Hin eina sanna afreksmanneskja.

 Innilegar samúðarkveðjur til nánustu og okkar allra sem fyldust með Ástu Lovísu Vilhjálmsdóttur. Barátta hennar og dugnaður er eitthvað sem snertir mann, vekur til umhugsunar um gildi lífsins, þar sem efnisleg gildi verða léttvæg og einskis virði. Hún lifði lífinu með gleði hvað sem yfir kom í trú, von og kærleika. Okkur í bloggheimum var hún vegvísir í erfiðleikum sem gott verður  að minnast þegar á reynir. Hún kenndi okkur, að þrátt fyrir þjáninguna, er hægt að brosa í gegnum tárin.

Guð blessi minningu hennar.

Ásta Lovísa Vilhjálmsdóttir látin

Nei, ekki ráðherra – Ágúst Ólafur er karlmaður?

Sitt sýnist hverjum um val ráðherra í nýrri ríkisstjórn og hefur Ingibjörg Sólrún frekar notið sannmælis um val ráðherra. En í hennar hennar ráðherravali varð Ágúst Ólafur ekki  ráðherra vegna þess að hann var karl þótt hann væri í fremstu forystu Samfylkingar. Undarlegt val þar sem um er að ræða varaformanninn. Auk þess hefur Ágúst Ólafur verið sérstakur talsmaður barna sem forgagnsverkefni. Að mati undirritaðrar hefur Ágúst Ólafur verið í sérflokki síns flokks hvað varða málefnalegar umræður í stjórnarandstöðu. Aldrei verið með óþarfa skæting heldur fylgt málum eftir með festu og röklegri stefnu í umfjöllun sinni um barvænt og réttlátt samfélag fyrir alla. Telja má að hann njóti meiri vinsælda langt úr fyrir sinn flokk meira en núverandi forysta í ríkistjórn, þau Ingibjörg og Össur.

Þrátt fyrir jafnt val karla og kvenna í ríkisstjórn  endurspeglar valið tæplega þá jafnarastefnu sem ætti að einkenna Samfylkinguna. Ágúst Ólafur er í sérflokki hvað varðar þau mál sem hann hefur sett fram og eru mál beggja kynja. Hann hefur gengið fram fyrir skjöldu málefnum fjölskyldunnar sem er ekki áberandi meðal karla í stjórnmálum.  Má ætla að hann hefði orðið glæsilegur fulltrúi sem ráðherra beggja kynja í umræddum málum, náð góðum árangri þess vegna. Haft sterka stöðu í jafnréttismálum sem ráðherra endurspeglað bæði kyn í stefnu fokksins sem verður að teljast sjaldgæft í íslenskum stjórnmálum. Jóhanna Sigurðardóttir og Ágúst Ólafur hefðu saman verið  glæsilegir fulltúrar í ríkistjórn til árangurrs  betra velferðarsamfélags  hér á landi. Það er sú stefna sem hlýtur að vera markmið jafnaðarmanna en hefur að mati undirritaðra ekki verið nógu áberandi í stefnu Ingibjargar Sólrúnar og Össurar.

Nægileg umræða um ofbeldismál - núverandi ríkisstjórn komi með lausnir á vorþingi!

Enn eitt ofeldismálið gegn börnum á barnaheimilinu Kumbaravogi í sjónvarpinu í kvöld. Síðan viðtal við einn þolandann sem greindi trúverðuglega frá því að a.m.k. fjórir aðrir drengir hefðu orðið fyrir sama ofbeldi og hann. Nú hefur verið fjallað um þessi ofbeldismál af svo miklu kappi í fjölmiðlum að mörgum finnst nóg komið. Hætta er á að þessi umfjöllun gæti snúist upp í andhverfu sína og fólk hætti að leggja eyrun við. Nóg er komið af framagreindri umræðu og málið ætti að snúast fremur um innra eftirlit á meðferðarheimilum svo sem fatlaðra, geðfaltlaðra og fyrir eiturlyfjafíkla. 

 Það fólk sem vinnur að umræddum heimilum hvort sem um fagaðila eða ófaglærða er að ræða getur ekki búið við það í framtíðinni, að ekki sé um sterkt aðhald að ræða á innra eftirliti. Yfirgnæfandi meirihluti starfsmanna á umræddum stofnunum er mjög gott starfsfólk. Getur  ekki búið við framangreindar aðstæður, að nokkrir aðilar getir skaðað skjólstæðinga án frekara eftirlits. Þess vegna þarf að setja á stofn teymi, sem fólk gæti leitað til bæði starfsmenn og þeir sem verða fyrir ofbeldi. Það eftirlit sem hefur átt að vera viðrist ekki hafa borið nægilegan árangur. Það gefur auga leið að til þess þarf nýja hugsun og skiplagningu. Umræður milli stjórnenda/starfsmanna og þeirra sem með þessi mál myndu fara. Ekki aðeins hvað varðar faglega/siðlega meðferð heldur einnig sífelld mannúð og mildi sé ætíð jaframt allri meðferð.

Þá kom fram í gær að hópur/teymi sérfræðinga hafa lagst gegn staðsetningu Breiðuvíkurheimilisins og afstaða barnaverndar hafi ráðið endanlega. Ætla má að sérfræðinar/teymi geti haft miklu meiri áhrif á umrædd mál nú, málin komist í mannúðlegri horf en áður var. Að  yrði fastur liður í starfseminni að fyrirbyggja ofbeldi á stofnunum eftir því sem mögulegt er með beinum stuðningi  fagaðila sem ekki væru starfsmenn viðkomandi meðferðarheimila.

 

Þær kröfur hljóta að verða gerðar til núverandi ríkisstjórnar og heilbrigðisráðherra að gerðar verði úrbætur og eftirlit með umræddum stofnunum. Að ekki sé minnst á “Unga Ísland”, stefnu Samfylkingar í málum barna sem á að framfylgja í núverandi stjórnarsáttmála.

Að framansögðu ætti ekki að vera neitt til fyrirstöðu að á komandi sumarþingi verði þessi mál tekin upp og innra eftirlit komist á laggirnar sem fyrst. Nægilega mörg orð hafa fallið í umræðunni í bili og tími kominn til nýrrar hugsunar skipulagningar.

“ Geðveik frétt – og niðurstaða"?

Undarleg frétt, ekki undarleg niðurstaða héraðsdóms miðað við frásögn af atburðurinum sem átti sér stað út í bæ. Það sem vantar í þessa frétt er, hvort hjúkrunardeildarstjórinn/deildin  fékk áminningu í kjölfar dómsins vegna þess að  brottvikningin var dæmd gegn æru og persónu þolanda.Undirrituð telur óviðunandi að  greiða aðeins peninga fyrir “æru og persónu” þolanda. 

Samkvæmt fréttinni hefði verðið raunhæft að karlmaðurinn hefði vikið ekki síst þegar fram kemur , að hann hafi viljað skipta um starfsumhverfi. Virðist ekki hafa verið neinn grundvöllur fyrir viðunandi sátt á vinnustaðnum. 

"Geðveik niðurstaða"?

Fær dæmdar miskabætur vegna flutnings milli deilda á sjúkrahúsi

Æfingin skapar meistarann

Magnús Þorlákur var að vel að því kominn að verða meistarinn í samnefndum þáttum stövar2, sem hafa verið á fimmtudagskvöldum í vetur. Þessir tveir keppendur voru nokkuð jafnir að vígi og bestir af þeim sem kepptu í vetur,  að mati undirritaðrar. Magnús ef til vill aðeins heppnari þegar upp var staðið en samt - bestur.

Þættirnir hafa verið stöð2 til sóma, verið skemmtun og fróðleikur fyrir stórfjölskylduna. Til fyrirmyndar fyrir börn og unglinga sem hafa mörg hver horft á með miklun áhuga. Æfingin skapar meistara framtíðarinnar sem eru unga fólkið, gætu umræddir þættir því átt góða framtíð á stöð2. Vonandi verða þeir næsta vetur einnig. Takk fyrir.

Magnús Þorlákur varð meistarinn

Af hverju skrökvar Kolbrún Bergþórsdóttir?

Af hverju gerir Kolbrún  Bergþórsdóttir Jóni Sigurðssyni, fyrrverandi ráðherra upp ósannindi í blaðinu í dag? Segir Jón hafa sagst vera í leiðinni í mat en samkvæmt upplýsingum fréttamanns stövar2 væri hann kominn á fund, var hann ekki  samt á leiðinni í mat hefur annað komið í ljós?Fjölmiðlar/fréttamenn gera mikið af að tilkynna fyrirfram um "hitt og þetta", sem á að gerast á morgun jafnvel koma með fullyrðingu um niðurstöður af atburðum fram í tímann. Ágiskun kemur á undan veruleikanum- og sannleikanum. Veruleiki formanns Framsóknar er annar en hvað fjölmiðlar og Kolbrún Bergþórsdóttir vilja fá fram. Hvernig á formaður Framsóknar að lýsa yfir, að hann segi af sér, jafnvel þótt það sé líklegt? Yfirlýsing um afsögn getur ekki komið nema eftir fund með flokknum, opinberri yfirlýsingu eins og að sjálfsögðu gerðist..

Kolbrún virðist ekki skilja á milli hvað verður og niðurstöðu sem síðar kemur í ljós. Gat hún búist við að Jón  Sigurðsson væri svo fákunnandi stjórnmálamaður ( eða ósannindamaður), að hann lýsti yfir afsögn án fundar með sínum flokksmönnum?

Kolbrún gengur svo langt að brigsla Jóni um ósannindi og bregður  fyrir sig ritingargrein úr Biblíunni sér til stuðnings, tekur lokaorð úr ritningargrein.  Betur færi á að Kolbrún  íhugaði  ritningargreinina í heilu lagi: “Ef þér eruð stöðugir í orði mínu, eruð þér sannir lærisveinar mínir og munuð þekkja sannleikann, og sannleikurinn mun gjöra yður frjálsan” eða: "Reiði Guðs opinberast af himni yfir öllu guðleysi og rangsleitni þeirra manna, er kefja sannleikann með rangsleitni”.

Guðni formaður - Bjarni Harðar framtíðarformaður?

Já, ekki við öðru að búast en Jón segði af sér við núverandi aðstæður. Lítið lagðist fyrir góðan dreng... en hann hættir með sæmd. Gerði það sem hægt var í slæmri stöðu. Alltaf hægt að sýna gáfur eftir á en undirrituð telur ef að Halldór Ásgrímsson hefði hætt um leið og Davíð Oddson, þá hefði Jón fengið þann tíma sem hann þurfti til að ná kjöri sem þingmaður og koma á friði innan flokksins. Vegna Íraksstríðsins hefðu Davíð og Halldór átt að hætta samtímis. Ekki má seinna vera að forsætisráðherra Bretlands stígi úr stólnum ef ekki þegar of seint, ekki er líklegt að flokkur hans nái meirihluta.

Framtíð Framsóknar er mjög tvísýn svo ekki sé meira sagt. Leiðir af sjálfu sér að Guðni yrði formaður núna. Valgerður sómir sér eflaust vel sem varaformaður og ættu þau tvö að geta verið góð málamiðlun um stundar sakir. Las í Blogginu að Björn Ingi vildi Valgerði fyrir stökkpall, sem formaður síðar. Undirrituð telur Valgerði ekki svo græna að láta hafa sig að stökkpalli fyrir smástráka í flokknum.

Gaman verður að fylgjast með framaþróuninni en alla vega hefur Sif Friðleifsdóttir skársta stöðu. Ekki eru fyrirsjáanlegir kandídatar innan flokksins sem eru sterkari eins og er. Bjarni Harðarson er sá sem á framtíðina og framann fyrir sér ef honum tekst að halda vel á sínum spilum. Undirrituð vonar að svo megi verða.

Jón Sigurðsson segir af sér formennsku

Geir Haarde með tögl og haldir

Geir Haarde hefur sterka stöðu sem forsætisráðherra í væntanlegri ríkisstjórn. Góð niðurstaða að landbúnaðar -og sjávarútvegsráðuneyti er ekki hjá Samfylkingunni. Þeim ráðuneytum er betur komið hjá Sjálfstæðisflokknum. Skiptir miklu máli að það sem fyrri stjórn hefur lagt grunninn að í tveimur umræddum ráðaneytum haldist og áfram verði haldið á þeirri braut. Samfylkinginhefur þá ekki greiða leið til að nota auðlindir þjóðarinnar í landbúnaði og sjávarútvegi til þjóðnýtingarfyrirkomulags eða afsala þeim til ESB.

Þessi ríkisstjórn byggist að mati undirritaðrar á festu Sjálfstæðisflokksins til góðra og skynsamlegra verka þjóðinni til heilla.

Ef Samfylkingin axlar ekki ábyrgð og reynir undanslátt þá hefur Geir Haarde alltaf valdið til að rjúfa þing. Að framansögðu óskar undirrituð forsætisráðherra og ríkisstjórninni velfarnaðar.

Drífa: Lít á formennsku í þingflokki nánast sem ráðherrasæti

Auka innra efirlit - meðferðarheimila hér og nú!

Þessi frétt segir auglýsinguna gerða með samþykki Lalla Johns og aðstandenda hans. Mér finnst vafasamt að kæra til siðanefndar vegna þessarar auglýsingar. Sálfræðingur kom fram í sjónvarpi og sagði að verið væri að nota sér eymd og aðstæður þessa manns; að hann væri niðurlægður. Þessi maður var m.a. alinn upp að einhverju leyti á meðferðarheimilinu Breiðuvík sem frægt er orðið fyrir mannvonsku og illa meðferð á börnum og unglingum. Umræddur sálfræðingur sagði einnig að aðstæður þessa ógæfusama manns hefðu valdið því að hann varð afbrotamaður. Það sama má segja um fleiri stofnanir í þjóðfélaginu sem gáfu sig út fyrir uppeldisheimili fyrir börn og unglinga. Þegar farið er að skoða málin ofna í kjölinn kemur hið gagnstæða í ljós í umræðunni.

Hvers vegna þolum við ekki að sjá þessa auglýsingu sem er raunveruleg lýsing á einum af þessum ógæfusömu unglingum? Viljum við heldur sjá áferðarfallega auglýsingu sem á ekkert skylt við veruleikann og dregur athyglina frá þeim vanda, að afbrot eru oftar en ekki afleiðing illsku og skilningsleysi þjóðfélagsins, okkar sjálfra? Ekki mun hafa vantað faglega ráðleggingar þegar þessar stofnanir voru settar á stofn. Gegnir furðu hvað þær hafa verið illa ígrundaðar, lítið innra eftirlit þar sem mannvonskan virtist vera  í fyrirrúmi. Velferðarkerfið verður að þola þá staðreynd að mannúð og mildi hefur verið eitthvað sem var of gott handa þessum einmana og hröktu börnum.

Allir, þjóðfélagið, við verðum  að horfast í augu við framangreindar aðstæður. Ef til vill getur auglýsingin um Lalla Johns verið sá raunveruleiki sem þjóðfélagið sjálft hefur skapað, sem bitnar á okkur sjáfum t.d. með innbrotum.

Að framansögðu ætti frekar að nota umræðuna um Lalla Johns og meðferðarúrræði stofnana til að auka  mannúð og innra eftirlit hér og nú!

 

Birtingu á auglýsingum með Lalla Johns lokið

Ekkert að gefa eftir!

Hvernig dettur Huldu að skrifa svona álit. Hámarkshraði hér á landi getur ekki verið borin saman við önnur lönd. Vegakerfi ekki sambærilegt og í stórborg erlendis. Óhætt að fullyrða að lögreglan hafi bjargað lifi þessa sextán ára pilts með að svipta hann ökuleyfi; ásamt öðrum í leiðinni. Ekkert getur stöðvað hraðaakstur nema að menn séu teknir og greiði háa sekt. Að setja líf annarra í hættu að ásettu ráði er ámælisvert.

Á 171 km hraða á Miklubraut

Fyrirhugað stjórnarsamstarf skársti kostur?

Undirrituð er ekki vel að sér í refskák stjórnmálanna en eftir kosningarnar hefur umrædd refskák verið nokkuð uppi borðinu. Geir og Jón ræddu saman í bróðerni í nokkra daga ákveða síðan að slíta samstarfinu. Skynsamleg útfærsla að hálfu Geirs ef hann hefði skilað umboðinu strax hefði að líkindum verið reynt að mynda vinstri stjórn, sem að mati undirritaðrar hefði verð versti kosturinn í spilunum.

Þrátt fyrir hatursfullan áróður sérstaklega Vinstri grænna gegn Framsókn hefðu þeir slegið striki yfir það allt og viljað samstarf. Forsetinn hefði haft umboðið og ekki gott að vita hver hefði hlotið hnossið fyrst til að mynda stjórn.Að framansögðu hefur Geir Haarde styrkt stöðu sína með því að (líklega) kanna hug Samfylkingar á  bak við tjöldin meðan samræður þeirra Jóns Sigurðssonar stóðu yfir.

Ingibjörg Sólrún hefur að líkindum ekki verið hrifin af nýju módeli R-listans sáluga eftir útreiðina sem hún fékk þar og hrökklaðist úr borgarstjórnarstólnum. Undirrituð getur vel skilið hana að  því leyti. Enda hefði pólitískum ferli hennar líklega verið lokið ef hún hefði hafnað því samstarfi sem nú stendur fyrir dyrum. Vinstri stjórn hefði tæplega  náð samstöðu eða föstum tökum á stjórn landsins. Farið sömu leið og R-listinn.

Undirrituð er því nokkuð sátt við þá ríkistjórn sem nú mun líklega setjast að völdum. Vonandi kann nýja stjórnin sér hóf í aðgerðum sínum hvað varðar landbúnað og rústar ekki það fyrirkomulag sem fyrrverandi stjórn lagði. Einnig að hún kunni geti  endurbætt núverandi fiskveiðikerfi skynsamlega og noti auðlindir Íslands ekki sem skiptimynt fyrir inngöngu ESB.

Sögulegur fundur - verða lífdagar Framsóknar taldir?

Nú stendur yfir fundur þingmanna Framsóknar um hvort halda skuli áfram í núverandi stjórn. Að mati undirritaðrar snýst fundurinn jafnframt um hvort Framsókn eigi lengri lífdaga i stjórnmálum eða ekki. Landsbyggðin vill stjórnina áfram og þar er enn mesta fylgið. Flokkurinn í borgarsamfélaginu stendur veikt og hlýtur að taka til greina vilja flokksmanna úti á landi.

Ákvörðun umrædds fundar  kann því að verða söguleg þegar fram líða stundir. Gæti snúist  um hvort Framsókn lifir áfram í stjórnmálum hér á landi eða ekki. Þeir flokksmenn í borgarsamfélaginu gera sér vonandi grein fyrir stöðunni, byggja álit sitt á vilja landsbyggðarmanna flokksins sem hafa meirihluta flokksmanna eins og staðan er nú.

 

Þingflokkur Framsóknarflokks á fundi

RUV ekki hlutlaust í Kastljósi - reyndi stjórnarmyndun?

Tæplega verður sagt að hlutleysis hafi verið gætt hjá RUV  í Kastljósinu í kvöld. Tveir álitsgjafar Kolbrún Bergþórsdóttir og Ólafur T. Guðnason voru fengin til að álits hvaða ríkisstjórn þau teldu við hæfi. Að þeirra mati höfðu allir flokkar nokkuð til síns ágætis nema Framsókn, sem  ekki var til nokkurs nýt. Lagt var til stjórnarmyndun Geirs og Vinstri grænna eða Samfylkingar. Frjálslyndir ekki nefndir á nafn. Undirrituð telur að framangreindir aðilar geti haft hvaða skoðun sem er á mönnum og málefnum. Hins vegar orkar það tvímælis að Kastljós gæti ekki hlutleysis  hvað varðar álitsgjafa um stjórnarmyndun. Hvers vegna var engin álitsgjafi sem varði stjórnina eða gæti sagt eitthvað jákvætt um Framsókn og Frjálslynda?

Getur ritstjóri í Kastljósi sýnt slíka hlutdrægni óátalið eftir geðþótta sínum? Fyrst gegn Jónínu Bjartmarz, umhverfisráðheraa og fjölskyldu hennar; og nú reynt með skýrum hætti að hafa áhrif á stjórnarmyndun? Hverra hagsmuna er ritstjóri í Kastljósi að gæta?

Núverandi stjórnarsamstarf - velferð og betri hagstjórn

Markmið stjórnarandstöðunnar var að fella ríkistjórnina er ekki tókst. Stefna Samfylkingarinnar um innflutning lanbúnaðaðarafurða og inngöngu í ESB með auðlindir þjóðarinnar sem skiptimynt er ekki traustvekjandi. Rökrétt niðurstaða kosninganna varð því fylgistap Samfylkingar  þrátt fyrir að vera í  stjórnarandstöðu.

Vinstri grænir eru ekki traustvekjandi hvað varðar varnarmál, draga í efa norrænt samstarf þar að lútandi. Þeir ætla að afnema nýsett lög RUV,  hafa ekki raunhæfar tillögur um atvinnumál sem er þó undirstaða þess að velferð og velmegun geti verið raunveruleg. 

Skoðanakönnun Fréttablaðsins í dag um að þjóðin vilji Samfylkingu í stjórn með Sjálfstæðisflokknum er ekki trúverðug frekar en aðra skoðanakannanir. Þær geta ekki verðið ráðandi afl í stjórnarmyndun.  

Hvers vegna ætti núverandi stjórn ekki að halda áfram? Hún hefur skilað góðu þjóðarbúi. Er líklegust til að gera átak í velferðarmálum og betri kjör fyrir öryrkja og eldri borgara.

Leggur Framsókn árar í bát?!

Aldrei hefur þótt stórmannlegt að leggja árar í bát þótt í móti blási. Jafnvel þótt brotsjór geti átt sér stað er haldið áfram. Ef Framsókn  heldur ekki áfram í stjórn með atvinnuuppbyggingu og velferðarmál er engin framtíð eftir. Einungis stríðandi öfl innann flokksins halda áfram eins og verið hefur í óeiningu, flokknum til mikils tjóns eða  það endar pólitíska tilveru hans eftir stuttan tíma.

Kemur í ljós hvað verður en undanhald er sama og endalok. Vonandi tekst Jóni Sigurðssyni að sigla áfram þótt vindar blási í móti.

Framhald núverandi stjórnarsamstarfs feigðarflan

Ráðherrar utan þings hluta kjörtímabils.

 Ef núverandi stjórnarsamstarf heldur áfram geta ráðherrar Framsóknar allt eins verið utan þings. Gæti orðið ávinningur þegar til lengri tíma er litið. Tæplegar getur Jónína Bjartmarz þó sest í ráðherrastól vegna kæru sinnar til blaðamannfélagsin sem ekki er útkjáð. Þá hefur Sig Friðleifsdóttir verið mjög umdeild í starfi sínu sem ráðherra þótt hún hafi náð kjördæmakosningu. Gæti verið góð lausn að hún sæti utanstjórnar tímabundið. Konur verða að axla ábyrgð líka, geta ekki falið sig á bak við kynferði sitt.

Jón Kristjánsson fyrrverandi ráðherra er góður kostur í ráðherrastól sem samstaða og sátt gæti náðst um. Páll Magnússon, ritari bæjarstjóra í Kópavogi kæmi einning vel til greina.

Ekki farið að ræða verkaskiptingu í ríkisstjórn

Jón Kristjánsson aftur í ráðherrastól!

Ýmsir kostir í stjórnarmyndun eru í stöðunni. Heyrist að Framsókn ætti að verja Vinstri græna og Samfylkingu falli utan stjórnar. Ekki yrði það mjög stórt hlutverk því illa kynni þessum tveimur flokkum að ná  viðunandi stjórnartaumum. Lítilsvirðing fyrir Framsókn og yrði til aðhláturs fyrir þjóðina. Nei, þá er betri kostur núverandi stjórnarsamstarf með því skilyrði að flokkurinn marki  innanflokkstefnu sína. Tap Framsóknar í Norðausturkjördæmi er umhugsunarvert þótt uppbótarmaður hafi fengist, ágætismaður. Austurlandskjördæmi hefur lengst af verið vígi  Framsóknar, sem klippt var burt með framboðslista efstu sæta einungis að norðan.

Nú er tækifæri til að jafna leikinn með því að Jón Kristjánsson fyrrv. ráðherra setjist aftur í ráðherrastól. Hann stóð sig mjög vel enda mikill málafylgjumaður. Kemur málum sínum fram hávaðlaust, er ekki umdeildur í fjölmiðlunum,  vinsæll, vinsamlegur og  hógvær í framkomu. Alltaf tilbúinn að taka gagrýni á málefnalegan hátt.

Undirrituð leggur til að Jón Kristjánsson verði ráðherra hálft kjörtímabilið þá taki Bjarni Harðarson þingmaður við sem þá hefur fengið þjálfun sem þingmaður.

Undirrituð fær ekki séð að svona stór kjördæmi eins og nú  geti gengið upp. Þá verða flokkarnir að koma sér upp kosningareglum, sérstaklega í landfræðilega stórum kjördæmum. Framsóknarflokkurinn hefur ennþá meira fylgi úti á landi. Nauðsynlegt að dreifa þingmönnum um kjördæmin vegna mismunandi hagsmuna byggðarlaga. Félagshyggjuflokkur eins og Framsókn ætti ekki að vera í vandræðum með slík mál.

Vonandi vinnur Jónína Bjartmarz kæru sína til blaðamannafélagsins vegna árása á tengdadóttur hennar.

Það yrði aðhald fyrir fjölmiðla til að stilla reiði sinni í hóf gagnvart einstökum þingmönnum og flokkum.

Krían fyrir mynd kvenna?

Svampur þó þetta er vond athugasemd. Krían er ekki leiðindafugl og verðskuldar ekki að vera skotin. Ef þú ferð nógu oft í gönguferð til að sjá hana og hitta þá hættir hún að áreita þig. "Gargið" hennar hljómar sem fegursti söngur í mínum eyrum. Þessi mesti fluggarpur heims á skilið virðingu fyrir afburða hæfileika sína. Engin flugvél eða flugmaður stenst samanburð við hana í flugtækni.  Annars lætur krían  sér á sama standa um okkar álit. Hún ver sitt svæði og í æðarvarpi gefur hún aðvörun þegar rebbi er á ferðinni.

Gæti annars verið ágæt fyrirmynd fyrir okkur konur í lífinu þó ekki væri nema til að vara sig á "rebba."

Krían komin á Nesið

Lögreglan í góðum málum

Lögreglan hefur markvisst tekið  menn ölvaða undir stýri undanfarið. Fáir dagar síðan hún tók fjögur hundruð manns á Hringbrautinni. Góðra gjalda vert að fá tvíakgreina /fjölakgreina vegi. Eitt sér dugir það ekki ef ekið er á ofsahraða, sem er hættulegt bæði öðrum og þeim sem aka. Að valda öðrum slysum og örkuml vegna hraðaaksturs; er nær því að geta verið valdur/völd að slysi af ásetningi. Það er vel að löggjafinn hefur nú hert viðurlög við hraðaakstri sem lögreglan  fylgir fast eftir með markvissum aðgerðum og á hún þakkir skyldar fyrir vel unnin störf. 

Fjórtán ökumenn teknir fyrir ölvunarakstur

Ekki önnur staða - en frekara stjórnarsamstarf.

Nú eftir kosningarnar er tæplega önnur staða í spilunum fyrir Framsókn en  núverandi stjórnarsamstarf.

Kosningarnar snerust um að koma stjórninni frá sem var aðal kosningamál stjórnarandstöðunnar. Má segja að fjölmiðlar hafi lagt þeim lið ljóst og leynt. Heiftarleg árás á Jónínu Bjartmarz og frekar neikvæðari skoðanakannanir voru áberandi  á Stöd2 stjórnarandstöðunnar í hag. Þá voru skrif Fréttablaðs og blaðsins frekar á bandi  stjórnarandstöðu.

Engu að síður þarf Framsókn að taka til í eigin ranni í stefnu sinni. Einhliða stefna í Evrópumálum um inngöngu Íslands er óviðunandi. Þótt Jón Sigurðsson hafi lýst yfir að ekki yrðu neinar breytingar  í átti til inngöngu aðeins nú fyrir kosningar er það ekki trúverðugt þegar litið er til baka í stefnu flokksins. Ráðandi öfl í flokknum hafa þar tögl og haldir nú sem fyrr.

Þessi staða hefur hefur óefað fært Vinstri grænum mikið fylgi í kosningunum. Sjálfstæðisflokkurinn hefur náð góðri málamiðlum milli flokksmann sinna í ESB-málum meðan Framsókn hefur beinlínis flæmt þá sem ekki eru Evrópusinnar úr flokknum. Undarleg framkoma í ljósi þess að Framsókn vill telja sig þjóðlegan félagshyggjuflokk. Samt virðist  engin málamiðlun ríkja  eða sátt innan flokksins í þeim málum. 

Hvort sem Framsókn verður í áframhaldandi stjórnarsamstarfi eða ekki þá mun hann eiga framtíð sína undir því að mismunandi skoðanir fái að njóta sín innan flokksins.Flokkurinn hefur reynt að staðsetja sig í borgarsamfélaginu en mistekist. Vinstri grænum hefur tekist það betur á kostnað Framsóknar vegna einstrengslegra framkvæmdar í stefnu Framsóknar.

Hvort sem Framsóknarflokkurinn verður áfram í stjórn eða ekki stendur hann á þeim tímamótum hvort hann lifir áfram í stjórnmálum. Verði umbótasinnaður þjóðlegur félagshyggjuflokkur?  Framsóknarflokkurinn er betur settur í núverandi í stjórnarsamstarfi ef hann hyggur á   áframhaldandi  lífdaga. Samstarf í vinstri stjórn  mun endanlega flýta fyrir endalokum flokksins í stjórnmálum og yrði það sorgleg niðurstaða

 

 

 

 

Líklegast að stjórnin sitji áfram