti ná fram hagræðingu og jafnvel gefa möguleika til að fella fæðiskostnað barna niður að mestu eða öllu leyti.

Hagrætt í skólum