Landssamband eldri borgara sefur - "Þyrnirósarsvefni"

Landsbyggðafólk lét myndarlega í sér heyra og mótmælti niðurskurði velferðarkerfisins á landsbyggðinni fyrir framan Alþingishúsið í gær. En Landssamband eldri borgara hefur að mestu þagað þunnu hljóði; lítið látið  til sín taka þrátt fyrir  beinan niðurskurð á kjörum umbjóðenda sinna aftur og aftur; svo auðvelt þeir bera ekki hönd fyrir höfuð sér. Landasambandið eru öflug samtök hvað varðar tómstundir og skemmtanir en ekki  virkt í lífskjörum félaga sinna.

 Ef svo heldur áfram sem horfir munu lífskjör margra eldri borgara verða óbærileg ef ekkert verður að gert. Landsambandið þarf að vinna markvisst í baráttu fyrir kjörum félaga sinna til að halda reisn sinni og viðhalda gildismati innan samfélagsins;að eldri borgarar eigi skilið mannsæmandi lífskjör eftir langan vinnudag.

Ef að þarf að breyta lögum sambandsins til að hægt verði að fylgja eftir kjörum eldri borgara við stjórnvöld verður að vinna það fljótt og vel.

Landsamband eldri borgara hefur skyldum að gegna að halda  uppi mannsæmandi lífskjörum félaga sinna; ekki síst  siðferðileg og boraraleg skylda þess að viðhalda og bæta það gildismat er náðist í réttindum eldri borgar á síðustu öld.

Innan vébanda eldri borgara er  vel menntað  hæft fólk til að fylgja eftir kjörum eldri borgara með lögsókn ef þörf krefur. Árið 2009 voru lögbundin réttindi eldri borgara á grunnlífeyri afnumin með lögum sem þeir höfðu þó greitt fyrir allan sinn starfsdag; auk  þess var það brot á Stjórnarskrá Íslands.

Hvers vegna gerði Landssambandið lítið sem ekki neitt?; ein fréttatilkynning frá formanni þess er líkt og að stökkva vatni á gæs; mótmæli Landssambandsins höfðu ekkert að segja.

Ef Landsambandið tekur ekki virkan þátt sem hagsmunaaðili um kjör eldri borgara  verður fyrirkvíðanlegt fyrir næstu kynslóðir að komast á eftirlauna aldur; - og enn verra þegar komið er á þann aldur að þurfa aðhlynningu og sjúkrahúsdvöl.

Lítið virk /óvirk barátta Landsambands eldri borgara fyrir kjörum þeirra og  stöðu  í samfélaginu;  getur orðið samfélagsböl framtíðarinnar ef "Þyrnirósarsvefninum" linnir ekki.

Með M.s Goðafossi - "Kolkrabbinn kemur í ljós"

Goðafoss 15. dagur erum í slipp ennþá: Þrátt fyrir að Eimskipafélagið væri stofnað með almannaheill að leiðaljósi hafði samþjöppun eignar orðið veruleg 1991, þá áttu 15 til 20 aðilar um 40% af hlutafénu. Svonefndur "Kolkrabbi" í burðarliðnum (græðgi, hroki, og ósvífni), sölsaði undir sig smærri fyrirtæki eða rústir þeirra er urðu gjaldþrota. Morgunblaði hóf hörð viðbrögð. Þar bar hæst Matthías Johannessen, skáld, ritstjóra Mbl., ritsnjallasta penna blaðamanna fyrr og síðar:

Ekki er úr vegi að taka mið af þessari frásögn og láta hana  hafa áhrif á hugmyndir sínar um það að opna borgaralegt lýðræði sem við viljum lifa í og breytt getur arðsvon og ávöxtun í þá hvatningu sem hverjum manni nauðsynleg. það er hið sameiginlega átak einstaklingsins sem er grundvöllur allrar velmegunar.

Allar framkvæmdir eru undir því komnar. Það eru þær sem eru svo forsenda þess auðs sem eflir sjálfsákvörðunarrétt einstaklinga, velferð og samhjálp. Það er þetta mannúðarþjóðfélag sem við erum að reisa úr von og draumum. Það er engin rómantík. Það er engin fortíð. Það er í senn blákaldur veruleiki og áskorun um æ betra þjóðfélag, ekki handa fáum útvöldum, ekki handa fáum ríkum; heldur allri þjóðinni; fólki af öllum stéttum.

Enn er svo einnig nóg svigrúm fyrir þá sem skara fram úr án þess þeir þurfi að breyta hugsjónaeldi heillar þjóðar í heimilisarin fyrir sig og samstarfsmenn sína.(Reykjavíkurbréf Mbl, 17.mars 1990.)

Reykjavíkurbréf Mattíasar sagði  allt er segja þurfti;  en ætti að vera leiðarljós í dag við endurreisn fyrirtækja og heimila;og efnahagslíf þjóðarinnar í heild þar sem mannúð og velferð allra er leiðarljósið.

Þeir sem skara fram úr og vilja skapa verðmæti verða að hafa siðferðileg gildi að leiðarljósi.

 

 

Með M.s Goðafossi - "Brunnu hlutabréfin"?

Meðan beðið er í slipp í Danmörku eftir eldsvoðann í Goðafossi má velta fyrir sér hvað varð um Eimskipafélagið, það var stofnaða 17. janúar 1914. Hluthafar voru fjórtán þúsund einstaklingar ríkir og fátækir; en hver og einn  mátti aðeins fara með örlítið atkvæðamagn á aðalfundi en sú takmörkun var afnumin síðar.

Undirrituð man eftir sem barn að afi og amma áttu hlutabréf er voru geymd á virðulegum stað í skattholinu. "Eimskipafélagið er óskabarn þjóðarinnar  gerir okkur efnahagslega sjálfstæð höfum ekki haft eigin siglingar til og frá landinu í mörg hundruð ár", sagði amma.

 Faðir minn eignaðist bréfin síðar og keypti undirrituð þau af dánarbúi hans (1996), gat ekki hugsað sér að þau lentu út úr fjölskyldunni. Ekki var upphæðin stór kr. 70 þús. á nafnvirði heldur ímyndin úr barnæsku, að Eimskipafélagið skipti  máli sem almannahagsmunir.

Síðan kom einkavæðingin til sögunnar Landsbankinn keypti Eimskip, undirrituð fékk sent bréf um að nú væri hún hluthafi í Landsbankanum -  með innilegum hamingjuóskum.

Hún hafði aldrei hugsað sér að selja umrædd bréf en hafði ekkert um það að segja.

 Eftir hrunið kom tilkynning um að hlutabréfin væru að upphæð kr 0 - engar hamingjuóskir fylgdu í það skiptið.

Eimskipafélagið; óskabarn þjóðarinnar og almannahagsmunir voru þurrkauð út.

 

Framhald

 

Velferðarstjórnin slær af eldri borgara?

Velferðarstjórn Jóhönnu Sigurðardóttur veður nú um landsbyggðina með niðurskurðarsveðjuna að vopni, heggur  ótt og títt gamalmenni og sjúklinga. Aldraðir fluttir sem fé til slátrunar yfir fjallvegi  fjarri heimilum sínum í hagræðingarskyni. Hjónum  stíað sundur og nánustu ættingjum gert ómögulegt að heimsækja ástvini sína nema endrum og eins.

Er ekki nóg  vegið að hag eldri borgara, lífeyrissjóðir og ellilaun hafa verið skert. Ef þetta fólk á sparifé í banka þá er lagt á 18/20% fjármagnstekjuskattur og ellilaunin skert enn betur. Auk þess ef eldra fólk eftir ráðdeild og sparnaði á skuldlausa eign þá er lagður á auðlegðarskattur sem telja má lögvarinn þjófnað. Svo auðvelt að fara ofan i vasa eldri borgar bara setja ný og ný lög eftir því sem hentar.

 Minnir svolítið á stefnu Adólfs Hitler á nasistatímabilinu í Þýskalandi:- eða Nicolae Ceausescu einræðisherra í Rúmneíu á sínum tíma.

Ekki eru neinar lausnir í atvinnulífi í sjónmáli hvað þá að veiða meiri fisk er telja mætti óhætt, nóg er að aflahæfu fólki er vantar vinnu.

Þrátt fyrir kreppuna er ekki trúverðugt að bera fyrir sig skilyrði Alþjóðagjaldeyrissjóðsins, að þess vegna sé ekkert framundan.

Núverandi ríkistjórn stefnir að einni lausn, að ríkisvæða sem mest og setja sitt fólk við stjórnvölinn í nafni réttlætis og jöfnunar.

Hvar er  jafnaðarstefnan í reynd ekki kemur hún fram í meðferð aldraðra og sjúkra?

Hvar er það gildismat er þróaðist á síðustu öld að sýna öldruðu fólki umhyggju; fái að halda reisn sinni sem fjárráða manneskjur og geta notið sparnaðar síns fyrir sig sjálft og fjölskyldur sínar?

Ríkistjórnin á að fara frá sem allra fyrst, utanþingsstjórn er skásta lausnin fyrst um sinn

 

634 gætu misst störf sín

Með M.s. Goðafossi - eldur um borð.

Bauðst sigling með Goðafossi til Norðurlanda og Hollands. Lagt var af stað frá Reykjavík (28.okt.) út sundin blá í björtu og fallegu veðri. Um 30 mílur frá  Reyðarfirði skall á aftaka veður,12 vindstig, 12-16 m. ölduhæð, er  mikill eldur kom  upp í kyndilhúsi skipsins, áhöfnin brást skjótt við, hóf slökkvistörf við hættulegar aðstæður. Tókst að ráða niðurlögum eldsins; skipti mínútum/sekúndum að ekki yrði við neitt ráðið.

 Áhöfnin var í mikilli hættu við slökkvistörfin vegna eldsins,  brotsjór reið yfir skipið; litlu munaði að þrír færu útbyrðis, einn hékk aðeins á annarri hendi við borðstokkin, kraftaverk að hann komst lífs af.

Engin orð fá lýst hugrekki og áræði áhafnarinnar er tókst að forða stórslysi.

Í Færeyjum var fengin nauðsynlegur slökkvibúnaður/súrefnistæki  síðan haldið til Rotterdam en talið var óhætt að halda áfram til Lindö í Danmörku þar sem skipið er nú í slipp til að verða sjófært. Ferðinni haldið áfram, líklega komum við heim 23. nóv. ef allt gengur að óskum.

 

Hjúskapur karls og konu þurrkaður út með lögum?

Fyrsta grein nýju hjúskaparlaganna hljóðar svo: Í stað orðanna „karls og konu“ í 1. gr. laganna kemur: "tveggja einstaklinga". Hvers vegna var nauðsynlegt að þurrka út orðin „karl og kona“?; mátti þá ekki koma þar á eftir „eða tveggja einstaklinga af sama kyni“.

Nú geta karl og kona ekki orðið hjón  samkvæmt lögum er hefur trúarlega tilvísun í Guðs orð.

Eru réttindi samkynhneigðra meiri og betri  með því að þurrka framangreind orð út; hvað gengur Alþingi til að þurrka út þann skilning er hjónaband hefur til hingað staðið fyrir? ;hvers vegna gengur þjóðkirkjan á skjön við Guðs orð með samþykkt sinni;? er það alveg víst að kirkjuþing samþykki skerðingu trúarlegs skilnings/tivísunar á giftingu „karls og konu“ til að þóknast óréttlátum kröfum samkynhneigðra?

Ef til vill eru lögin mannréttindabrot gagnvart karli og konu?

Er Jesús Kristur ekki höfuð kristinnar kirkju?

Allir geta látið þung orð falla og Biskup Íslands hafði hugrekki að biðjast afssökunar á orðum sínum. Um hvað snýst afsökunarbeiðnin? Eru það óheppileg orð er hefðu mátt vera mildari eða er hann að biðjast afsökunar á að telja hugtakið "sígilt hjónaband verði afnumið" með þá væntanlegum lögum"? Var "sígilt hjónaband" ekki afnumið hér á landi með umræddum lögum?

Guðrún Karlsdóttir, sóknarprestur í Grafarvogi lét þau orð falla í fjölmiðlum á s.l. prestastefnu að kirkjan yrði að fylgja eftir nútímasamfélagi um rétt samkynhneigðra ?, þannig skyldi undirrituð orð hennar.

Er ekki Jesús Kristur höfuð kirkjunnar; eigum við ekki að reyna að feta fótspor hans veikum mætti? Er meiningin að snúa hugtakinu við og Kristur fylgi okkur; eftir því hvernig vindurinn blæs?

Kærleikurinn er vissulega eitt æðsta boðorð kristinnar trúar; en þarf ekki endilega að falla að skilningi  einstaklinga eða samfélags eftir hentistefnu eða tíðaranda. 

 

 

Biskup Íslands biður samkynhneigða afsökunar

Sjálfstæðisflokkurinn: Lýðræðisleg umræða og siðbót

Ragnheiður Ríkharðsdóttir getur haft sínar skoðanir  um Evrópusambandið en nú liggur afstaða landsfundar fyrir, hvort flokkurinn sundrast vegna hennar  eru ekki rök fyrir, ef Evrópusinnar geta ekki sætt sig við niðurstöðuna geta þeir gengið í Samfylkinguna þar er öruggur meirihluti fyrir aðild. Baráttan gegn ESB mun halda áfram innan (og utan) flokksins, línurnar munu skerpast, oft kemur logn á eftir storminum, Sjálfstæðisflokkurinn mun ekki klofna vegna lýðræðislegra umræðna og afstöðu hvorki í ESB-aðild eða öðrum málum.

Gæti hinsvegar klofnað ef ekki verður tekið á spillingarmálum og siðferðileg umræða hafi meira vægi en verið hefur innan flokksins.

Lýðræðisleg umræða virðist ekki henta Ragnheiði Ríkharðsdóttur eins og glögglega kom í ljós á landsfundinum, að vilja ekki taka umræðu og afstöðu á óhóflegum styrkjum í framboðum flokksmanna .

Ragnheiði Ríkharðsdóttur ekki  til framdráttar eða fylgismönnum hennar að vilja ganga fram með yfirgangi til að ná fram stefnu sinni  þótt mikill meirihluti fundarmanna sé ósammála.

Óþarfi að sundra flokksmönnum

Fundarstjóri landsfundar vildi ekki umræðu um mútugreiðslur

Álitshnekkir fyrir Ragnheiði Ríkharðsdóttur sem fundarstjóra á landsfundi Sjálfstæðisflokksins að ætla að ákveða ein og sjálf að ekki væri meirihluti fyrir umræðu tillögu um háa styrki/mútur frambjóðenda flokksins. Hvað gengur fundarstjóra til að leyfa sér slíka framkomu skiptir siðferði Sjálfstæðisflokkinn engu máli?

Gott að meirihluti fundarmann  tóku  "fundastjórann í siðfræðikennslu"  fóru fram á umræðu og  samþykkti tillöguna.

Þeir er háa styrki hafa hlotið verða að stíga til hliðar;  geta með góðu móti nýtt krafta sína á öðrum vettvangi.

Forystumenn íhugi stöðu sína

Hver er stefna Péturs sem formanns Sjáfstæðisflokksins!?

Góð tíðindi getur verið mælikvarði á fylgi núverandi formanns;  hver eru stefnumál Pétus Blöndala ætlar Pétur Blöndal að bregðast við óhóflegum styrkjum/mútum er þingmenn hafa fengið. Hingað til hefur hann talað vítt og breitt í fjölmiðlum, mikinn fagurgala til handa almenningi, en hvaða stefna mun koma fram í framboðsræðu hans til formannskjörs?

Pétur vill formanninn

Boltinn áfram spennandi?

Hingað til hefur verið afar skemmtilegt að horfa á heimsmeistarakeppnina þrátt fyrir litla þekkingu og takmarkaðan áhuga á íþróttinni. Vona að Argentínumenn verði heimsmeistarar  eru leikglaðir og skemmtilegir. Verst ef nú taka við lítt spennandi leikir er enda með jafntefli; liggur við að dugi að horfa á bráðabana í lok leikjanna.

Brasilíumenn líklegastir

Aðildarumsókn - og spillingarmál þingmanna

Hægt að taka heilshugar undir frestun ESBsamninga og vonandi tekst formanninum að fylgja eftir þeirri skoðun sinni. Hins vegar verður þrautin þyngri hvort sumpart óupplýstir styrkir þingmanna tekst viðundandi lausn þar sem einn fyrrverandi ráðherra flokksins fékk 25 milljónir, margir fleiri minna. Þótt það verði þaggað niður kemur það upp seinna er óumflýjanlegt að mati undirritaðrar.

Tæplega verður litið framhjá skýrslu prófessoranna Tryggva Herbertssonar (þáverandi forstöðumanns háskólans)og Mishkins rækilega merkt framgreindum fræðimönnum við  Columbíaháskóla og Háskóla Íslands. Rannsóknarkýrslan bls 214: ... ..."Tryggvi kveðst býsna stoltur af skýrslunni, en viðurkennir þó að hún hafi ekki byggst á neinni greiningu á stöðu bankanna umfram það sem er að finna í opinberum gögnum".... ...Báðir höfundarnir tóku  tóku þátt í fundum með íslenskum stjórnmálamönnum og forsvarsmönnum bankanna á erlendri grundu til að fylgja  boðskap skýrslunnar eftir..."Rannsóknarskýrslan bls214.

Aðeins jákvæðu þættirnir voru dregnir fram að mati Geirs Zoega, forseta hagfæðideildar og hafi skýrslan sennilega þau áhrif að íslensku bankarnir áttu greiðari aðgang að fjármagni erlendis, stækkuðu enn frekar og glataðist mikilvægur tími til að taka á vandanum(fyrir hrun). Rannsóknarkýrslan bls.214.

 Ekki er viðunandi að Tryggvi þór verði þingmaður til lengri tíma frekar en Guðlaugur Þór styrkjakóngur flokksins.

 

Leggja aðildarumsókn til hliðar

Nýr flokkur gegn "ormagryfjunni"

Vinnandi fólk í landinu á sér ekki lengur málsvara innan fjórflokksins (og Besta flokksins sem samanstendur af tónlistar - og grínleikarafólki). Gott mál ef upp ef upp rís nýr flokkur er byggir á "sauðsvörtum almúganum", vinnandi fólk er hefur heilbrigðari sýn á lífið á tilveruna,  tæplega metið í stórjeppum og lúxúzvillum.

Sorglegt að háskólamenntun hafi valdið óbeint hruninu með ofjölgun á fjármála - og lögfræðimenntuðu fólki er telur sig eiga rétt á miklu hærri launum og lífstíl en almennt gerist og lítil þjóð getur alls ekki staðið undir.

Flest framangreint fólk styður sennilega Samfylkingun (og hluti Vinstri grænna) þar er undirtónninn sterkastur að þjóðnýta allar auðlindir; ganga inn í ESB og endanlega verði gengið frá yfiráðum þessa fólks af býrókratíinu í Brussel um alla framtíð.

 "Maðurinn sem opnaði ormgryfjuna á Akureyri" (Mbl 20. júní, bls 8) er matreiðslumaður, vann mál um myntkörfulán fyrir Hæstarétti gegn Lýsingu. Þar segir hann: "...mér finnst merkilegur allur sá fjöldi lögfræðinga sem fjármálafyrirtækið hafði á sínum snærum skyldi ekki geta lesið það sama úr úr lögunum og dómsstólar hafa nú gert.... Lýsandi dæmi um viðskipti þar sem hvorki lög eða hvað þá heldur siðferði skipta litlu sem engu máli.

Framangreint dæmi lýsir hroka  og virðingarleysi gagnvart almennum borgurum í landinu í krafti menntunar og lélegs fjármálaeftirlits.

Gott mál ef almenningur hefur vakanað til meðvitundar og stofnar nýjan flokk.

Nýr vinstriflokkur í burðarliðnum?

Burt með vinstri græna úr ríkisstjórn

Sumt má ríkissjóður taka á sig að mati Steingríms fjármálaféherra hann rauk upp til handa og fóta þegar félagsmálaráðherra minntist á að frysta laun ríkisstarfsmanna þegar  aðrir launþegar í landinu hafa mátt þola skerðingu á launum, styttingu vinnutíma og uppsagnir; að ekki sé minnst á rán á bótum lífeyrisþega.

Af hverju má ekki afnema verðtryggingu lífeyrsjóðs ríkisstarfsmanna eða allir lífeyrissjóðir fái verðtryggingu; hvar er félagshyggja Vinstri grænna?

Ein af lausnum efnahagvandans eru Vinstri grænir úr ríkisstjórninni sem allra allra fyrst; Samfylking þó illskárri og er þá mikið sagt og skrifað.

Sem minnst tjón á ríkissjóð

Alþingi: - Músarholusjónarmið Ögmundar Jónassonar!

Ögmundur Jónasson lýsti í morgun fyrir Alþingi/þingheimi að hann/ríkisstarfsmenn eyddu einum vinnudegi í viku til greiðslu í lífeyrissjóð sinn; nefndi engu orði að greiðslur hans/ríkistarfsmanna eru verðtryggðar, ríkisstarfsmenn með belti og axlabönd, allt sitt á þurru; voru það ekki Vinstri grænir er tóku réttmætan skattafrádrátt af sjómönnum fjarri heimilum sínum, hlunnindi sem ríkisstarfsmenn gátu ekki þolað; en eru þó á háum dagpeningum og bílastyrkjum sjálfir á kostnað ríkisins.

Svo kemur Ögmundur Jónasson fram og talar um músarholusjónarmið sparifjáreignenda að þeir vilji vera fyrir ofan núllið í vaxtatekjum - heggur nærri sjálfum sér og flokki sínum?

Ögmundur Jónasson er  farin að lifa sjálfan sig sem stjórnmálamaður, skaut sér undan merkjum sem ráðherra,  blaðrar svo ábyrgðarlaust á þingi til að halda ímynduðu  fylgi eða áliti meðal síns hagsmunahóps, ríkisstarfsmanna.

 

Lánþegar skammist ykkar!

Lánþegar ættu að skammast sín að koma með slíka áskorun er jafngildir því að sparfjáreigendur/lífeyrissjóðir eigi að borga skuldir þeirra;ætla þeir enga ábyrgð að bera á eigin gerðum sumpart flónsku, er ekki nóg að höfuðstóllinn sé færður aftur fyrri hrun?;ekki mun sparifjáreigendum verða bættar inneignir sínar við gengishrunið. Hvaða lánþegar eru í vanda, þeir sem hæst láta í nafni lánþega um 20% skuldara með átta hundruð til milljón bæði hjón á mánuði og börn á framfæri; umrætt fólk verður að velja sér ódýrari lífsstíl með því að láta annan bílinn og minnka húnæði miðað við fjölskyldustærð og greiðslugetu eins og áður tíðkaðist hjá íbúðarlánasjóði. M.ö.o. margar fjölskyldur hafa veðsett menntun sína og laun langt umfram getu með óraunhæfum lífstíl og of stóru íbúðarhúsnæði.

Hin  80 % skuldara  er  ekki kvarta eru láglaunafólk með um fjögur hundruð til fimm hundruð þúsund, bæði hjón á mánuði, með börn á framfæri. Sanngjörn karfa að hækka vaxtabætur þeirra verulega. 

Nú reynir á stjórnvöld að standa á sanngjarnri lausn, ábyrgri lausn þar sem lánþegar verða að horfast í augu við að þeir  greiði skuldir sínar;geta ekki búast við að gengið verði lengra í vasa lífeyrisþega, og  sparifjáreigenda.

Hvetja fólk til að taka út

Hvítþvottur Samfylkingar.

Magnús Orri hefur tileikaða sér vel "stefnu Samfylkingar" að skjóta allri ábyrgð á forsetann, hvítþvær flokkinn sinn; kennir forsetanum um ófarir ríkistjórnarinnar að gæta rettarstöðu Íslands varðandi Icesaveskuldina við Breta og Hollendinga. Forsetinn bjargaði því sem bjargað varð með synjun laganna um Icesavesamningana; vonandi stendur hann vaktina og vísar næstu samningum til þjóðarinnar ef þörf krefur.

Er það ekki undirlægjuháttur Samfylkingarinnar gagnvart ESB sem er ástæðan?; flokkurinn hræddur um að komast ekki með lið sitt til Brussesl ef ekki verður gengið að hverju sem er við Breta og Hollendinga. Þjóðin  aukaatriði, er skiptimynt Samfylkingar til að komast  inn í ESB? Steingrímur fjármálaráðherra samþykkir með þögninni og þjónkun við Samfylkingu til að fá að halda völdum.

Mál að linni og utanþingsstjórn taki við sem allra fyrst.

 

Kemur forsetanum til varnar

Hvers vegan að afnema verðtryggingu!?

Hvers vegna ættum við að afnema verðtryggingu hér ekki hægt að miða sig eingöngu við aðstæður erlendis. Við eru eyþjóð er þurfum að flytja mikið inn af vörum til ýmiskonar iðanaðar og matvæli að hluta en höfum lifað um efni fram flutt ( óþarfa)meira inn en út það er mergurinn málsins. Innflutningur verður að vera í samræmi við útflutningstekjur;  að  að afnema verðtryggingu þá verða að vera áfram gjaldeyrishöft í einhverri mynd svo efnahagskerfið riðli ekki til falls á nýjan leik.

Við sem sjálfstæð þjóð, getum ekki búið við verðbólgu til lengdar það vita allir; hvaða fyrirtæki og heimili   geta lifað til lengdar um efni fram? Hvað tekur þá við ef verðbólgan eykst og eykst þegar sparifé landsmanna hefur brunnið upp og engin verðmæti eftir? Annað þjóðargjaldþrot enn verra en 2008.

Endurmeti húsnæðislánin

Mörður Árnason hefur rétt fyrir sér

Verðtrygging lána var sett í kreppunni um 1980 þá brann sparifé landsmann upp og greiddi í raun lán þeirra er skulduðu þá. Engin ástæða að menn greiði ekki skuldir sínar sjálfir. Nú hefur Hæstiréttur dæmt gengistrygginguna ólöglega en að öðru leyti gilda auðvitað þeir samningar er hver og einn gerði. Sparifjáreigendur fengu engar gjafir þegar fjármálakerfið féll 2008 þeirra eignir féllu gagnvart gengi eins og annarra engin sanngirni að taka af þeim allar eignir; auk þess varð fjármagn þeirra rekstrarfé bankanna annað var ekki til.

Skuldarar nú geta ekki búist við uppgjöf sinna skulda nema sem nemur gengistryggingu. Dómur Hæstaréttar að mati undirritaðar er ótvíræður;  lögfræðingar mega ekki komast upp með að rangtúlka hann og teygja með orðhengislshætti.

Mörður hefur rétt fyrir sér nú þurfa stjórnvöld /stjórnmálamenn að hafa kjark til að framfylgja dómnum.

Vill verðtryggingu á lánin

Ríkisstjórnin afsalaði völdum til Alþjóðagjaldeyrissjóðsins?

Nú hefur Hæstiréttur dæmt endanlega gengistryggðu lánið  ólögleg; réttlæti til handa almenningi staðfest. Niðurstaðan sýnir getuleysi ríkisstjórnarinn er hefur ekki náð viðundandi niðurstöðu en situr samt, hún á að segja af sér og utanþingsstjórn að taka við. Við bætist ef réttar fréttir herma að Jóhanna forsætisráðherra, Steingrímur fjármálaráðherra, Már seðlabankastjóri (o.fl.)hafa með skriflegri yfirlýsingu gefið Alþjóða gjaldeyrisjóðunum loforð um að allar meiriháttar stjórnvaldsaðgerðir skuli ekki teknar nema með hans samþykki.

Samþykkt Halldórs Ásgrímssonar og Davíðs Oddsonar um viljayfirlýsingu "hinna viljugu þjóða" um að taka þátt í Íraksstríðinu, var og er gagnrýnd af núverandi stjórnarflokkum ; ef framangreindir aðilar hafa lagt raunverulega stjórn landsins undir erlendan lánasjóð án þess að aðrar leiðir væru kannaðar til hlítar; eru það allt að því landráð í huga undirritaðrar.