- "vaskafat á hvolfi"

Málefnaleg umræða um kosti og galla í inngöngu  ESB fer nú  fram í Morgunblaðinu og er það vel. Nú bregður svo við að Kolbrún Halldórsdóttir, háttsettur penni hjá Mbl, tekur aðra stefnu í  umræðunni,  skeytir skapi sínu í Sunnudagsblaðinu á fyrrverandi ritstjóra Mbl Styrmi Gunnarsyni  fyrir neikvæð og "sérkennileg skrif" gegn ESB er henni finnst ekki við hæfi. Ekki er vitnað  í skrif Styrmis nema hann vill ekki fórna hverju sem er í núverandi stjórnasamstarfi um aðild að ESB.

Skipta engu máli hagsmunir þjóðarinnar: Auðlindir til lands og sjávar, hvernig þróast íslenskur landbúnaður innan ESB, hvernig verður deilistofnum í fiski ráðstafað eða úthlutun kvóta í Íslandsmiðum? Kolbrún minnist ekki á svoleiðis "smámál". Aðeins hrópað um "klíkur"  innan Sjálfstæðisflokksins og að hann sé klofinn í afstöðunni til ESB.

Verður ekki að ætlast til að penni Mbl (á ritstjórnarsíðu Mbl - og álitsgjafi í bókmenntaþættinum KILJU á RÚV) tileinki sér meira víðsýni en rúmast undir - "vaskafati  á hvolfi"?

Sjónarsviptir

Sjónarsviptir af Birni Bjarnasyni úr stjórnmálum  þótt hann hafi hugsað sér að hætta, þá er vandi að finna rétta tímann á óvissutímum eins og nú. Samt er nauðsynleg fyrir flokkinn að fá nýja menn til að takast á við óvissa framtíð í efnahag þjóðarinnar.

Bjarni Benediktsson er líklegt formannsefni framtíðarinnar. Að mati undirritaðrar er engin núverandi fulltrúi sjálfstæðismanna í ríkisstjórn æskilegur sem formaður. Þarf að vera karl/kona  sem hvorki verður tengdur málefnalega eða persónulega við fall og brask einkabankanna.

Rétt er að hugsa framtíð stjórnmálanna upp á nýtt út frá orðum Páls Skúlasonar heimspekings í Kastljósinu fyrir skömmu: " Landráð að gáleysi er landráð".

Fullyrt að Björn hætti eftir landsfund

Þorláksmessa:

 Gott með skötunni:   Þorlákur Þórhallsson var kjörinn biskup í Skálholti árið 1178 í kaþólskum sið. Fór utan ári síðan til vígslu. Eftirfarandi umsögn er úr vígslu hans: “Biskup hæfir að sé,” sagði hann, lastvar og lærður vel, dramblaus og drykkjumaður lítill, örlátur, skýr og skapgóður, góðgjarn og gestrisinn, réttlátur og ráðvandur, hreinlífur og hagráður, ávítasamur við órækna,” og má sjá að það að það er heilags manns að vera með þeim hætti." (Árni Björnsson: Saga daganna) Má segja að umsögn erkibiskups hafi gegnið eftir.

 

Eftir vígslu varð Þorlákur stjórnsamur um mál kirkjunnar og skírlífi manna. Ástsæll af alþýðum manna vegna mildi sinnar við hana. Fljótlega efir andlát Þorláks urðu teikn um kraftaverk ef á hann var heitið. Leyfði þá  Páll biskup í Skálholti að  að heitið væri á Þorlák. Andlátsdagur Þorláks 23. desember var lögleiddur sem Þorláksmessa árið 1199.

Samkvæmt kaþólskri trú er Þorlákur helgi verndardýrlingur Íslands og fyrstur hérlendra manna sem tekinn var í töl dýrlinga þó ekki væri því lýst af Rómarbiskupi  fyrr 14. janúar 1984, er  Jóhannes Páll páfi II lýsti heilagan Þorlák Verndardýrling Íslands.

Tekið af heimasíðu Kaþólsku kirkjunnar:

 

Þorláks helga, sem er verndardýrlingur Íslands, er minnst tvo daga ársins hér á Íslandi. Í 20. júlí, er hátíð upptöku heilags dóms hans og 23. desember er andlátsdagur hans.

Þorlákur fæddist á Hlíðarenda í Fljótshlíð. Hann hlaut góða menntun í Odda á Rangárvöllum, en þangað fluttist hann. Hann virðist hafa tekið prestvígslu, áður en hann náði tvítugsaldri.

Biskupsembættið reyndist Þorláki ekki auðvelt. Yfirleitt voru prestarnir illa undir embætti sitt búnir. Þorlákur reyndi að bæta þar um.

Margir af hinum fyrri biskupum og prestum voru kvæntir, og prestar virðast hafa talið eðlilegt að taka sér konu. Þorlákur kvæntist aldrei.

Hann lagði mikla stund á bænagerðir og föstur. Á hverjum morgni las hann Maríutíðir og bað fyrir biskupsdæmi sínu.

Eftir 15 vetur á biskupsstóli hyggst Þorlákur hverfa aftur í klaustur sitt. Ekkert varð þó úr þeirri fyrirætlun, því að um það leyti tók hann þá sótt sem leiddi hann til dauða. Eftir hann dó (1193) var hárið hans skorið og varðveitt sem helgur dómur!

Fjórum vetrum eftir andláts Þorláks vitjaði hann í draumi prests eins fyrir norðan og mælti svo fyrir um, að líkami sinn skyldi tekinn úr jörðu og með áheitum prófað, hvort því fylgdi einhver heilagleiki. Presturinn sagði Brandi biskupi á Hólum draum sinn, og fleiri bættust við, sem höfðu orðið fyrir svipaðri reynslu.

Heimildir eru um varðveislu Þorláksskríns í Skálholti allt til loka 18. aldar. Þá var kirkjan rifin 1802 og voru seldir á uppboði ýmsir kirkjugripir meðal annars Þorláksskrín.

Þorlákur var fyrsti Íslendingurinn, sem var tekinn í tölu dýrlinga, þó að því væri ekki lýst yfir í Róm. En hinn 14. janúar 1984 lýsti hinn heilagi faðir, Jóhannes Páll páfi, Þorlák verndardýrling Íslands.

Sú venja að leita til og heiðra þá sem helgir teljast á himnum hefur lifað með kristnum mönnum frá upphafi. Er það ríkur þáttur í helgihaldi kaþólsku kirkjunnar svo og austurkirkjunnar. Þorlákur er nú á himnum, og við ættum að leita liðsinnis hans.

Við getum einnig látið fordæmi hans verða okkur til gagns. Hann var dæmi um mann, sem gerði sér far um að lifa í samræmi við kenningar Krists og náði langt í þeirri viðleitni.

Þorlákur helgi, bið fyrir oss.

 

 

Kattarþvottur?

Ótrúverðugt að fyrrverandi aðstoðarforstjóri Baugs sé háttsettur í bókhaldi hjá Nýja Landsbankanum í ljósi bankahrunins þegar mikið vantraust ríkir meðal almennings. Ekki líta betur úr hlutabréfakaup bankastjórans hjá Nýja Glitni: hún var svo heppinn að kaup upp á u.þ.b. tvö hundruð milljónir voru ógild eða "gleymdust". Ekki trúverðugur bankastjóri - vissi ekki að kaupin sem hún gerði fóru aldrei fram?

Eru ekki til frambærilegir viðskiptalærðir stjórnendur sem eru óháðir bankahruninu og útrásinni, skiptir engu máli að nýju bankarnir hafi traust almennings?

Tryggvi: Kem ekki nálægt Baugi

Aðventa: Maríukvæði

Nóbelskáldið Halldór Kiljan tók katólska trú, hann var gott ljóðskáld þótt óbundið mál  hafi verið hans megin verk. Maríukvæði er eitt af kvæðum skáldsins er ekki var í bókum hans - og þeirra frægast. Atli Heimir Sveinsson samdi lag við kvæðið og er það vel þekkt:

Maríukvæði
Hjálpa þú mér helg og væn,
himnamóðirin bjarta:
legðu mína bljúgu bæn
barninu þínu að hjarta.
Þá munu ávalt grösin græn
í garðinum skarta,
í garðinum mínum skarta.

Bænheit rödd mín biður þín,
blessuð meðal fljóða;
vertu æ uns ævin dvín
inntak minna ljóða;
móðir guðs sé móðir mín
og móðir þjóða,
móðir allra þjóða.

Kenn mér að fara í för þín ein,
fram að himnaborðum,
leiddu þennan litla svein,
líkt og son þinn forðum.
Líkt og Krists sé heyrn mín hrein
að hlýða orðum,
hlýða þínum orðum.

 Góða helgi

Hvaða farvegi?

Erfitt að halda umræðu um ESB-aðild í röklegum farvegi þegar ritstjórn Morgunblaðs og Fréttablaðs stjórna umræðunni þar sem raddir þeirra sem eru fremur á móti aðild eru lítt sjáanlegar. Undantekning er Mbl í dag þar sem blogg Hauks J. Guðmundssonar var á miðopnu en það er samt sem áður tilhneiging til að "þegja andstöðuna í hel" hjá blaðinu.

Morgunblaðið er ekki hlutlaust meðan stuðningur að aðild er nánast einráður. Vonandi koma nýir aðilar að blaðinu er geta gefið meiri breidd í umræðunni. Skiljanlegra með Fréttablaðið þar sem eigendur þess og Samfylkingin ráða  þar ríkjum og eru á móti aðild; þar af leiðandi er Fréttablaðið ekki hlutlaust blað þjónar eigendum sínum fyrst og fremst.

Undirrituð saknar Styrmis Gunnarssonar fyrrverandi ritstjóra sárlega; meðan hann var þá mátti sjá og skynja yfirsýn yfir blómlegt atvinnulíf í eigin landi. Sannarlega  þörf á röklegum farvegi í umræðunni um aðild ESB en verður tæplega með núverandi eigendum blaðsins.

Evrópunefndin ekki einhliða

Kornið fyllir mælirinn -

Reiði almennings vegna erfiðs efnahags þjóðarinnar í Grikklandi breyttist í styrjaldarástand þegar fimmtán ára drengur varð fyrir voðaskoti lögreglunnar og lést í mómælaaðgerðum. Enn er ástandið erfitt og gæti leitt til þess að almenningur verði að fá kosningu  til að friður náist.

Mótmæli hér á landi hafa sem betur fer verið nokkuð friðsamleg en ekkert má út af bera til að alvarlegt ástand gæti skapast.

Sumir bloggarar hafa dæmt þessi mótmæli hér á landi harkalega og viljað láta hart mæta hörðu. En er ekki unga fólkið sem er að mótmæla toppurinn á ísjakanum, öll þjóðin er særð og  reið yfir að fáir einstaklingar hafi skuldsett þjóðina um langa framtíð með græðgi og ófyrirleitni?

Undirrituð er ekki að mæla með harkalegum mótmælum en það  leiðir að sjálfu sér að undiralda reiði og sært stolt er fyrir hendi hjá almenningi. Upplýsingar um bankahrunið og skipulagningu nýju bankanna verða að koma reglulega fram eins og kostur er; ef  ekki þá verður þjóðin að fá að kjósa nýja stjórn.

Óráðlegt að kynda undir reiði fólks með ósanngjörnum skrifum það er réttur í lýræðisríki að mótmæla.

Götubardagar boðaðir í Aþenu

ESB - úlfur í sauðargæru

Meiri áhugi fyrir hjá Olli Rehn að koma þjóðinni í ESB en að hjálpa henni á neyðarstundu; ESB neyddi  þjóðina til að greiða meira en lög EES og ESB segja til um hvað varðar Icesavereikningana í Bretlandi. Gildandi reglur voru þess eðlis að hagsmunir ESB skiptu meira máli; lögmáið er "einn fyrir alla" sama hvaða lög eða reglur gilda."Félagslegur stuðningur í reynd hjá sambandinu".

Ekki trúverðugu stuðningur við smáríki enda meiningin að geta komist yfir fiskimiðin/auðlindirnar fyrr en seinna. Allir vita að Rómarsáttmálinn gildir en ekki samningur við hverja þjóð fyrir sig ef reglur skarast.

ESB býr sig undir umsókn frá Íslandi

Össur stingur höfðinu í sandinn

Össur stingur höfðinu í sandinn eins og strúturinn heldur að hann sjáist ekki. Hvernig dettur heilvita manni  í hug auk þess ráðherra að gera sig að athlægi frammi fyrir alþjóð og segist enga ábyrgð bera á seðlabankanum eða seðlabankastjóra í stjórnarsamstarfinu, er Samfylkingin í stjórn eða ekki?

Hvað er Össur að reyna að fela með því að skjóta sér undan ábyrgð í stjórnarsamstarfinu en vilja samt halda því áfram? Það vekur upp tortryggni og spurningar. Eru einhver vina- eða hagsmunatengsl í bankahruninu er gætu tengst Samfylkingu pólitískt; sem þarf að sópa undir teppið?

 

Bókunin frá Össuri komin

Íslenskur landbúnaður - hollur

Alvarleg sýking svínakjöts á Írlandi  vekur til umhugsunar um hvað nauðsynlegt er að eiga ósýkta fæðu í eigin  landi. Hér  hafa  enn ekki  orðið stóráföll á sýktum landbúnaðrafurðum. Búum við hollar afurðir  framleiddar í hreinu umhverfi er verður vonandi enn um langa framtíð. Meðan nægileg framleiðsla kjöts er til  er óþarfi að flytja inn hrátt kjöt er mun óhjákvæmilega valda meiri hættu á sýktum matvælum.

 

 Við erfiðar efnahagsaðstæður  eflir það  sjálfstraust þjóðarinnar að geta búið að eigin matvælum sem allra mest; þjóðaröryggi að hafa öflugan landbúnað.

 

Eitur í írsku svínakjöti

Aðventa: Ave María

María Guðsmóður á sterk ítök í þjóðarsálinni um það bera skáld og lagasmiðir vitni er hafa samið ljóð og lög um hana.  Indriði Einarsson orti ljóðið Ave María við lag Sigvalda Kaldalóns ein af fegurstu söngperlum okkar. Gott að íhuga aðventuna með fallegu ljóði um móður hins Kristna heims:

 

 

Þú blíða drottning bjartari en sólin.

þú biður fyrir lifendum og dauðum.

Hríf um eilífð oss frá heljar nauðum.

Ave María Ave María. Ave María.

Gef þeim himnesk jólin.

 

Bið þinn son að vernda oss frá villu.

í veröld eru margir stigar hálir.

Um eilífð vernda allar látnar sálir.

Ave María. Ave María. Ave María.

Frelsa þær frá illu.

 

 Góða helgi:

 

Yfirtaka Glitnis óhjákvæmileg

Ekki var eftir neinu að bíða  að taka Glitnir, bankarnir höfðu gengið langt út fyrir stærðarmörk hagkerfis smáþjóðar,  i skjóli laga EES og ESB, þar sem ábyrgð íslenska ríkisins var látin gilda án þess fjármálakerfið gæti stöðvað stærð bankanna. 

Meðan "helför" íslensku bankanna hélt stjórnlaust áfram höfðu bankarnir að mestu ráð yfir öllum fjölmiðlum er létu málin þróast án umtalsverðar gagnrýni. Allt var undir "stórar gjafir" til menntastofnana/listamanna og íþróttafélaga til að viðhalda fallegri áferð bankanna. 

Við bættist aðdáun og fylgi forsetans við ástandið,  lét aðdáun sína óspart í ljós; klappaði þróuninni lof í lófa. Hann verður ekki öfundsverður að semja áramótaræðu sína í ár; ætti að leita til  forvera síns Frú Vigdísar Finnbogadóttur til að útfæra fyrir sig hugtökin sameiningartákn og hlutleysi, sem er óformleg yfirskrift forsetaembættisins. 

Með töku Glitnis var brask bankanna stöðvað og stjórnvöld náðu tökum á "pappírsgullæðinu" þótt það muni kosta þjóðina óheyrilegar fórnir.

Björgvin: Spurningarmerki við Glitnisatburðarás

Framfaraflokkur - eða óþjóðhollur krataflokkur?

Tætlurnar er eftir standa í Framsóknarflokknum er óræð framtíð þar sem sterk undiralda óeiningar og undirferli eru ótrúverðugar. Vonandi verður flokkurinn heilli og lýðræðislegri með nýjum ungum formanni. Verðandi formaður þarf að geta leitt fram lýðræðislega umræðu sérstaklega um Evrópusambandið þar sem raddir þeirra sem efast eða vilja ekki inngöngu fái að heyrast. Flokkurinn þarf heilstæða stefnu þar sem þjóðarheill er í fyrirrúmi  upp rísi "nýtt Ísland"  úr bankakreppunni; þar sem áherslan er  framfarir og atvinnuuppbygging um allt land  á forsendum auðlinda þjóðarinnar.

Takist flokknum ekki að koma fram sem flokkur þar sem undirstöðuatvinnuvegir þjóðarinnar útgerð og landbúnaður okkur til fæðuöryggis; og gjaldeyrissköpunar   á hann ekki framtíð fyrir sér. Sama er að segja um áframhaldandi orkuiðnað og nýta  tækniþekkingu/menntun vel menntaðs fólks  til frekari velmegunar.

Þau öfl innan flokksins er ætluðu að ganga að fyrrverandi formanni Guðna Ágústssyni dauðum með yfirgangi líklega undir forystu Páls Magnússonar eru ekki vænlegur kostur fyrir þjóðlegan framfarasinnaðan flokk.

Höskuldur Þórhallsson er óskrifað blað  en takist honum að ná sáttum og koma fram sem leiðtogi flokks þar sem sem lýðræðisleg umræða og ákvarðanataka er raunveruleg staðreynd á flokkurinn sér ef til vill lífslíkur?

 

 

Höskuldur býður sig fram

Verðmætasköðun í auðlindum og tækniframförum

Hvatning til aukinnar framleiðslu í útgerð og landbúnaði þarf að endurskoða til að tryggja útflutning og nægilega matvælaframleiðslu í landinu. Auka veiðar/vinnslu með ströndum landsins er gefa bæði útflutningsverðmæti og atvinnutækifæri. Byggðarlög hafa veri svipt veiðiheimildum með "svokallaðri hagræðingu" er hefur valdið því að  blómlegt atvinnulíf og mannlíf hefur að mestu leyti verið lagt í rúst víða úti á landi.

Það er þjóðhagslegur veruleiki að auka aflaheimildir í sjávarbyggðum allt í kringum landið  ekki síst smærri byggðum þar sem  útgerð - og landbúnaður gæti dafnað af miklum krafti þjóðinni til gjaldeyrisöflunar. Undanfarna áratugi hefur þessum greinum verðið gert erfitt fyrir um rekstur; óskiljanlegt í landi þar sem fyrrnefndar  greinar ættu að bera uppi stærsta hlutann af atvinnu og byggðaþróun - þar sem ferðamennska hefði jafnframt en betri skilyrði til að dafna samtímis.

 

Hver hefur árangurinn verið   vegna markvissrar eyðingar minni byggða landsins til sjávar og sveita? Hér á höfuðborgarsvæðinu standa auðar nýbyggingar  engum til gagns - svo ekki sé minnst á íbúðir með myntkörfulán er ekki standa undir eigin virði - þar við bætist atvinnuleysi í stórum stíl  - ekki síst hjá  menntuðu ungu fólki er nú hefur misst vinnuna í verslunargeiranum;en munu  innan skamms tíma verða sprotafyrirtæki framtíðarinnar í alþjóðaviðskiptum á sviði tækniframfara á mörgum sviðum.

 

Þegar  "Nýa Ísland" rís úr rústum brasks með verðlaus hlutabréf á það framtíð á eigin gæðum,  verðmætasköpun og menntun - ekki síst úti á landsbyggðinni.

	Niðurstöðu að vænta undir miðnætti
Tilky

 

Sýktri síld landað í Eyjum

Dollari - Evra - eða litla krónan?

Efnahagur Bandaríkjanna lítur illa út en  efnahagur ESB bágari þegar til lengri tíma er litið. Evrópa er auðlindasnauð á lítið eftir af  af auðlindum  miðað viða USA,  eru háðir Rússum um orku og viðskipti um langa framtíð. Haftastefna ESB gegn fatainnflutningi frá Asíu  ekki nægileg til að tryggja eigin iðnað til framtíðar. Auk þess er vinnandi afl ekki nógu  fjölmennt miðar við eldri borgara -barnsfæðingar of fáar í Þýskalandi.

Ekki víst að Ísland þurfi að ganga til aðildarviðræðna við ESB því Brusselveldið fer hratt þverrandi innan frá "því miður" - í samkeppni í heimsviðskiptum. Líklega gæti verið skárra að taka upp Dollar en Evru eftir misseri eða svo? 

Vilja tugi milljarða í aðstoð

Þjóðleg framfarasinnuð stjórn.

Farið hefur fé betra þótt Samfylking slíti núverandi stjórnarsamtarfi. Styrmir hefur rétt fyrir sér sterkar líkur eru til kosninga áður en kjörtímabili líkur. Eftir að efnahafslegu fárviðri linnir og forsendur bankahruns hér á landi liggja fyrir eru kosningar raunhæfar. Næsta stjórn þarf að verða stjórn er setur þjóðhyggju og framfarir á eigin auðlindum í fyrirrúm;  hættir að mæna til Brussel til að leysa allan vanda. Atvinnuvegir verða ekki byggðir upp með núverandi umhverfisráðherra er hefur lítinn skilning á, að við eigum að nota auðlindir okkar til framfara. Það eru svik við næstu kynslóð - og ófæddar kynslóðir framtíðarinnar  að nýta ekki tækniþekkingu til framfara í eigin landi.

Getur ekki vikist undan kosningum

Andlegt ofbeldi

„Forsenda þess, að þjóðin geti tekið sínar ákvarðanir er að hún fái réttar upplýsingar. Hvers vegna reyna talsmenn aðildar að Evrópusambandinu að fela  staðreyndir fyrir fólki"?, sagði Styrmir Gunnarsson á fundi Heimssýnar í dag.

 

Það verður erfitt að fá réttar upplýsingar eða umræður um ESB-inngöngu þegar ritstjórnir  Fréttablaðsins  og Morgunblaðsins  standa fyrir einsleitri stefnu um inngöngu ESB þar sem kostir inngöngu eru tíundaðir án gagnrýni. Lýðræðisleg umræða er ekki á dagsskrá, upplýsingin skal koma "að ofan" til almennings en hann á ekki að hafa neina skoðun.

 

Framgreindar skrif blaðanna má flokka undir "andlegt ofbeldi" og áróður. Árvakur á nú undir högg að sækja og óvíst hvernig fer - það yrði vatna á myllu Evrópusinna ef Mbl. sameinaðist Fréttablaðinu. 

 Vonandi að hægt verði að stofna almenningshlutafélag um Morgunblaðið og það hrifið úr heljargreipum þeirra er vilja inngöngu í ESB hvað sem það kostar.

Margra spurninga þarf að spyrja áður en þjóðin gengur til atkvæða um ESB-aðild: Eigum við að hafa til hnífs og skeiðar í eigin landi þar sem gnægð auðlinda er til lands og sjávar okkur til framfæris? Já!!!

Eigum við að láta auðlindirnar til annarra þjóða  krjúpa síðan fyrir valdinu í Brussel og biðja um brauð? Nei!!!

 

 

Lykilorusta um ESB-aðild háð á landsfundi Sjálfstæðisflokksins

Aðventa

Aðventan er undanfari jólanna til að taka á móti  Jesús Kristi á sjálfri jólahátíðinni með iðrun og hreinu hugarfari. Flestir keppast við að hreingera og skreyta heimili sín gefa gjafir  börnum, vinum og ættingjum.  Það er tjáning  hið ytra til að skapa  hlýlega samveru   á jólahátíðinni; allt á að vera  hreint þegar Jesús kemur.  

 

Jesús gekk meðal þjóðar sinnar sem þátttakandi í samfélaginu allt sitt líf – í  sorg – í gleði þekkti einsemd og fátækt; allt mannanna böl. Hann  gekk fram fyrir skjöldu fyrir þá sem minna máttu sín eða voru dæmdir harðlega í samfélaginu, var boðberi friðar, kærleika  og umburðarlyndis. Að hjálpa nauðstöddum, fátækum og einstæðingum þá tökum við á móti  Kristi, reynum að feta fótspor hans.

 

 Jesús Kristur með  upprisunni hjálpaði öllum mönnum  að sigra hið góða,   vera  boðberar hans í lífi og starfi með verkum sínum – í trú, von og kærleika. Það er hinn innri undirbúningur jólanna og skapar hina sönnu jólagleði.

Nýi Landsbankinn sýni ábyrgari þjónustu!

Það er réttlætismál að fólk er tapaði fjármunum sínum vegna óábyrgrar hvatningar starfsmanna bankans, samkvæmt stefnu bankans í sparnaði, fái leiðréttingu vegna tapaðra fjármuna. Fyrri hluta árs 2007 hafði bankinn frammi bækling með þrep i sparnaði eftir því hvað fólk vildi taka mikla áhættu í hlutabréfum eða hvort sparnaðurinn væri ætlaður  til að standa undir ákveðnum lífeyri mánaðarlega. Undirrituð man ekki eftir  bæklingum um peningabréf eða hvaða áhætta væri í þeim; -  ekki var mælt með umræddum bæklingi  samkæmt reynslu undirritaðrar hjá Eignastýringu.

Hinsvegar voru undirritaðri boðin peningabréf þegar hún vildi ekki taka frekari áhætti í hlutbréfum meira en orðið var(2007)? Þá var sagt að umrædd bréf hefðu enga áhættu í för með sér. Undirrituð hafði þá misst allt traust á þeim sparnaði er Eignastýring Landsbankans mælti með svo hún slapp fyrir horn.

Hvenær má vænta þess að Landsbankinn gefi út sparnaðarleiðir á ný í formi fyrrnefnds bæklings  og þar verði útskýrð áhætta með peningabréf? Staða sparifjáreignenda er óviðunandi þar sem ekki er reynt að sýna fram á betri viðskiptahætti í nýja Landsbankanum. Engir fulltrúar sem kynna núverandi stöðu eða koma með tillögur um raunhæfar sparnaðarleiðir?

Ítreka kröfur um bætur vegna peningabréfa

Bankar "ræna" eldri borgara - og fjölskyldur

Frétt Mbl í dag um tap eldri borgara er hörmuleg þar  eiga í hlut þeir er hafa viljað tryggja sér betri stöðu á eftirlaunum, fólk sem hefur heldur kosið að leggja til hliðar fjármuni sína sér og sínum til öryggis,við bætist fyrirsjáanleg skerðing eftirlauna. Fyrir almenna borgara er sparnaður að láta á móti sér t.d.  ferðalög og nýta vel það sem þarf til heimilis, lifa af sparsemi og nægjusemi.

Lesa má milli línanna í fréttinni: Tapið er áfall fyrir stórfjölskylduna sem bankarnir hafa valdið með óábyrgum útlánum af sparifé landsmanna ef reiknað er með að  fólk hefði viljað hjálpa börnum sínum eða barnabörnum sem nú standa illa. Samkvæmt 11%eru það rúml. tíu þúsund manns er hafa verið svipt eignum sínum með einu pennastriki, við  bætast fjölskyldur þeirra er gætu verið samanlagt um þrjátíu þúsund manns.

Varsla bankanna á sparifé er óafsakanleg að ganga svo á sparifé landsmanna að aldrei getur jafnað sig; svipta fólk ævisparnaði  með óarðærri  ávöxtum þar sem því var talið trú um að peningssjóðir væru örugg fjárfesting. Við bætist sárindi þessa fólks að geta ekki hjálpað sínum í fjármálerfiðleikum þeirra.