Vinstri grænir hundflatir

Ábyrgð ríkisins ekki bindandi, þjóðinni ber ekki lagaleg skylda - ekki siðferðilega?  Hvað er Alþingi að samþykkja, nauðarsamninga, annars munu Bretar og Holllendingar ekki samþykkja inngöngu Íslands í ESB. Er það raunveruleikinn að samþykkja Icesavesamingana án þess að fyrir hendi séu lagalegar forsendur; selja þjóðina Bretum og Hollendingum upp í skuld er henni ber  ekki að greiða - síðan aftur til að geta komist í ESB.

 Hvers vegna er Vinstri grænum umhugað um að leggjast hundflatir undir erlent vald ásamt Samfylkingunni?

 

 

 

 

ælk´æk

Brown álítur Icesave bindandi

''Hrunráðherrar taki pokann sinn''

Meðan Sjálfstæðisflokkurinn hefur ekki tekið til í sínum ranni eftir hrunið eru þeir fulltrúar hans er teljast til ''hrunráðherranna'' fyrrverandi, er flokkurinn ekki trúverðugur: sama er að segja um Samfylkinguna þar sitja í stjórn fyrrverandi hrunráðherrar: Framsóknarflokkurinn sá sinn kost vænstan, tók til fyrir síðustu kosningar,  forystan að mestu leyti endurnýjuð fyrir utan Sif Friðleifsdóttur; þeir ráðherrar er sátu í hrunráðuneytinu fyrir ári síðan eiga að taka pokann sinn út úr stjórnmálum sem allra fyrst.

 

 

Vilja Icesave aftur í nefnd

´´Góður, betri, bestur, burtu voru reknir´´?

Eitt fyrsta opinbera mál sérstaks saksóknara er gegn Baldri Guðlaugssyni, fyrrv. ráðuneytisstjóra,  hann hafi vitað í embætti um fall bankanna, fyrirfram;  selt skuldabréf í eigu sinn, eitthvað 100 milj. Vonandi hefur sérstakur saksóknari stærri mál til meðferðar í bankahruninu; eða á Baldur Guðlaugsson að verða  ‘‘píslarvottur í bankahruninu‘‘?  Yngvi Örn Kristinsson sækir nú ógreidd ‘‘ofurlaun‘‘, fyrrverandi háttsettur maður hjá Landsbankanum þegar hrunið varð,‘‘ ætlar af góðsemi sinni að gefa fátækum launin‘‘; ef hann vinnur málið munu þá bankastjórar og undirsátar þeirra krefjast hins sama, tæplega munu þeir verða á vegum mæðrastyrksnefndar?

Fyrrnefndur  ‘‘ofurlaunahrunbankamaður´´, Yngvi Örn fær  síðan nýtt starf sem aðstoðarmaður félagsmálaráðherra, Árna Páls Árnasonar með þann  ´´góðar orðstír´´ að ætla að ´´gefa ofurlaunin sín´´ er voru siðferðileg röng. Skyldi ´´kúlulánfólkið´´ (í Samfylkingunni?) utan og innan Alþingis, stofna velferðarfélag til heiðurs Yngva fyrir væntanlegri unninni  málsókn til innheimtu á ´´siðlausum ofurlaunum´´?

Vonandi tekur sérstakur saksóknari fyrir stærri mál í bankahruninu annars mun embættið tæplega halda trúverðugleika  sínum?

´´Illur  verri verstur voru aftur teknir´´?

 

Lögmanni Baldurs algjörlega ofboðið

Baugur - skrýmslið á matvörumarkaði?

Vond staða á matvörum/nauðsynjavörum ef verðsamráð heldur áfram, mun standa allri nýsköpun á þeim markaði fyrir þrifum. Lágvöruverslunin Kostur er ljósið í myrkrinu, er vonandi tekst að vaxa og dafna, samkvæmt stefnu sinni. Þar komi inn  vörur beint frá bónda,  líti dagsins ljós ný smærri  framleiðslufyrirtæki  í matvöru er geta boðið ódýrari vöru en núverandi birgjar er virðast vera í verðsamráði við Baugsfyrirtækin eða undir hælnum á þeim?

Jóhannes í Bónus réðist á sínum tíma gegn okurverði á matvöru; en réði ekki við atburðarrásina,  fyrirtækið hefur löngu snúist upp í andhverfu sína þótt það bjóði lægsta verðið.

Engin trygging er fyrir að svo geti ekki gerst aftur nema að lög verði sett um takmörkun eignarhalds. Ekki miklar líkur til að núverandi stjórn muni taka á þeim vanda.

Hlutur í Högum ekki til sölu

ESB - nauðarsamingar um inngöngu!

Grátbrosleg staða að fyrrverandi ''hrunráðhrerra'' Össur Skarphéðinsson (og staðgengill Ingubjargar Sólrúnar í veikindum hennar), sé að ''gambla og og díla'' um fiskveiðilögsögu þjóðarinnar. Spánverjar munu ekki sýna þjóðinni neina miskunn, enginn er annars bróðir í leik, þeirra hagsmunir byggjast á að komast inn í íslenska fiskveiðilögsögu, bakdyramegin með sinn fiskveiðiflota; eftir inngöngu Íslands í ESB.

Raunveruleikinn er,  að með samþykkt Icesavesamningsins er ESB að opna fordyr sínar um inngöngu, sýna fram á að þjóðin hafi ekki fjárhagslegt bolmagn með krónunni, verði að fá stuðning frá Evrópska Seðlabankanum. Er Össur Skarphéðinsson að neyða þjóðina inn í ESB með fyrrnefndum skilyrðum án þess að aðrar leiðir verði skoðaðar frekar?

Hvað kosta slík skilyrði? Að ESB verði afhent fiskveiðiauðlind þjóðarinnar, er skapar okkur gjaldeyrir að stórum hluta; aðrar auðlindir þjóðarinnar munu fara sömu leið í samningum Samfylkingar um inngöngu í ESB.

 

 

Össur í höfuðborg spænsks sjávarútvegs

Frelsið - eymd mannsins

''Mikilleiki mannsins er um leið það sem stofnar honum í hættu. Alla getu og gáfur er hægt að misnota og beita í þágu hins illa. Þessvegna geta menn lent í þeirri hörmung að misnota frelsið og gera hið ranga, hið illa. Menn eru stundum þeirrar skoðunar að það sé máttugra en hið góða. Menn bregðast trausti og ást og valda vonbrigðum. Manneskjan verður ''hver annarrar hrís og sverð''. Þó heimurinn okkar sé fagur, er þar einnig að finna heilt úthaf blóðs og tára.

Hvaðan er hið illa komið? Tvennt er ljóst frá upphafi, eftir því sem Biblían greinir frá: Ekki er til, jafnhliða Guði, neitt annað almætti sem er illt og beinist gegn honum og stendur fyrir því að hið illa er til í hinu góða sköpunarverki. Guð er einn frumhöfundur alls þess sem skapað er. Og í öðru lagi: Guð hefur ekki skapað hið illa, hann vill umfram allt hið góða og er mótsnúinn hinu illa. Hann vill góðan heim (I.Mós.  I,31). Samkvæmt því sem Biblían segir frá, er misnotkun frelsisins aðaluppspretta hins illa. Aðeins hinn frjálsi maður getur brotið í bága við sköpunarvilja Guðs, truflað skipulag náttúrunnar og lífsins og greitt þannig hinu illa leið inn í heiminn, og um leið hafnar hann fyrirætlunum Guðs (I. Mós. 3, I og áfram)''.

góða helgi

Vegurinn, sannleikurinn og lífið, 117. Torfi Ólafsson þýddi.

Útgefandi: Kaþólsk kirkjan á Íslandi, 1981

 

''Þjóðnýting - Steingrímur mokar flórinn''

Enginn flokkur hérlendis er eins ósvífin í skattaálögum og Samfylkingin/kratar gegnum tíðina, óbreytt staða. Nú er allt undir, fyrirtæki, fólkið í landinu og fyrningaleið sjávarútvegsfyrirtækja, græðgi er leiðir fyrr eða seinna til ennþá verri stöðu þjóðarinnar. Jóhanna Sigurðardóttir kennir svo öðrum flokkum um, hvar var hún í efnahagshruninu fyrir ári, er hún ekki einn ''hrunráðherrann'' er ætti ekki að sjást í efnahagsstjórn landsins?

Af sparifjáreigendum (innstæður er þegar hefur verið skattlagðar) er skattur hækkaður í 18% og frekari  hækkanir fyrirhugaðar, eldri borgarar mega ekki einu sinni hafa lífeyrissjóð sinn óskertan sem er stjórnarskrárvarin eign. Allt er undir til að innleiða þjóðnýtingu, þar sitji við völd gráðugir jafnaðarmenn; græðgi, óstjórn og spilling mun taka langt fram úr hinum svokölluðu ''útrásarvíkingum''.

Jóhanna Sigurðardóttir hefur talað sig inn á þá er minna mega sín það er allt og sumt;  löngu rúin trausti en kemur fremur fram sem ''leikari stjórnkerfisins''; en Steingrímur J. Sigfússon ''fjósakarl hennar''mokar glaður ''krataflórinn'' eins og ekkert sé .

Gagnrýnir stjórnarandstöðuna

Prófessorar Háskólans: - ''óraunhæfar kröfur til sjávarútvegs?''

Sjávarútvegur gerði þjóðinni kleyft að komast upp úr fátækt og eymd til eins  mesta velferðarríkis veraldar; eftir efnahagshrunið heldur hann áfram að vera styrkasta stoðin undir gjaldeyrisþörf þjóðarinnar. Samt eru háværar raddir er setja sig ekki úr færi að nagga og naga reksturinn eins og mögulegt er; þar fara oftar en ekki prófessorar upp í háskóla, hraðast; í krafti menntunar sinnar og stöðu, sjá þeir ofsjónum yfir tekjum sjómanna og sjómannaafslátt til þeirra; manna er leggja nótt við dag fjarri heimilum sínum við björgun verðmæta.

Með allri virðingu fyrir menntun þá þarf háskólinn að sníða sér stakk eftir vexti engin ástæða til að blóðmjólka sjómenn og útgerðarfyrirtæki af eintómri græðgi. Sjávarútvegurinn greiðir veiðigjald, tekur á sig auknar skattabyrðar; er og verður fjöregg þjóðarinnar um langa framtíð.

Mál er að linni ofsóknum og óhróðri um íslenskan sjávarútveg, að prófessorar upp í háskóla sjái sóma sinn í uppbyggilegri umræðu.

 Áframhaldandi óraunhæfar kröfur og rógur á hendur sjávarútvegs er til þess fallin að rýra gildi hans; þá miklu þýðingu er hann hefur fyrir sjálfstæði lítillar þjóðar til að bjarga sér á eigin verðleikum.

Ekki verður annað séð en núverandi vinstri stjórn sé dragbítur á sjávarútveg og aðra atvinnuvegi landsmanna; hún þarf að fara frá sem allra fyrst.

Fúsk og pólitísk fyrirgreiðsla

Beit höfuðið af skömminni?

Málinu getur ekki verið lokið með svokallaðri ''fyrirgefningarbeiðni'', nú fyrst hriktir í stjórn KSÍ, óhugsandi að málið falli niður án þess að núverandi stjórn víki þegar til framtíðar er litið; hverjir eiga að semja væntanlegar siðareglur? Fjármálstjóranum er enginn greiði  gerður að halda áfram hjá KSÍ betra að skapa sér framtíð á öðrum vettvangi. 

Stjórnandi Útvarps Sögu (11-12) fannst ekkert athugavert við, að fara á strippbúllur, hann hefði gert það sjálfir og ''allir færu á strippbúllur''. En með hvaða fjármuni fara ''allir'' á strippbúllur; ekki viðundandi að nota  kort KSÍ. Hvaða peninga fara ''allir'' með á strippbúllur erlendis  og hérlendis; eru það heimilispeningar fjölskyldunnar eða einhver sérstakur ''sparnaður'' í því skyni.

Stjórn KSÍ beit endanlega höfuðið af skömminni?

 

Stjórn KSÍ aðhefst ekki frekar

Vinstri grænir á mála hjá Samfylkingu - og í Brussel?

Gengu  Vinstri grænir á mála hjá Samfylkingunni og valdinu í Brussel, til þess eins að geta setið í ríkistjórn áfram? Er ríkistjórnin í svo lélegu sambandi við Norðmenn, að hún vissi ekki þegar lánið  var tilbúið; eða hentar ekki samband við Norðmenn  vegna samninga um inngöngu í ESB; ekkert má skyggja á viðsemjendur í Brussel?

 

 

 

Segir norska lánið til reiðu

Auglýsingamarkmið: ''Gildismat barna efnishyggja og neyslusamfélag''

Auglýsingamarkaðurinn (Mbl20)hefur beinist að börnum með ímyndarauglýsingum, óraunhæf skilaboð um  efnishyggju, að hægt sé að öðlast lífsgæði með vörukaupum;  til þess ætlað að breyta gildismati barna, framtíðarkynslóðarinnar. Þær rannsóknir er gerðar hafa verið gefa vísbendingu um að yngri kynslóðir muni telja efnishyggjuna lífsgildi.

Raunhæft að leyfa ekki auglýsingar fyrir og eftir barnatíma, er markaðssetja  gildismat barna, auglýsa vörur er eiga að gefa ''nýja sjálfsmynd,hamingju, fegurð og vinsældir''.

Efnahagshrun þjóðarinnar varð vegna óheftrar græðgi, bankaveldið/fjármagnið ætlaði að stjórna öllu þjóðfélaginu, háskólum/skólum, uppeldi  listum, menningu og íþróttum; en féll á eigin græðgi.

Hvernig verður framtíðarþjóðfélagið þegar núverandi kynslóð barna tekur við stjórninni með gildismat þar sem allt snýst um neyslu og neysluþjóðfélag?

KSÍ biðst afsökunar?

KSÍ baðst afsökunar (RUV í kvöld) á ''óhappi'' fjármálastjóra síns, að kr. 8 miljónir á núvirði,  voru straujaðar út af korti sambandsins, á  óheppilegri strippbúllu í Sviss. Stjórnin er komin á það stig í iðrunarferlinu eftir fjögur ár, að biðjast afsökunar;  (''neyðist til''), lofar bót og betrun í framtíðinni. Fjármálastjóranum er vorkunn og hefur án efa átt sínar erfiðu stundir; ef til vill er hann ekki á réttri hillu, sem fjármálastjóri, KSÍ gerði rétt að færa hann til í starfi er hentaði honum betur; þá verður  afsökunarbeiðnin fullgild og allir sáttir.

Yngvi Örn Kristinsson - syndaaflausn?

Lélegt yfirklór á siðlausum kaupsamningi af fyrrverandi forstöðumanni Landsbankans, að lýsa yfir styrk til velferðarmála eftir á, ef hann fær launin greidd;  en það má tæplega falla ''ryk á hvítflibba'' félagsmálaráðherrans Árna Páls Árnasonar, Yngvi er aðstoðarmaður hans?

 

Er stuðningur við þá sem minna mega sín aðeins til staðar ef hægt er að kaupa sér aflausn hjá þjóðinni vegna þess að kaupsamningurinn orkar siðferðilega tvímælis; er það jafnaðarstefna Samfylkingar?

 

Yngvi Örn: Rennur til velferðarmála

Verðstríðið gegn Kosti þegar hafið?

Vonandi tekst lágvöruversluninni Kosti að veita samkeppni á matvörum/nauðsynjavörum, verð sem er raunverulegt,  ekki tilbúið ''lágvöruverð'' er Bónus ákveður og aðrar verslanir verða að hlýða. ASÍ könnunin er ekki marktæk gagnvart Kosti vegna byrjunarörðugleika og tæknivandamála,  vonandi tekst þeim að koma með vöru á sanngjörnu verði.

Erfitt verkefni Bónusveldið mun einskis svífast að koma Kosti út af markaðnum.

Mikill verðmunur á bökunarvöru

Lögreglan heftir samdrykkju unglinga

Frétt dagsins í Mbl ( 18. nóv.) er án efa, aðgerðir lögreglunnar gegn skipulagðri unglingadrykkju á börum borgarinnar. Tekin voru upp 120 nöfn ungmenna, foreldrar og aðstandendur viðkomandi skóla látnir vita. Ekki er að efa að margir foreldrar og skólar munu bregðast hart við, er má telja eina bestu forvörnina. Skemmtistaðir er leyfa eða standa fyrir hópdrykkju  unglinga munu eiga erfiðara fyrir, að halda áfram uppteknum hætti.

Lögreglan á miklar þakkir skyldar fyrir vasklega framgöngu í fyrrnefndri  samdrykkju  unglinga á börum borgarinnar.

Spilltir embættismenn og stjórnmálamenn - hætti störfum fyrir þjóðina

Ábyrgð stjórnmálamanna á hruninu er óhjákvæmileg, hlægilegt að Össur Skarphéðinsson, ''hrunráðherrann'' sé fulltrúi Íslands í  alþjóðlegum erindum. Sama er að segja um Jóhönnu Sigurðardóttur, forsætisráðherra er kemur blákalt fram fyrir þjóðina og kennir Sjálfstæðisflokknum (samtarfsflokknum í hruninu) um allt sem miður hefur farið. Sú tiltrú er Jóhanna hafði er löngu týnd og tröllum gefin, að hún sér málsvari þeirra er minna mega sín. Steingrímur er ekki skárri, þau Jóhanna og hann í sameiningu virðast samþykkja allr aðferðir ríkisvaldsins,  láta greipar sópa um alla þá fjármuni er til eru í bönkunum í ''nafni þeirra er minna mega sína''?

Baldur Guðlaugssona, ráðuneytisstjóri hefur látið af störfum vegna ásakana um innherjaviðskipti.  Árni Páll Árnason, félagsmálaráðherra hefur ráðið Ingva Örn Kristinsson fyrrverandi starfsmann Landsbankans, er nú sækir siðlausar kröfur um kaupsamning til  bankans, hvað skyldi hann sætta sig við sem aðstoðarmaður ráðherra?

Baldur Guðlaugsson getur ekki orðið píslarvottur fyrir siðlausa og spillta embættismenn í ríkiskerfinu,  ráðherrar/embættismenn  verða að axla ábyrgð.

Á  þjóðin að  borga eins og ekkert sé og sama siðspillta fólkið að sitja áfram er það ''hið nýja Ísland?

Fróðlegt verður að sjá niðurstöður Rannsóknarnefndar Alþingis í febrúar?

Össur í Róm

Enn ræðst ríkisstjórnin á eldri borgara

Hóflegur skattur á séreignarsparnað er skynsamlegri kostur en ætla að leggja á eignaskatt; og enn hærri fjármagnstekjuskatt ef  ef einhverjir skyldu nú hafa verið svo forsjálir að geta sparað til elliára, sparnað sem greiddur hefur veriðið  skattur af. Vinstri stjórninni er rétt lýst með að ræna/ yfirtaka sparnað fólks í staðin fyrir að efla atvinnulífið í landinu, einu úrræðin að ráðast á eldri borgara með skattlagningu og tekjuskerðingu; virðist hafa reikað út hvað þarf mikið salt í grautinn eða tæplega það.

Séreignar skattur er skárri, þeir sem hann greiða geta nýtt sér hann síðar þegar betur árar; hvernig getur  núverandi stjórn/Vinstri grænir gefið sig út   fyrir að vilja þeim vel er minna mega sín?

 

 

 

 

 

 

Vilja afla tekna með skattlagningu séreignasparnaðar

ESB - óstjórn i fiskveiðum

Halldór Ásgrímsson fyrrverandi ráðherra skrifar athyglisverða grein (upplýsandi,(Mbl í dag17), er vekur upp spurningar um stjórnun fiskveiðastefnu  ESB.  Núverandi stefna í fiskveiðistjórnun ESB hefur beðið skipbrot. Fisveiðar   ESB-þjóða  ‚´´...  einkennist af ofveiði, bágum efnahag, alltof stórum fiskveiðiflota, fyrirferðamiklu styrkjakerfi  og minnkandi veiði...‘‘ Þá dregur Halldór í efa að stjórnun/endurbætur  fiskveiðistefnunnar geti eingöngu átt sér stað í fundarherbergjum ESB í Brussel heldur verði hún tekin ‚ ´´... þar sem menn hafa betri innsýn í aðstæður í einstökum byggðarlögum ...‘‘.

Ný fiskveiðistefna ESB á að ganga í gildi árið 2013, á að leiða til sjálfbærrar nýtingar, þar telur Halldór að sambandið eigi að nýta sér reynslu Norðurlandaþjóða/Íslands í  fiskveiðastjórnun, útgerðarfyrirtækjum þar eru veittar veiðiheimildir hér á landi er leitt hefur til , ...‘‘ að Íslenska kvótakerfið skapar bestan fjárhagslegan  grundvöll með lágmörkun kostnaðar,auknum gæðum og hámörkun  verðmætis aflans...‘‘ .

Framtíðarsýn ESB um betri fiskveiðistjórnun  er áætluð að komi til framkvæmda árið 2020 samkvæmt grein Halldórs.

Þá er skipting deilistofna (sama fisktegund í lögsögu fleira en eins ríkis) óviss, Norðmenn og ESB hafa ekki ljáð máls á, aðild Íslands um samninga veiða á makríl, er nú finnst í stórum stíl í íslenskri lögsögu.

Ekki er vænlegur kostur fyrir Íslendinga að ganga í ESB meðan óstjórn ríkir í fiskveiðistefnu ESB. Fisveiðar hér eru grundvöllur okkar efnahags nú og í nánustu framtíð, er að bjarga þjóðinni frá algjöru  gjaldþroti, eftir efnahagshrunið.

Sterkasta vopn okkar sem smáþjóðar með verðmæt fiskimið og góða fiskveiðistjórnun, er að standa utan við ESB.

Hlutleysi Útvarp Sögu orkar tvímælis?

Tíðindi að Guðmundur Ólafsson hafi verð rekinn af Útvarp Sögu, viðmælandi sem oftar en aðrir hefur verið með skemmtilegan fróðleik um Rússland - og efnahagsmál, þegar hann gleymir ''DavíðsOddssonarfóbíunni''. Hef oftast opnað fyrir Útvarp Sögu á föstudögum, eftir valsinn sem Sigurður Tómasson hefur ofspilað, svo hann sker í eyrun. Þá hefur Guðmundur komið með tónlist með skemmtilegum rússneskum söngkonum, góð hvíld frá Jússa Björling,með allri virðingu fyrir honum, en allt er hægt að ofspila eða ofnota.

Dæmi um hlutlausa afstöða útvarpsfólks í símaviðtölum á Útvarp Sögu er um mál sr. Gunnars Björnssonar, prests á Selfossi, er voru eingöngu á hans bandi, aldrei minnst á afstöðu stúlknanna/ barnanna er áttu í hlut. Það liggur fyrir að sr. Gunnar sjálfur viðurkenndi fyrir dómi að hann hefði storkið umræddum stúlkum/börnum en taldist ekki saknæmt að dómi Hæstaréttar, samt sem áður brot á starfsreglum kirkjunnar.

Hlutleysi Útvarps Sögu orkar tvímælis svo ekki sé meira sagt.

 

 

 

 

 

Guðmundur rekinn af Útvarpi Sögu

Dr. Stefán Aðalsteinsson, minning

Dr Stefán Aðalssteinsson er látinn eftir erfið veikindi. Það var viðburður þegar Stefán kom með glæsilegan feril í erfðarannsóknum sauðfjárlita. Þrátt fyrir glæsilegan feril,  féll stefna hans í búvísindum ekki að þáverandi ráðamönnum  í búfjárrækt. Samt náði hann undraverðum árangri í starfi sínu, fékk aðstöðu fyrir ullar – litarannsóknir á sauðfé, á Hvanneyri, Hólum og Tilraunabúinu á Skriðuklaustri.

Þessi ár var bændaskólinn á Hvanneyri  að þróast til vísindastofnunar undir stjórn Guðmundar Jónssonar þáverandi skólastjóra. Þar voru komnir til starfa ungir menn á sviði landbúnaðarvísinda er var grunnurinn að háskólanum á Hvanneyri . Mikill fengur var að ungum vísindamanni á alþjóðlegum staðli til rannsókna,  Stefán kenndi einnig  sem farkennari við framhaldsdeild bændaskólans,

Kynni okkar hjóna af Stefáni urðu persónulegri vegna þess við vorum að austan, hann  var góður gestur  á okkar heimili, fróður og skemmtilegur. Stefán  var vel hagmæltur en gaf sér ekki tíma til að iðka vísnagerð,  en svaraði vel fyrir sig þegar á hann voru kveðnar kersknivísur í Borgarfirði, af þeim er ekki fylgdu stefnu hans í sauðfjárrækt ,  þótti fljótt óárennilegur í þeim samskiptum.

 Rannsóknir Stefáns í erfðum  sauðfjárlita  eru enn í gildi, koma sér vel þegar hönnun í ullariðnaði er  ört vaxandi . Þrátt fyrir að vera vísindamaður á heimsmælikvarða missti hann aldrei rót sína sem sveitamaður,  vildi efla og bæta landbúnað, hélt sambandi við fólkið á landsbyggðinni, varð vinsæll af þeim sökum.  Dr. Stefán Aðalsteinsson skilur eftir sig djúp spor til eflingar vísindum í landbúnaði er hafa orðið til framfara og hagsbóta fyrir þjóðarhag.

Kærar þakkir frá okkur hjónum fyrir tryggð og vináttu.

Blessuð sé minning hans.